ﻣﻨﻘﻮﻟﺔ
ﺍﻟﺤﻠﻘﻪ 7
# ﻟﺮﺑﻤﺎ
~~~~~~~~~♪♪♪~~~~~~~~~
ﻋﻠﻲ : ﺍﻟﺮﻗﻢ ﺑﺎﺳﻢ ﺭﻳﻨﺎﺱ ﻣﺮﺯﻭﻕ ﺍﻝ ………
ﺍﻧﻮﺭ : ﻣﺸﻜﻮﺭ ﺧﻮﻱ ﺗﺴﻠﻢ
ﻋﻠﻲ : ﻭﻟﻮ ﻭﻻ ﻳﻬﻤﻚ ﺳﻼﻡ
ﺍﻧﻮﺭ : ﺍﻟﺸﻔﺮﻩ ﺑﺎﺳﻢ ﺭﻳﻨﺎﺱ ﺍﻝ ………
ﻣﺤﻤﺪ : ﻣﻨﻮ ﻫﺬﻱ ﺍﻓﻔﻔﻒ ﺗﻮﺍ ﻧﺴﺎﻟﻬﺎ ﺣﻮﻝ
ﻭﻃﻠﻊ ﻳﺠﺮﻱ ﺑﺎﻟﺴﻴﺎﺭﻩ ﻟﺤﻮﺷﻨﺎ ﻭﺭﻥ ﺍﻟﺠﺮﺱ ﻃﻠﻌﺖ ﺍﻧﺎ
ﺍﻧﺎ : ﺍﻫﻼ ﻣﺤﻤﺪ ﺍﻧﺸﺎﺀ ﺍﻟﻠﻪ ﺧﻴﺮ
ﻣﺤﻤﺪ : ﺗﻌﺮﻓﻲ ﻭﺣﺪﻩ ﺍﺳﻤﻬﺎ ﺭﻳﻨﺎﺱ ﺍﻝ ………
ﺍﻧﺎ : ﺍﻫﺎ ﺑﻨﺖ ﺟﻴﺮﺍﻧﺎ ﻟﻴﺶ
ﻣﺤﻤﺪ : ﺷﻦ ﻋﻼﻗﺘﻚ ﺑﻴﻬﺎ ﻳﻌﻨﻲ ﺻﺪﺍﻗﻪ ﺍﺧﻮﻩ ﺻﺤﺒﻪ ﺷﻨﻮ ﺑﺎﻟﻀﺒﻂ
ﺍﻧﺎ : ﺧﺶ ﻧﺤﻜﻮ
ﺧﺶ ﻭﻗﻌﻤﺰ ﻋﻠﻲ ﻛﺮﺍﺳﻲ ﺍﻟﺠﻨﺎﻥ
ﻣﺤﻤﺪ : ﺍﺣﻜﻲ
ﺍﻧﺎ : ﻫﻴﺎ ﺗﻜﺮﻫﻨﺎ ﺗﺤﺐ ﺩﻳﻤﺎ ﺍﺗﻜﻮﻥ ﻫﻴﺎ ﺍﺣﺴﻦ ﻣﻨﺎ ﻭﺩﻳﻤﺎ ﻣﺴﻮﺩﻩ ﻭﺟﻮﻫﻨﺎ ﻋﻨﺪ ﺍﻟﺠﻴﺮﺍﻥ ﻭﻣﺎﻓﻴﺶ ﺍﺳﻢ ﻭﻣﺎﺳﻤﺎﺗﺶ ﻟﻨﺎ ﺟﺎﻫﻼﺕ ﺷﻼﻓﻄﻴﻪ ﺑﺪﻭﻳﺎﺕ ﻣﻔﻴﺶ ﺍﺳﻢ ﻭﻣﺎﻗﻼﺗﺶ ﺣﺘﻰ ﻓﻲ ﺍﻟﻠﻤﺎﺕ ﺗﺤﺐ ﺍﺗﺒﻴﻦ ﺭﻭﺣﻬﺎ ﻭﺍﺍﻭﺍﺣﺴﻦ ﻣﻨﺎ ﻭﺗﻘﻌﺪ ﺗﺤﻜﻲ ﻋﻠﻲ ﻣﺎﺿﻴﻨﺎ ( ﻭﺗﻤﻴﺖ ﻧﺒﻜﻲ ﺑﺎﻟﻌﺒﺮﻩ ) ﻭﻣﺴﺤﺖ ﺩﻣﻮﻋﻪ
