نجلاء:رضوي انتي واحمد وطارق روحوا انا هفضل هنا انا وانت كمان روح ياكامل
طارق:انا مش هسيب اسراء انا هفضل هنا
رضوي:وانا كمان
كامل:وانا مش هسيب بنتي هنا وامشي
نجلاء:اووف اللكل يمشي انا اللي هفضل معاها
رضوي:لاء
نجلاء:احمد قول حاجه لمراتك
احمد:حبيبتي انتي حامل تعالي نروح البيت وبكرا بدري نجلها اصلا مفيش حد هيشوفها هتفضلي ليه بقي وقفتك مش هتفيدها في حاجه
رضوي:لاء يااحمد انا هفضل هنا
احمد:طب لو مبتفكريش في نفسك فكري في ابننا يلا ياحبيبتي اسراء لما تصحي وتعرف انك مروحتيش هتزعل منك يلا ياروحي
رضوي:بس هاجي بدري بكرا
احمد:تمام يلا
رضوي واحمد مشيوا
نجلاء:يلا ياطارق انت كمان روح
طارق:متقوليش اروح علشان انا مش هروح انا هفضل هنا معاها ومتحاوليش معايا ياطنط انا مستحيل اسيب روحي جوه في العنايه وامشي مستحيل
نجلاء بصتله وسكتت وبصت لكامل بعد كدا ومتكلمتشي معاه وفضلوا قدام القوضه هما التلاته
تاني يوم
رضوي واحمد جم والدكتور قالهم انهم ممكن يدخلوا بس واحد واحد
نجلاء:انا هدخل الاول
دخلت وشافت اسراء وهي نايمه ومبتتحركشي وعيطت بس من غير صوت راحت وقعدت جمبها
نجلاء:حبيبتي انتي نور عيني يلا ياحبيبتي اصحي مينفعشي تسيبينا لوحدنا كدا هنبقي ناقصين انا ورضوي وطارق كمان فاكره لما كنتي صغيره كنتي بره وجيتي وكنتي متعوره ومتبهدله وبتعيطتي وجيتيلي وقولتيلي ان مفيش حد بيحبني واللكل بيكرهني ومفيش حد جمبك وقولتي كمان انك لما تحصلك حاجه مفيش حد هيبقي جمبي ويمسك بإيدي وقولتلك لاء انا موجوده ورضوي موجوده وناس كتيره موجوده معاكي وجمبك انتي دلوقتي نايمه علي السرير وكلنا واقفين ومستنينك تصحي كلنا موجودين ياحبيبتي اصحي ارجوكي متسبنيش متبعديش عني انتي نور عيني وحياتي يلا ياحبيبتي قومي وكانت بتعيط وماسكه ايديها يلا انا هسيبك دلوقتي في ناس عايزين يتكلموا معاكي غيري وباستها من راسها وطلعت
رضوي:انا هدخل
ودخلت وقعدت علي الكرسي ومسكت ايديها
رضوي:ايه يااسراء مش انتي قولتيلي انك هتبقي معايا دايما وانك اللي هتسمي ابني ولا ايه قومي انا محتجاكي معايا يلا ياحبيبتي قومي علشان تلاعبي ابني وتحبيه اكتر مني وتقعدي معاه علطول انتي وحشتيني شوفي مبقدرشي اعيش من غير ماتتكلمي واشوف ابتسامتك واهزر معاكي قومي بس وانا اللي هغسل الهدوم بتاعتك كلها وهعملك مكرونه بالبشاميل وكل الاكل اللي بتحبيه واجبلك شكولاته وكل حاجه قومي بس انا عايزاكي معايا مين اللي هيبقي جمبي علطول وقت اما اتخانق مع احمد يلا ياحبيبتي قومي انا زعلانه منك انتي مبترديش عليا يااسراء ينفع كدا انتي مبترديش عليا ليه شوفي حتي الولد بيقولك قومي هو جوايا وبحس بيه يلا ياحبيبتي وباستها من راسها وايديها وطلعت
احمد دخل وقعد جمبها علي الكرسي
احمد:اسراء رضزي مطلعه عيني في البيت وعايزك تقومي وتخليها تخف عليا شويه هي لسه حامل في الشهور الاولي ههههه بتدلع عليا شوفي وامبارح مبطلتشي زن عليا وكانت بتقولي علطول صحيني بدري اظبط المنبه علشان اسراء انا عاوزه اروحلها يلا يااسراء اصحي انتي اختي يلا يااسراء وبعدين طلع
