ﻣﻨﻘﻮﻟﺔ
ﺍﻟﺤﻠﻘﻪ 20
# ﻟﺮﺑﻤﺎ
~~~~~~~~~©©©~~~~~~~~~~
ﺧﺶ ﻳﺒﻲ ﻳﻘﻮﻝ ﻟﻤﺮﻭﻩ ﺩﻳﺮﻱ ﻗﻬﻮﻩ ﻟﻘﺎﻫﺎ ﻣﺎﺳﻜﻪ ﻋﻠﺒﻪ ﺩﻭﺍ ﻭﺍﺗﺤﻂ ﻣﻨﻪ ﻓﻲ ﺍﻟﻌﺼﻴﺮ
ﻣﺤﻤﺪ ﻣﺴﻜﻬﺎ ﻣﻦ ﺷﻌﺮﻫﺎ : ﺷﻨﻮ ﻫﻀﺎ ﻫﺎﺍ ﺍﺣﻜﻲ
ﻣﺮﻭﻩ : ﺍﺍﺍﻱ ﻫﻀﺎ ﻫﻀﺎ
ﻭﻳﺴﻤﻌﻮ ﺻﻮﺕ ﺭﺍﻧﻴﺎ ﺗﻌﻴﻂ
ﺳﻴﺒﻬﺎ ﻭﻃﻠﻊ ﻳﺠﺮﻱ ﺑﺪﻭﻥ ﻣﺎﻳﺸﻮﻑ ﺍﻟﺪﻭﺍﺀ ﻟﻘﺎﻧﻲ ﺍﻧﺎ ﺩﺍﻳﺨﻪ ﻉ ﺍﻟﺼﺎﻟﻮﻥ ﺟﺎﻧﻲ ﻳﺠﺮﻱ ﻳﺒﺦ ﻓﻲ ﻣﻴﻪ ﻉ ﻭﺟﻲ
ﻣﺤﻤﺪ : ﺭﺍﻧﻴﺎ ﺟﻴﺒﻲ ﻋﺒﺎﻳﻪ ﻭﻣﺤﺮﻣﻪ
ﻣﺸﺖ ﺭﺍﻧﻴﺎ ﺟﺎﺑﺘﻬﻦ ﻟﻴﺎ ﻭﺷﺎﻟﻨﻲ ﻟﻠﻤﺴﺘﺸﻔﻰ ﺧﺸﻮ ﺑﻴﺎ ﻟﻠﺪﻛﺘﻮﺭ ﺻﺎﺣﺒﻪ
ﺧﺸﻴﺖ ﻟﻠﻌﻨﺎﻳﻪ ﻭﻣﺤﻤﺪ ﻭﺭﺍﻧﻴﺎ ﻭﺍﺭﻭﻯ ﻭﺍﺳﺎﻣﻪ ﻭﻫﻴﺜﻢ ﻭﺍﻳﻤﻦ ( ﻋﻴﺎﻝ ﻋﻤﻪ ) ﻭﺳﺎﻣﻲ ( ﻭﻟﺪ ﺧﺎﻟﺘﻪ ﻭﺍﺥ ﻣﺮﻭﻩ ) ﻭﺟﺪﻩ ﻭﺑﺎﺗﻪ ﻳﺴﺘﻨﻮ ﺑﺮﺍ ﻭﺑﻌﺪ ﺳﺎﻋﻪ ﻃﻠﻊ ﺍﻟﺪﻛﺘﻮﺭ
ﻣﺤﻤﺪ ﺟﺎﻩ ﻳﺠﺮﻱ ﻭﺩﻣﻌﺘﻪ ﻓﻲ ﻋﻴﻨﻪ : ﺩﻛﺘﻮﺭ ﻛﻨﻬﺎ ﺷﻦ ﺻﺎﺭﻟﻬﺎ ﻳﺎﺍﺣﻤﺪ( ﺍﻟﺪﻛﺘﻮﺭ ) ﺍﺣﻜﻲ
ﺍﺣﻤﺪ : ﺷﻮﻑ ﻫﻴﺎ ﻭﺍﺧﻀﻪ ﺩﻭﺍ ﻣﺎﻧﻊ ﺣﻤﻞ ﻗﻮﻱ ﻭﻣﻜﺜﺮﻩ ﻣﻨﻪ