ﻟﻴﺶ ﺍﻧﺖ ﺷﻦ ﻋﺮﻓﻚ ﻟﻬﺎ
ﻣﺤﻤﺪ : ﻛﻠﻤﺘﻨﻲ ﻭﻗﺎﻟﺘﻠﻲ ﻛﻼﻡ ﻣﺶ ﺗﻤﺎﻡ
ﺍﻧﺎ : ﻫﻬﻬﻬﻬﻬﻪ ﺷﻦ ﻗﺎﻳﻠﺘﻠﻚ ﺗﻤﺸﻲ ﻣﻊ ﺷﺒﺎﺏ ﻭﺍﻟﻠﻪ ﺩﺍﻳﺮﻩ ﻋﻼﻗﻪ ﻭﺍﻟﻠﻪ ﺩﺍﻳﺮﻩ ﺗﻠﻴﻔﻮﻥ ﺳﺮﻱ ﻭﺍﻟﻠﻪ ﺗﺘﻮﺍﻋﺪ ﻓﻲ ﺍﻟﺠﻨﺎﻥ ﻣﻦ ﻻﻭﺭﻩ ﻫﺬﻳﻦ ﻛﻠﻬﻦ ﻛﺬﺑﺎﺗﻬﺎ ﺍﻟﺸﻬﻴﺮﻩ ﺍﻟﻠﻲ ﺩﻳﻤﺎ ﺗﻘﻮﻝ ﻓﻴﻬﻦ
ﻣﺤﻤﺪ : ﻭﻻ ﻭﺣﺪﻩ ﺧﻼﺹ ﺍﻧﺴﻲ ﺍﻟﻤﻮﺿﻮﻉ
ﺍﻧﺎ : ﺳﻤﻌﺘﻬﺎ ﺗﻘﻮﻝ ﻻﺧﺘﻬﺎ ﺑﻨﻄﻴﺤﻪ ﺍﻟﺪﻛﺘﻮﺭ ﺍﻟﻠﻲ ﻭﺍﺧﺾ ﺍﻟﺸﻼﻓﻄﻴﻪ ﻭﻋﻠﻲ ﻓﻜﺮﻩ ﻫﻴﺎ ﺍﻟﻠﻲ ﺍﻣﺒﺪﺭﻱ ﻃﻠﻌﺖ ﻳﺎﻻ ﺍﻟﺒﺎﺏ ﻋﺸﺎﻥ ﺗﻌﺰﻕ ﺍﻟﻜﻨﺎﺳﻪ
ﻣﺤﻤﺪ : ﻭﻛﻴﻒ ﺟﺎﺑﺖ ﺭﻗﻤﻲ
ﺍﻧﺎ : ﻣﺶ ﻋﺎﺭﻑ ﻫﻬﻬﻬﻬﻪ ﺭﻗﻤﻚ ﺣﺘﻰ ﺍﻧﺎ ﻣﺎﻧﻌﺮﻓﻪ
ﻣﺤﻤﺪ : ﺍﻓﻔﻒ ﺑﻨﻤﺸﻲ ﻣﺰﺍﻟﻮ ﻣﺎﺟﻮ ﻫﻠﻚ ﺍﻟﻤﻐﺮﺏ ﻳﺒﻲ ﻳﺎﺫﻥ
ﺍﻧﺎ : ﻣﺰﺍﻝ ﻳﺠﻮ ﺑﻌﺪ ﺍﻟﻌﺸﺎﺀ ﻓﻲ ﺍﻟﻠﻴﻞ
ﻣﺤﻤﺪ : ﻭﺍﻧﺘﻲ
ﺍﻧﺎ : ﻋﺒﺪﺍﻟﻠﻪ ﺗﻮﺍ ﺭﻥ ﻋﻠﻲ ﺍﻻﺭﺿﻲ ﻭﻗﺎﻝ ﻣﺎﻧﺶ ﺑﺎﻳﺘﻴﻦ ﻫﻨﺎ
ﻣﺤﻤﺪ : ﻗﺼﺪﻙ ﺣﺘﺒﺎﺗﻲ ﺑﺮﻭﺣﻚ
ﺍﻧﺎ : ﺍﻫﺎ ﻋﺎﺩﻱ
