طارق:انا عايزكم تساعدوني ياجماعه عشان اقدر ارجعها تاني
كامل:وتخنها تاني
اياد:لو خانها تاني انا اللي هطلقها منه ومش هيشوف وشها ابدا بس اديله فرصه دلوقتي
طارق:ياعمي والله انا بحبها انا لو مبحبهاش ليه افضل وراها ليه لما اتخطفت روحتلها وانقذتها ماكنت خدت الولاد وهربت بيهم والله انا بحبها دي روحي ودمي وكل حاجه انا اتعميت ومشوفتش واحده غيرها ابدا ولا هشوف
كامل:لاء انت شوفت بنت خالتك دي اللي كانت هتموتها وهتموت عيالك ولا نسيت وكمان شوفت شهد دي
طارق:انا انسان وبغلط بس صدقني المره دي اتعلمت من غلطي وكمان خلاص اهه كبرت وبقيت اب ل٣ اولاد يعني هستحي على دمى شويه ومش هعمل الحاجات دي تاني
كامل:معرفشي هي قدامك اهه شوف هتقنعها ازاي
طارق:هعرف هعرف انتوا بس بكرا مش عايزكوا تبقوا في البيت خلوها هي وبس والولاد مثلا يااياد خودهم وديهم في اي حته
اياد:تمام
تاني يوم
اسراء صحت ونزلت ملقتشي حد
اسراء:هما راحوا فين دول راحت المطبخ لاقيت طارق في المطبخ ولابس مريله المطبخ
اسراء اتخضت
اسراء:ا انت بتعمل ايه هنا
طارق:بعمل مكرونه بالبشاميل عاوزه
اسراء:جاي هنا ليه انطق
طارق:انا مستحيل اسيب حبيبتي وابني لوحدهم اخاف عليهم
اسراء:متخافش وكمان فين الولاد
طارق:في مشوار مع العيله انتي نمتي كتير اووي وكنت متابعك وانتي نايمه ومردتشي اصحيكي اصلك كنت نايمه بطريقه حلوه اووي كان شكلك كيوت وزي الملاك
اسراء:انت ازاي تدخل القوضه عليا
طارق:انتي مراتي ياروحي ولا نسيتي
اسراء:مش مراتك هطلق منك
طارق قرب منها وحط ايديه الاتنين علي الرخامه اللي وراها وزنقها في النص وقال:مش هسمح ابدا انتي مراتي وروحي وحبيبتي وأم ولادي وحامله ابني التاني في بطنك وحط ايده على بطنها
اسراء اتوترت وبعدته:لو قربت تاني بالسكينه دي وهغزها فيك
طارق:ههه بس انا بحب كدا انا دايما بحب المخاطره وبذات لما يبقى الموضوع يخصك ياروحي وباس خدها
اسراء:اوووف وكانت هتمشي طارق شدها ليه
اسراء:براحه ياغبي
طارق:معلش بس انا مش عاوزك تبعدي عني
اسراء:سيبني
طارق:مقدرشي
اسراء:يووه ياطارق سيبني بقى
طارق:حاضر بس بشرط
اسراء:قول
طارق:تعمليلي عصير فاروله
اسراء:ح حاضر
اسراء عملت العصير وطلعتهوله
اسراء:اتفضل
طارق:ياسلاااام مشربتهوش من زمااااان اووي
اسراء:طب خود
طارق:وانتي خدي كلي دا عايزه يخلص
اسراء:لا مش عايزه
طارق:دي المكرونه اللي بتحبيها ازاي مش عايزه
اسراء:مش عايزه وخلاص اووف وطلعت
طارق شرب العصير وقعد في الصاله
اسراء كانت قاعده في القوضه بس كانت عايزه تاكل مكرونه ومش عارفه تعمل ايه فنزلت تحت واتسحبت عشان طارق ميشوفهاش ولا يسمع صوتها وراحت علي الصنيه وخادت خرطه وكانت بتاكل في المطبخ
اسراء:اللله طعمها حلو اووي
طارق:بالهنا والشفا
هي اتصدمت وسابت المعلقه بسرعه وبصتله
اسراء:ا انت بتعمل هنا ايه
طارق:كنت جاي اشوف الفار اللي هنا أصله شقى اووي وبياخد اكله من غير ماحد يحس بيه
اسراء:دور عليه بقى وكانت هتمشي طارق مسك ايديها
طارق:مش هتاخدي الطبق معاكي
اسراء:لاء وسيب ايدي
طارق:انتي كنتي بتاكلي من شويه كملي الطبق
اسراء:بص على فكره مش انا اللي كنت باكل ابنك هو اللي بياكل وهو عاوز مكرونه اعمله ايه يعني
طارق:طالع شقى شبه ابوه بقى وحط ايده على بطنها
اسراء:شيل ايدك عشان كدا بيتحرك وبيرفصني
طارق:ههه ماشي وشال ايديه مش هتكملي اكل
اسراء:شبعت
طارق:حبيبتي بلاش تعملي فينا كدا انا وانتي واولادنا انا دمرتكم قبل كدا بلاش تكملي علينا انتي خلينا متحدين مع بعض ونربى ولادنا مع بعض انا والله بحبك حبي ليكي واصل لأبعد نقطه في الكون انا بتعمي لما بشوفك انا مبشوفشي غيرك رغم انك من النوع الصعب واللي ميقبلشي بأي حاجه بسرعه بس انا حبيتك ولسه بحبك وهحبك لآخر عمري
اسراء:انا كل اما اشوفك افتكر اللي حصل ومش دي بس كل حاجه حصلت قبل كدا
