تاني يوم
طارق راح لاسراء الضهر
طارق:يلا ياعمري احنا هنتاخر
كامل:الله ياخد عمرك ياشيخ ولا متتلم بقي بتقولها وانا موجود وقدامك
طارق:خلاص ياانكل هقول ياروحي بس
كامل:ولا امشي مفيش انهارده خروج
طارق:لاء فيه
كامل:انا قولت كلمه وخلاص
نجلاء:كامل سيبهم الله اصلا اسراء نزلت اسكت بقي
كامل سكت واسؤاء نزلت وراحت مع طارق
طارق:هنروح نجيب حاجات المطبخ علشان ننتهي منها
اسراء:مش نلون الاول البيت كله وبعدين نختار
طارق:لاء احنا هنجيب الحاجات وكمان احنا بنلون وكل حاجه تبقي في نفس الوقت وتخلص بسرعه
اسراء:طارق انا فعلا مش عارفه ليه مستعجل كدا
طارق:مش صابر وانتي عارفه
اسراء:تمام وبعدين وصلوا ودخلوا المحل
طارق:التلاجه دي حلوه
اسراء:لاء دي حلوه
طارق:بس ظي هتقفل المطبخ خالص يعني انتي عامله المطبخ بلون غامق هتجيبي التلاجه كمان بلون غامق اسود
اسراء:الاسود حلو وكمان انا مش هجيب التلاجه بس باللون الاسود يعنى الميكرويف مثلا ابيض البوتجاز رمادى والغسلاله مثلا رمادى او اسود مش كل حاجه باللون الاسود
طارق:ههه مستحيل الابيض حلو انتي لو اخترتي الاسود كدا هتقفلي كل حاجه
اسراء:اسكت ياطارق وبعدين المطبخ لونه فاتح مش غامق يعنى احنا هناخد السوده (بتقول للراجل بتاع المحل)
طارق:هو ايه دا لاء البيضه
اسراء:طارق السوده انا خدت قراري
طارق:وانا اخدت قراري انا كمان وهي البيضه
اسراء:طارق السوده
طارق:اسراء انا سيبتك تختاري الالوان زي ما انتي عايزه وكمان مش انتي لوحدك اللي هتقعدي في البيت
اسراء:بس السوده حلوه وعجباني
طارق:خلاص نجيب اتنين واحده سوده والتانيه بيضه
اسراء:لاء هي السوده وكمان مش عايزه اتنين
الراجل بتاع المحل:هتختاروا ايه
طارق واسراء في نفس الوقت:سوده بيضه(اسراء قالت سوده وطارق قال بيضه)
اسراء :طارق متعصبنيش هي السوده
طارق:وانتي هتتعصبي كمان انا قولتلك حل وسط اهه واحده بيضه وواحده سوده
اسراء:لاء وخلاص بقي هي السوده
طارق حس انها بتقلل من قيمته يعني كاراجل وان كلامه مبيمشيش واللكل كان بيبصلهم فقال
طارق:اسراء البيضه وكان بيكز علي اسنانه
اسراء اتعصبت من حركته وعلت صوتها بس مش اووي وقالت
اسراء:السوده ياطارق ودا اخر كلام عندي
طارق:وطي صوتك
اسراء:انا اعمل اللي عاوزاه ملكشي حكم عليا
طارق:بقولك وطي صوتك بصوت عالي
الراجل بتاع المحل:ايه ياجماعه مش دا كل ده علشان تلاجه يعني وكمان دا محل جايين تتعركوا فيه
طارق:حد وجهلك كلام يلا احنا هنمشي ومسك اسراء من ايديها وطلع
اسراء:سيب ايدي
طارق كان ماشي وماسك ايديها ومبيتكلمشي
اسراء:بقولك سيب ايدي انا عايزه امشي سيبها
طارق راح للعربيه وفتحها وحطها فيها قدام
اسراء:طارق سيبني انتي حاطتني هنا ليه انا عايزه امشي
طارق:انا هوصلك اربطي الحزام
اسراء:طب خليني ارجع ورا طيب
طارق قرب منها وحط الجزام
اسراء:مش عايزه حزام ولا قرف نزلني
طارق مكنشي بيتكلم وساق العربيه
اسراء كانت بتفتح في العربيه بس هي مقفوله من جوه
اسراء:ماشي لما نوصل واعتبر اننا خلاص مش هنتجوز انا متجوزشي واحد عصبي وبيفرد شخصيته عليا
طارق كان ساكت ومتعصب ووداها مكان غير مكان البيت
اسراء:ا انت موديني فين طريق البيت من هنا
طارق كان مبيتكلمشي وكمل سواقه لحد اما وصلوا لمكان شبه الغابه كدا
وفتح العربيه من جوه وطلع وفتحلها الباب
طارق:انزلي
اسراء:ايه المكان دا انت عايز ايه
طارق نزلها هو
قفل باب العربيه
طارق:زعقيلي هنا يلا
اسراء:طارق انت شكلك اتجننت سيبيني امشي
