أنت تقرأ

شعور الحب بعد الانتقام

Genel Kurgu

فتاه في اواخر العشرينات تمتلك ثروه هائله ورثا من ابيها .. عندما تفقد اهلها وهي صغيره في اثر حادث سير تلتجأ للعيش عند عمتها .. وتبدا الحكايه..

#انتقام #تشويق #حب #حزن #خذلان #قسوه

البارت 2

147 5 1 
                                    

                                              
رجاءا سوو متابعه وتصويت حبايب 😘😘

                          
البارت الثاني

                          
شعور الحب بعد الانتقام

                          
بقلمي _سوسه الربيعي _

                          
كرم ..
باجر اني رايح البغداد واخذ حق ابويه واريد اشوف منو اليوگف بوجهي .. وداعتج يايمه الا اعوضج وانسيج هم الدنيا كولها ..

                          
لمار ..
انتهى الدوام ورجعت هلكانه طبيت البيت شمرت حذائي وجنطتي وكعدت ارتاح ..

                          
اجتي عمتي عليه ..وكعدت بصفي 
بيداء .. ها حبيبتي لازم تعبج الشغل اليوم

                          
خليت ايدي ع راسي وحجيت ..
__ اوف عمه اجتماعات وتقارير ومشاكل بالشغل
كولش تعبني

                          
__ حبيبه عمتها سويتلج شلون دولمه تلوك الهالحلك كومي غسلي واني راح احضر السفره حته نتغده 

                          
كامت عمتي طبطبت ع جتفي وابتسمت 
 وراحت تحضر السفره ..

                          
للحظه واني اباوع عليها رجعتلي كل الذكريات ..

                          
من فقدت اهلي واني صغيره ماعرفت وين اروح ولا شنو اسوي وشنو المضموم الانتظره
 .. شارع مليان بالناس والكاع بيها دم
جنت زينه اكدر امشي سحبت نفسي من السياره وطلعت خدوش بوجهي وبراسي والدم بأيدي بس ماحسيت بألم من كثره الرعب البي

                          
.. باوعت ع امي ماكو اي نفس وابويه جان باخر انفاسه ويشهك ..
اخذوني الاسعاف والشرطه للمستشفى وهمه ينظرولي بعين الشفقه ويتسائلون بيناتهم عن 
مصيري..
بهذا الوقت اني جنت مامدركه شنو الديصير وكل ظني اهلي بعدهم عايشين..

                          
اتفاجئت بشخص يفتش باغراضنه الي شبه محطمه من اثر الحادث في سبيل يلكي شي يدلي ويعرفه عن اهلي..
بابا كان الوحيد الاهله وعنده اخت وحده وهي عمتي بيداء بس ما جانت ساكنه بغداد اتزوجت واهلها قاطعوها من بعد مااخذت شخص غصبا عنهم ومو براضاتهم .

                          
بحثو اخر شي اتوصلو الرقم عمتي بيداء واتصلو عليها 
وره ساعات واني كاعده ابجي على اهلي ومن الخوف والمجهول الراح ينتظرني الممرضين يمي يسكتون بيه وناس التنطيني مي وناس التحاول توكلني وناس جابت حلويات حته اقتنع بس اني بدون فايده احس روحي كبرت مو ذيج الاصغيره حته تتقشمر وتسكت بقطعه حلويات ..

                          
اجتي عمتي وهي تبجي من بعيد اول مادخلت شافتني واجتي ركض حضنتني..
اني ماشايفتها بس حافظه ملامحها من جنت اشوف بابا عنده صوره قديمه بالاسود والابيض يطلعها ويحجي الماما عنها وهو حيل مقهور ويتمنى يشوفها ويلتقي بيها ..

                          
حضنتني عمتي بيداء اشتميت بيها ريحه اهلي ريحه ابويه الفقدتها حسيتها هي صدوك اهلي وراح تعوضني عنهم ..

                          
اخذتني البيتهم جان كولش بسيط ومثل اي بيت 
يختلف هوايه عن بيتنه البكبر القصر وبي الخدم والحشم العشت بي اميره وكل اوامرها مجابه
شعور الحب بعد الانتقامحيث تعيش القصص. اكتشف الآن