السبوع خلص
كامل:ها ليه روحتي معاه من غير ما اسمحلك
نجلاء :انا اللي قولتلها ياكامل هي قالتلك بس مهتمتشي
كامل:طالما مقولتش اني موافق يبقي متروحشي
نجلاء:انا امها وقولتها تروح وكمان هما لازم يروحوا يختاروا بقي الحاجات ولا ايه
كامل:وليه يختاروا هو احنا حددنا معاد الزفت الفرح
نجلاء:مالك ياكامل ليه بتتكلم كدا انا مش عارفه ايه ذنب البنت وطارق وعبشان يتعاملوا منك بالطريقه دي
اسراء:بابا لو لو حضرتك مش عاوز الفرح يكون دلوقتي معنديش مشاكل انا اصلا مكنتش عايزاه يبقي بدري كدا
نجلاء:ايه يااسراء انتوا بقالكوا اهه داخلين في السنتين لاء انا مش موافقه هو الفرح هيكون في شهر ٨ وبس
كامل:لاء وبقيتي يانجلاء تدي مواعيد من غيري وتحددي كمان انا مش موافق ومش هخليها ابدا تتجوز من الولد دا لا دلوقتي ولا بعدين
نجلاء:حرام عليك مينفعشي كدا
اسراء:خلاص يابابا اللي حضرتك عاوزه هيتعمل ماما ابقي ادي الخاتم لطارق وخلعت الخاتم وطلعت
نجلاء:عجبك كدا انا مش فاهم انت ليه بتعاملها كدا ليه هي عملتلك ايه
كامل:اكبر حاجه يخليني اكرهها انها السبب في اللي اختها وصلتله اهه كانت هتموت بسببها
نجلاء:وممتتشي الحمد لله
كامل:بس مبتخلفشي
نجلاء:مين قالك كدا هي بس صعب تخلف وكمان مش لازم تخلف يعني ماهو جالهم ولد امور اهه
كامل:انتي عارفه لو كان الولد حصله حاجه او هي كنت موتها بإيدي
نجلاء:حسب الله ونعم الوكيل ربنا يهديك وطلعت لاسراء ومعاها الخاتم
طارق كان بيرن علي اسراء واسراء مش بترد
نجلاء دخلت
نجلاء:ردي عليه
اسراء:خلاص معدشي ليا علاقه بيه
نجلاء:ياحبيبتي ليه بتعملي كدا انتي مش عارفه ابوكي يعني ابوكي عاوزك تتجوزي من عمار
اسراء:عمار متجوز ياماما وكمان انا مش عايزاه
نجلاء:يبقي خلاص بقي اتمسكي بطارق طارق هو اللي هيخرجك من اللي انتي فيه طارق عامل شبه الحبل
اسراء:ياماما مفيش حد عاوزنا نبقي مع بعض لابابا ولا طنط وكمان فيه خالد ومحمود وشهد ومشيره ماما انا مقدرشي اكون معاه وهما كلهم مش عايزين اننا نبقي مع بعض
نجلاء:يعني انتي بتقرري انك تنسحبي وتستسلمي
اسراء:اه دا هيبقي الاحسن للكل
نجلاء:بس مش هيبقي حلو ليكوا انتوا الاتنين لا انتي هتعيشي مبسوطه ولا طارق برده هتدمروا وكمان محمود وخالد هيتعركوا عليكي وهكذا شهد ومشيره علي طارق ولا ايه
اسراء:بس بابا رافض اني ابقي معاه
نجلاء:متخافيش انا هقنعه يلا مدي ايديكي
اسراء مدت ايديها ونجلاء لبستها الخاتم
نجلاء:تاني مره لو خلعتيه مش هكلمك وخصوصا لو كان الموضوع شبه كدا
اسراء حضنت امها
نجلاء:اااه ياحبيبتي للدرجادي بتحبيه
اسراء كانت ساكته وبتعيط ونجلاء حضناها وبعدين اسراء نامت في حضنها نجلاء عدلتها علي السرير وغطتها وتليفون اسراء كان لسه بيرن
نجلاء فتحت
طارق:في ايه ياروحي ليه مبارديش
نجلاء:انا ام روحك
طارق:اا ازيك ياطنط هي اسراء فين وليه مبتردش علي التليفون
نجلاء:هي نايمه
طارق:نايمه دلوقتي
نجلاء:ماهي كانت صاحيه بدري علشان كدا نامت متشغلشي بالك تصبح علي خير
طارق:وانتي من اهله وقفل ونام بعد شويه
ونجلاء راحت القوضه ونامت
تاني يوم
طارق صحي رن علي اسراء واسراء مش عارفه ترد ولا لاء
طارق كان مستغرب منها اووي فقام استحمي ولبس وراحلها وخبط نجلاء فتحت
نجلاء:خير يابني في حاجه
طارق:اسراء مبتردش علي تليفونها ليه هو ايه اللي حصل بعد مامشينا امبارح
نجلاء:ولا حاجه اتفضل
هو دخل وقعد وبعد شويه كامل نزل
كامل:جاي ليه
طارق:اشوف اسراء
كامل:انت شوفتها امبارح وكمان كل يوم يعني بتشوفوا بعض ماشاء الله مبتفوتوش يوم واحد
طارق:طب ممكن اطلعلها اشوفها مالها اصل انا رنيت عليها امبارح وانهارده ومبتردش
كاكل:ماهي مش هترد علشان خلاص هي سابتك
هو بصله وبص لنجلاء
نجلاء:لاء ياكامل هي مسبتهوش ولا حاجه هي فوق نايمه علشان كدا مبتردش
كامل:ماتقوليله انها خلعت الخاتم مش راديه تقوليله ليه علشان ميزعلشي
