الحكايه بأختصار أننا أحياناً بنختار غلط وبنبقي فاكرين أننا صح ومينفعش حد يعارضنا لحد ما تظهر الحاجه إلي تخلينا نتأكد أننا غلط من البدايه ودي حكايتي أنا فيروز عايشه حياتي جدآ وشايفه أن الحياه بسيطه ومش معقده بس بابا دايما خانقني ومأيدني مش قادر يفهم إني لسه صغيره وعاوزه اعيش حياتي دايما تحكمات طول الوقت زهقانه من حياتي نفسي بقي نتجوز أنا وأحمد ونسافر ونبقي لوحدنا خالص
نسيت اقولكم من احمد ده حبيبي بتخرج وبنتفسح علطول طبعآ بيبقوا عارفين إني في الجامعه بس بكون مع أحمد مش مقتنعه إني غلط أصل هعمل إيه هعقد نفسي ليه
أحمد: ايه يا حبيبتي هنخرج انهارده ولا هتروحي الجامعه
فيروز: أنا بتاعت جامعه برضو يا بييي اكيد هنخرج
وكانت فيروز بتخرج من البيت ادام والدها بلبس وبره البيت تغير شكلها وطبعا شنطتها مفيهاش غير ميكب وبرفيوم من الآخر عايشه حياتها
فيروز كان ليها اخت بنت صغيره بس كانت أعقل منها بس كانت دايما بداري علي فيروز عشان خايفه من والدها وعارفه أنه صعب جداً
رحمه : فيروز أنا بعد كده هقول لبابا شنطتك علطول مفيهاش غير الميكب والحاجات دي ومفيش مره ألاقي كتاب يا بنتي أنتي كده مش هتخلصي كليتك خالص
فيروز: بت أنتي ملكيش دعوه وازاي تفتشي في حاجتي ناقصه العيال كمان يقولولي أعمل إيه ومعملش إيه
رحمه: خلاص أنا غلطانه وأنتي حره يا فيروز بس بكره تندمي
فيروز : بكره الساعه كام هههههههههه
اطلعي بره الاوضه بقي دلوقتي عاوزه أتكلم في الموبايل
احمد: حبيبتي اتاخرتي عليا كنتي فين
فيروز: سوري يا حبيبي اختي الصغيره كانت بتديلي محاضره
المهم خروجه انهارده كانت واو حلوه جدا لازم نكررها يا بيبي
أحمد: حبيبتي طبعآ اهم حاجه أنك اتبسطي وبابا موجود اخد منه فلوس واعملك إلي أنتي عاوزه
والد فيروز ينادي عليها
فيروز فيروز تعالي هنا عاوزاك
فيروز: احمد اقفل بسرعه بابا بينادي
نعم يا بابا حضرتك عاوزني
والدها : ايوه اعدي عملتي اي انهارده في الجامعه بتاعتك
وبعدين فيروز بصت لرحمه
فيروز: كويسه يا بابا كله كويس
والدها: طيب وريني اخدتي أي انهارده
فيروز: يا بابا هو أنا لسه طفله وفي المدرسه أنا بفهم بس من الدكاتره او بنسجل المحاضره
والدها: عارفه يا فيروز لو السنه دي كمان عدتيها هقعدك من الجامعه ومش هخليكي تكملي كليتك
في غرفه البنات
رحمه: والله يا فيروز ما قولتله حاجه هو سألني عليكي قولتله معرفش اي حاجه وأنها بتروح الجامعه بس
فيروز: والمفروض اني اصدقك صح ماشي يا رحمه عاوزه تفضلي دلوعه ابوكي ودايما عاوزه تثبتيله انك افضل مني بس أنا فهماكي كويس من يوم ما ماما اتوفت وأنا بكره البيت ده اصلا هي كانت أقرب حد ليا
رحمه : فيروز أنا أختك والله بحبك وعمري ما فكرت كده بابا بيعمل كده عشان بيخاف عليكي وهو عاوز بس يطمن علينا
فيروز: كفايه مطمن عليكي واقفلي النور عاوزه أنام
تاني يوم فيروز كالعاده استعدت عشان تقابل احمد وعملت حسابها وخدت كشكول محاضرات قديم علشان لو باباها سألها تخلص من المشاكل ومنسيتش تحط الروج النبيتي وبقيت الميكب
أحمد: هو باباكي علطول مضايقك كده
فيروز: تعبت اوي يا احمد بقيت بكره البيت من ساعه ما ماما اتوفت نفسي افضل معاك علطول امتي بقي تتقدملي مش عارفه مستني إيه طالما خلصت كليتك
أحمد: ها اه اه طبعا يا حبيبتي قريب وهنبقي مع بعض علطول
الامتحانات قربت وفيروز ولا في دماغها أصلها لو خلصت الجامعه هتتحبس في البيت ومش هتعرف تخرج ولا تشوف أحمد بس كل ما افتكر كلام باباها أنه هيقعدها من الجامعه لو منجحتش السنه دي تخاف وتبدأ تهتم شويه وتسأل علي الملازم والمحاضرات المهمه
اضغطي على النجمه 👇👇
