طارق واسراء راحوا البيت
اسراء طلعت جرت على السلم وكان معاها مفتاح فتحت ودخلت وكانت رضوى قاعده على الكنبه في الصاله
رضوى لما شافت اسراء وقفت واسراء جريت عليها
رضوى حضنتها
رضوى:وحشتينى اوى
اسراء:انتى اكتر انتى عامله ايه وكويسه وصحتك انتى والبيبي حلوه وبتهتمى بنفسك ولا لاء وابيه فين وعامل ايه
رضوى:اهدى اهدى عشان اجاوب على الاسئله دى كلها
اسراء:طب اقعدى
طارق كان واقف على الباب وساند راسه عليه وبيبص لإسراء وبيبتسم
هى شافته
اسراء:ادخل يا طارق
طارق دخل
رضوى:اهلا ازيك يا طارق ومدت ايديها
طارق:الحمد لله بخير ومد ايده سلم عليها
طارق قعد جمب اسراء
طارق:ضحكتك نورت اهى ياريتك جيتى من زمان يا رضوى اخير لقتها بتضحك من قلبها وسعيده اوى كده
رضوى:هى حببتى ووحشتنى اوى اوى اوووووى
اسراء: والله وانتى كمان جاوبي يلا
رضوى:هههههه حاضر اولا انا كويسه جدا انا والبيبي واحمد ورحلتنا كانت جميله جدا وكنا مبسوطين ومش ناقصنا غيركم واحمد والله هو اللى كان بيشتغل شغل البيت كله كنت بقف جمبه بس اشوفه بيعمل ايه عشان ميعكش
اسراء:طب الحمد لله انكو بخير
طارق:سمعتيها قالت مبسوطين م ايه مبسوطين علشان اتجوزوا يلا بقا احنا كمان نتجوز يا روحى والنبي
رضوى:ضحكت وقالت ده احمد طلع عينه معايا والله يشتغل ويجى يعمل شغل البيت انت هتتعب كده ده كل شويه يقولى انا تعبت تعبتينى مش عارفه ايه اقوله ارتاح يقولى تمام ابقي اشتغلى انتى اصحى يا عينى القيه مجهز الفطار وعامل كل حاجه ويروح الشغل يجى برده يعمل الاكل
طارق:انا موافق اعمل كل حاجه والله واتمرمط كمان بس نتجوز
اسراء:اهدا كده يا طارق هو ابيه فين
رضوى:هو راح يودى هدومنا في بيتنا
اسراء:اها تمام
وقامت
طارق:رايحه فين
اسراء: هعمل عصير
طارق:طب هساعدك استنى
اسراء:لاء خليك
ودخلت المطبخ
رضوى:طارق اقعد عايزه اتكلم معاك
طارق:اتفضلى
رضوى:هو ايه حصل معاكوا الفتره دى كلها خلى اسراء تعيط وتقولى تعالى
طارق:ده حصل حاجات كتييير اوى اوى
رضوى :احكى اسراء طلعت تصلى وتغير وتنزل تعمل عصير
طارق:حكلها كل حاجه
رضوى:ياعينى عليكى يا اسراء والله دى لو جبل كان زمانه اتهد ووقع من المشاكل والجرح اللى فيها هى هتلحقها من مين ولا مين انت ولا بابا ولا محمود ولا خالد
طارق:لاء ثانيه كده هو باباكى ماله هو بيعاملها وحش
رضوى:جدا
طارق:وليه يعنى كده
رضوى:مش هقدر احكيلك هى لما تبقي عايزه تحكيلك هتحكى
طارق:تمام بس والله انا بحبها ووعدت نفسي مش هجرحها تانى ابدا لو هموت انا دمعتها بتهدنى وزعلها بحس انى روحى بتطلع لما بتزعل انا ضحكتها عندى بالدنيا كلها هى اغلى حاجه في حياتى انا بعشقها يا رضوى انتى فاهمانى
