فيروز كانت فعلا مكسوفه منه جدآ بس مننكرش أنها غلط في حاجات كتير وفاهمه الحريه غلط فاهمه أنها لازم تخرج وتتبسط وتحط ميكب وتتجوز الي بتحبه
مصطفي غيرها خالص البنت تعمل كل ده لما تتجوز في بيتها تخرج معاه وتلبس أحلي حاجه وتتبسط معاه هو
الاتنين عكس بعض بس يا تري هيكملوا ولا لا
فيروز : عن اذنك يا بابا ممكن انزل أشتري شويه حاجات مع نسمه صاحبتي
ماشي بس خدي رحمه معاكي متروحيش لوحدك
فيروز: ماهي قالت عندها مذاكره يابابا وبعد أذنك عاوزه فلوس
والدها: خدي إلي أنتي عاوزاه يا بنتي بس متتأخريش
فيروز مع نسمه
نسمه: يا بنتي أنتي مش عاجبك حاجه خالص هو حد طايل
فيروز: هو أنتي معندكيش غير جمله هو حد طايل اقولك أحمد تقولي حد طايل مصطفي برضو كده ليه محدش عاوز يفهمني
نسمه : لا أنا فهماكي كويس انتي عاوزه تتجوزي وتمشي من البيت عشان تحكمات باباكي وفي نفس الوقت تتجوزي إلي بتحبيه وتعيشي حره وتتبسطي أنتي طماعه يا فيروز
فيروز: طيب يلا خلصي عشان اجيب الحاجات الي عاوزاها
مصطفي بيتصل بفيروز
مصطفي: السلام عليكم ازيك يا فيروز
فيروز: وعليكم السلام الحمد لله كويسه
مصطفي: هو أنتي بره البيت
فيروز : اه مع واحده صاحبتي بشتري شويه حاجات
مصطفي: طيب ليه مقولتليش قبل ما تنزلي عشان اطمن عليكي
فيروز: هو أنا المفروض أقولك علي خطواتي اليوميه ما بابا عارف
مصطفي: طيب تمام لما تروحي نتكلم
فيروز: اهو شفتي من اولها تحكمات قال ليه مكلمتنيش قبل ما تنزلي ما كفايه عليا بابا
نسمه هتتكلم
فيروز قاطعتها : عارفه يا نسمه لو قلتي هو حد طايل هسيبك وامشي
نسمه: هههههه لا هقولك طيب وفيها أيه عاوز يطمن عليكي يعني لو كان احمد الي بيعمل كده كنتي هتزعلي
فيروز: أحمد كان بيسيبني براحتي
فيروز لما روحت نسيت ترن علي مصطفى ومكنشي في دماغها اصلا أنها ضايقته بكلامها بس مصطفي كان زعلان واعد يفكر وقال إنه ممكن يكون فعلا رخم طالما هي لسه في بيت والدها أنا مليش دعوه بتروح فين
تاني يوم والد فيروز عزم مصطفي يتغدي
معاهم وعشان هو وفيروز ياخدوا علي بعض شويه وخصوصاً أنه عارف أن فيروز هتجوز مصطفي بس لمجرد ترضي والدها بس
مصطفي وفيروز مع بعض
مصطفي: لسه زعلانه مني
فيروز: لا مفيش حاجه بس أنا إلي أسفه لو كلمتك وحش
مصطفي: عادي ولا يهمك المهم بقي أنتي إلي عامله الغدا انهارده
فيروز: بصراحه أنا ورحمه ماما الله يرحمها كانت معلمانا حاجات كتير
عدت الأيام عادي رحمه في جامعتها وفيروز بتحضر لجوازها بس للاسف محستش لسه بأي حاجه من ناحيه مصطفي وكانوا علطول في خناق بسبب فيروز وان كل حاجه رفضاها بس مصطفي بعقله كان بيعرف يحل مشاكلهم
وده بعد ما قعد مع والدها
والدها: عارف يبني أن فيروز دماغها ناشفه وانكم مش متفقين مع بعض بس حقك عليا يا بني بس صدقني هقولهالك مره تانيه أنا مش هلاقي لبنتي حد زيك ومش هطمن عليها بعد ما اموت غير أما تكون هي وأختها مع ناس ولاد حلال خصوصاً أنهم طول عمرهم لوحدهم وكل أخواتي وقرايب أمهم مشغولين في حياتهم يعني أنا هسيب فيروز امانه في أيديك
مصطفي: كلام حضرتك علي رأسي والله وربنا يديك طوله العمر يا عمي
في الجامعه
فيروز مع زمايلها وبتعرف معاد الامتحانات والمحاضرات المهمه لاقت حد بينادي عليها
فيروز : أحمد أنت جاي ليه يا أحمد
أحمد: وحشتيني يا فيروز أنا اكتشفت اني معرفش أعيش من غيرك وكلمت اهلي عليكي
فيروز: بعد إيه بس يا أحمد ما أنا كنت معاك
أحمد: أنتي خلاص لبستي دبله يا فيروز
فيروز: أنا فرحي بعد الامتحانات يا أحمد ليه ظهرت تاني انا كنت ما صدقت بعدت وقولت ممكن انساك
أحمد: عمرك ما هتعرفي تنسيني يا فيروز زي ماانا معرفتش انساكي سبيه يا فيروز وأنا والله هكون معاكي
فيروز: حرام عليك بقي أنت بتعمل فيا كده ليه ليه بتعذبني ابعد يا أحمد أنا إلي أنا فيه ده مش بمزاجي سبني بقي في حالي
فيروز سبته ومشيت واعدت تكلم نفسها
ليه يارب الحاجه الي بنبقي عاوزنها بتيجي متأخر اكيد ليك حكمه في كل حاجه يارب أنا لسه مش عارفه اشيل أحمد من قلبي وبعد ما قررت أنساه يظهر تاني ليه ليه
فيروز روحت بس كلمت مصطفي وكانت مقرره تقوله أنها مش قادره تكمل معاه وهو اكيد هيفهما
فيروز : ازيك يا مصطفي أنا كنت عاوزه أتكلم معاك في موضوع
مصطفي : طبعآ يا فيروز ده انا نفسي تتكلمي معايا في اي حاجه
فيروز : أنا...........
اضغطي على النجمه 👇👇
