تاني يوم
اسراء صحت وعملت اللي بتعمله دايما وطارق كمان والعصر كدا طارق راح لاسراء وخبط الباب امها فتحتله
نجلاء:طارق اتفضل ياحبيبي هي زمانها نازله
طارق:تمام ودخل وكان كامل موجود
طارق:ازيك ياانكل
كامل:بخير
طارق:يارب دايما وقعد اسراء بعد شويه نزلت
كامل:متتأخريش
اسراء:حاضر
طارق اخد اسراء وركبوا ومشيوا وراحوا يختاروا فله واختاروها
طارق:عجبتك
اسراء:اه حلوه اووي
طارق:دا البيت اللي هنشيخ فيه سوا ياروحي يارب يبقي حلو علينا
اسراء:يارب
طارق:تعالي نشوف من جوه كدا
اسراء:تمام ودخلوا
اسراء:الله حلو اووي من جوه ومش واسع اووي الالوان هتبقي حلوه اووي
طارق:بكرا نجي ونختار الالوان
اسراء:اهدي احنا لسه مجبناش المهندسين ولا اي حاجه
طارق:لاء انا جيبتهم وكل حاجه جاهزه
اسراء:والله ياطارق انت مجنون
طارق:مجنون بيكي ياقلبي انا هطلع اشوف قوضه النوم بتاعتنا وطلع اسراء طلعت وراه
طارق:هتبقي جميله لو كان لون الاوضه ابيض او فسفوري
اسراء:ايه دا يييع لاء الاوضه هتبقي بالون الكشمير الغامق
طارق:توء توء ابيض
اسراء:اعمل اللي انت عايزه اصلا دي قوضتك مش قوضتي
طارق:نعم شكلي سمعت غلط اوضه مين
اسراء:اوضتك
طارق:قصدك اوضتنا
اسراء:طارق اتلم ايه اوضتنا دي انا مستحيل انام مع حد وكمان ولد لاء لاء مستحيل
طارق:انا هبقي جوزك مش حد غريب يعني
اسراء:ماشي بس انا هقعد في اوضه لوحدي اصلا مبحبش حد يبقي معايا
طارق:هههه مستحيل
اسراء:مش مستحيل دا اكيد بالنسبالي قال نكون في اوضه واحده قال وكمان الاوضه بيبقي فيها سرير واحد لاء طبعا
طارق:اسراء بتقولي ايه ههههه انا هبقي جوزك يعني نقعد في نفس البيت ونفس الاوضه ونفس السرير كمان
اسراء:لاء
طارق:انتي بتتحرجي صح بس انا هبقي جوزك يعني فعادي هي اول يوم بس وبعدين هتتعودي
اسراء:طارق اسكت لما نشوف الاول
طارق:طب يلا نمشي
اسراء:تمام ومشيوا
طارق:تحبي اجبلك حاجه تاكليها او حاجه
اسراء:شكرا
طارق:حبيبتي كام مره اقولك متقوليش شكرا ظي بتحسسني اني غريب عنك
اسراء:انا بقولها لكل الناس وكمان مبعرفشي مقولهاش
طارق:لازم متقوليهاش واه كمان انتي لازم تقعدي قدام
اسراء:وليه بقي
طارق:علشان هتبقي مراتي وانا جوزك
اسراء:لما تبقي جوزي نبقي نحلها وكمان سوق وانت ساكت وبص للطريق مش للمرايه
طارق:انتي طريقي وكمان يعني يرضي مين اللي يبصلك ويبعد عينه عنك
اسراء وطت راسها ووشها احمر
طارق:يلاهووي علي المكسوف
اسراء:طارق نزلني
طارق:خلاص خلاص
ووصلوا البيت واليوم عدي
تاني يوم
طارق راح لاسراء الضهر كدا
طارق :يلا ياحبيبتي
اسراء:جايه
اسراء نزلت ومشيوا راحوا الفله
وكانوا المهندسين هناك
وليد (مهندس الديكور بتاع الفله):ازيكوا اتفضلوا احنا قولنا مش عايزين نبدأ بأي لون لحد اما انتوا تيجوا
طارق واسراء ابتسموا وراحوا بشوفوا الالوان
وليد:هنبدأ الاول بأوضتكوا
طارق:تمام يلا ياروحي اختاري اللون
اسراء:انا كنت مختاراها كشمير غامق بس براحتك اصلا دي قوضتك
