شعور الحب بعد الانتقام

البارت 4

البارت الرابع
شعور الحب بعد الانتقام

بقلمي _سوسه الربيعي _

__ سمعت صوت دكات ع باب البالكون اخترعت متت خوف اترددت اكوم افتح الباب واشوف منو ..

صفنت شويه حسيت الصوت اختفى كلت خلي اكوم قابل الدنيا تايهه خلي اعرف منو .. طلعت فتحت الباب واني اباوع منا ومنا ماشفت احد بس لفت انتباهي ورقه مشموره بالكاع وعليها ورده ..

شلت الورقه وقريت ..المكتوب..
لمار .. تؤمنين الحب من اول نظره؟
راح تصدكين بيه لو اكولج احبج ..

قريت واني مصدومه .. منو هذا ؟ وشنو هالكتابات المامفهومه .. منو هذا ويكتب هيج حب وعزل الي .. والله لو بس اعرفه اطيح حظه ...

شكيت الورقه وذبيتها بالزباله.

شلت الورده اريد اروح اذبها بس باوعت ع شكلها عجبني رجعت قربتها عليه وشميتها ..
بيها عطر كولش طيب وجذاب .. عطر رجالي قوي ومميز .. اكثر شي عطر من نوع خليجي ..

احتفظت بالورده وماذبيتها سديت باب البالكون زين واتاكدت منه ورحت مددت بفراشي واني افكر منو هذا ..لحد ما تعبت وقررت انام ..

كعدت الصبح ..

نورس .. صباح الخير

__ هلا حبيبتي صباح النور .. شعجب كاعده من وكت اليوم

__ اي كعدت

بيداء
عفت ترتيب الطاوله وجبت كرسي وكعدت قريب عليها وحجيت ..

__ بنتي بيج شي احجيلي

__ شنو البيه مابيه شي

__ بس اني دااحسج مو ع بعضج

__ لتخافين ماما ماكو شي

__ ان شاءالله حبيبتي ..
حضنتها وبستها من خدها ،.

لمار ..هلو يابه هاي شنو هالرومانسيات من الصبح

بيداء.. ههههه هلا بحبيبه عمتها

__ هلا بيج عمتو الغاليه .. هاي شبيها المخبله اشو كالبه خلقتها

نورس .. اهووو انتو تخلون الواحد يفقد اعصابه من الصبح .. عوفوني

تركت السفره وكامت الغرفتها ..

لمار ..باوعت العمتي واشرتلها بيدي بمعنى (شكو)

بيداء .. ماكو شي اكعدي اتريكي

كعدت اتريك واني افكر بالرساله الاجتني البارحه
لازم اعرفه منو .. كملت واخذت جنطتي وسويج السياره وطلعت ..

وصلت للشركه .. واني دمشي بالممر صادفني انور

انور . هلو لمار صباح الخير

__ هلو انور

دخلت المكتب وهو اجه ورايه ..

__ لمار لحظه بس اريد اكولج