تاني يوم
هي صحت وكانت لمي هدومها امبارح دخلت الحمام واستحمت وصلت وبعدين لبست واستنت شويه علي ما كامل يروح شغله ونجلاء تطلع هي كمان وطلعت
عند طارق
كان طول الليل مضايق وبيفكر يعمل ايه فتاني يوم طلع من غير ماحد يشوفه وساق العربيه بس طبعا ساقها بصعوبه علشان ايديه وكان رايح لاسراء وشافها وهي بتركب تاكسي فراح وراها
اسراء وقفت عند المطار وخادت شنطتها ومشيت طارق شافها طلع ومشي وراها وكان بيدور عليها وشافها وكانت قاعده علي الكرسي مستنيه لحد اما ينادوا عليهم هو قعد جمبها
طارق:هتمشي
اسراء:ط طارق ولف وشها ليه
طارق:جاوبيني علي سؤالي انتي عايزه تمشي وتسبيني
اسراء:انت ايه اللي جابك وازاي سوقت وانت كدا
طارق:جاوبيني
اسراء:اه هسافر
طارق:علشان ماما متهتميش ليها هي بتعمل كدا بس علشان تفرقنا
اسراء:مش علشان ممتك ياطارق انا قولتلك مره مش هبقي معاك اذا حد اتأذي وانت اهه كنت هتموت ودا حصل بسببي لو كنت موت كنت انا اعمل ايه وممتك هتعمل ايه واهلك واكيد كنا هنعرف ان محمود هو اللي عمل كدا قولي بقي ازاي كنت هسامح نفسي انا اصلا دلوقتي مش مسامحه نفسي انا كنت لازم اعقل نفسي وابعد عنك وعن اي حاجه بتربطني بيك كل المشاكل بتيجي علينا وعلي غيرنا علشان احنا مع بعض
طارق:ياحبيبتي انا والله هحميهم وهحميكي انتي كمان بصيلي هنا انتي كل حاجه بالنسبه ليا افهمي بقي
اسراء:طارق خلاص واصلا دا مش السبب الوحيد اللي يخليني ابعد وقامت طارق مسك ايديها
طارق:هو ايه اللي مش السبب الوحيد ه هو فيه حاجه حصلت غير دا
اسراء:لاء مفيش وسيب ايدي بقي
طارق:فيه حاجه حصلت قوليلي
اسراء:واذا قولتلك هيتغير حاجه انا كدا كدا ماشيه لا انت ولا ممتك ولا ماما ولا اي حد هيشوفي تاني ولا يعرف عني حاجه كإني ميته بالظبط
طارق:بعد الشر ياروحي قوليلي ايه اللي حصل ارجوكي
اسراء:مفيش سيبني بقي وكانت بتشيل ايديها من ايده وهو كان ضاغط علي ايديها علشان متشيلهاش
طارق:قولي
اسراء:عايز تعرف هقولك وحكتله عن عمار وابوها انا خلاص زهقت وقرفت من الحياه دي انا همشي وهروح في مكان بعيد بعيد عنكم بعيد عن اي حد وهستني لحد اما عمري ينتهي لما ربنا ياخدني وارتاح
طارق:حبيبتي اهدي خلاص اقعدي
اسراء:طارق سيبيني انا خدت قراري ومش هرجع فيه سبني
طارق: انا هموت من غيرك
اسراء:انت بتموت وانا جمبك انت عارف امبارح انا حسيت بإيه حسيت ان انا اللي حطيت الحبل حولين رقبتك ومستنيه يقوليلي اعدميه انا كدا فعلا وانت جمبي بتتأذي
طارق:انا هموت لو بعدتي ارجوكي خليكي معايا
اسراء:مش هتموت انت هتعيش حياتك عادي معاك اهلك وصحابك والبنت اللي بتحبك وانتوا الاتنين بقي اتجوزوا وخلاص وعيشوا حياتكم
طارق:انتي حياتي
اسراء:طارق بلاش كلام من دا علشان انا خلاص معدتش موجوده في حياتك