ﻣﺤﻤﺪ : ﻣﻌﻘﻮﻟﻪ ﻋﺎﺩﻱ ﺗﻘﻌﺪﻱ ﺑﺮﻭﺣﻚ
ﺍﻧﺎ : ﻫﻬﻬﻬﻬﻪ ﻋﻠﻲ ﻗﻮﻟﻪ ﺑﺎﺑﺎ ﺍﻟﺒﻨﺖ ﻣﺎﻳﺼﻴﺮﻟﻬﺎ ﺷﻲ
ﻣﺤﻤﺪ : ﺑﺎﻫﻲ ﺍﺳﻤﻌﻲ ﺷﻦ ﺭﺍﻳﻚ ﻧﺠﻴﺐ ﻋﺸﺎ ﻭﺍﻧﺘﻌﺸﻮ ﻣﻊ ﺑﻌﻀﻨﺎ
ﺍﻧﺎ : ﺍﻭﻙ ﻣﺎﻧﻘﻮﻟﺶ ﻻ
ﻣﺤﻤﺪ : ﺧﻼﺹ ﺭﺍﺟﻴﻨﻲ ﻧﺠﻴﺐ ﻋﺸﺎ ﻭﺍﻧﺠﻴﻚ
ﺍﻧﺎ : ﺍﻭﻙ ﺧﻼﺹ ﺍﻧﻮﺗﻲ ﺍﻟﺴﻔﺮ
ﻃﻠﻊ ﻣﺤﻤﺪ ﻭﺟﺎﺏ ﻋﺸﺎ ﻭﺟﺎ ﻭﻗﻌﻤﺰﻧﺎ ﻓﻲ ﺍﻟﺠﻨﺎﻥ ﻭﻧﺎﻛﻠﻮ ﻭﺍﻧﻬﺪﺭﺯﻭ
ﻣﺤﻤﺪ : ﻫﻬﻬﻬﻬﻬﻬﻪ
ﺍﻧﺎ : ﻛﻨﻚ ؟ !
ﻣﺤﻤﺪ : ﻏﻤﺎﺯﺗﻚ ﻓﻴﻬﺎ ﺟﺒﻨﻪ
ﺍﻧﺎ ﺗﻤﻴﺖ ﻧﻤﺴﺢ ﻓﻲ ﺧﺪﻱ ﻭﻣﺎﻓﻴﺶ
ﻣﺤﻤﺪ : ﻣﺶ ﻫﻨﺎ ( ﻭﺟﺎ ﻉ ﺍﻟﺠﺒﻨﻪ ﻭﻣﺴﺤﻬﺎ ﻟﻴﺎ ) ﻭﺍﺑﺘﺴﻢ
ﺍﻧﺎ : ﻧﺰﻟﺖ ﺭﺍﺳﻲ ﺑﺨﺠﻞ ﻭﻧﺎﻛﻞ
ﻭﻛﻤﻠﻨﺎ ﻭﻛﺎﻝ ﻭﺷﻠﺖ ﺍﻟﺴﻔﺮﻩ
ﻣﺤﻤﺪ : ﻧﻮﺭﺍﻥ ﻧﺎ ﻃﺎﻟﻊ ﻣﺎﺗﺒﻲ ﺷﻲ
ﺍﻧﺎ : ﺩﻗﻴﻘﻪ ﺍﻣﺴﻚ ﺍﻟﺸﻜﺎﺭﻩ ﺣﻄﻬﺎ ﻓﻲ ﺍﻟﻤﻜﺐ ﺍﻟﻠﻲ ﻳﺼﺎﺩﺭ ﻓﻴﻨﺎ
ﻣﺤﻤﺪ : ﺍﻭﻙ ﺗﻤﺎﻡ ﺍﻗﻔﻠﻲ ﺍﻟﺒﺎﺏ ﻋﻠﻴﻚ ﻭﺩﻳﺮﻱ ﺑﺎﻟﻚ ﻋﻠﻲ ﺭﻭﺣﻚ
ﺍﻧﺎ : ﺍﻭﻙ ﺗﺼﺒﺢ ﻋﻠﻲ ﺧﻴﺮ
ﻣﺤﻤﺪ : ﻗﺪﺍﻣﻚ ﺍﻟﺨﻴﺮ
ﻭﻣﺸﺎ ﻳﻮﻡ ﻭﺭﺍ ﻳﻮﻡ ﻭﺟﺎ ﻳﻮﻡ ﺍﻟﺒﻴﺎﻥ
