تاني يوم
طارق صحي ولبس وجهز وراح لاسراء وخبط
اسراء كانت جهزت وخلصت ولسه رايحه تفتح الباب رضوي فتحت
رضوي:خير
طارق:انا كنت مفكر اني هصحي علي وش ملاك الاقيكي انتي
رضوي:ولا جي ليه
طارق:علشان اسراء هنروح الجامعه
رضوي:مشيت يلا سلام وبتقفل الباب
طارق حط ايده علي الباب
طارق:بت نادي اسراء
احمد جه
احمد:مين البت ياض
طارق:سكت مراتك الاول فين اسراء بقي
اسراء طلعت
طارق:مش هي مشيت يارضوي
رضوي بصت لاسراء:برستيجي ضاع كان لازم تطلعي دلوقتي يعني
طارق:يلا انا هاخد حبيبتي وسايبلكم الجو مش عايزك تقصر يااحمد انت اكيد فاهمني
احمد ضربه علي دماغه براحه
احمد:قليل الادب وكمان هي حامل يلا امشي
طارق ضحك وخاد اسراء ونزلوا
طارق: مش هتركبي قدام برده
اسراء:لاء
طارق:اووف منك وركب وساق وكان بيبصلها من المرايه وبيضحك
اسراء شافته وكانت بتضحك بس بتحاول تداري الضحكه
طارق:متداريهاش متداريهاش الشمس بتشرق لما بتضحكي
اسراء وشها احمر
اسراء:ركز في الطريق بدل اما نعمل حادثه
طارق:هههه ماشي ووصلوا
راحوا قعدوا في المدرج علي ما المحاضره تبدأ محمود راحلهم
محمود:كنت مستريح منك لازم يعني ترجعوا لبعض
طارق:وانت مالك انا مش هسيب اسراء ابدا
محمود:بلاش تبقي واثق من نفسك للدرجادي انت بس بتتقاوي علشان ابوك يبقي لواء غير كدا انت متساويش حتي قشر بصله
طارق كان هيقومله اسراء بصتله فقعد
اسراء:ملكشي دعوه يامحمود وخلاص بقي انا دلوقتي مش هكون لحد غير طارق انت فاهم احفظ دا في دماغك هي قالت دا وهي محروجه بس قالت كدا علشان تحرج محمود
طارق بصلها بإبتسامه
طارق:اظنك سمعت
محمود قام :هتبقي ليا برده ومشي
طارق بص لاسراء
طارق:الله عليكي حبيبتي اخيرا بدأت ترد
اسراء وشها احمر
اسراء:انا قولت دا بس علشان احرجه واخليه يقوم
طارق:برده انا بحبك اووي في كل حالاتك ياروحي
اسراء مردتش وكان وشها احمر وبصت في الكتاب
خالد كان جه بس طارق ملاحظشي
طارق:يلاهووي علي الفارولايه انا عايز اشرب عصير فاروله من ايدكي دي
اسراء مكنتش بترد وبصه للكتاب خالد شافه راحله وضربه بالعصايه علي كتفه بس براحه
هو بصله
خالد:بتعمل ايه
طارق:وانت مالك
خالد:قوم من مكانك اقعد في مكان تاني
طارق:بقولها تاني مره اهه وانت مالك
خالد:قوم احسنلك
طارق:هتعمل ايه يعني انا اصلا لسه محسبتكشي علي اللي عملته
خالد:وانا عملت ايه بيقولها ببرود
طارق مسكه من قميصه وقال بصوت عالي:انك تروح كل يوم لبيت خطيبتي وتحاول تغصبها علي حاجه هي مش عايزاها
اللكل حط ايده علي بوقه بصدمه واسراء كانت مبتتكلمشي وبتحاول تسكت طارق علشان ميقولشي حاجه غلط
طارق:ها رد
خالد:ايه خايف ان اكون عملت حاجه معاها
طارق اتعصب جامد وضربه وفضل يضرب فيه
اللكل كان بيسلك
وسلكوا مابينهم وكانوا بيبصوا لاسراء
اسراء كانت بتعيط طلعت من المدرج خالص
كنزي طلعت وراها
كنزي: متزعليش يااسراء
اسراء: ه هما اكيد فهموا شوفتي كانوا بيبصولي ازاي
كنزي:حبيبتي اهدي هو بس علشان الدكتور خالد قال كدا اهدي قوليلي هو حصل حاجه فعلا
اسراء:انتي مجنونه ياكنزي اكيد لاء لو كان حصل حاجه مكنتش فضلت مع طارق
كنزي:خلاص انا اسفه يلا تعالي نرجع
اسراء مسحت دموعها ومشيت معاها راحوا المدرج
اللكل كان قاعد مكانه وساكت
وطارق كان قاعد في مكان ورا اسراء مش جنبها
كنزي واسراء مستغربين
كنزي:اميره هو ايه اللي حصل
اميره:المعيد جه ولما عرف ان طارق داخل في الموضوع اتصل علي بباه وهو جه وإتفاهم ورجع طارق ورا بس طبعا بعد معاناه
كنزي:والدكتور خالد
اميره:راح يغسل وشه
كنزي:اه تمام وقالت لاسراء
الدكتور خالد جه وكان مبيبصلهومشي وشرح وخلص
اول لما مشي طارق طلع لاسراء قدام
طارق:انتي كويسه ياحبيبتي
اسراء:كويسه
طارق:تمام تيجي نمشي من الجامعه وبلاش نحضر المحاضره التانيه