طارق:انتي موجوده في قلبي وعقلي وروحي ودمي وعمري وحياتي وكل حاجه ارجوكي متمشيش انا بجد هموت طب بلاش تفكري فيا فكري في طنط وفي رضوي ويوسف مش انتي كان نفسك تلاعبيه وتفضلي معاه فكري فيهم ارجوكي
اسراء:خلاص ياطارق متصعبشي الموضوع عليا انا مش قادره
طارق:علشان خاطري يلا يلا ياحبيبتي نرجع وانا خلاص بعد اما اخف علطول هنكتب كتابنا ونتجوز وكدا مفيش حد هيقدر ياخدك مني لامحمود ولاخالد ولا عمار ولابباكي ولا اي حد يلا ياحبيبتي يلا
اسراء:طارق خلاص بقي كفايه كدا انا لازم امشي
طارق:لو مشيتي هموت نفسي والله العظيم هموت نفسي وانتي شوفتي دا قبل كدا والمره دي مش هخلي موتسكيل هو اللي يخبطني هخلي عربيه تخبطني ولو منفعشي هقطع شرايني والله دا اللي هيحصل
اسراء:طارق كفايه بقي انا مش هقدر استحمل ان حد يحصله حاجه تانيه وكمان مش هقدر استحمل لابابا ولا عمار انت عارف امبارح وكان واخدني غصب لعنده علشان علشان وعيطت
طارق خادها في حضنه وكان بيحسس علي راسها
طارق:خلاص متقوليش حاجه انا هحميكي منهم ولو مش عايزه تقعدي معاهم في البيت هوديكي بيت تاني وبعدين نتجوز ونعيش مع بعض انا معاكي علطول ياحبيبتي وهحميكي لأخر نقطه في دمي
اسراء فضلت تعيطت وبعد شويه هديت وفاقت انها في حضن طارق وبعدت
اسراء:ا انا اسف بعد ازنك لازم امشي
طارق:ارجوكي ياحبيبتي استني خليكي معايا علشان خاطري
اسراء:لازم امشي
طارق:تمام امشي قبل اصلا ماتركبي الطياره هتلاقيني موت ودا اللي هيحصل فعلا ودلوقتي ومشي اسراء راحت وراه ومسكت ايديه
اسراء:انت هتعمل ايه
طارق:مش أنتي هتمشي خلاص يلا امشي وقولتلك قبل ماتركبي الطياره هتلاقيني موت
اسراء:متقولشي كدا ارجوك انا مقدرشي اعيش من غيرك
طارق:ولا انا انا مقدرشي حتي انك تبعدي عني دقيقه انا بستحمل بالعافيه لما انتي متبقيش معايا في الايام اللي عدت دي هعمل ايه لو مشيتي بعيد عني هعمل ايه
اسراء:بس ياطارق انا لازم امشي
طارق:ارجوكي فكري فيا وفي عيلتك
اسراء سكتت
طارق خاد الشنطه
طارق:يلا
اسراء مشيت معاه وركبوا ومشيوا وراحوا في مطعم التول واكلوا وقعدوا مع بعض شويه وبعدين طارق وداها عند بيت رضوي ورضوي فتحت ودخلوا
رضوي:اهلا حبيبتي ازيك دلوقتي
اسراء:الحمد لله
طارق:الحمد لله ايه بس دي اختك دي يارضوي صعبه اووي خلتني اجري وراها وانا متصاب
رضوي:لو مش مستحملها سيبها
طارق:لاء طبعا اسيبها ايه دي روحي وادالها بوسه علي الهوا
رضوي:طب راعيني شويه انا مفيش حد يقدملي كدا ابدا وبصت لاحمد
طارق:ابقوا جددوا حبكم انا حاسس ان حبكم عامل شبه الزرع اللي مش بيشرب وبيدبل مع الوقت مينفعشي كدا توء توء لازم تجددوه شبهي انا وعروستي
رضوي:عروستك؟لاء دا فيه حاجات كتيره حصلت وانا مش موجوده
طارق:يعني سيبتي دا كله ومسكتي في دي
رضوي:اه صح لازم نجدد حبنا يااحمد علشان حاسه كدا بزهق
احمد:عندي طريقه لتجديد الحب بس اعتقد انك مش هتحبيها
