شعور الحب بعد الانتقام

البارت 1

البارت الاول

شعور الحب بعد الانتقام

بقلمي _ سوسه الربيعي _

لمار ..
الصبح الساعه 7 صباحا ..

بغداد ..الجادريه
نايمه وصوت المنبه بأذاني..
طننننننن..
اووو شنو هالازعاج.. فتحت تك عين ومديت ايدي اتلمس الموبايل حته اطفي يرن بأذاني..

سديت المنبه وكفيت الغطه عني وگمت ..
دخلت للحمام فرشت اسناني لبست ملابسي الرياضيه وطلعت ..
دخلت الحديقه .. اخذت نفس .. افييييييييش
ريحه الجو والزرع تخبل تفتح النفس من الصبح .

مشيت شويه ولعبت رياضه حسيت روحي صحصحت
خلص صار وكت اروح ابدل واتهيأ للدوام ..

دخلت للمطبخ ..
شفت ماريا واكفه تحضر للريوك ..
مديت  راسي من باب المطبخ وحجيت .

__ ماريا ربع ساعه واريد الريوك ع الطاوله استعجلي

هزت راسها .. اوك..

اخذت المنشفه وطبيت للحمام .. سبحت لبست البرنص والشبشب.. وحضرت ملابسي حته ابدل..

بدلت وباوعت روحي بالمرايه.
رسمت كحل وخليت ماسكارا .. وحمره برونز ..
اباوع ع ملامحي واتذكر امي .. يوم عن يوم وكلما اكبر احس روحي اشبهج يا ماما
.. اتنهدت وحجيت .

__ اوف ماما حيل مشتاقتلج..

سديت دكم سترتي  ولبست حذائي..
وشلت شعري ليفوك ..
اخذت جنطتي وطلعت ..

رحت للصاله .. شفت الريوك ع الطاوله ..
جريت الكرسي وكعدت اتريك ..

اجتي عمتي بيداء ..
يا هلا بحبيبه كلبي وبنت اخويه الغالي.. صباح العسل

باوعت عليها وضحكت
__ صباح الحب حبيبتي عمتو ..

نورس .. اجتي ونافشه شعرها وكوه تمشي وتحجي بنعس
شكو شعدجن كاعدات من الصبح ..

لمار .. حبيبتي اني اكول لو تروحين تشيلين هاي كفشتج وتغسلين وجهج هوايه احسن لان سديتي نفسي عن الريوك ..

بيداء ... جريت الكرسي وكعدت يم لمار .. غمزت اللمار وحجيت..

__اي والله صحيح شلون وجه يسد النفس

__ ليش تحسسوني اني وحده لقيطه لو جنت مشموره بكيس الزباله وصدفه شفتوني عطفتو عليه وربيتوني عدكم ..انداريت ع امي..
__ وانتي ولا عبالك اني بنتج تحبين لمار اكثر مني..

لمار .. اخذت كوب الجاي شربت وانداريت على عمتي وكلتلها ..
__ كولشي جايز حبيبتي .. مو هيج عمه ؟؟

عمتي بيداء انفجرت بالضحك ..وكولنه كمنه نضحك سوه ..

بس وكفنه ضحك لمن سمعنه جرس الباب يدك ..

صحت اني..
__ ماريا الباب

راحت ماريا فتحت الباب ودخل انور ..