ﻣﺤﻤﺪ : ﻛﻴﻒ
ﺍﺣﻤﺪ : ﻟﻮ ﺗﺒﻲ ﺍﺗﺸﻮﻓﻬﺎ ﺗﻔﻀﻞ ﺑﺲ ﺣﺎﻭﻝ ﺍﻥ ﻣﺎﺗﻀﻐﻄﺶ ﻋﻠﻴﻬﺎ
ﻣﺤﻤﺪ : ﺑﺎﻫﻲ
ﻭﺧﺶ ﻋﻠﻴﺎ
ﻣﺤﻤﺪ ﺑﻼ ﻣﺎﻳﺒﺤﺖ ﻓﻴﺎ : ﺣﻤﺪ ﺍﻟﻠﻪ ﻉ ﺍﻟﺴﻼﻣﻪ
ﺍﻧﺎ : ﺍﻟﻠﻪ ﻳﺴﻠﻤﻚ ﺣﺒﻴﺒﻲ ﺑﻄﻨﻲ ﺗﻮﺟﻌﻨﻲ
ﻣﺤﻤﺪ : ﻣﺎﻫﻮ ﻛﻨﺘﻲ ﻗﻠﺘﻲ ﻣﺎﻧﺒﻴﺶ ﻧﺠﻴﺐ ﻣﻨﻚ ﻛﻨﺖ ﻣﺎﻟﻤﺴﺘﻜﺶ ﺍﺻﻼ ﻣﺶ ﺍﺗﻤﺜﻠﻲ ﻭﺧﺎﻃﺮﻱ ﻓﻲ ﺑﻴﺒﻲ ﻣﻨﻚ ﻭﺗﺎﺧﺬﻱ ﺣﺒﻮﺏ
ﺍﻧﺎ : ﺣﺒﻴﺒﻲ ﻭﺍﻟﻠﻪ ﻣﺎﺩﺭﺕ ﺣﺎﺟﻪ ﻛﻨﻚ ﺍﻧﺖ ﺷﻨﻮ ﺻﺎﻳﺮﻟﻲ ﻧﺎ ﻓﻬﻤﻨﻲ
ﻣﺤﻤﺪ : ﺑﺘﺸﻮﻓﻲ ﻳﺎﻧﻮﺭﺍﻥ ﺣﺘﺸﻮﻓﻲ
ﻭﻃﻠﻊ ﻭﺍﻧﺎ ﻧﺒﻜﻲ ﻣﺶ ﻋﺎﺭﻓﻪ ﺷﻦ ﺻﺎﻳﺮ ﻭﺑﻄﻨﻲ ﺗﺰﻳﺪ ﺍﻟﻢ ﺷﻮﻳﻪ ﻭﺟﺎ ﺍﻟﺪﻛﺘﻮﺭ ﻭﻋﻄﺎﻧﻲ ﺍﺑﺮﻩ ﻣﻬﺪﺀ ﺭﻗﺪﺕ ﻭﺑﻌﺪ ﺍﻟﻤﻐﺮﺏ ﻭﻋﻴﺖ ﺍﻟﺪﻛﺘﻮﺭ ﻗﺎﻟﻲ ﺍﻃﻠﻌﻲ ﺧﻼﺹ ﻣﺎﻓﻴﺶ ﺩﺍﻋﻲ ﻟﻘﻌﺪﺗﻚ ﻃﻠﻌﺖ ﻭﻣﺤﻤﺪ ﻃﻮﻝ ﺍﻟﻄﺮﻳﻖ ﻣﺎﻳﺒﺤﺘﺶ ﻓﻴﺎ ﺭﻛﺒﺖ ﻋﻠﻲ ﻃﻮﻝ ﻟﺸﻘﺘﻲ ﻭﻣﺤﻤﺪ ﺭﻛﺐ ﻣﻌﺎﻱ ﻭﻣﺎﻳﺤﻜﻴﺶ ﻣﻌﺎﻱ ﺑﻜﻞ
ﺍﻧﺎ : ﻣﺤﻤﺪ ﺗﻌﺎﻝ ﻧﺤﻜﻮ
ﻣﺤﻤﺪ : ﻃﺮﻃﻮﺭ ﺍﻧﺎ ﺗﻤﺸﻲ ﻋﻠﻴﺎ ﺑﻜﻠﻤﺘﻴﻦ