طارق ضحك :فهمت فهمت هههههه
اسراء ضربته في كتفه
رضوي:انا هقوم اوكل الولد دا انت بقيت لاتطاق وقامت واسراء راحت معاها وقعدوا مع بعض واليوم عدي وعدت الايام وكانت اسراء عند رضوي وطارق بيجيلهم كل يوم وساعات بيبات معاهم ونجلاء سابت البيت وراحت عند اخواتها علشان كامل وكامل كان قاعد لوحده في البيت لحد اما جه يوم عيد الام
اسراء كانت محضره هدايا لنجلاء وندي راحت لنجلاء الاول وادتلها الهديه
اسراء:كل سنه وانتي طيبه يااحلي ام في الدنيا
نجلاء:وانتي طيبه ياقلبي
طارق:كل سنه وانتي طيبه يانوجه وادالها الهديه
نجلاء:وانت طيب ياروح نوجه
رضوي:كل سنه وانتي طيبه ياروح قلبي
نجلاء:وانتي طيبه ياقلبي
احمد:كل سنه وانتي طيبه ياعمري
نجلاء:وانت طيب ياحبيبي
وقعدوا
رضوي:انا بقيت ام بس مفيش حد بيجبلي هديه ابدا
طارق:ويوسف هيجبلك ازاي لسه الولد معداش ٤شهور علي بعض
رضوي:بس فيه حد ممكن يديلي هديه مكانه وبصت لأحمد
احمد:بتبصيلي كدا ليه اوعي يكون اللي في دماغك ياروحي لاء انتي مش امي علشان اجبلك هديه ولا حماتي
رضوي:امك لاء ياحبيبي قال امك قال وكمان مفيش حد زي ماما ومسمهاش حماتي كمان نقي الفاظك
احمد:خلاص بقي اسكتي
رضوي:بس انا عايزه هديه مش انت ابو ابني وولي امره لحد اما يكبر يعني انت تعمل كل حاجه بداله يلا بقي هاتلي هديه
احمد:مين انا مستحيل ياروحي في احلامك
رضوي:يعني مش هتجيبلي هديه
احمد:توء
رضوي:شوفوا شوفوا وقال بيحبني قال دا انا لما بقوله حتي يعملي سندوتش يقولي لاء لاء لاء مش هستحمل كدا
اسراء:خلاص ياروحي ثانيه واحده
رضوي:هتعملي ايه
اسراء:ثانيه وخادت يوسف وطلعت فوق جابت هديه وربطتها ببالونه علشان تفضل متعرلقه فوق علي الهوا وجابت رباط ربطت طرف في الهديه والطرف التاني في ايد يوسف وشالت يوسف ونزلت
اسراء:كل سنه وانتي طيبه يامامي
رضوي قامت:ياروحي وشالت يوسف تعبتي نفسك ليه ياروحي انا كنت بهزر كنت عاوزه بس احمد يجبلي هديه دا لابيجيب في المناسبات ولا بيجيب في الايام العاديه
اسراء:هههه اعتبريها منه
رضوي:هيجبلي هديه وانهارده لو مجبهاش هينام بره يروح عند امه بقي
احمد:والله يارضوي انتي يعني كدا اهه انا اعرف ازاي اتجوزتك ماكانت قدامي اسراء اهى احلى منك وهاديه عنك وفيها كل حاجه بس المشكله ان هى كانت في 3 ثانوى مكنتش هتقبل بيا وانا حبيتك للأسف
طارق:وحيات امك
احمد:بهزر ياعم اسراء اختي صح ياسوسو
طارق:ولااا
احمد:خلاص خلاص يلا احنا هنمشي هههه سلام
اللكل:سلام
طارق:يلا ياروحي احنا كمان نمشي ولا مش عايزه تروحي لو مش عايزه تمام
اسراء:لاء يلا
اسراء سلمت علي امها واللي كانوا موجودين يعني من خوالها وخالاتها ومشيت وركبوا ووصلوا البيت
طارق:ندخل
اسراء:اه يلا وشالت الهديه ومشيوا وطارق كان معاه المفتاح ففتح ودخل مشيره كانت هناك واول لما سمعت الباب بينفتح قالت ان دا طارق وطلعتله
