في اليوم ده فيروز كانت بتعيط كانت نفسها أن مامتها تكون معاها تعيط لها وتقولها ياماما أنا مش مبسوطه مش عاوزه مصطفي ولا بقيت عاوزه أحمد عشان اتخلي عني وزعلانه من بابا عشان مش بيسمعني عاوزه اجيلك يا أمي ونتكلم زي زمان وتخضيني في حضنك وتلعبيلي في شعري يارب خدني عندها بقي بس برضو لو كنتي موجوده كنتي هتقوليلي يا فيروز اسمعي كلام أبوكي هو اكتر واحد بيخاف عليكي عارفه أنه بيخاف عليا بس مش لدرجه اني اتجوز واحد مش عاوزه
عمتهم : يلا فيروز أنتي لسه ملبستيش ووريني هتلبسي إيه الأول عشان أبوكي موصيني اشوف لبسك الاول
فيروز: ايوه عشان تروحي تفتني عليا زي المره إلي فاتت صح
رحمه: لا متقلقيش يا عمتو فيروز هتلبس دريس جامد جدا وهتبقي قمر
عمتهم: ماشي يلا البسي بقي ومتحطيش مكياج كتير يا حبيبتي احسن خطيبك يزعل
فيروز: خلاص خطبتوني بالعافيه متجوزوني بقي وخلاص خلينا نخلص
مصطفي وأهله جم ومصطفى كان وسيم جدا كان لابس شميز كاروهات أزرق علي بنطلون جينز
وفيروز كان الدريس بتاعها لونه أزرق
ولما فيروز خرجت والده مصطفي ضحكت اما لقيت شكل لبسها متغير وكان شكلها جميل جدا مع مكياج خفيف حطته بسبب زن رحمه
مصطفي بص لفيروز وضحك وقال بسم الله ماشاء الله
عمتهم : ايه ده انتوا متفقين تلبسوا نفس اللون ولا إيه اهو من الاول في تفاهم اهو
وكلهم أعدوا يضحكوا
فضلوا يتكلموا عن العفش والبيت والكلام ده ووالد العريس قال متفقين أنشا الله نقرأ بقي الفاتحه كلنا
فيروز كان نفسها تبقي فرحانه زيهم بس معرفتش وتظاهرت أدامهم بكام ضحكه رخمه خوف بس من والدها أنه يضربها أو يزعقلها لما قلها يا فيروز خلي الليله دي تعدي علي خير
بعد الفاتحه عمتهم واخت العريس أعدوا يزغرطوا واتفقوا علي معاد الخطوبه
في الفتره دي فيروز مكنش وراها غير جامعتها وكانوا بيجهزوا نفسهم للخطوبه فيروز اختارت في الخطوبه تلبس فستان أسود
رحمه: مبلاش أسود يا بنتي هيبقي كئيب
فيروز: لا حلو كئيب كئيب
جه يوم الخطوبه فيروز معزمتش حد تقريباً كل صحابها في الجامعه علاقاتها بيهم في حدود الدراسه معزمتش غير ونسمه الي كانت معاها في المدرسه وهي قالت لكام واحده من صحابهم بس
جه يوم الخطوبه والكل فرحان جدا أول فرحه تدخل البيت بعد وفاه أم فيروز وخصوصاً والدهم لأن أمله أنه يطمن علي بناته قبل ما يموت
في الخطوبه الفستان الأسود بتاع فيروز كان منورها لأن بشرتها بيضا
مصطفي: إيه القمر ده يا فيروز ماشاء الله عليكي
فيروز بكشوف: شكرا يا مصطفى
مصطفي: أقولك علي حاجه أول مره أسمع اسمي بالحلاوه دي
فيروز بخجل بصت الناحيه التانيه
الخطوبه كانت بسيطه جدآ وجميله فيروز كانت مش عارفه هي فرحانه ولا زعلانه كانت تايهه بس شايفه رحمه وعمتها وقرايب مامتها كلهم فرحانين وبيرقصوا حتي باباها كانت ضحكته علي وشه علطول
اليوم خلص ومصطفى طلب رقم فيروز من والدها وأنه عاوز يطمن عليها من وقت التاني
وطبعا فيروز أخيرا خدت الفون بس مفيش مره فكرت تكلم أحمد لأن صعبت عليها نفسها أنه معملش اي حاجه عشانها حاجه تحسسها بحبه ليها
ودي كانت أول مكالمه بين فيروز ومصطفي
مصطفي : ازيك يا فيروز يارب تكوني بخير
فيروز: الحمد لله
مصطفي: لسه برضو بتتكسفي مني علي العموم انا مبسوط بكسوفك ده اوي
فيروز: ازاي مبسوط بكسوفي
مصطفي: كسوف البنت حاجه جميله يبين أنها بنت ناس ومش جريئه
فيروز: طيب ما يمكن عشان مش واخده علي الي بتكلمه
مصطفي: بيبان يا فيروز حتي البنت دي لو عملت حاجه غلط ممكن تكون عندها حسن نيه فالغلط ميبقاش غلط
فيروز : كلامك غريب اوي يا مصطفي
مصطفي: برضو احلي مصطفي سمعتها
اضغطي على النجمه 👇👇
