the exhibitionist / minimo

- f o u r -

A/N - yes this is   " - f o u r - "( part 2 ) 
part 2 ရဲ့ နာမည်က  "- f o u r - " ပါ

/unicode /

ရက်သတ္တပတ် အနည်းငယ်အကြာ ဂျောင်းမို မင်ဟီးကို စတုတ္ထအကြိမ်မြောက် တွေ့ခဲ့ရသည်။ နောက်ဆုံးတွေ့ပြီးသည့်နောက် အတော်ကြာသည်ထိ ပြတိုက်က သူတို့၂ယောက်ကို ပေးမတွေ့ခဲ့။ဒါကလဲ သူနှင့် မင်ဟီးကြား တတ်နိုင်သမျှ contact လျှော့ချဖို့ပဲ မဟုတ်ပါလား။ဒီပြခန်းရဲ့ စည်းကမ်းချက်တွေထဲကတစ်ခုပင်ဖြစ်လို့ အတွန့်တက်စရာမရှိ။

ဂျောင်းမို အချိန်မတော် မနက်အစောကြီး ပြတိုက်ကိုရောက်ချိန်မှာတော့ ဘာမှပင်ပြင်ဆင်ချိန်မရလိုက်။သူ့မျက်လုံးတွေကို ပဝါနှင့်စည်းကာ အခန်းတစ်ခုထဲသို့ တွန်းပို့ခံရသည်။သူရောက်နေသည်က ကျယ်ဝန်းသောအခန်းတစ်ခု။ အတွင်းမှာ မီးရောင်စူးစူးတွေက နယ်နိမိတ်တစ်ခုအတွင်းမှာပင် ထွန်းလင်းနေလျက်။ပွဲခင်းတစ်ခုနှယ်။ နီးကပ်လာသော ခြေသံဖျော့ဖျော့ကို သူကြားနေရသည်။သူ့ကိုဆွဲခေါ်လာသူက ထိုခြေသံပိုင်ရှင်ကို ခေါ်လိုက်ပုံအရ ထိုသူက မင်ဟီးဆိုတာ သူသိလိုက်ရသည်။

ပရိဘောဂတွေ ရွှေ့သံကိုသူကြားနေရပြီး ခဏအကြာမှာ တိတ်ဆိတ်သွားပြန်သည်။သူ့နားထဲမှာတော့ ဘာအသံမှမကြားရတော့ပေမယ့် သူ့ခေါင်းထဲမှာတော့ အတွေးတွေက ကဆုန်ပေါက်နေသည်။ပြီးခဲ့တဲ့ရက်တွေတုန်းက ဘားမှာဖြစ်ခဲ့သည့် အဖြစ်အပျက်ကို တတ်နိုင်သလောက်ပြန်မတွေးဖြစ်အောင် ကြိုးစားရင်း ဓာတ်ပုံဘယ်လိုရိုက်သင့်လဲဆိုတာကိုသာ အာရုံစိုက်မိသည်။ဘားမှာ ဖြစ်ခဲ့တာလဲ အခုနှင့်ဆို ၂ပတ်ကျော်ပြီဖြစ်သည်။သူ အဲ့ဒီအဖြစ်အပျက်ကို မေ့ပစ်ဖို့သင့်ပြီ။ဒီလိုမှမဟုတ်ရင် တစ်သက်လုံး သူ့ကိုခြောက်လှန့်နေတော့မှာ။

ခပ်ဝေးဝေးက တိုင်ကပ်နာရီကြီးဆီက အသံကိုသူကြားလိုက်ရသည်။လျင်မြန်စွာပဲ သူ့မျက်လုံးတွေကို ဖုံးကွယ်ထားတဲ့ပဝါစက ဖြုတ်ခံလိုက်ရသည်။ဝန်ထမ်းတစ်ယောက်က သူ့အနားကပ်လာပြီး သတိပေးလာသည်က
"မမေ့နဲ့နော်.  ခန္ဒာကိုယ်ချင်း ထိလို့မရသလို စကားလဲပြောခွင့်မရှိဘူး. ကြည့်နေတဲ့လူတွေနဲ့လဲ interact မလုပ်ရဘူး. အကယ်၍ သူတို့ကစကားပြောလာတာတွေရှိရင်လဲ ကျွန်တော်တို့ တာဝန်ယူဖြေရှင်းပေးမယ်. ဒီအတိုင်း ဂန်မင်ဟီးနဲ့ ခင်ဗျားနဲ့ နှစ်ယောက်ထဲရှိနေသလိုသာ နေပေးပါ."