وجه وقت الامتحانات فيروز كانت عامله زي التايهه طبعا ما هي بتروح الجامعه كل فين وفين وعدت الامتحانات وكانت بتتمني أنها بس تعدي من سنه تالته دي عشان باباها وتخلص من المشاكل
رحمه كانت بتمتحن امتحانات الثانويه العامه وهي كانت متفوقه جدا وكان حلمها تدخل كليه الهندسه وتفرح والدها وخصوصاً أنها عارفه أنه حنين وأن الي بيعمله معانا ده خوف علينا من ساعه ما ماما توفت بابا أتغير جدآ وبقي يخاف علينا من كل حاجه ونفسه يطمن علينا عشان لقدر الله لو حصله حاجه يبقي مطمن علي بناته
ظهرت نتيجه فيروز كالعاده نجحت بالعافيه ودخلت سنه رابعه
والدها: مبروك يا بنتي وعقبال التخرج طبعا كان نفسي في تقدير بس الحمد لله
فيروز : شكراً يا بابا هو أنا ممكن أخرج مع اصحابي نحتفل بنجاحنا لو سمحت
والدها : تحتفلوا ليه ده انتي يا بنتي ناجحه بالعافيه خلي صحابك يجولك البيت وانا اجبلكم جاتوه واحتفلوا هنا براحتكم
فيروز: جاتوه اي بس يا بابا حرام عليك أنا من ساعه ما خلصت امتحانات اعده في البيت وكمان فاصل النت علينا أنا بجد زهقت
والدها: كلمه كمان وهاخد منك تليفونك ده ما أختك أهيه كانت بتذاكر اد مذاكرتك عشر مرات ومشتكتش
فيروزبهمس: خلاص وعلي إيه تاخد التليفون ما ترجعنا لأيام البدائيه احسن
والدها : بتقولي إيه يبنت سمعك بتتكلمي
فيروز: مبقولش مبقولش
عدي أسبوع وظهرت نتيجه رحمه مجموعها كان عالي جدا والدها أتصل بيها وهو في الشغل
رحمه: السلام عليكم يا بابا ايييه ظهرت وجبت كام
والدها: الف مبروك يا حبيبه ابوكي يلي رافعه رأسه لفوق ليكي عندي هديه كبيره جدا
رحمه: فيروز فيروز اصحي أنا نجحت هدخل هندسه يا فيروز
فيروز: يوووه في حد يصحي حد كده الف مبروك يا ستي ممكن أنام بقي
فيروز كانت صاحيه وسامعه رحمه بس حست بغيره وأنها دايما الافضل منها مع انها الأصغروطبعا كالعاده فيروز الوحشه ورحمه الي مفيش زيها
رحمه دخلت اوضه مامتها ومسكت صورتها واعدت تعيط كان نفسها تبقي معاها في اليوم ده وتزغرطلها علي نجاحها وحست أنها لوحدها وخصوصاً لما فيروز محسستهاش بأي فرحه وأنها فرحانه لأختها
بس والدها جه من الشغل بدري وجبلها هديه كان نفسها فيها بس مكنتش بتقول عشان مضايقشي باباها
فيروز كانت اعده بتتفرج علي التلفزيون ومش في دماغها حاجه غير أنها عاوزه الدراسه تبدأ عشان تخرج
رحمه : إيه ده يا بابا موبايل جديد ليه كده بس والله ما كنت عاوزه حاجه وشكله غالي جداً
والدها : ميغلاش عليكي حاجه يا بنتي وربنا يفرح قلبك زي ما فرحتي ابوكي
فيروز : يسلام طيب ما أنا طالبه من حضرتك يا بابا موبايل جديد اشمعني بقي
والدها: اتخرجي انتي بس وأنا اجبلك الي انتي عاوزاه
رحمه بهمس لفيروز: متخافيش هبقي اديهولك وهيبقي بتاعنا احنا إلاتنين
فيروز : لا يختي خلهولك أنا داخله أنام
رحمه : طيب استني هنتغدي مع بابا
فيروز : كلوا انتوا مش عاوزه