كامل دخل وقعد برده علي الكرسي
كامل:اسف يابنتي علي اللي عملته وحسس علي دماغها دا من غير قصدي ومعاملتي معاكي بالطريقه دي كان ليها اسباب كان نفسي اووي تبقي ولد ويشيل الحمل معايا انتي لما جيتي بعديها علطول حصلتلي ازمه في شغلي وقولت انك نحس عليا بس لاء انتي اكبر نعمه كفايه ان ربنا جابك ياحبيبتي انا عارف انك زعلانه مني وعندك حق انا مش هلومك بس غصب عني انا عايزك تقومي بس لما تقومي والله هعاملك حلو وعمري ماهزعلك ابدا انا عرفت قيمتك اووي بعد اما بتضيعي مني يلا ياحبيبتي عايزك تقومي يلا ياروحي انا اسف علي كل حاجه عملتهالك سامحيني يابنتي سامحيني وطلع وطارق دخل وكان في عيونه دموع راح وقعد علي الكرسي
طارق:انا مش همسك ايدك علشان عارف انك بتضايقي ومبتحبيش كدا حبيبتي انتي ليه مبترديش عليا اناديكي بااسراء علشان انتي مبتحبيش كلمه حبيبتي خلاص اسراء برده مبترديش عليا انا عايزك تردي عليا تفتحي عينك عايزه اشوف شروق الشمس الشمس غابت اووي فتحي عيونك علشان اشوفها حبيبتي يلا يلا ارجوكي انا مليش غيرك انا بحبك وعايزك ارجوكي فتحي عنيكي انتي زعلانه مني متزعليش عارفه لما تصحي انا هاخدك علطول علي المأذون ونكتب كتابنا ونتجوز ونجيب بنت بتشبهك في كل حاجه واسميها اسراء برده ويبقي عندي اتنين اسراء انتي عايزه تسميها ايه ولو جالنا ولد هتسميه ايه قولي ياحبيبتي عايز اسمع منك حاجه انا من غير مااشوف عيونك وضحكتك ومن غير ما اسمع صوتك بموت بموت بطريقه مؤلمه اووي قلبي مبينورشي وبيبقي ضلمه قومي ياحبيبتي يلا قومي وانا اوعدك ان مش هيبقي فيه مشاكل ابدا مابينا ولا خناقات وهنعيش سعداء علطول يلا ياروحي انا عايزك جنبي عايزك معايا قومي بقي انا بتألم من غيرك قلبي بتوجع فاكره واحنا صغيرين كنا بنعمل ايه فاكره لما كنا بنقعد احنا الاتنين لوحدنا وكنت بجبلك بيتزا وناكل مع بعض فاكره لما ولد من الفصل زعقلك وانا مسكت الطوبه وحدفتها في دماغه فاكره اخر مره شوفتك فيها واحنا صغيرين انا صورتك لسه معايا اصحي وانا هورهالك اصحي ياحبيبتي انتي مش عايزاني اعيط مش هعيط بس اصحي يلا انا هسيبك دلوقتي بس انا واقف بره مستنيكي ولسه كان هيطلع
اسراء:ط طارق
طارق لفلها
طارق:اسراء حبيبتي وراحلها تاني انتي كويسه انتي صحيتي صح انتي كويسه ا انا هروح انادي للدكتور
وراح نادي للدكتور
والدكتور شافها وطلعلهم
الدكتور:الحمد لله هي صحيت من الغيبوبه العقل استجاب ورجعت انتوا ممكن تدخلولها حمد الله علي سلامتها
اللكل:الله يسلمك ودخلوا وكان كامل واقف ورا ومبيتحركشي
نجلاء:حمد الله علي سلامتك ياحبيبتى خوفتينا عليكي
اسراء:الله يسلمك ياماما وشافت ابوها واقف بعيد
اسراء:بابا
كامل راحلها واول لما قعد جمبها عيطت ومسك ايدها
كامل:سامحيني ياحبيبتي انا بعتزر انا اسف جدا
اسراء:متعتزرشي يابابا ومسحت دموعه انا كويسه اهه
كامل:انا هعوضك علي كل حاجه ياحبيبتي
اسراء: انا مش عايزه حاجه غير بس انك تكون مصدقني اني معملتش حاجه غلط
كامل:مصدقك ياحبيبتي وحضنها انا اسف سامحيني
اسراء: مسمحاك وحضنته هي كمان
