السلام عليكم
اسفه علئ الانقطاع بس جنت مريضه واليوم كدرت اكتب بارت 🥰
قراءه ممتعه
رولا ... وصلت مرحله رابعه بالدراسه كل المجموعه طلعت وتخرجت بقينه معدودين بس اني واسراء وحلا وانس وهند مرات احس نفسي مراقبه من انس بس اجاهل نظراته الي
اليوم مثل العاده كاعدين ننصب علئ انس لان بس هوه الي بعده ويانه من الشباب بعده رحت للقاعه مالتي خلص الدوام طلعت وكفني ولد وياي بالقسم طلب مني الملزمه لان صاله فتره ما مداوم
رولا ' تكدر تاخذه وياك وباجر ترجعه الي ما محتاجته اليوم
الطالب ' مو عندج امتحان
رولا ' امتحن ويه بنت عمي ما احتاجه
تشكر مني ومشيت اجه انس معصب بقيت صافنه عليه ما اعرف شبي
انس ' ويه منو جنتي تحجين
رولا ' ويه زميلي
انس ' اخر مره تحجين ويه الشباب فاهمه
رولا ' لا والله بصفتك منو
انس ' ابن عمج
رولا ' وانته هم شاب يعني ما احجي وياك بعد
انس ' امشي للسياره
خليت ومشيت وصلنه للسياره وصعدت يم البنات وصلت للبيت للعصر خليت خالد يوصلني بيت عمي خلصت ساعه سوالف وضحك ويه البنات بعده صار وقت الجد كعدت اني وحلا وبقينه ندرس سويتلي مرخص خاص بيه بقينه لليل وحنه بس ندرس بعده نزلنه علئ العشه
زهراء.' شكلجن ما ناويات تنزلن
حلا ' اي والله لو ما جوعانه ما انزل
صالح ' تعشي وبعده كملي دراستج رولا انتي ويانه
رولا ' اي عمو
صالح ' شبيج ساكته
رولا ' مابيه شي بس نعسانه شويه اريد اكمل الامتحان حتئ يجي خالد عليه
صالح ' ابقي هنا كملي الامتحان ونامي
رولا ' لا عمو ما جايبه غراضي كلهن بالبيت
انس ' بره العشه اجيبهن الج
رولا ' لا ما يحتاج
بقو يحجون وياي حتئ ابقه اني رافضه خلوني علئ راحتي كملت العشه وبعده خلصت الدروس ويه حلا خابرت علئ خالد طلع ضاربني بوري ماخذ اهلي ورايح للزياره
رولا ' يعني ما فكرتو بيه اني منين اخذ كتبي وملابسي
خالد ' مو كلتي اخذت كلي الي اريده
رولا ' اي كلت بس ما اخذت وياي ملابس ولا كتبي اخذت بس الي اقره بيهن
خالد ' عود اخذي من حلا ملابس والكتب انتي وياه نفس الشي حتئ نفس القاعه