فيروز في الغرفه : يعني يجبلها هي وأنا لا وأنا يقولي أنتي ناجحه بالعافيه أنا هكلم احمد احكيله مليش غيره افضفض معاه
بس الحقيقه أن أحمد مكنش فاضي كان مع صحابه ومعاهم أصحابهم البنات اصله حياته كلها كده مستنين ايه من واحد بياخد المصروف من بابا
أحمد : ألو ايه يا حبيبتي عامله ايه
فيروز: احمد أنا مخنوقه عاوزه أتكلم معاك هو انت فين ايه الدوشه دي
أحمد: أنا في مشوار مع بابا تبع شغله هخلص واكلمك وقفل علطول
أحمد: مش وقتك خالص بصراحه وتعدي تشتكي من اختك وباباكي وأنا زهقت
فيروز : يوووه حتي احمد مش فاضي أعمل إيه أنا دلوقتي إيه الملل ده ملقتش حل غير أنها تنام
أحمد مع أحد أصحابه
هو انت لسه مع البنت إلي إسمها فيروز
أحمد: اه ياعم والمصيبه إني اتعودت علي وجودها معايا بس هي بس لو تبطل حكايه تعالي اتقدملي دي
صاحبه: هي داخله علي كبير جواز علطول
أحمد: وانت عارف بابا هيعد يقولي اشتغل في الشركه معايا الأول والكلام ده وأنت عارفني مليش في جو الشركات والصحيان بدري
صاحبه: اومال هتعمل معاها اي
أحمد: هعمل اي اديها بتخرج وبتتبسط ولو فتحت موضوع الجواز ده هتحجج بأي حاجه
في منزل فيروز
فيروز : الو يا نسمه ازيك فينك يا بنتي
نسمه: في الدنيا يا رزه عامله إيه
فيروز: كويسه ما تيجي تعدي معايا شويه أنا زهقانه
نسمه : ماشي هجيلك بس باباكي يكون مش موجود أحسن ليه بحس أنه مش بيطيقيني
فيروز : هههههه لا متقلقيش هو بابا كده علطول وهو اصلا في شغله
رحمه : هي نسمه صاحبتك جايه ولا إيه
فيروز: اه عند حضرتك مانع
رحمه : يستي وانا مالي أنا بسأل بس
فيروز : اه بحسب
نسمه جت البيت ودخلت لفيروز وفضلوا يرغو كتير جدا ونص كلامهم طبعا عن أحمد
نسمه: وانتي متأكده أنه بيحبك زي ما بتحبيه اوي كده
فيروز: طبعآ يا بنتي بيحبني جدا
نسمه: اومال كل ما تفتحي معاه موضوع الجواز يطنش مع إنك بتقولي أنه مخلص جامعه من زمان ومش وراه حاجه ليه بقي مش بيشتغل
فيروز : عادي بس هو حابب نكون مع بعض كده شويه وقلي هتقدملك وهو مش محتاج لشغل اصلا باباه عنده شركه صغيره كده
نسمه: اوه شركه يا قلب بابا يعني بياخد المصروف
فيروز: انتي رخمه ليه كده انهارده وقلبتي علي رحمه أختي ومحاضراتها الي مش بخلص منها
نسمه : يستي وانا مالي أنا يسأل بس هو حد طائل يلاقي حد بحبه ولا يعبره
فيروز: ههههه قولي كده انك متغاظه بقي
نسمه : ههههههه اه طبعآ متغاظه ما تبقوا تخرجوني معاكم
وقطع كلامهم صوت رحمه وهي بتنادي فيروز بابا جه
نسمه : ينهاري أنا همشي بقي
والد فيروز: رايحه فين يا بنتي اعدي اتغدي مع البنات
نسمه : شكراً يا عمو عشان متأخرش
نسمه بهمس لفيروز : ما عمو طيب اهو اومال في ايه
عدت شهرين والدراسه بدأت والبنات استعدوا ورحمه كانت قلقانه من دخولها الجامعه وطبعا فيروز كان بالنسبالها مده السجن خلصت خلاص هتشوف احمد وتخرج
اضغطي على النجمه 👇👇
