شعور الحب بعد الانتقام

البارت 5

البارت الخامس

.....شعور الحب بعد الانتقام ........

بقلمي _سوسه الربيعي _

قريت المكتوب بالرساله كالعاده ضجت لان بداخلي اريد اعرف هالشخص منو؟

تركتهم حته مااشتهيت اتغده ورحت كعدت بغرفتي افكر ..

صح اني متعرضه الهيج امور وصادفت هيج اشياء بحياتي بس ما جانت من شخص مجهول ولا بهيج طريقه تجيني بحيث تخترق بيتي وتدخل .
هالشغله حيرتني وخلت تفكيري يزيد ..

ثاني يوم .........

كعدت بالمكتب ارتب بالملفات واتحضر للماقبله اليوم دخل عليه انور

انور .. لمار شنو معنوياتج لليوم

__ والله معنوياتي فوووول وحيل مطمنه

__ الله كريم ان شاءالله .. ديله عيني حضري نفسج واني رايح ابلغ الموظفين

__ ماشي ...

عدلت نفسي واخذت الاوراق الاحتاجها بالاجتماع وطلعت ..

واني دمشي بالممر شميت عطر كولش طيب
بس هالعطر يذكرني بشي؟ .. شامته واعرفه بس وين ؟

كرم .. صباح الخير ست لمار

__ صباح النور .. مادرتله بال وكملت طريقي امشي
صاح هو ورايه .. ست لحظه .. التفتت عليه

__ نعم

__ بس اريد اتأسف عن سلوكي البارحه وياج
.. وياريت تقبلين اعتذاري

__ ما صار شي وانت مجرد موظف عندي فماكو داعي  بس ياريت مره ثانيه تنتبه ع نفسك زين

_ ان شاءالله ..

كرم .. عافتني وراحت وهي تحجي بكل برود ..
بقيت مثل الصنم واكف واني اباوع ع طولها واناقتها وعطرها السطرني سطر ..

دخلنه كولنه بغرفه الاجتماع ننتظر وصول الضيوف..

لمار .. شباب اليوم اريد تركزون بهذا الاجتماع وتبذلون اقصى جهدكم في سبيل نربح ونوقع العقد بجداره ..الخطه الراح نمشيها اول مره تطرق في شركتنه واول مره نخطيها بس اني كولي ثقه بيكم راح تكونون كدها .. وتتحملون المسؤوليه ..

__ طبعا احنه عدنه الخساره مستحيله واني ادري بيكم مراح تقصرون وان شاءالله يبقه اسم شركتنه عالي ومرفوع فوق القمه دائما بفضل جهودكم واني حيل فخوره بيكم .. اشكركم ..

كرم .. ان شاءالله نكون عند حسن ظنج ..

__ ان شاءالله .. جاوبته واني انزل عيوني من عنده مااريد اباوع بوجهه ..لان ادري من اشوفه ارتبك ..

بده الاجتماع .. وصار النقاش .. طبعا اترأس الاجتماع كرم .. وكالعاده اخذهم بكلامه اللماع وقنعهم باسلوبه السلس..