طارق:زعقي ولا صوتك مبيطلعشي غير لما نكون في مكان عام والناس كلها موجوده
اسراء:انا اولا مزعقتلكشي ثانيا بقي انت اللي زعقتلي
طارق:طب زعقي يلا مش انتي عليتي صوتك عليا
اسراء:انا معلتشي صوتي انت اللي عليته عليا وانا رديت
طارق:تمام مش هنروح انهارده بقي
اسراء:طارق روحني
طارق:لاء
اسراء:انت مجنون ولا ايه انا لازم اروح بابا هيزعق
طارق:يزعق انتي هتفضلي هنا لحد اما نحدد كل حاجه
اسراء:نحدد ايه
طارق:نحدد كل حاجه في الڤله
اسراء:انا مش هتجوزك يلا بقي خليني امشي
طارق:لاء احنا مستنين هنا بقي
اسراء مشيت علشان تشوف طريق وتلاقي تاكسي او حاجه وفضلت تمشي لحد بالليل وتاهت علشان هي مشيت مابين الاشجار وكدا طارق قلق عليها لانها لحد دلوقتي مجتشي فراح يدور عليه
اسراء فضلت تمشي لحد اما لاقيت ولدين شباب
ولد ١ :انسه انتي تايهه ولا ايه
اسراء هزت راسها بأه
الولد ٢ :طب تعالي معانا احنا هنوديكي
اسراء:ل لاء شكرا هو خطيبي هنا واكيد هيلاقيني
الولد١:خطيبك ازاي انتي لوحدك هنا وتهتي تعالي يلا
اسراء:ش شكرا
ولد١ منهم مسك ايديها وقال
الولد٢:تعالي بس تقدي معانا ليله حلوه وهتنسي خطيبك دا خالص
اسراء:ا انت بتقول ايه سيب ايدي
الولد١:هههه تعالي بس وجه الولد ٢ مسكها من ايديها التانيه
اسراء:سيبوني ا انتوا عايزين ايه مني
الولد٢:احنا عايزينك انتي حلوه اووي فعلا طلع كلامهم صح
اسراء:ك كلام مين سيبوني
الولد ٢:ههههه بنات وعايزين خطيبك واحنا عايزينك فيلا بقي (مشيره وشهد كانوا بيخططوا انهم يبعدوا طارق عن اسراء ومعندهومشي غير الطريقه دي فكانوا بيراقبوهم واستغلوا انهم في الغابه وبعتوا ولدين ليها يعني)
اسراء:ارجوكم سيبوني علشان خاطر اغلى حاجه عندكم انا مستعده اعملكم اي حاجه واديكم فلوس اكتر من اللي ادهوملكم علشان خاطري سيبوني
ولد١:ههههه بصراحه عايزين نجرب وقرب منهما والتاني كان ماسك ايديها ومثبتها
اسراء عيطت :ابعدوا
طارق كان بيدور عليها وبينادي عليها بصوت عالي هي سمعته
اسراء:خ خطيبي هيجي اهه ارجوكم سيبوني بقي
ولد١:توء وحط ايده علي خدها وقرب منها
اسراء سرخت
طارق سمع صوتها وراح علي الصوت ولاقائها
طارق:ا اسراء
اسراء:طارق ارجوك ساعدني وكانت بتعيط
الولد ١ مسكها وطلع سكينه وحطها علي رقبتها ابعد والا حبيبت قلبك هتموت
طارق:سيبوها انتوا عايزين منها ايه
الولد ٢:روح للبنتين اللي مستنينك وسيبلنا دي
طارق:ارجوكم سيبوها وانا اعمل اي حاجه
الولد٢:اي حاجه اي حاجه
طارق:اه اي حاجه
الولد٢:ادهالنا ليله واحنا هنسيبها
طارق:انتوا هبل بقا سيبوها
الولد١:توء (طارق كان معاه مسدس خده من ابوه بالسر علشان يبقي مطمن اكتر لو اي حد من خالد او محمود هاجموهم يعني)
طارق بص لاسراء وشاورلها علي رجله يعني وطي راسك
اسراء كانت مستغربه بس عملت كدا ووطت راسها طارق طلع المسدس وضرب الولد اللي كان مسكها بالنار اسراء صرخت وجه طارق ضرب التاني برده بس في كتفه لكن الاول كان قريب من قلبه وجه رايح لاسراء وحضنها اسراء كانت بتعيط وخلاص
طارق:خلاص خلاص كل حاجه خلصت خلاص انتي حصلك حاجه
اسراء هزت راسها بلاء
طارق فضل حاضنها وكان بيحسس علي راسها وبيهديها وهي هدت خالص
طارق:يلا ياحبيبتي نمشي
اسراء:ط طب وهما
طارق:مش مهم يلا يلا نمشي احنا وشدها من ايديها ورجعوا لعربيته وركبها ومشيوا
اسراء:ياطارق هيموتوا خلينا نرجع ارجوك
طارق:بس
اسراء:ارجوك ياطارق
طارق:ماشي ولف ورجع تاني ليهم وطلع علشان يشوفهم
طارق:عايشين لسه
اسراء:طب نطلب الاسعاف ولا حاجه
