تانى يوم اسراء صحت ولبست ونزلت عشان تروح الجامعه لقت طارق تحت بالعربيه
طارق ضحكلها
هى ابتسمتله وراحتله
اسراء: صباح الخير
طارق:صباح النور والعسل والفل والقمر
اسراء:انا ماشيه
طارق:استنى استنى ووقف قدامها
اسراء:اوعى
طارق:خلاص خلاص انا اول مره اشوف واحده مش عايزه حبيبها يدلعها يا روحى اى بنت نفسها حبيبها يدلعها
اسراء:طارق انا اكيد يعنى مش بزعل بس بتحرج جامد وكمان احنا لسه مخطوبين
طارق:والنبي عايزين نتجوز نفسي يعدى علينا كل مناسبه واحنا مع بعض انا قبلتك شهر ٨ في السنه اللى فاتت فضلنا مع بعض ٤ شهور وفي شهر واحد اول السنه الجديده لينا مع بعض كنا متخانقين ومحضرتش معاكى لا راس السنه ولا الڤلانتاين واحنا دلوقتى في شهر ١١ من السنه دى نفسي نحضر مع بعض راس السنه دايما والڤلانتين وكله والنبي يعنى اول راس سنه هيعدى علينا واحنا مع بعض ومش متخانقين بعد شهرين اهو عدى علينا واحنا مخطوبين نفسي اللى بعديه نكون متجوزين وكمان امتحانتنا بتاعه اخر السنه الشهر الجاى يعنى وكده نتخرج عايزين نتجوز بقا
اسراء:ربنا يسهل
طارق:طب يلا تعالى معايا ومفيش اعتراض
وراح فتحلها العربيه
اسراء ضحكت على ثقته
اسراء:انت واثق اوى
طارق:اوى اوى كمان اتفضلى يا روحى
اسراء قعدت ورا
هو ركب
طارق:مفيش فايده ابدا
اسراء:ركز في السواقه
طارق:هههه اوامرك يا قمر
وساق ووصلوا الجامعه
وحضروا المحاضره ومشيوا
اسراء: معلش يا طارق نزلنى عند السوبر ماركت
طارق:من عنيا يا روحى بس ليه
اسراء:عايزه اجيب كاكولا
طارق:طب ما انتوا عندكوا بيبسي دايما كنز بيبسي وكتيير ما شاء الله
اسراء:اه ما احنا عندنا بيبسي بس عمار بيحب مريندا برتقان
طارق بغيظ وغيره :ااه عمار طب يا روحى
وراحوا سوبر ماركت وكانت هتنزل
طارق:رايحه فين
اسراء:هنزل اجيب
طارق:وانتى معاكى سوسن يعنى ما انا معاكى وانتى متنزليش ابدا انا معاكى يا حببتى يعنى اللى اعملك كل حاجه انتى تقعدى برنسيسه
اسراء:يا طارق خليك مش هتأخر
طارق:لاء انا نازل انا خليكى ونزل
اسراء:استنى الفلوس وبتديله
طارق:اسراء عيب كده والله خدى فلوسك انا هاخد منك برضوا عيب كده وكمان انا وانتى واحد وابتسملها ومشي
هى حطت الفلوس مكان ما هو بيقعد
هو جه وكان جايبلها حاجات كتيير شوكلاتات كتيير وانواع كتيير وشيبسي كتير وعصاير وايس كريم كتيير والكاكولا
وراحلها اتفضلى وحط الاكياس ورا
اسراء:ايه ده كلو
طارق: انا جبتله المريندا برتقان والباقى ليك يا قمر انت
اسراء:لاء ايه ده كلو انا مش هاخدهم رجعهم يأما تاخدهم
طارق: اسراء انتى هتاخديهم وبعدين انتى خطيبتى يعنى المفروض مصروفك تاخديه منى اجبلك الاكل كل يوم وانا اجيبلك اللبس وكل حاجه انتى بقيتى مسؤله منى دلوقتى بس انتى اللى مش بتوافقى وكمان مش راديه تاخديهم لاء كده ازعل
اسراء:اصل ده كتيير اوى
طارق:اولا مش كتيير وبعدين مفيش حاجه تغلى وتكتر عليكى
اسراء ابتسمتله
هو جه يقعد لقى فلوس
