شعور الحب بعد الانتقام

البارت 8

البارت الثامن

&&&&&.......شعور الحب بعد الانتقام .......&&&&&&&

(((((((بقلمي _سوسه الربيعي _))))))))

مشت الايام بشكل طبيعي وبديت حيل اتعلق بكرم واحبه بحيث ميفوت يومي وميكمل بدون مااشوفه او اسمع صوته ..وهو اله سحر عجيييييب كدر يفر عقلي وتفكيري ويخليني احبه واغير فكره الحب بدماغي من بعد ما جانت مستحيله هسه كولش سهله واشوفها ع كلبي مثل العسل بوجوده ..

بيوم اتفقنه نطلع اني وكرم حجزنه بمطعم كولش راقي .. اتجهزت ولبست ع اخر حبايه وخليت ميك اب سموكي كولش بارز ..

اتصل بيه كرم كال اني بالمطعم كتله ماشي مسافه الطريق واني يمك ..

مشيت بسارتي مو كولش يبعد المطعم ع البيت تقريبا ربع ساعه ووصلت ..

طبيت جانت الاجواء كولش حلوه الضوه خافت وموسيقى هادئه رومانسيه دخلت وهدووووووء بس صوت الكعب مالتي امبين .. طك .. طك

شفت كرم واكف اتاملت بي واني امشي ..
طوله وجسمه المعضل وملامح وجهه الحاده وابتسامته العريضه .. يمه احس كلبي طاير واني اشوفه ..

كرم .. هلا حبيبتي

__ ياااااااااي هاي شنو كرم شمسوي

اتقربت يم الطاوله واباوع متروسه وورد وشموع باللون الاحمر ونفاخ منثور بالكاع ..

باوع عليه ولزم ايدي وهو يحجي..

__ حبيبتي ان كان هذا يرضيكِ فالافعل المزيد
وان كان هذا يعجبك قولي لاتعلم المزيد
قلبي لك مؤملا بك حبيبا ..
والعقل مجنونا يرفض ان يكون لغيرك نصيبا ...

طرت بي وبكلماته مااعرف شنو ارد اكتفيت بابتسامتي اله واني اباوع بعيونه

جر ايدي خلاها ع خده وباسها .. اشر ع احد الموظفين البالمطعم اجه واحد منهم شايل بوكس مليان ورد ..خلا يمي وراح .. باوعلي كرم وكال افتحي

فتحت البوكس ولكيت علبه فتحتها شفت خاتم ذهب كولش نازك 💍💍

ارتبكت حيل باوعت عليه .. حجه

__ تتزوجيني لمار ؟

__ شنو

كوني بقلبي انتي المؤى
كوني له الداء والدوى
كوني ملكه هذا العرش الجنوني
كوني انتي ذاك النقش المختوم بعقلي
كوني لي فقط .....

احبج ..

ابتسمت اله وحجيت بفرح ..
__ كرم احبك احبك هوايه ..

__ ياعمري انتي

كعدنه سوه واني اتنفس بصعوبه من الفرحه والارتباك البي عشت احلى احساس بحياتي جان كلبي يدك سرييييييع .. وفرحان ..
بس عقلي لا .. عقلي ينبهني من شي بس جنت مااسمعله .. اكول لا كلبي ميخيب اني احبه وراح يسعدني مثل ما واعدني خلص خليني فرحانه وكافي تفكير ..