مجنونتي العنيدة(مكتملة💜)

البارت الثالث

في المستشفي و بالتحديد في الجنينه حيث يسترجع ادم ذكرياته مع معشوقته

فتح ادم الباب بالمفتاح الخاص به حتى قامت سارة بصراخ قائلة له؛: عااااااااووووو خوفتك صح هاااااهووو
ادم بمرح: مين الي يخاف ادم الرفاعي عمره ما يخااف
ثم ضحكا هما الاثنان و استمرا الوضع علي ذلك

عاد ادم بذاكرته الي ارض الواقع الذي حكم علي قلبه
بالعذاب و الفراق حتى قطع تفكيره احد يقول

###: بتعمل ايه هنا يا دكتور

ادم بعدم مبالاة: هو المفروض اخد إذنك قبل ما اروح فأي حتة في المستشفي

###: هو انا أذيتك في حاجة يا ادهم علشان تعمل معايا كدة و تعاملني معاملة انا مستحقهاش

ادم بغضب: اظن الكلام ده مش هنا يا دكتورة روجين احنا في مستشفي و في وقت العمل مش مسموح ليكي تتكلمي عن اي شىء برة إطار الشغل و اتفضلي علي شغلك

غادرت روجين من امام ادم بغضب و حقد يملو قلبها بسببه فهو يعاملها بجفاء و قسوة دائما رغم انها تكون ابنت عمه

استووووووب
• (روجين احمدالرفاعي تبلغ من العمر 26 عاما تتميز بجسم جذاب و متناسق فهي تهتم دائما بمظهرها و تتميز بالبشرة البيضاء و العيون السوداء التي تشبه القهوة، فهي متكبرة جداا و تكره اولاد عمها عدا ادم فهي تعشقه)

♡✓________ (⊃｡•́‿•̀｡)⊃ ______♡✓
في الجامعة

##انتى بتكلمي نفسك يا أنسة

ريتال بخضة من الصوت التى أتاها فجأة فإستدارت بتوتر من أن يكون ذلك الذي نعتته بأبو الفصادة فهي رغم عنادها الا انه لا تعرف لماذا اخافها هكذا و ما إن نظرت خلفها ارتاحت بعض الشىء عندما و جدتته شخص أخر ثم تابعت بغضب: و أنت مالك انت يا استاذ أعمل الي انا عايزاه و لا اكونشي و اقفة في بيتك

الشخص##: انا غلطان اني كلمتك ان شاء الله تولعي انا مالي صحيح

ريتال: انت يالا اتكلم باسلوب احسن من كدة معايا بدل ما اطلعلك جعفر الي جوايا

الشخص##: استغفر الله العظيم انا ايه الي دبسنى التدبيسة ديه انا كنت اعرف ان البنات هادين كدة و كيوت من الي غير في الاعدادت ياناااس

"ايه الي ببحصل هنا ممكن اعرف"

ريتال بتوتر: مفيش يا دكتور بس كان الشاب ده بيضايقني

ادهم: بيضايقك؟! مين ده!!

ريتال بشماتة: الشخص ده

ادهم بعدم تصديق: مين عمر!!

ريتال بملل: معرفش اسمه بس هو كان بيضايقنى دلوقتى

عمر بغضب من تلك المجنونة: انا لمستك ولا كلمتك اصلا انتى هتتبلي علية

ادهم: استنى بس يا عمر نشوف الي عندها

عمر: والله يا ادهم ما عملتلها حاجة هي طالعة من المدرج معصبة و بتكلم نفسها و بتشتم حد فكنت بحسبها محتاجة مساعدة فبعرض عليها بس

ادهم و الغضب يتطاير من عينيه بسبب فهمه لما يقصده عمر، ريتال بخوف و توتر مما قاله ذلك الاحمق من وجهة نظرها فأرادت ان تقلب عليه الطرابيزة كما يقال فقالت بثقة ممزوحة بتوتر ولكنها اخفته: مش انا قولت برضو انك مش محترم في حد يا استاذ انت يقول للدكتور بتاعه اسمه كدة حااف

عمر بضحكة فيها سخرية:  وانتي مالك انتى يا استاذة اعمل الي انا عايزه(و غمز لها كأنه يرد لها ما فعلته منذ قليل)

ادهم بغضب و ملل: انتو الاتنين تفضوا لعب العيال الي بينكوا حالا والا هحولكوا للعميد و هو هيتصرف و انت يا عمر حصلني علي مكتبي بسرعة

ريتال بصوت شبه مصحوب بتوتر و غضب: انا مش عيلة علشان تقولي لعب عيال هو الي مش متربي علشان يدخل في حاجة متخصوش

ادهم اسرع بغضب من كلامها الي مكتبه قبل ان يفقد السيطرة علي غضبه اسرع و هو يقول: يلا يا عمر

عمر بإيماء: ثوانى و اكون عندك مش هتأخر

ريتال بسخرية: روح كلم الدكتور تلاقيك متوصي عليك علشان كدة الدكتور بيعاملك حلو وسطة بقي انك تناديه بإسمه.

عمر بغضب منها علي إهانته و لكنه عمل علي اخفائه و نجح في ذلك و قال ببردو: اه معاكي حق سلام علشان مش بقف مع..... ولا الاحسن انى اسكت اصل انا متربي علي انى مغلطشي في حد

ريتال بنفاذ صبر: في داهية و مش عايزة اشوفك تاني انت فاهم

عمر ببرود و هو يتجه لمكتب ادهم: القلوب عند بعدها والله

اتجهت ريتال تسب ذلك الاحمق
يارا من خلف ريتال: انتى هنا انا بدور عليكي من الصبح

ريتال بخضة: هو انتى ما براحة شوية

يارا بتعجب: مالك باين عليكي مضايقة يكونشي مضايقة من الي عمله معاكي الدكتور مع انى مظنش ده السبب

ريتال بضحك مصحوب بثقة و فخر:: هههه مين انا ريتال الرفاعي محدش يقدر يزعلني و لا عاش ولا كان الي يضيقنى ثم اكملت بحزن لا عاش و كان كمان

يارا: في ايه يا ريتال مالك

ريتال بغضب: لسة متخانقة مع الدكتور و واحد اهبل

يارا بتعجب و خضة: يا نهااارك ابيض مش هتبطلي خناق بقي يا بنتى ده انتى بتتخنقي مع دبان وشك

ريتال بملل: مس ناقصة والله يا يارا بصي انا مش قادرة اكمل انا هروح و ابقي تعاليلي علشان عايزة ارغي معاكي شوية و حشتيني والله

يارا بحب: و انتى اكتر ماشي هخلص المحاضرة الجاية و اجيلك ان شاء الله

ريتال بسعادة: بإذن الله

ودعا كل منهم الاخر و توجهت ريتال للخروج و لكن في طريقها...............

بقلم:
#ŜÃĹϻÃ_ĞÃϻÃĹ