رضوى:فهمتك يا طارق بس بلاش تزعلها تانى
طارق:والله مش هزعلها تانى ابدا
اسراء طلعت بالعصير
يلا اتفضلوا
وادت لرضوى الاول
اسراء:اتفضلى يا رضوى
رضوى:شكرا يا قلبى
طارق:باس باس هى قلبى انا بس خليكى لابنك وجوزك ياختى
رضوى:هى اختى قبل ما تعرف اشكالك وتتخطبلها
طارق:بس يا به هى اصلا حببتى من واحنا صغيرين وانا صغير ياختى كنت بحبها وحبي كبر ليها مع الزمن
رضوى:ياعينى يا عينى على الحب
اسراء كان وشها احمر خالص
طارق:هههههههه وشك احمررررررر اوى مش قادر وشكلك يهبل يخلينى اخدك دلوقتى ونروح على المأزون يلا نروح
رضوى:اقعد يلا هنا
طارق:مش قادر
رضوى حدفت في وشه المخده اللى على الكنبه
طارق:ااااااه هو استعبط عشان اسراء تروحله
اسراء:مالك وراحتله
طارق:عينى عينى مش قادر
اسراء عينها دمعت
اسراء:ط طب معلش ق قوم اغسل وشك تعالى ليه يا رضوى كده بالراحه
رضوى:يعنى انا ضربته بالنار ده بيستعبط والله
طارق:حرام عليكى حرام ااااه
اسراء:طب اعمل ايه دلوقتى يعنى
طارق:انفخى فيها
اسراء:طب شيل ايدك من عليها كده
طارق شالها
اسراء بدأت تنفخ بالراحه فى عينه
اسراء:بقت كويسه
طارق:اكيد يا عمرى
رضوى:طب والله كان بيستعبط عشان تروحيله
طارق:حرام عليكى يا كافره ده انتى هتنامى في حضن ابو لهب في النار
رضوى:انت يلا والله لو متكتمتش دلوقتى دلوقتى لكون مودياك القبر بايدى
اسراء:اسكتو بقا انتو الاتنين وانت يا طارق اتفضل العصير اهو
طارق:شكرا يا قلبى
رضوى:جاك وجع في قلبك
طارق:سمعتى انا ساكت عشانك اهو لكن هى بتقل ادبها من وهى صغيره وهى تنحه كده كانت اكبر مننا بسنه وتخوف الشارع كله واخدك ونلعب تيجى تاخدك منى واحنا بنلعب خلاويص استخبى معاكى تيجى معانا يأما تاخدك معاها نلعب اكون انا وانتى عايزين نكون في فريق تاخدك هى دى بت رخمه وربنا
رضوى:اختى يا زفت انت
الجرس رن
اسراء قامت عشان تفتح
طارق:لاء خليكى يا روحى هفتح انا وقام فتح وكان احمد
طارق:اهلا ابو حميد
احمد:ازيك يا طارق وحضنه
طارق:الحمد لله
احمد:وحشتنى والله
طارق:وانت اكتر ادخل خود مراتك دى بدل ما اموتهالك
احمد:اولا بعد الشر عليها يلا انت ثانيه اكيد انت اللى مضايقها ثالثا هى عملتك ايه بقا
طارق:ادخل الاول ياخويا جتك القرف انت ومراتك
احمد ضحك ودخل
احمد:يا اهلا يا اهلا ازيك يا سوسو
اسراء:الحمد لله نورتوا مصر والله
احمد:ده بنورك انتى وحشتينا اوى والله ورضوى قرفتنى يلا عشان اسراء يلا وانا والله صفيت شغلى وجيت هنا عشانك وعشان رضوى كانت هتموتنى هناك
اسراء: شكرا يا ابيه ربنا يخليك ويخليكوا لبعض وكمان انتو وحشتونى اوى
طارق:وبعدين بقا في السنه السوده دى اجبلكم لمون