ﻧﻀﺖ ﻓﻲ ﺍﻟﺼﺒﺢ ﻭﻣﺸﻴﺖ ﻟﻠﻜﻮﺍﻓﻴﺮ ﻭﻟﺒﺴﺖ ﻓﺴﺘﺎﻥ ( ﺯﻱ ﺍﻟﺼﻮﺭﻩ
) ﻭﻛﻤﻠﺖ ﻭﺟﺎ ﻋﺒﺪﺍﻟﻠﻪ ﻭﺧﻀﺎﻧﻲ ﻭﻋﺪﻳﺖ ﻟﻠﺤﻮﺵ ﺍﻟﻘﻴﺖ ﺍﻟﺨﻴﻤﻪ ﻣﻠﻴﺎﻧﻪ ﺻﺒﺎﻳﺎ ﻗﻌﻤﺰﺕ ﻉ ﺍﻟﻜﺮﺳﻲ ﺷﻮﻳﻪ ﻭﺧﻄﻤﺖ ﻣﻦ ﻗﺪﺍﻣﻲ ﺣﻨﻪ
ﻃﺒﺴﺖ ﻋﻠﻴﺎ ﻭﻗﺎﻟﺘﻠﻲ : ﺍﻧﺎ ﺣﻦ ﺍﻟﻌﺮﻳﺲ
ﺻﺒﻴﺖ ﻭﺣﺒﻴﺖ ﻋﻠﻲ ﺭﺍﺳﻬﺎ ﻭﻳﺪﻫﺎ : ﺍﻫﻠﻴﻦ ﻓﻴﻚ
ﺣﻨﻪ : ﻣﺸﺎﺀ ﺍﻟﻠﻪ ﻛﺎﻣﻠﻪ ﻭﺍﻟﻜﺎﻣﻞ ﺍﻟﻠﻪ
ﺍﻧﺎ : ﺷﻜﺮﺍ ﻣﻦ ﺫﻭﻗﻚ
ﺣﻨﻪ : ﻋﺮﻑ ﻳﺨﺘﺎﺭ ﻭﺍﻟﻠﻪ
ﺍﻧﺎ : ﻫﻬﻬﻬﻪ ﺷﻜﺮﺍ
ﺑﺲ ﺍﻟﺼﺪﻣﻪ ﻗﺎﻟﻮ ﺷﻮﻳﻪ ﻭﺍﻟﻌﺮﻳﺲ ﻳﺒﻲ ﻳﺨﺶ ﻳﻠﺒﺴﻨﻲ
ﺍﻧﺎ ﻗﻠﺒﻲ ﻭﻗﻒ ﺧﺶ ﻭﻛﺎﻥ ﻃﺮﻑ ﺑﻤﻌﻨﻰ ﺍﻟﻜﻠﻤﻪ ﻳﺠﻨﻦ ﻭﺟﺎ ﻗﺪﺍﻣﻲ ﻭﺣﺐ ﻋﻠﻲ ﺭﺍﺳﻲ
ﻣﺤﻤﺪ : ﻣﺒﺮﻭﻙ
ﺍﻧﺎ ﻭﺭﺍﺳﻲ ﻟﻮﻃﺎ : ﺍﻟﻠﻪ ﻳﺒﺎﺭﻙ ﻓﻴﻚ
ﺷﻮﻳﻪ ﻭﺟﺎﺑﻮ ﺍﻟﺘﻮﺭﺗﻪ ﻭﺍﻧﺎ ﻭﻛﻠﺘﻪ ﻭﺟﺎ ﺩﻭﺭﻩ ﻫﻮﺍ ﻣﺴﻚ ﺍﻟﺸﻮﻛﻪ ﻭﺍﻧﺎ ﻧﻔﺘﺢ ﻓﻤﻲ ﻫﻮﺍ ﻳﺒﺎﻋﺪ ﺑﺤﺘﺖ ﻓﻴﻪ ﻭﺍﺑﺘﺴﻤﺖ ﻭﺭﻓﻌﺖ ﺣﺎﺟﺒﻲ ﻭﻫﻮﺍ ﺩﺍﺭﻫﺎ ﺍﺧﺮﻱ ﻭﺍﻟﺒﻨﺎﺕ ﺍﻳﺘﻌﺎﻳﻄﻦ
ﺍﻧﺎ : ﻣﻌﺶ ﻧﺒﻲ
ﻣﺤﻤﺪ : ﻫﻬﻬﻬﻪ ﺧﻼﺹ ﺧﻼﺹ ﺍﺧﺮ ﻣﺮﻩ