طارق:اسراء خدى الفلوس ومسك الفلوس وادهالها
اسراء:طب الكاكولا بس
طارق:ولا كاكولا ولا حاجه يلا
اسراء:مش عارفه اقولك ايه والله
طارق:متقوليش حاجه بس ممكن اطلب منك طلب
اسراء:اتفضل
طارق:تقعدى قدام معايا
هى بصت للكرسي شويه وقامت قعدت قدام
هو كان فرحان ركب بسرعه ومشي
هى فتحت كيس شيبسى ليه
اسراء:اتفضل
طارق:مش هعرف انا بسوق بس ممكن تأكلينى انتى
اسراء:ت تمام
اسراء كانت بتأكله وهو كان فرحان اوى وبيبصلها بحب وكان بيلف كتيير عشان ميروحش وهى تاكل وتأكله وهى نست وغابت لحد الساعه ٣
اسراء:طارق احنا غبنا اوى كنت المفروض ارجع ١٢ اتأخرنا عمالين بنلف بالعربيه
طارق:تمام
وروحوا
ابوها فتح ولقى طارق معاها
كامل:اتأخرتى ليه اختك وجوزها هنا من بدرى
اسراء:اسفه يا بابا
هو بص في ايديها لقا حاجات كتيير وبص لطارق كان بيبص لاسراء ويضحك
كامل:اطلعى غيري زمانهم جايين
اسراء:تمام تعالى يا طارق
طارق:حاضر يا روحى ودخل
سلم على رضوى واحمد ونجلاء وقعدوا
اسراء طلعت ولبست ونزلت
طارق لما شافها ابتسم ووقف
احمد:طارق
طارق مردش كان سرحان في اسراء
احمد:طارق
طارق مردش
احمد ضربه طارق فاق بس مردش عليه فضل باصص لاسراء احمد قاله
احمد: خف يا روميوا
طارق:بس يالا
احمد:طب بص قدامك
طارق:خليك في حالك يلا
كامل:في حاجه يا طارق
طارق مردش
كامل:طارق بصوت عالى
طارق:ا ايه يا عمو
كامل:ركز معايا
طارق:ت تمام
وقعد وكان باصص لاسراء هى دخلت والباب خبط نجلاء فتحت وكان عمار ومراته وابنه وعمتها وعيال عمتها وعيالهم كلهم والكل بيحب اسراء معادا مرات عمار
عمار اول ما دخل بص يدور على اسراء
نجلاء:يابنى سلم عليا انت وحشتنى
عمار:اه صح ازيك يا نوجه
نجلاء:الحمدلله وحشنى والله
عمار:انتى اكتر
ودخل ونجلاء سلمت على الكل ودخلتهم
عمار اول ما بص بص على اسراء وراحلها
عمار:اسراء
اسراء:ازيك يا عمار
عمار:بخير اول ما شوفتك
اسراء ابتسمت بتوتر
عمار:وحشتينى اوى
طارق :متعرفتش بالامور (هو عرف انه عمار لما اسراء قالتله عمار بس هو كان عايز يقوله انه خطيبها )
عمار:معلش بس هو انت مين الاول
طارق مسك ايد اسراء ووراله الخاتم
طارق:اعرفك انا طارق الاسيوطى خطيب اسراء
عمار اتصدم
عمار:خ خطيبها ازاى انت مجنون
طارق:والله تسألها
عمار:انتى اتخطبتى
اسراء:ايوه
عمار بص لكامل كامل اتحرج
كامل:انت وحشتنى تعالى وحضنه وسلم على الكل وكان زهقان وعينه مدمعه والكل سلم عليهم وكده وقعدوا
كان في ولد اسمه عبدالله ده ابن عمر ابن عمتها هو بيعشق اسراء عنده ٨ سنين
راحلها
عبدالله:وحشتينى يا ايسو
اسراء:وانت كمان يا حبيبي وحضنته
طارق:مين الشخص ده
اسراء:ده بودى ابن عمار ابن عمتى
عبدالله:وهبقي جوزها
طارق:جوز مين يلا
عبدالله:جوز ايسو انا هتجوزها عندك مانع
طارق:ولا انا ميدخلش عليا جو الطفل والكيوت وكده لاء ده انا ادفنك حى ولا ايسوا دى بتاعتى وبعدين انت تقولها اسراء
عبدالله:وانت مالك يا كالح انت
طارق:انا خطيبها يعنى هتجوزها وضربه على افاه
