السلام عليكم
قراءه ممتعه
فاديه .....
بيوم الي وديت حيدر ال حمزه دموعي ما نشفن علئ فراكه انطيت قطعه مني الهم امي والبنات يصبرن بيه بس منين يجي الصبر لليل اندك الباب طلع انس شويه وطبلي حيدر يركض وعيونه مليانات دموع اجه وشبكني بقيت ابجي وياه وابوس بي
فاديه ' لا تبجي لا عيونك يوكعن منين اجيبلك عيون بعد
حيدر ' انتي الي ثيبيلي من الدكثور
حلا ' منو الي جابك
حيدر ' بابا
شويه وطب انس وحمزه سلم علئ بابا وطلب يحجي وياي علئ انفراد رحت وياه للاستقبال وحجه
حمزه ' بقه يبجي عليج وما قبل حتئ ياكل ويانه
فاديه ' ليش حيدر ما اكلت تريدني ازعل منك
حيدر ' مو تيب الاكل
فاديه ' ليش مو طيب
حمزه ' اسماعيل جاب اكل من بره واسراء سوتله اكل بالبيت وهم ما اكل هم كول مو طيب
حيدر ' اي مو تيب اكل ماما اتيب
فاديه ' حيدوري لازم تروح ويه بابا وتبقه وياه وتاكل من اكلهم هم
حيدر ' تعاي وياي
فاديه ' ما يصير اروح وياك بعد صرت جبير ولازم تروح ويه بابا لوحدك
حيدر ' ما اليد ابكه يمج وما اسوي وكاحه ولله
فاديه ' ياروحي لا تبجي لا عيونك يوكعن وتصير مو حلو
حيدر ' ما ابثي اذا تلحين وياي ويه بابا
فاديه ' لا لازم تروح ويه بابا
حيدر ' مثاعلج
راد يتبعد مني بقيت كامشته
فاديه ' تزعل من عندي
حيدر ' لحد ليث ما تكبلين تثين ويانه
فاديه ' لان صارت عندك ام غيري وهيه هند هيه الي راح تعتني بيك وداريك
حيدر ' ما اليده اليدج انتي وهنث مو حوه
فاديه ' هسه انته شعليك بيه حلوه او مو حلوه هيه صارت امك من اليوم
حيدر ' ما اليد
فاديه ' اذا انطيتك حاجه تروح ويه بابا
حيدر ' لا
حمزه ' فاديه لا تخلي ينحرم منج هم
فاديه ' لازم يتعود
حمزه ' خلي يمج بس اليوم واني يوميه اخذه منج حد ما يتعود انو يبقه عندي
فاديه ' لا اخذه هسه
حمزه ' فاديه مو الخاطري الخاطر حيدر بقي هوه شنو ذنيه يتبعد عنج