اسراء:لاء انا هحضر المحاضره لو عايز تمشي انت امشي
طارق:لاء هستني معاكي
والمحاضره التانيه بدأت وحضروها وخلصوا
طارق:اركبي ياحبيبتي يلا هوصلك
اسراء:لاء انا هروح لوحدي
عمر جه وكان معاه عربيته
عمر:طارق اسراء اركبوا يلا
طارق:برده يابابا جيت انا قولت متجيش
عمر:قولت اركبوا
طارق ركب قدام واسراء ورا وكانت ساكته خالص
طارق:وعربيتي هتفضل هنا
عمر:هبعت حد يجبهالك
طارق سكت واسراء كانت ساكته وباصه للشباك
وصلوا لقوضه عمر في الشرطه
طارق:جايبنا هنا ليه يابابا
عمر:اسراء انا ممكن ارفع قضيه علي خالد لو عايزه عايزه ترفعي قضيه عليه
اسراء:ل لاء
عمر:ليه
اسراء:دا الدكتور بتاعي وخلاص كلها سنه وهسيب الجامعه فبلاش اعمل مشاكل وشكرا اووي لحضرتك انك فكرت فيا
عمر :انتي زي بنتي وبص لطارق
عمر:طارق انت ممنوع انك تقابل اسراء الاسبوع دا
طارق:ليه بقي هو انا عملت ايه
عمر :دا عقابك
طارق:وانا اتعاقب ليه مش هو اللي قال واتكلم وانت سألت الموجودين
عمر:قولتلك دا وخلاص واذا مش هتنفذه همنعك انك تشوفها لمده شهر
طارق:مش هعمل اللي بتقولي عليه انا مش غلطان اني ضربته وطلع وهبد الباب
اسراء:انا بجد تسفه ياانكل كل اللي بيحصل دا بسببي
عمر:متعتزريش وكمان طارق السبب هو اللي مش عارف يتحكم في نفسه تعالي اما اوصلك
اسراء:لاء شكرا لحضرتك انا هركب تاكسي
عمر:ماشي متزعليش انا بعمل دا علشان متحصلشي مشاكل اكتر
اسراء:مش زعلانه انا مقدره اللي بتعمله حضرتك
عمر:ابقي فكري في اللي قولته انا ممكن ارفع قضيه عادي علي اي حد يضايقك
اسراء:شكرا اووي لحضرتك مش مهم انا هخلص الجامعه ومش هيبقي في مشاكل ان شاء الله عن ازن حضرتك
عمر:ازنك معاكي
هي روحت وكانت مضايقه اووي وزعلانه اول لما راحت البيت هي فتحت الباب بالمفتاح اللي معاها وطلعت فوق علطول من غير ماتتكلم مع رضوي
رضوي طلعتلها ودخلت
رضوي:مالك ياروحي
اسراء:مليش
رضوي:قولي يااسراء مش عليا دا يلا
اسراء حكتلها كل حاجه :انا بس زعلانه انه قال كدا كل الناس فهمته واكيد هيشوهوا سمعتي
رضوي:معلش ياحبيبتي مش انتي قولتي ان ابو طارق جه خلاص هو اكيد اتفاهم ووضح كل حاجه متزعليش بقي ويلا غيري وتعالي ساعديني في الغدا
اسراء:تمام رضوي طلعت وهي غيرت ونزلت وكانت قلقانه علي طارق علشان مشي متعصب
احمد جه واكلوا وطول الوقت دا طارق مكنشي رجع بيته وكان بيتمشي لحد باليل وقال انه مش هيرجع البيت فراح لاسراء وخبط
رضوي فتحت
رضوي:طارق جيت ليه في الوقت دا
طارق:مش عايز ارجع البيت ممكن ادخل
رضوي:اكيد وهو دخل
اسراء شافته
اسراء:طارق مرجعتش البيت ليه
طارق:مش هرجع البيت نهائي هما هيتصرفوا علي مزاجهم الحاجات دي تخصنا انا وانتي بس ومش عايزهم يدخلوا فيها
اسراء:مينفعشي ياطارق يلا روح البيت بباك اكيد قلقان عليك هو وممتك
طارق:لاء انا كنت مبجيش البيت لتاني يوم وهما عادي
اسراء:برده مينفعشي يلا ياطارق
احمد:خلاص يااسراء شكله متعصب ومضايق منهم بلاش يروح وتحصل مشكله
اسراء:تمام تعالي اما اوديك قوضتك شكلك تعبان
طارق طلع معاها ودخل وقعد علي السرير
طارق:انا مستحيل ابعد عنك ولا لحظه
اسراء مردتش :يلا نام علشان اغطيك
طارق نام وهي غطته
طارق:اسراء
اسراء بصتله
طارق:انا بحبك خليكي عارفه كدا
هي ابتسمتله :تصبح علي خير
طارق:وانتي من اهله ياروحي
اسراء طلعت ورنت علي عمر وقالتله انه جه عندهم
عمر:لاء الولد اتجنن اكيد
اسراء:انا حاولت ان أخليه يروح البيت بس هو كان مضايق اووي ومش رادي
عمر:تمام خلاص يااسراء يلا تصبحي علي خير
اسراء:وحضرتك من اهله
هي قفلت
رضوي:ها قال ايه
اسراء:مقالشي حاجه يلا انا هطلع انام تصبحوا علي خير
احمد ورضوي:وانتي من اهله وطلعت نامت
وكمان هما طلعوا وناموا
وبس كدا ❤