عبدالله ضرب طارق في رجله
طارق:اااه يا ابن ال وبص لقى عمار قاعد فسكت
عبدالله:انتى هتتجوزيه ازاى مش انا حبيبك
اسراء:ايوه انت حبيبي والله
عبدالله:اومال هتتجوزيه ليه
طارق:عشان انا بحبها وهى بتحبنى انت ايه عيل روح يلا خد الرضعه
عبدالله:والله مش رادى ازعلك عشان ايسو
طارق:بس يلا
اسراء:بااس اسكتوا وقامت جابت لهم حاجات بقا وفاكهه والكاكولا
وطلعت وطلعت فوق وهدت عبدالله معاها طارق راح وراهم
اسراء: اتفضل وكانت بتديله شوكلاته وشيبسى وكده من اللى طارق جابهولها
طارق:لاء ده ميستاهلش انا جايبه ليكى
عبدالله:هو منك مش عايزه اصلا جتك القرف
طارق:ولا انت جايب الكلام ده منين ده انت عندك ٨ سنين
عبدالله:من عند نفس المكان اللى انت متهبب منه
طارق مسكه من لياقه تيشرته ووطى عليه
طارق:ولا انت تحترمنى ده انا قتال قتله
عبدالله مسكه نفس الماسكه
عبدالله:وانا مبخفش يلا وضربه على خده بالراحه
طارق:ولا ده انت ليلتك سوده النهارده
اسراء:خلاص خلاص عيب يا عبدالله وسلكت ما بينهم
وبعدين نزلوا
احمد ورضوى روحوا ونجلاء وكامل راحوا عند اخته البيت يعنى هيقعدوا هناك فتره راحوا معاها
واتبقي اسراء وطارق
كانت اسراء قاعده على رخامه المطبخ وطارق بيعمل عشاء عشان هما متعشوش واسراء مش بتعرف تطبخ
طارق:سو هو عمار بيحبك من زمان
اسراء:اه اتقدملى لما دخلت الجامعه على طول
طارق:ااه رضوى قالتلى انتى اتقدملك ياما اوى
اسراء:ايوه
طارق:طب ما تحكيلى
اسراء:بص عمار جالى وخالد ومحمود انت عارفهم
طارق:ايوه غيره
اسراء:كان في واحد جارنا اسمه كريم اول ما جينا هنا واحنا صغيرين انا كنت اتعودت عليكم وكنت زهقانه ومش بنزل وكانت رضوى اللى بتنزل وانا في مره نزلت معاها اقعد عشان رجليها كانت وجعاها فكنت بسندها وكنا صغيرين بقا هو شافنى وحبنى واحنا صغيرين وقالى وبدأت اكبر ودخلت اعدادى وثانوى وكان برده لسه بيحبنى ودخلت الكليه وجالى بقا وانا رفضت وكده هو اضايق وكان بيجيلى دايما وانا مكنتش بوافق بدأ يشرب بقا وتعب وكان بيجى سكران ويفضل يتكلم تحت بالكونتى وينده عليا وانا كنت بشوفه بعيط وكنت هوافق لانه تعب جامد بس ده شرب كتيير اوى وبقا مدمن وراح مستشفى الادمان بيتعالج روحت زورته مره وبعدين مامته قالتلى متجيش وزعقتلى وهو كان تعبان ومكنش رادى يسبنى وكده وكنت مستعده والله اتجوزه بعد ما يتعالج لانه تعب اه بحبه زى اخويا لكن مش جواز يعنى بس مامته سافرته برا وهو طبعا تعبان وميعرفش مش فايق وقالتله انى موت بس هو مصدقش وكده يعنى وتعب تانى واتعالج وكده واتجوز واحده من برا مش بيحبها ودايما بيضربها وكده ومخلفش منها ومقضى حياته مع البنات
طارق:ياااه للدرجه دى
اسراء:ايوه بس انا عمرى ما عشمته ولا حتى بينت انى بحبه لانى فعلا انا محبتهوش خالص بس لما تعب كنت موافقه اتجوزه بس مامته موافقتش بقا وسافرته
طارق:الحمد لله انها موافقتش انا الحمد لله القمر راضى عنى ووافق انا كنت هبقي زيه لو رفضتينى بس انا كنت خطفتك غصب عن عين اى حد