طارق:انا والله هعوضك عن دا كله وهخليه يتمسح من ذاكرتك وعمرها ما هتتكرر تانى انتى بتقولى خنتك 4 مرات والله لاء المره الاولى كنا في الخطوبه ومخنتكيش والله احنا المره دى سبنا بعض وانا كنت بخرج معاها والتانيه حضنتها بس عشان كنت متعود على كده والله وبرده الخطوبه التالته دى كانت حطالى حاجه يعنى مش في وعى اما دى هى اللى تحسب بس والله ما حصل حاجه بنا انا بجد عرفت ان مهما عدى انتى برده في قلبى لوحدك ومتربعه عليه
اسراء:خ خايفه ارجعلك تعمل نفس الحركه تاني وتخوني انا معدتش مصدقاك في اي حاجه وعودك ليا بتخلفها وحلفانك برده بتخلفه ازاي اصدقك بعد كدا
طارق قرب منها وحط ايده على قلبها وقال:بدا بدا هتصدقيني تاني انتي روحي واملي كله انتي الهوا اللي بتنفسه انتي صباحي ومسائي انتي شمسي وقمري انتي كل دنيتي انا مقدرشي اعيش من غيرك وحط ايده على خدها والله بحبك وبموت فيكي انا اعمل اي حاجه علشانك حتى لو قولتي ارمي نفسك من البالكونه ولو مقولتيش انا اللي هموت نفسي
اسراء حطت ايديها على بوقه:متقولش كدا بعد الشر عليك
طارق:والله دا اللي هيحصل لو مرجعتليش وانا عملتها قبل كدا مره ومستعد اعملها اكتر من مره انا مش طالب منك غير انك ترجعيلي ونبقى اسره واحده أقبلي عشان خاطر ولادنا
اسراء مردتش وفضلت ساكته
طارق قرب منها وحط ايده على خدها والتانيه ورا رقبتها وباسها من شفايفها
هي في الأول متجاوبتش معاه وكانت بتبعده بس في الاخر اتجاوبت معاه
هو شالها وكان لسه برده بيبوسها وطلع القوضه و..... وتسكت شهزاد عن الكلام الغير مباح
إياد رجع البيت مع الولاد بعد ٣ ساعات كدا وكانوا هما نايمين هو دخل وكان بينادي على إسراء وطلع فوق قوضتها خبطت
اياد:إسراء إسراء
اسراء صحت :ينهار اسود طارق وبتهزه
طارق:اممم
اسراء:قوم إياد على الباب وبيخبط
طارق:طب قومي افتحي
اسراء ضربته في كتفه وقالت:هقوم ازاي انت مش شايفني
طارق:ااه صح معلش
إياد كان بيفتح الباب بس هما كانوا قافلينه بالمفتاح
اياد:إسراء افتحي قافلاه ليه
طارق:عشان مش فاضيه يامتخلف هتكون قافلاه ليه
اياد:انت بتعمل في القوضه ايه ياض
طارق:هكون بعمل ايه يعني وكمان دي مراتي روح شفلك واحده وانت هتفهم
اياد:طب افتح الباب بدل اما اكسره
طارق:انزل تحت واحنا جايين
اياد:خمس دقايق وتكونوا تحت والا هطلعلكم
طارق:حاضر امشي بقى
إياد مشي
اسراء:عاجبك عمايلك دي
طارق:انا عملت ايه دا كله عشان نمنا مع بعض انتي مراتي شكلهم بينسوا
اسراء:بس احنا مش في بيتنا يامجنون
طارق:انا اعملها عادي حتى لو كنا في الشارع
اسراء:فعلا مجنون اقول ايه بس
طارق:تعالي ندخل نستحمي
اسراء:لاء ادخل انت الاول
طارق:يلا ياحبيبتي مش هنتأخر
اسراء:لاء هنتأخر وكمان راعي يعني ان انا حامل ولسه كنا اصلا عاملينها من كام ساعه
طارق:اووف ماشي ودخل الحمام استحمي ولبس وطلع
طارق:خلي بالك عشان فيه مايه
اسراء:قولتلك مليون مره بعد اما تستحمي امسح الحمام وراك
طارق:يا روحى انا محتاجك جمبي تعلمينى
اسراء:اووف منك
طارق:حبيبي اللي بحب اشوفه متعصب مراخيله الصغيره دي بتبقى حمرا وخدوده كمان
اسراء:انزل ياطارق احسن لك
طارق:ههه حاضر ونزل
طارق:ايه اللي جابك ياض في ساعه زي دي مش قولتلك اتأخر
اياد:ولادك هما اللي عايزين يرجعوا أعملهم ايه يعني وكمان اه صح انت قولت هتصالحها مش حاجه تانيه
طارق:دي مراتي ياقمر
اياد:أعوذ بالله منك انت شخص لايطاق
اسراء:والله عندك حق يااياد
طارق:نزلتي وبدأتي تتكلمي عليا وحش والله هاخدك دلوقتي وهعاقبك لطريقتى وغمزلها
اسراء:اتلم والله انت رخم ورمت عليه المخده
طارق:براحه هتتأزى
اسراء:همك علي ابنك بس لكن انا اولع صح
طارق:توء ابنى مين بس انتى الاهم يا روحى وقام راح لعندها
اسراء:ابعد كدا انت بتضحك عليا
طارق:دا انتي روحي اللي مقدرشي اخليها تبعد عني أو تزعل مني لحظه واحده وباس خدها انتي حبي الأعمى اللي مقدرشي استغني عنه ولو دقيقه
اياد:يلاهووي على المحن
طارق:اتكتم وضربه بالمخده