ﺍﻧﺎ ﻓﺘﺤﺖ ﻓﻤﻲ ﻭﻭﻛﻠﻨﻲ ﻭﺍﺧﻴﺮﺍ
ﻭﻗﻌﺪﻧﺎ ﺷﻮﻳﻪ ﻭﺑﻌﺪﻫﺎ ﻃﻠﻊ ﺍﻟﺪﺑﻠﻪ ﻭﻟﺒﺴﻬﺎﻟﻲ ﻭﺍﻧﺎ ﻟﺒﺴﺘﻪ ﺍﻟﺪﺑﻠﻪ ﻭﺑﻌﺪﻫﺎ ﺩﺍﺭﻟﻲ ﺑﺎﻳﺪﻩ ﺑﻤﻌﻨﻰ ﺍﺑﺮﻣﻲ ﺑﺮﻣﺖ ﻭﻋﻄﻴﺘﻪ ﺑﻀﻬﺮﻱ ﻟﺒﺴﻨﻲ ﺳﻨﺴﻠﻪ ﺫﻫﺐ ﻧﺒﺾ ( ﺯﻱ ﺍﻟﺼﻮﺭﻩ ) ﻭﻫﻤﺴﻠﻲ : ﻫﺪﻳﻪ ﺍﻟﺒﻴﺎﻥ
ﺍﻧﺎ : ﺷﻜﺮﺍ ﻭﻧﺰﻟﺖ ﺭﺍﺳﻲ
ﻣﺤﻤﺪ : ﺍﻧﺘﻲ ﺷﻦ ﻗﺼﺘﻚ ﻣﻊ ﺍﻟﺸﻜﺮ ﺧﻼﺹ ﻣﻌﺶ ﺗﺸﻜﺮﻳﻨﻲ
ﺍﻧﺎ ﺍﺑﺘﺴﻤﺖ ﺍﺑﺘﺴﺎﻣﻪ ﺧﻔﻴﻔﻪ ﻭﺟﺘﻨﻲ ﺍﻣﻴﺮﻩ
ﺍﻣﻴﺮﻩ : ﻧﻮﺭﺍﻥ ﺧﺸﻲ ﻏﻴﺮﻱ ﻓﺴﺘﺎﻧﻚ ﻫﻴﺎ
ﻣﺤﻤﺪ : ﺍﻧﺎ ﻧﻄﻠﻊ ﺧﻼﺹ
ﺍﻣﻴﺮﻩ ﺍﻧﺖ ﺗﻌﺎﻝ ﻳﺎﻻ ﺍﻟﺒﺎﺏ ﻟﻴﻦ ﻣﺎﺗﻠﺒﺲ ﻋﺸﺎﻥ ﺗﺼﻮﺭﻭ ﺑﺎﻟﻔﺴﺘﺎﻥ ﻻﺧﺮ
ﺍﻧﺎ : ﻣﺶ ﺻﻮﺭﻧﺎ ﺍﻣﺒﺪﺭﻱ
ﺍﻣﻴﺮﻩ : ﻣﺎﻫﻮ ﻧﺤﻨﺎ ﻣﺘﻔﻘﻴﻦ ﻣﻊ ﺍﻟﻤﺼﻮﺭﺍﺗﻲ 10 ﺻﻮﺭ ﺍﻟﻴﻮﻡ ﻓﺨﻀﺖ 5 ﻟﻘﻄﺎﺕ ﺑﺎﻟﻔﺴﺘﺎﻥ ﻫﻀﺎ ﻭﺗﻮﺍ ﺗﺎﺧﻀﻮ 5 ﺑﺎﻻﺧﺮ ﻫﻴﺎ
ﺍﻧﺎ : ﺍﻭﻙ ﻫﻴﺎ
ﺍﻣﻴﺮﻩ : ﻣﺤﻤﺪ ﺗﻌﺎﻝ ﺧﻴﺮ ﻣﻦ ﻗﻌﺪﺗﻚ ﻫﻨﺎ
ﻣﺤﻤﺪ : ﺍﻭﻙ ﻫﻴﺎ ﻋﺎﺩﻱ
~~~~~~~~~~~~~~~
ﺍﻟﺘﻔﺎﻋﻞ
ﺗﻮﻗﻌﺎﺗﻜﻢ ﻟﻠﺤﻠﻘﻪ ﺍﻟﺠﺎﻳﻪ
#