اسراء:اسكت
طارق:اصل شوفى يعنى ضاع عشانك وانتى تستاهلى اكتر من كده ادبك وجمالك كل تفصيله فيكى واخلاقك وعينك دى بتجنن انتى كلك على بعضك قمر انتى ملكه كده حقيقي تبارك الله احسن الخالقين
اسراء:شكرا
طارق:انا بقول الحقيقه كملى
اسراء:وواحد ابن صاحب بابا جالى وموافقتش وظباط ودكاتره ومهندسين وغيره بس انا قلبى كان مقفول
طارق:كان ! يعنى اتفتح ليا
اسراء:ل لاء انا مقولتش كده
طارق عشان ميكسفهاش سكت بس فرح اوى
طارق:ورضوي واحمد عرفوا بعض ازايورضوي كمان محصلهاش شبهك يعني مفيش حد اتقدملها ابدا غيره
اسراء: احمد جه لرضوي وكان طيب ومحترم وكده ومعاملته حلوه معاها وكده كلمها وهى كمان اعجبت بيه وقالتلى بس طبعا مقالتلهوش ولا قالت لحد غيرى ولما كلمها قالتله انا مليش رأى غير لما تتكلم مع بابا جاب اهله وجم واتقدملها وهى عملت نفسها تقيله كده بس وافقت فكانت مخطوبه من اول الجامعه اكيد محدش هيطلب ايديها قبل ما تدخل جامعه يعنى فهو بقا لحقها بسرعه
طارق:اها ربنا يخليهم لبعض يعنى انتى النجمه العاليه اللى فوق اللى الكل حاول ياخدها ومعرفش وانا اللى عرفت اوعدك هحافظ عليكى وهخليكى دايما منوره ومبسوطه
اسراء ابتسمتله
طارق:طب وخناقتهم بقا بتعملى ايه
اسراء:خناقات بابا وماما بقف مع ماما في الخناقه وكده ورضوى مع بابا انا مبغلطش ماما قدامهم بس بعدين باخدها وبدخل القوضه وافهمها بالراحه وكده اما رضوى واحمد في الخطوبه كانت خناقات طبعا كتيير في الاول لاختلاف وجهات نظرهم عادى دايما كدا بس متبقاش كبيره يوم يومين وبيتصالحوا فكنت اقول لرضوى انتى الغلطانه بينى وبينها ولما ابيه يشتكيلى اقوله انه غلطان بحيث انهم يتأسفوا لبعض اصل طلاما في خناقه يبقوا الاتنين غلطانين اما في مره بقا ابيه اتخانق معاها وكان معاه واحده في الشغل لفت عليه وبدأ يهمل رضوى ويخرج معاها وكده وواحده صحبت رضوى قالتلها شوفتهم مع بعض وهى راحت وشافتهم وسابته بقا هو فهم غلطته وجالها بس موافقتش تعب بقا ومكنش بياكل وكده انا طبعا كنت معاها هى عشان مبحبش كده بس لما تعب هى زعلت وكانت حزينه قولتلها روحى الانسان بيغلط وكده وهى راحت واكلته واتصالحوا والبنت التانيه اتجوزت وسافرت وبس
طارق:الانسان بيغلط اهو
اسراء:بس بيتعلم من غلطه
طارق:انا عمرى ما هغلط تانى انا جربت مرتين وكنت بموت بس صدقينى المره التانيه مش بمزاجى ومعملتش حاجه
اسراء:خلاص خلاص
طارق:ربنا يخليكى ليا يا اغلى حاجه في حياتى
اسراء:ويخليك
ونزلت من على السفره وحطوا الاكل وكلوا وقعدوا شويه وبعدين طارق روح ورن عليها
اسراء:الو
طارق: اسراء اسراء
اسراء:في ايه بتقولها بقلق
طارق:وحشتيينى وبحبك اوى
اسراء:انا اتخضيت
طارق:بعد الشر عنك من الخضه
اسراء:طب سلام
طارق:استنى نتكلم
اسراء:كنا مع بعض من شويه
طارق:عشان خاطرى
اسراء:تمام واتكلموا وناموا وكانوا فرحانين
وبس كده💓