طارق:هنرجع لنفس الكلام دا تاني
اسراء:ماهو لو نمنا في نفس الأوضه مفيش غير سرير واحد واذا نمت علي الكنبه عبد الله ويوسف هيدايقوا
طارق:نعم نعم اسراء والله انتي بتتكلمي بجد
اسراء:اه
طارق خاد اسراء علي جمب
طارق:انتي بس ياحبيبتي خايفه علشان هتبقي حاجه جديده عليكي بس دا المظبوط واللي لازم يحصل انا وانت في أوضه واحده وفي سرير واحد ومفيش حد معانا احنا الاتنين وبس
اسراء: مش خايفه ولا حاجه تقدر تقول ان انا بغير شويه من التقليد بتاع الناس كلها
طارق:ههههههه ضحكتيني ياحبيبتي دا لازم يحصل لكل المتجوزين واللي هيتجوزوا
اسراء:توء انا غير الباقي
طارق:لاء كدا انا هتتجنن اهدي كدا احنا هنعمل أوضه ليكي ماشي يكون فيها حاجاتك شغلك والالوان والديكورات لكن النوم وهدومك والحاجات التانيه تبقي معايا
اسراء:والله ياطارق مينفعشي
طارق:اسراء تعالي نروح للصاله احسن ونسيب الأوضه دي
اسراء:ماشي
طارق راح لوليد :هنبدا في الصاله والمطبخ وكدا الاول
وليد :تمام
وليد:ها اختاروا
طارق واسراء في نفس الوقت :بيچ اخضر فاتح (طارق قال اخضر فاتح واسراء قالت بيچ)
اسراء:اخضر فاتح ايه ياطارق بيچ حلو
طارق:هيغمق الشقه وهيقفلها احنا عايزين الوان فاتحه وهاديه
اسراء:ماهو الببچ هادي وحلو اووي
وليد:انا مع رأي الانسه اسراء يعني البيچ هيبقي احلي
طارق:وانت مالك انت اسراء هو الاخضر
اسراء:بيچ
طارق:اخضر
اسراء:ماشي وانا مش هتجوز غير لما تبقي الصاله باللون البيچ
طارق:هو ايه دا اسراء
اسراء:نعم
طارق:الاخضر
اسراء:لاء البيچ
طارق:خلاص سيبينا من الصاله نروح للمطبخ
وليد:ههه هو ايه دا كدا مش هنبدأ في حاجه
طارق:ملكشي دعوه ومشي اسراء قالت لوليد بصوت واطي
اسراء:البيچ
وليد هز براسه بمعني ماشي وابتسم
طارق:المطبخ بقي لونه بيچ هيبقي حلو اووي
اسراء:لاء ممكن يكون باللون الافوايت
طارق:لا يااسراء البيچ
اسراء:والله هيبقي حلو ياطارق وافق بقي
طارق:ياحبيبتي هتقفل الڤله خالص احنا عايزينها فاتحه
اسراء:والافوابت فاتح اهه ارحوك وافق هيبقي حلو اووي
طارق:تمام علشانك بس
اسراء:طب والصاله
طارق:لاء دي لازم تبقي اخضر فاتح
اسراء:هنرجع تاني
طارق:انتي اللي بتاعندي فيها ايه لو خلتيها اخضر فاتح
اسراء:مش هتبقي حلوه ابدا ياطارق تمام بيچ
طارق:امري لله
اسراء فرحت
طارق:بس الحاجات هتبقي فاتحه
اسراء:حاجات ايه
طارق:التلاجات والمكاتب وكدا وكمان الكنب
اسراء:علي حسب
طارق:كله فاتح يااسراء
اسراء:لما تيجي وقتها ياطارق
طارق:ماشي
اسراء وطارق خلصوا وركبوا العربيه
طارق:جعتي
اسراء:لاء عادي انت جعت
طارق:اووي تعالي نروح مطعم ناكل فيه
اسراء:تمام نروح وراحوا وطلبوا
طارق:امتي هنروح نجيب الحاجات
اسراء:استني بس لما يخلصوا دهان في الشقه وبعدين نبقي نشوف
طارق:هيخلصوا في يومين تلاته بالكتير في الصاله والمطبخ اتبقي الأوض والحمامات
اسراء:تمام نستني بقي
