السلام عليكم
قراءه ممتعه
حلا ..
ثاني يوم كعدت علئ اتصال صباحي من مراد فتحت خط وخليته علئ اذاني من دون كلام
مراد ' صح النوم شكلج البارحه سهرانه
حلا ' اي
مراد ' ليش بقيتي سهرانه
حلا ' غير بنات خالاتي يمي
مراد ' واذا يمج تسهرين
حلا ' اي بس ما طولنه هواي لل12 ونمنه
مراد ' هاي لو اني كلتلج احجي وياج لل12 جان تكولين السهر يتعب العيون وهم ما متعوده تسهرين لوقت متاخر
حلا ' وانته لكيته فرصه وبقيت تحجي مو
مراد ' يله من دون كسل كومي
حلا ' هوه اني عيوني ما مفتحتهن تريدني اكوم
مراد ' راح اجي اخذج ونطلع
فتحت عيوني علئ وسعهن وكعدت
حلا ' هاا تحجي صدك
مراد ' نفتحن عيونج هسه مو
حلا ' صدك راح تجي
مراد ' لا حبيبتي كلتلج هيج حتئ تكومين وتفتحين عيونج
حلا ' مو ستغربت مراد خطيبي يطلعني الصبحيه هوه حتئ العصريه ما يطلعني يكول اغار عليج وهوه يغار علئ محفظته اكثر مني
مراد ' هههه تعرفين كلش زين ما اغار علئ محفظتي بس اغار عليج ويا طلعه طلعناه وما اشتريتي الي يعجبج
حلا ' والله يا حبيبي ما اشتري الي يعجبني اشتري الي يعجبك انته
مراد ' واني وياج واحد مو
حلا ' اي من توصل يمي نصير واحد
مراد ' هسه الثوب الي لبستي البارحه شبي مو حلو
حلا ' اي حلو بس ما اخذته علئ ذوقي علئ ذوقك
مراد ' واذا ما عجبج ليش لبستي
حلا ' لان قتنعت بي وعجبني وهم ما خليتني اروح بي اله عبايه
مراد ' لان الكمر مايبن اله بالسواد
حلا ' اهااا
مراد ' هسه عرفتي كومي هسه وانزلي تريكي لان براج دروس
حلا ' بعد وكت انزل انته وين بالبيت لو بالشغل
مراد ' طالع من البيت راح اروح الصديقي وبعده اروح للشغل سويه
حلا ' وهذا من صديقك
مراد ' حبيبتي ماخذه دوري اليوم
حلا ' كول منو صديقك
مراد ' ما تعرفي
حلا ' كاظم لو عماد لو سالم لو صقر
مراد ' هاي منين تعرفيهم ولج
