البارت الثالث
__ شعور الحب بعد الانتقام __
بقلمي _سوسه الربيعي __
كرم .. وصلت للشركه دخلت شبه فارغه بيها موظفين بس قليل سالت بالاستعلامات عن مكتب المدير
ورحت لكيت ضجه وهوسه وناس مخبوصه تفتر دكيت الباب ودخلت ..
كرم .. مرحبا ..
لمار جنت مخبوصه وافتر وبالي مشغول دخل شخص وكال مرحبا . التفتت عليه .. جذبتني ملامحه الحاده
شاب اسمر طويل جسمه رياضي شعره اسود ثخين
وعيونه وساع مرسومه رسم ومسحوبه ولحيه خفيفه وشوراب .. دخل وجان شايل بيده اورق
باوعت عليه من فوك ليجوه .. حجيت
__ نعم ؟
__ اني جيت عندي مقابله اليوم ويه المدير
اكيد حضرتك انت مو ؟
راح ع انور يسلم عليه
اني اتفاجئت ومنا روحي طافره وهذا اجاني انوب
صحت عليه ..
__ هييييي وين رايح هي كهوه وبكيفك تفتر شرايد احجي
هو عقد حواجبه والتفت عليه معصب من اسلوبي
_ وانتي شنو هالاسلوب الزفت هذا بس العتب مو عليج لا والله العتب للمشغلج ومخليج بمكتب..
اتقربت عليه ورفعت اصبعي اتحلفله ..
_ كلمه زايده مااسمع منك اتفضل اطلع بره
__ وانتي منو حته اطرديني تره الدنيا ما وكفت عليكم
انور .. لمار شبيج يمعوده
__ اخي اتفضل انتظر بره واني بعد شويه اقابلك
__ ماشي ماشي اني طالع
طلع وسد الباب ورا .
انداريت طلعت حرگه كلبي بانور
__ وانت شبيك تصيح عليه كدامه نسيت نفسك لو شنو؟
__ لمار خلي نفض مشكلتنه وبعدها بكيفج اتعاركي ويايه بس هسه كوليلي شنسوي
__ ماادري عقلي وكف وهذا اجه واتخربطت كل افكاري
__ زين انتظريني هنا دقيقه وجاي
__ اوكف وين رايح
__ انتظري
عافني انور وطلع ..
وره خمس دقايق اجه وويا الولد الاتعاركت ويا
__ وهذا شكو جايبه وياك
__ اصبري هسه واني راح اكولج
__ شتكول
__هذا الولد راح يحل المشكله
__ شلون يعني ؟؟
كرم .. اني اسف ع اسلوبي وياج ماادري بحضرتج انتي مديره الشركه ومن عرفت كولش اتفاجئت ..
الاخ حجالي عن وضعكم واني مستعد اساعد ..
أنت تقرأ
شعور الحب بعد الانتقام
General Fictionفتاه في اواخر العشرينات تمتلك ثروه هائله ورثا من ابيها .. عندما تفقد اهلها وهي صغيره في اثر حادث سير تلتجأ للعيش عند عمتها .. وتبدا الحكايه..