ﺍﻧﺎ : ﻣﺤﻤﺪ ﻭﺭﺍﺳﻚ ﺍﺟﻌﻨﻲ ﺍﻧﻤﻮﺕ ﻭﺍﺧﻀﻴﺖ ﺣﺎﺟﻪ ﺗﻌﺎﻝ ﻓﻬﻤﻨﻲ
ﻣﺤﻤﺪ : ﺍﺳﺲ ﻣﺎﻧﺒﻴﺶ ﻧﺴﻤﻊ ﺻﻮﺗﻚ ﺗﻤﺮﻗﺪﻱ
ﻭﻃﻠﻊ ﻭﻫﻮﺍ ﻣﺘﻌﻘﺪ ﻭﺍﻧﺎ ﻧﺒﻜﻲ ﺑﺎﻟﻌﺒﺮﻩ ﻟﻴﻦ ﺭﻗﺪﺕ
ﻋﻨﺪ ﻣﺤﻤﺪ -:
ﻟﻴﺶ ﻟﻴﺶ ﺍﻧﺎ ﻣﺎﻧﺘﻮﻓﻘﺶ ﻓﻲ ﺯﻭﺍﺟﻲ ﻟﻴﺶ ﺍﻓﻔﻔﻔﻒ ﻟﻴﺶ ﻫﻴﺎ ﺍﻟﺪﻳﺮ ﻫﻜﻲ ﺍﻧﺎ ﻓﻲ ﺷﻦ ﻗﺼﺮﺕ ﻣﻌﺎﻫﺎ ﻟﻴﺶ ﻣﺎﺗﺒﻴﺶ ﺗﺠﻴﺐ ﻣﻨﻲ ﻋﻴﺎﻝ ﺷﻦ ﺍﻧﺪﻳﺮ ﻳﺎﺭﺑﻲ ﻭﻫﻮﺍ ﻳﻔﻜﺮ ﺗﺬﻛﺮ ﻣﺮﻭﻩ ﻭﺍﻟﺪﻭﺍﺀ ﻭﺗﻤﺎ ﻳﻔﻜﺮﻭﻣﻦ ﺍﻟﺘﻔﻜﻴﺮ ﺩﺍﺥ ﺭﻗﺪ
~~~~~~~~~~~~~~~~~
ﺛﺎﻧﻲ ﻳﻮﻡ -:
ﻧﻀﺖ ﺍﻟﻘﻴﺖ ﻣﻜﺎﻥ ﻣﺤﻤﺪ ﻓﺎﺿﻲ ﻭﻣﺮﺗﺐ ﻋﺮﻓﺘﻪ ﻣﺎﺭﻗﺪﺵ ﻫﻨﺎ ﻧﺰﻟﺖ ﺩﻣﻌﻪ ﻗﺒﻞ ﻛﻨﺖ ﺍﻭﻝ ﻣﺎﺍﻧﻮﺽ ﻧﺎﺧﺾ ﺑﻮﺳﻪ ﻭﺑﻌﺪﻫﺎ ﺍﻧﺼﺒﻲ ﻳﺎﺍﺭﺑﻲ
ﺻﺒﻴﺖ ﺗﻮﺿﻴﺖ ﻭﺻﻠﻴﺖ ﻭﻃﻠﻌﺖ ﺩﺭﺕ ﻓﻄﻮﺭ ﺳﻤﻌﺖ ﺻﻮﺕ ﻓﻲ ﺍﻟﺤﻤﺎﻡ ﻋﺮﻓﺘﻪ ﻧﺎﺽ ﻋﺪﻳﺖ ﺳﻘﻤﺖ ﻣﻜﺎﻧﻪ ﻭﻃﻠﻊ ﻣﻦ ﺍﻟﺪﺍﺭ ﻭﺑﻨﺖ ﻋﻄﺮﻩ ﺳﺎﺑﻘﺘﻪ ﻛﺎﻥ ﺧﺎﻃﺮﻱ ﻧﺠﻲ ﻓﻲ ﺣﻀﻨﻪ ﻭﻧﺒﻜﻲ ﻧﺤﺲ ﺭﻭﺣﻲ ﻣﺨﻨﻮﻗﻪ ﻭﻧﺒﻲ ﺍﻧﻔﻀﻲ ