عدى شهرين وطارق مش بيسيب اسراء ابدا وبيشلها طول الوقت ومقعدها معظم الوقت معاه في المكتب وبياخد باله منها جامد وكده واسراء كانت حامل في اخر الشهر التالت
في يوم اسراء صحت واستحمت ولبست وطارق صحى
طارق:صباح الخير
اسراء:صباح النور انا ماشيه انا بقا
طارق:تمشى فين انتى بعد كدا هتروحى معايا
اسراء:لاء انا هروح انا عشان ماتأخرش
طارق:اسراء كفايه انك بتشتغلى وانتى حامل
اسراء:انا كويسه والله
طارق:اسراء انا قولت كلمه هتستنينى
اسراء:انا كل يوم بروح معاك بس اصلا النهارده هنروح القاعات ونظبطها ومعايا يوسف ومى والعمال انا هقولهم يعملوا ايه بس
طارق :هاجى معاكى
اسراء:طارق انا مش صغيره
طارق:لو مجتش معاكى مش هتروحى
اسراء:انا مبتهددش وانا مش مقيده
طارق:قولت مفيش مرواح شركات وزفت
اسراء:زفت!
طارق:اووف بصي اعملى اللى انتى عايزاه انا مش عايز اتخانق وقام دخل الحمام وهبد الباب وراه
هى خدت نفس ومشيت راحت القاعات
(مى ويوسف دول بردوا شغاليين في الشركه اتعرفت عليهم وبتشتغل معاهم )
يوسف: صباح الخير
اسراء:صباح النور
مى:اتأخرتى النهارده
اسراء:معلش كان في حاجه وخلصتها يلا نشتغل
يوسف:تمام
اسراء كانت مع العمال بتقولهم يعملوا ايه وكده
طارق راح الشركه وكان مضايق من اللى قاله
طارق:انا غبي والله اووف وراح القاعات بتاعه الشركه وشافها كانت واقفه مع العمال وبتشرحلهم
اسراء:احنا عايزين الدخول يبقي زى ديزنى كده وهنطفى الانوار كلها ونعمل ضوء خفيف يطلع خيال العريس والعروسه وهما نازلين والالوان هتبقي لا هى غامقه ولا فاتحه وهنخلى الزينه باللون الفضى يلا ابدؤا ادهنوا الالوان دى وورتلهم على اللابتوب الالوان والاشكال اللى هى اختارتها
العمال:تحت امرك
اسراء بابتسامه:اتفضلوا
العمال كانوا بيحبوها لانها طيبه معاهم ومش بتتعبهم وبتحترمهم ودايما بتجبلهم اكل وبتساعدهم وكده
مى:العمال بيحبوكى اوى
يوسف:اسراء الكل بيحبها
اسراء ابتسمتلهم ولسه بتضير لقت طارق واقف وبيبصلها
هى متكلمتش
اسراء:مى انتى تعالى شوفى بقا الحته اللى برا دى فاضيه لازم نستغلها انتى خدى عمالك وابنوا فيها كوخ او حاجه وانا هختار الديكور علشان يكون زى السيشن بس مختلف فهمانى
يوسف:فكرا تهبل
طارق:فعلا
هى مردتش
مى:اشطا
مى كانت بتشوف ودخلت تورى لاسراء اللى هتعمله
اسراء كانت ماشيه وطارق كان واقف وهى مش مدياله اهتمام وكان هو بيبصلها طارق مسكها وركنها للحيطه
اسراء:ابعد
طارق:اسف والله بس كنت عايز انام واتعصبت اسف
اسراء:احنا في الشغل ابعد يلا
طارق:طظ في الشغل حببتى اسف والله انتى مش مديانى اهتمام ابدا انا غلطان واسف عاقبينى
اسراء:يووه اوعى بقا
طارق:توء
اسراء:هيشوفونا
طارق:انتى مراتى ومحدش ليه حاجه عندى
اسراء:اوعى يا طارق بقا
طارق: طب عاقبينى بس بلاش تزعلى منى
اسراء:لاء اوعى
طارق:طب اعور نفسي يعنى اكتب اسف على ايدى بالازاز واعور نفسي
اسراء:لاء بردوا
طارق كان عنده حساسيه من المانجا فكان في عصير مانجا هو خد كيس وفتحه وشربه
اسراء:ل لاء والنبي
طارق:انا استاهل وشربه كله
طارق :كح كح كح وكان بيكح ويعطس
اسراء:ليه كده يا طارق
طارق:عشان زعلتك وعطس وكح جامد ووشه وايديه احمروا
اسراء عيطت
طارق:بتعيطى ليه بس والله انا اسف كح كح
الكل كان بيبصوا عليهم من الاول
اسراء:انت غبي والله انت بتتحسس من المانجا بتشربها ليه
طارق:عشان اعاقب نفسي والله كنت هعمل الازاز بس انتى كنتى هتخافى من شكل ايدى
اسراء ضربته في كتفه بالراحه
اسراء:غبي
طارق:متعيطيش ومسحلها دموعها وكح
اسراء:وشك احمر
طارق:مش مهم وباس ايديها
وكح وعطس
اسراء:يوسف والنبي روح الصيدليه هات ........ وقالت اسم الدواء
يوسف:تمام
وراح جابه واداه لاسراء
اسراء خدته وادت لطارق هو بعد شويه بطل كحه وعطس واحلو
الكل كان بيبصلهم بابتسامه على حبهم لبعض
طارق:اسف والله
اسراء:خلاص مش زعلانه
طارق:بجد
اسراء:اه
طارق حضنها وشالها وهو شايلها وحضنها باسها من رقبتها الكل شايفهم
اسراء:نزلنى الكل بيبص
طارق:انتى مراتى والله
اسراء:انا محروجه
طارق:توء متتحرجيش يا حببتى محدش ليه حاجه عندنا
اسراء:نزلنى
طارق:توء انتى وحشتينى اوى
اسراء:انا معاك كل يوم
طارق:انتى فاهمه
اسراء:طلعها من دماغك خالص الفكرا دى
طارق:منا هطلعها النهارده وشالها بين ايده
اسراء: نزلنى ورايا شغل
طارق: مش مهم
وركبها العربيه وراحوا الڤله
اسراء:والله انت متخلف
طارق:هههههههه مش هنزلك بردوا
وحطها على السرير
اسراء:انا حامل
طارق:مش هوجعك
اسراء:ياطارق بقا
طارق:والله مش هتتوجعى وعد منى
اسراء:ت تمام
و........ تسكت شهر زاد عن الكلام الغير مباح
عند ام طارق
ندى:مبيجليش خالص ومتعلق بيها بطريقه رخمه
مشيره:قولتلك انها مش ساهله ابدا
ندى:اعمل ايه
مشيره:بصي انتى اعزميهم على الغدا بكرا وخدى الدوا ده حطلها منه في طبقها بس ده هيخليها تهلوس في الكلام وتشتمك وكده وطارق يتعصب منها ويتخانقوا
ندى:ب بس ده مش هيأزى اللى في بطنها
مشيره:لاء انا سألت الدكتور
ندى:شكرا انا مش عارفه من غيرك كنت هعمل ايه
مشيره:متقوليش كده يا خالتو
ندى:وعد منى انى هجوزهولك
مشيره:يارب يا خالتو يارب
مشيره اتفقت مع خالد انهم يسقطوا اسراء فراحوا لدكتور وخدوا منه حبوب بتموت الطفل يعنى وبتأجهض بس هما خدوها ودقوها وخلوها بودره علشان تسقط اسراء (الحبايه بتفضل تحارب الجنين نص ساعه وبعدين بتقضى عليه خلال النص ساعه لو اكتشفت المفروض بتشرب اللبن لان اللبن بيقضى على الحبايه فالحبايه مفعولها بيقف بس الجنين بيتعب هو والام وبيقطع النفس وقت الولاده )
تانى يوم كان الجمعه وكان اسراء وطارق معزومين عند اهل طارق
طارق:السلام عليكم
عمر:وعليكم السلام
دخلوا
ندى:يلا عشان الاكل
قاموا وقعدوا على السفره
اسراء طبقها كان على اكلها بتاع لونه احمر
اسراء:طنط هو ايه البتاع الاحمر ده
ندى:د ده يا حببتى طعم مزز عشان متقرفيش وتعرفى تاكلى وتتغزى
اسراء:تمام شكرا يا طنط
ندى:العفو يا حببتى
اسراء كلت وقعدت
بعد ربع ساعه من الاكل حست بوجع
اسراء:اووف
طارق:مالك
اسراء:م مفيش حاجه
طارق:تمام
اسراء كانت بتتوجع جامد بعد ٥ دقايق قامت
طارق:رايحه فين
اسراء:هروح لطنط
وراحت لها المطبخ
اسراء:طنط انا بطنى بتوجعنى ده من ايه
ندى: م معرفش تلقى الجنين بيكبر
اسراء:انا بموت ااه
ندى بدأت تقلق
ندى:هو انتى حاسه بوجع بجد
اسراء:ااااااااه انا بمووت ااااااااااااااااه
طارق سمع صوتها راح المطبخ جرى
طارق:حببتى مالك
اسراء:بطنى يا طاارق ااااه
طارق:ايه حصل ومسكها
اسراء:مش عارفه بتبص لقت الدواء على الرخامه
اسراء كانت نفسها تطلع دكتوره فدايما كانت بتقرى في الطب وعارفه ان الدوا ده اجهاض هى عارفاه يعنى وكده
اسراء:ط طنط اوعى تكونى حطتيلى من ده ااااه
ندى:ل لاء
اسراء:لو حطيتى قولى ارجوكى
ندى:لاء
طارق بعصبيه:انجزى حطيتى ولا لاء
ندى:ا ايوه
اسراء:طارق هات كوبايه لبن
طارق:نعم
اسراء:انجز يا طارق
طارق:حاضر حاضر وجبلها
اسراء شربتها كلها وبعديها رجعت واغمى عليها
طارق:اسراااء وجرى عليها شالها ووداها المستشفى
وامه وابوه راحوا وراه
الدكتور كشف عليها وطلع
طارق:خ خير يا دكتور
الدكتور:مش خير خالص
طارق بقلق:في ايه
الدكتور:المدام واخده حبوب اجهاض بتموت البيبي خلال نص ساعه بس كويس انها شربت لبن في اللحظات الاخيره فقضت على الحبايه ورجعت فطلعتها من جسمه بس الحبايه هاجمت الطفل وهو في البطن لما الطفل هيتولد هيمانع خروجه للحياه وهيحس بخنقه فهيسحب الاكسجين بتاع الام كله وكده هى هتموت ولو مسحبش الاكسجين بتاعها هى هتموت نتيجه لخنقه وصعوبه نفس وده هيموتها برده
طارق :ا انت بتقول ايه متقولش كده
الدكتور:دى الحقيقه
طارق:والحل
الدكتور:هو مفيش غير حل واحد وهو ان المدام تعمل عمليه اجهاض ونتخلص من الجنين دى الحاله الوحيده اللى ممكن ننقذ فيها حياه الام غير كده الام ميته بعد ازنكم
طارق بص لامه بعصبيه
ندى:.........
بس كده 💔💔