احمد:اكتم يلا اسراء دى اختى انا معنديش اخوات دخلت العيله دى خدت واحده مراتى وحببتى والتانيه اختى مش هلاقى احسن من كده ٤ سنين معاهم والله مشوفتش منهم حاجه وحشه ابدا
اسراء:ايوه ابيه اخويا الكبير وبحبه زى رضوى بالظبط وهو عارف
رضوى:ربنا يخليكى يا قمر ويخلينا لبعض وياخد طارق
اسراء:بعد الشر يا رضوى متقوليش كده
طارق:حبيبتى ربنا يخليكى ليا يا قلبى انا مش هرد على البت دى عشانك ومش هقول ياخدها هى ولا هقول انها كلحه ووسخه وحقوده وغلاويه لاء مش هقول
احمد:حدفه بالمخده
طارق:هو انت ومراتك ده انتو رخمين اوى جتكم نيله
الكل ضحك
وقعدوا واتغدوا وطارق روح
رضوى:اسراء انتوا هتتجوزوا امتى
اسراء:رضوى انا قولتله هو مش فاهم والله احنا اتقبلنا في سنه تالته التيرم التانى وخلصناه واحنا دلوقتى في سنه رابعه اهو والسنه الدراسيه قربت تخلص وهنتخرج اهو وبعديها هشتغل سنه ونتجوز
رضوى:ليه يا روحى الشغل اتبقي ٣ شهور وتمتحنى وخلاص بقا اتجوزوا بعدها هتكونى خلصتى دراسه واتجوزوا بقا يا روحى
اسراء:ربنا يقدم اللى فيه الخير
رضوى:طب يلا اطلعى نامى انا سبت لينا هدوم هنا نقعد معاكى على ما بابا وماما يجوا الاسبوع الجاى
اسراء:هما جايين الاسبوع الجاى بجد
رضوى:ايوه انا كلمتهم عشان اقولهم انى رجعت وقالولى
اسراء:طب الحمد لله تصبحى على خير
رضوى :وانتى من اهله
وطلعوا
اسراء كانت هتنام طارق رن عليها هى فتحت
طارق:وحشتينى ♥️💖💓
اسراء:عايز ايه يا طارق كنت معاك من ٣ساعات
طارق:انتى بتوحشينى وانتى معايا صورتك في قلبى وعقلى مش بتفارقتى خالص
اسراء:ابتسمت
طارق:بحبك
اسراء: مجنون
طارق:بيكى والله من لما شوفتك وبقيت مجنون انا فرحان لانك مبسوطه
اسراء:ربنا يخليك
طارق:قولى ليا عشان انا عايز اكون عايش ليكى وبس
اسراء:نام بقا
طارق:طب قولى ربنا يخليك ليا والنبي
اسراء:لاء
طارق:والنبي اموت واسمعها
اسراء:بعد الشر عليك هقولها اهو
طارق:يلا
اسراء: ربنا يخليك ليا
طارق:فرح اوى وضحك وقال ويخليكى ليا يا احلى حاجه حصلتلى في حياتى
اسراء:يلا نام وكانت فرحانه
طارق:بحباااااااااااااااااك💓💖♥️🥰
اسراء:ت تصبح على خير
طارق:مش هتقولى وانا كمان
اسراء:ابدا نام
طارق:هههههه وانتى من اهله اشوفك بكرا
اسراء:ان شاء الله سلام
طارق:سلام وباس التليفون ونام وكان مبسوط اوى وبيضحك وهى كمان نامت وكانت مبسوطه
عند رضوى واحمد
رضوى:شوف مع ان بتخانق مع طارق بس بيحب اسراء اوى
احمد:ايوه بيحبها اوى ربنا يتمملهم على خير يارب
رضوى:يا رب
احمد:فكرى فيهم وانسينى خالص كده
رضوى:احمد اتخمد انا حامل
احمد:والله البيبي ده مفرق بينا
رضوى:ههههههه معلش
احمد:بحبك
رضوى:وانا كمان يا حبيبي
احمد حضنها ونام
وهى كمان
وبس كده♥️💖💓