طارق:لاء لو طلبناهم هيبقي فيه سين وجيم واحنا مش عايزين كدا
اسراء:بس ياطارق هيموتوا انت مش شايفهم
طارق وهو بيبصلهم ابوه اتصل عليه
عمر:انت فين يابني ابو اسراء مطربق الدنيا وفين اسراء
طارق:اسراء معايا اهه بس يابابا في مشكله وقعنا فيها
عمر:مشكله ايه
طارق:تعالي الاول عندي وانت هتعرف واداله العنوان
عمر قفل ولبس وراحله
عمر:في ايه جايبني كدا ليه
طارق شاورله علي الولدين
عمر:ينهار اسود مين اللي عمل كدا
طارق:انت هتسألني دلوقتي اعمل حاجه
عمر اتصل بالاسعاف والشرطه وهما جم والاسعاف اخدت الولدين
عمر:ها قولي انتوا شفتوهم كدا امتي
طارق:ناهو يابابا بصراحه كدا ولسه هيكمل في واحد جه ومعاه المسدس
الشرطي:دا المسدس اللي انضربوا بيه
عمر شاف المسدس وبص ليه اووي
عمر:د دا بتاعي وبص لطارق
طارق:ماهو انا اللي ضربتهم
عمر:ايه انت اللي ضربتهم
طارق:اه كان معايا المسدس وضربتهم علشان هما كانوا وسكت
عمر:كانوا ايه انطق
اسراء:انكل طارق ملهوش دعوه هما كانوا عايزني انا فعلشان كدا
طارق:والسبب في دا مشيره وشهد هما اللي جابوهم
عمر:مقولتليش ليه قبل ماتضربهم وكمان خدت المسدس ازاي
طارق:اخدته وخلاص واللي حصل حصل
عمر:اووف ياطارق اووف اعمل ايه دلوقتي
اسراء:ه هو مش هيحصله حاجه صح
عمر:اركبي يااسراء عربيتي علشان اوصلك
اسراء:هروح مع طارق بعربيته
عمر:لاء طارق هيروح المركز
اسراء:ليه يروح
طارق:افاده مش حاجه مهمه يلا روحي معاه
اسراء:طب اجي معاك انا برده لازم ياخدوا افادتي
طارق بص لعمر
عمر:اركبي يلا يااسراء
اسراء:لاء انتوا هتودوه فين
عمر:زي ماقالك
اسراء:هاجي معاه
طارق:ياحبيبتي يلا اركبي
اسراء: لاء هاجي معاك الشرطي كان ماسك الكلابشات وخاد ايد طارق وحطه فيه
اسراء:انت بتعمل ايه ابعد شيل البتاع دا
طارق:ياحبيبتي خلاص مفيش حاجه يلا روحي معاه
اسراء:انا السبب والله ماهو ارجوكم بلاش تاخدوه خدوني انا
طارق:لو سمحت ممكن تشيل الكلابشات وانا اصلا مش ههرب يعني لحد اما اوصلها
الشرطي بص لعمر وعمر قال ماشي وشالوا الكلابشات من ايده
طارق:خلاص مفيش حاجه يلا تعالي
اسراء:هتيجي معايا
طارق:اه بس هنركب عربيه بابا تمام
اسراء:ماشي وركبوا وكانت اسراء جمب طارق وقعاده وبتبصله وتعيط
طارق:خلاص بقي مفيش حاجه هتحصل
اسراء مسحت دموعها
عمر:هنروح عند ابوكي يااسراء
اسراء:لاء عند رضوي
عمر:ماشي ووصلوا لهناك (وعمر قال لرضوي اتصل عليها وقالها)
طارق:يلا ياحبيبتي انزلي
اسراء:وانت يلا
طارق:وراكي يلا انزلي الاول
اسراء بصتله وبعدين نزلت
رضوي:حبيبتي تعالي
اسراء راحتلها وحضنتها
طارق بص لاسراء من شباك العربيه وبعدين مشيوا
اسراء:ط طارق
رضوي:يلا ياحبيبتي ندخل
اسراء:طارق مشي ضحك عليا
رضوي:يلا يااسراء ارجوكي
اسراء:عايزه اروحله سيبيني اروح
رضوي:اسراء يلا وبتشدها
اسراء:سيبيني عايزه اروحله هو معملشي حاجه هو كان بيدافع بس عني وعيطت
احمد:طب ادخلي اقعدي شويه وبعدين نروحله
اسراء:لاء عايزه اروحله
رضوي:ادخلي غيري مينفعشي تروحي كدا وانتي متبهدله اصلا اغسلي وشك وغيري وبعدين نروح يلا ياحبيبتي
اسراء دخلت وطلعت فوق ودخلت الحمام علشان تغسل وشها وتغير
رضوي قفلت عليها بالمفتاح
اسراء طلعت من الحمام يلا انا جهزت وبتفتح باب القوضه لاقيته مقفول
اسراء:رضوي افتحي افتحي الباب ليه عملتي كدا افتحي وبتخبط علي الباب
احمد:ليه عملتي كدا
رضوي:بحاول احميها انا عارفاها لو راحت هتقول انها اللي ضربتهم وانا مش هخليها تروح السجن ونزلت
وبس كدا❤
