إلي أنا شايفه ده بجد
فيروز كانت واقفه وراه وحضنته اه بجد
مصطفي بيقرأ كلام مكتوب علي المرايا
مبروك هتبقي أب
مصطفي شالها وحضنها وفضل يلف بيها
فيروز: براحه يا مجنون أنا حامل
مصطفي: ايوه صح نسيت أنتي المفروض ترتاحي خالص متعمليش أي حاجه
فيروز: لا بقولك ايه بلاش جو الأفلام ده بتاع متعمليش حاجه ومتتحركيش
مصطفى: يا ستي أنا هدلعك وهخليكي ولا تشيلي ولا تحطي أنتي بس تنامي كده وأنا هعملك كل حاجه تقومي من السرير تصلي بس
فيروز: هههههه يخرابي أنت كده هتعجزني
مصطفي : أنا هتصل بأمي افرحها
فيروز : وأنا هتصل ببابا أقوله لأني كان نفسي أنت أول واحد تعرف مقولتش لحد خالص
مصطفي كان عمال يجري في الشقه ويضحك بصوت عالي مكنشي مصدق مصدق نفسه من الفرحه
فيروز: ألو السلام عليكم يا بابا ازي حضرتك يا جدو
والدها: جدو ايه يا بنتي فيروز يا بنتي هو أنتي
فيروز: ايوه يا بابا أنا حامل
والدها : كان بيتكلم بعياط حبيبتي يا بنتي يارب تقومي بالسلامه
فيروز: حبيبي يا بابا أنت بتعيط
والدها: فرحه يا بنتي عارفه يعني ايه هيبقي عندي حفيد من بنتي ويقولي يا جدو
فيروز: طيب لو حفيده مش هتتدلع
والدها: والله اشيلها في عنيا بس أنا أعيش واشوفها تيجي بالسلامه يارب
قفل معاها ومسك صوره زوجته : أخيراً هيبقي عندك حفيد يا فاطمة كنتي هتبقي احلي واحن جده في الدنيا أنا عارف انك حاسه بفرحتي دلوقتي
مصطفي لسه بيكلم امه من فرحتها عماله توصيه علي فيروز
متخلهاش يا بني تشيل حاجه تقيله اول تلات شهور لازم تريح نفسها خالص لازم تاكل أكل مفيد
مصطفى بيضحك : هههههه حاضر يا أمي متقلقيش والله هشيلها في عنيا
مرت شي الأيام كانت فيروز بتحاول متتعبش نفسها علي قد ما تقدر عشان متزعلش مصطفي وكانت رحمه بتجيلها كتير جدآ عشان تبقي جمبها ومعاها لو محتاجه حاجه
ومصطفي كان بيجي جري من الشغل عشان يكون مع فيروز وكان في اليوم ده هيروحوا للدكتوره عشان يعرفوا نوع الجنين مصطفي كان متحمس جدآ وكان نفسه في بنوته
مصطفي لفيروز : أنا قلبي حاسس أنها بنت عارفه يا فيروز لو بنت هسميها فيروزه وانشاء الله هتبقي شبهك بالظبط
فيروز: خلاص سمتها كمان أول مره أشوف راجل يبقي عاوز بنوته كده اومال ليه دايما بتشوف في المسلسلات والافلام بيتبقوا عاوزين ولد
مصطفي: ده في الأفلام وفي الواقع فعلاً في كتير كده بس بنت بتبقي دلوعه أبوها وأنا من ساعه ما عرفت أنك حامل وأنا بقول إلي يجيب ربنا هحمد ربي عليه المهم يبقي سليم معافى بإذن الله
عند الدكتوره
فيروز: ها يا دكتور بان النوع
الدكتوره: واضح أنك بتتكسفي أوي عشان بنوتك زيك اهيه ومداريه نفسها خالص
مصطفى: بنوتك هههههه شفتي بقي يا حبيبتي أنا كان قلبي حاسس
الدكتوره: أنا قولت أن حضرتك هتزعل أنها بنت
مصطفى: أزعل إزاي دي احلي هديه من ربنا الحمدلله
مصطفي وفيروز اتمشوا شويه بعد الدكتوره ومصطفي تقريباً مبطلش رغي من ساعه ما خرجوا هنسميها أي هعلمها الصلاه هخاف عليها أوي هوديها واجبها من المدرسه
فيروز قاطعته : مصطفي كفااااايه أنا تعبت أسكت شويه
مصطفي بضحك: هههههه لا مش هسكت أنا فرحان جدآ الحمد لله يا فيروز
فيروز : الحمد لله بس أنا عاوزه اطلب منك يا حبيبي
مصطفى: أنا عنيا ليكي اي حاجه أنتي عاوزاها هعملها
فيروز : أنا عاوزه أسمي بنتي فاطمه علي أسم أمي بس خايفه تضايقك لو في دماغك إسم تاني
مصطفي: يسلام بس كده هنسميها فاطمه طبعآ ده إسم جميل جدا كفايه أنه علي أسم فاطمه الزهراء بنت الرسول عليه الصلاة والسلام وانا بقي هدلعها واقولها فاطيما إيه رأيك
فيروز: هههههه جميل اوي فاطيما مصطفي
عدت شهور الحمل لفيروز وكان خلاص الكل مستعد أنها ممكن تولد في أي وقت