طارق:اه واخيرا هنتجوز بعد كام شهر انا مش صابر نفسي نتجوز انهارده قبل بكرا
اسراء:انا مش عارف انت مستعجل علي ايه
طارق:عايز ابقي معاكي ياحبيبتي يعني كدا لما ينادوكي بالمدام اسراء مرات الاستاذ طارق ياسلاام حاجه حلوه اووي ان اسمك يبقي جمب اسمي ونبقي طول العمر كدا
اسراء ابتسمت
طارق:انتي هتشاركيني في كل حاجه في اسمي وبيتي واكلي وقوضتي وسريري وحتي هدومي كل حاجه
اسراء:هي اشارك في اسمك تمام في بيتك مقبوله لكن قوضه وسرير معتقدشي
طارق:انا عارف انك خايفه بس انتي مش لازم تخافي انتي هتبدأي حياه جديده لينا احنا وبس
اسراء:طارق قولتلك مش خايفه احنا هنعيش زي ما انت كنت قاعد معانا فتره كدا هي دي انا في قوضه وانت في قوضه هنصحوا وننزل نفطر مع بعض ونقعد مع بعض
طارق:لاء والله يعني انتي شوفتي قبل كدا انكل وطنط مش مع بعض في قوضه واحده او رضوي واحمد
(اسراء كانت عارفه بس هي محروجه يعني وكدا)
اسراء:خلاص ياطارق قفل علي الموضوع
طارق:اقفله ليه كدا كدا هيتفتح تاني
اسراء:لما يتفتح تاني بقي نبقي نتكلم يلا نقوم
طارق:تمام وطارق دفع الحساب وقاموا وروحوا
تاني يوم
طارق راح لبيت اسراء نجلاء فتحتله
نجلاء:طارق جاي ليه انهارده مش هتخرجوا تجيبوا حاجه
طارق:عارف بس عاوز اشوف اسراء
نجلاء:هي تحت دلوقتي ورضوي واحمد جوه ادخل ادخل
طارق دخل وقعد
كامل :خير
طارق:اشوف اسراء
كامل:مش لسه شايفها امبارح واول كمان واول وكل يوم بتشوفوا بعض
طارق:بس هي بتوحشني اعمل ايه بقي
كامل:وحشك عفريت ياخي امشي يلا (اسراء كانت في المطبخ)
رضوي:يابابا سيبه هو يعني هيعمل ايه انا بصراحه مبفهمكشي يابابا
كامل:اووف انا طالع احسن وطلع
اسراء جات
اسراء:طارق انت جيت ليه
طارق:هكون جيت ليه يعني وحشتيني
اسراء:يخربيتك اسكت ووطت راسها
رضوي:وش كسوف اووي ههههه
اسراء:اتلمي
رضوي:خدي يوسف علشان يداري كسوفك هههه
اسراء خدته وقعدت علي الكنبه
طارق قام وقعد جمبها
اسراء:الله يخربيتك ياطارق جاي ليه
طارق:وحشتيني
اسراء:لسه شايفاك امبارح
طارق:انتي متعرفيش انك بتوحشيني حتي وانتي معايا
اسراء بصت ليوسف وقعدت تلاعبه ووشها كان احمر
رضوي:سيبها ياطارق سيبها دي مكسوفه اووي
اسراء قامت بيوسف وطلعت فوق
اللكل ضحك
طارق:رضوي هي اسراء اختك بجد يعني والله تصرفاتها غريبه
رضوي:قصدك علي الكسوف وكدا ههههه هي كدا دايما
طارق:لاء والله دا حتي هي امبارح بتقولي ايه اننا نبقي كل واحد في اوضه
رضوي:هههههههه محروجه بس
طارق:لاااء كدا مش هقدر احراجها دا بيعجبني اه لكن أوض وكدا لاء
رضوي:انت قلبت كدا ليه هي زعلتك ولا ايه
طارق:لاء ابدا هو بس موضوع الاوض دا
رضوي:هي محروجه بس اكيد دا اللي هيحصل يعني ياعم اسكت بقي خليتني اتكلم في المواضيع دي
احمد بصلها :لاء وخبيره
رضوي ضربته في كتفه
احمد:كتفي اتخلع ايدك تقيله
رضوي:طب امشي من قدامي احسن انا اخلعلك كتفك التاني
احمد:ماشي ومشي هو وطارق وكان بيضحك
وبس كدا❤