نجلاء:الخاتم في ايديها ياكامل
كامل:بس خلعته ويلا هي مش عايزه تشوفك امشي اطلع برا
طارق:ياعمي انا عايز اشوفها واعرف ايه اللي حصل
كامل:طارق هي مش عايزاك الخاتم خلعته فاهم يعني ايه خلاص انت ملكشي دعوه بالعيله دي ولا مرتبط بيها
طارق:انا عايز اسراء تنزلي فورا دلوقتي وبدأ يتعصب
نجلاء:اهدي يابني هي مخلعتهوش ولا حاجه هو بس كان سوء تفاهم امبارح وحليته معاها خلاص
طارق:انا عايزها تنزل واسألها بنفسي وهي تجاوبني
اسراء نزلت
اسراء:نعم ياطارق عاوز تسأل ايه
طارق:انتي خلعتي الخاتم
اسراء: الخاتم في ايدي اهه
طارق:خلعتيه يعني
اسراء:ا اه خلعته
طارق:انا اتصرفت تصرف مش حلو معاكي
اسراء:ل لاء
طارق:طب ليه خلعتيه
كامل:علشان هي مكنتش عايزاك
نجلاء:اسكت ياكامل وامشي معايا سيبهم لوحدهم
كامل:لاء
نجلاء:علشان خاطري امشي يلا
كامل:اووف ومشي معاها
طارق:ها ليه خلعتيه
اسراء:علشان بابا وممتك وخالد ومحمود وشهد ومشيره انا ياطارق مش هخلي حد من عيلتي يتأذي تمام انا اصلا كنت بفكر في دا من الاول انت عارف لو كان حصل ليوسف او لرضوي حاجه مكنتش ابدا هسامح نفسي
طارق:ا انا هخلي مشيره تعتزر من رضوي
اسراء:وياتري دا هيخليها ترجع تخلف تاني طارق خلاص كل اما ببقي معاك حياه اللي حوليا في خطر وانت كمان علشان خالد ومحمود
طارق:انا ميهمنيش حد غيرك انتي مبيهمنيش حد لا نفسي ولا اي حد
اسراء:بس انا يهمني يا طارق انا مش هبني سعادتي علي دمار اللي حوليا اذا انا اصلا كنت سعيده بعد كدا
طارق:اسراء انتي كنتي حلوه معايا امبارح ومقولتيش حاجه ليه جايه دلوقتي وتقولي مين اللي خلاكي تقولي الكلام دا
اسراء:انا ياطارق خلاص بقي انا قولت اخلع الخاتم وانت قدامي علشان تعرف اني مش هرجع
طارق:اسراء انتي كدا بتدمريني انتي بتضربيني بالسكينه هنا في قلبي ميه ضربه
اسراء:صدقني ياطارق دا هيبقي احسن بالنسبه ليا وليك وللكل من غير ماحد يتأذي
طارق:انا هتأذي ليه مش بتاخدي بالك مني ليه بتاخدي بالك من الباقي الا انا بتاخدي بالك من عيلتك ومشيره وشهد وخالد ومحمود وسايباني انا انا هدمر من بعدك انا هموت
اسراء:خلاص بالله عليك وشالت الخاتم ومسكت ايديه فتحتها وحطت الخاتم وطلعت فوق القوضه وفضلت تعيطت
طارق مشي ركب عربيته وفضل يمشي بيها لحد الليل وعمر رجع من الشغل وملاقهوش وكان قلقان عليه وندي كمان
عمر:انتي قولتيله حاجه
ندي:لاء والله دا انا حتي مشوفتهوش من الصبح
عمر:هيكون راح فين يعني انا هتصل علي اسراء يمكن يكون معاها لسه بيتصل لاقي طارق داخل
عمر:انت كنت فين الساعه ١
طارق:كنت بتمشي محستشي بالوقت
عمر:انا كنت هتصل علي اسراء انت مالك
طارق:مليش انا زي الفل اهه وكان في ايديه خاتم اسراء
عمر: مش دا خاتم اسراء
طارق :كان خاتمها كان
عمر:مش فاهم
طارق: انهارده سابيتني دا كله علشان خاطر بنت اختك وصحبتها وعلشان خاطرك وخاطر بباها
ندي:يابني هو انا عملت ايه
طارق:عملتي ايه لاء معملتيش حاجه ابدا ولا حاجه انتي بس كنتي بتعامليها وحش وخلاص وكل مره بقولك متدخليش البت دي هنا البيت تعانديني وتدخليها
ندي:معلش حقك عليا بس انا المره دي فعلا مش هعمل حاجه
طارق:معدشي ينفع ويلا جوزوني للي انتوا عايزينه ماهو انا بقيت جسم بس من غير روح وطلع وهبد الباب وراه وفضل يعيط
عدي شهر علي كدا وهما مبيتكلموش مع بعض واسراء كانت دايما بتنزل تقعد معاهم بس دماغها مش في مكانه ودايما بتسرح وزعلانه وعمر كذا مره جالها البيت وهي كانت بتفهمه انهم مينفعوش لبعض وبيقتنع بكلامها ويمشي ورضوي كانت بتحاول معاها ونجلاء لكن هي مش راديه اما طارق بقي فكان دايما بيخرج يروح الاماكن اللي هما راحوها قبل كدا مع بعض ودايما قاعد لوحده وفي دنيا تانيه خالص ودايما كان بيقعد تحت بيتها برده وبيبص للبلكونه بتاعتها وهي مكنتش بتطلع ابدا وبيرجع الساعه ١و٢وبيطلع قوضته وبينام
