السلام عليكم
قراءه ممتعه
ازل ....
كعدت الصبح لكيت دازلي رساله وشعر صباحي
** صباح الخير وشلونج
يهنياله فتح عينه ويلاكي عيونه بعيونج
حقهم منج يضوجون حقهم لو يحسدونج
بياض الكيمر المعروف اخذو لونه من لونج
يا حلوه عيونج الحلوات مدري وين ودني
ياهوه كالج فيروز كناري صوتج يغني
ياطفله وكلبج الطيوب حسيته
يضحكاتج علاج لكل شخص تعبانه نفسيته
يا امنيتي اشوفج من تكعدين شعرج شنو وضعيته
يويلي شعرج المنفوش حبيته يدكه كلبي ومنيته
نام حساسي من سنين ومن شفتج اجيت بسرعه وصحيته
اكبر من حدود الكون وحجم حنيته
يجوريه وجهج هذا مو من طين وجهج خلطه سحريه
بنات وكفن بصفج عجايز كلهن يبينن وشوفج وحدج بنيه
چيه شفت البنات العدنه تقليد عرفتج انتي اصليه ❤️
بقيت اقراه ومبتسمه وتمعن بكل حرف بقيت حايره شكتبله شويه وكعدت حلا شافتني مبتسمه بقت تحجي
حلا ' ربي هسه اني وين اولي
ازل ' هههه انزلي سوي ريوك يعني وين تولين
حلا ' ولج صار عندي جفاف عاطفي من وراجن انتي الصبح تقهريني وغزل بليل والله ما يصير هيج
ازل ' هسه عوفي هاي السالفه كليلي شكتبله
حلا ' هوه شدازلج شو
اخذت التليفون وبقيت اقره كل ما اوصل لسطر اباوع وعلق اله
حلا ' يعني شلونه مثل لونه جلحه ملحه
ازل ' احله منج والله
حلا ' ويييع شلون عيون جنه ساحره الي تطلع ويه فاره وبزون
ازل ' هههه هسه تقرين تعيبين
حلا ' ههه ثنينهن خليني مندمجه
ازل ' هههه تمام ابقي اقري بين ما اروح للحمام واجي
حلا ' منين انضوج لو نحسده انته ما ادري شلونك والله ... شلك لهذا الجذب هيه حنطيه والكيمر ابيض ... وين ودنك وين وديتي ازل ... ولك جنه سعد الحلي والله ... قصدك لعبانه نفسيته ... وعلئ مكفش جنه شعر ست هناء بيوم الجمعه ههه ... لو بقي نايم هواي اشرفله وعلي ... اكيد خلطه لعد ام الخبطات المن مفتحه ... اي لان هذنيج ما يخلن خبطات وهاي تخلي لهذا السبب بينه عجايز ... ايبببباااه طلعنه تقليد اني اعلمك عيسئ
ازل ' هههه والله اني لو من الشاعر اعتزل علئ هذا التعيب
حلا ' ههههه هذا الشعر مبيوك مو هوه الي كاتبه الج لو طلعي علئ اليوتيوب يطلعو
ازل ' اي اعرف مال سرمد هسه كليلي شكت
حلا ' اكتبي كل تعيبي الي حجيته ودزي كليله هذا التوضيح عن حالتي