مشيره:ازيك ياحبيبي
طارق:انتي بتعملي هنا ايه مش انا قولتلك متجيش هنا تاني
ندي:انت بتزعقلها ليه انا اللي جيبتها وكمان هي جابتلي هديه عيد الام يعني ملكشي دعوه انت
طارق اتعصب وكان ماسك هديه كان جايبها لامه رماها علي الارض
طارق:وانا قولت دي متدخلشي البيت تعالي ومسكها من دراعها جامد وزقها وطلعها بره وقفل الباب
طارق:لو دخلت تاني مش هيحصل كويس
ندي:انت طردتها علشان خطيبتك طارق علي فكره انت بتقلل ادبك جدا عليا مش عليا انا بس علي مشيره وعلي خلاتك وخوالك كلهم وعيب كدا
طارق:انتي عارفه هما قالوا ايه وكويس كمان واحمدي ربك اني معملتش فيهم حاجه
ندي:كنت هتعمل ايه يعني
طارق:كنت هقتلهم انا اللي يقول علي خطيبتي كلام كدا اقتله بإيديا ومهتمش ليه وهديتك علي الارض اهه ابقي شوفيها يلا ياحبيبتي بيقول لاسراء
اسراء كانت مصدومه خالص راحتلها وقالتلها
اسراء:ك كل سنه وحضرتك طيبه وحطت الهديه علي الترابيزه ومشيت مع طارق
ندي فتحت هديه طارق الاول وكان فيها صورته هو واسراء وهما مع بعض علي البحر وكان مزوقها وكاتب في جواب كدا (ارجوكي عامليها حلو)
ندي:حتي في الهديه بتاعتي كاتب عنها هي ورمت الهديه جمبها وخدت هديه اسراء وكان صندوق كبير وموجود فيه هدايا جواه كتيره عبايه وشنطه وجزمه وصوره لطارق وليها مع بعض وكانت حاطه جواب علي الصوره مكتوبه فيه(كل سنه وحضرتك طيبه ويارب يخليكوا لبعض)هي شافت دا كله واستغربت واتفجإت ان مشيره جابتلها هديه واحده وكانت ازازه برفيوم واسراء جايبالها دا كله فقامت وراحت تشوف اسراء
عند اسراء وطارق
بعد اما طلعوا ودخلوا العربيه
اسراء كانت ساكته ومبتتكلمشي وطارق كان مش سايق وبيبصلها
طارق:مالك
اسراء:ه هو اهلك قالوا ايه عني
طارق:متهتميش تيجي نروح علي النيل شويه
اسراء:توء انا همشي هروح
طارق:طب خليني اوصلك
اسراء:تمام ولسه هيمشوا بالعربيه ندي طلعت وراحتلهم طارق طلع
طارق:عاوزه ايه
ندي:ممكن يااسراء تطلعي
اسراء طلعت اول لما اسراء طلعت ندي حضنتها
ندي:عارفه يابنتي انك صعب تسامحيني بس دا مش بإيدراتي فكره ان واحده تيجي وتاخد مكاني في قلب ابني دي حاجه صعبه اووي وانت هتفهميني اكتر لما يبقي عندك عيال وهتعرفي
اسراء:طنط انا مقدراكي بس ان حد يقول كدا عني انا معرفشي انتوا قولتوا ايه عني بس من كلام طارق عرفت ان حاجات مش حلوه خالص اتقالت عني ودي بصراحه مقدرشي استحملها
ندي:انا اسفه بعتزر منك انا هروح واصلح كل حاجه انا عايزه اكسبك واكسب ابني
اسراء:اكسبي طارق لكن انا مقدرشي
ندي:انا اسفه يابنتي معلش انا عرفت قيمتك اوي وخصوصا عند طارق وحسيت انه أد ايه هيبقي سعيد وهو معاكي ارجوكي سامحيني
اسراء:مسمحاكي ياطنط
ندي:حبيبتي وحضنتها
طارق كان مبسوط اووي علشان امه حبيت اسراء
وبس كدا ❤
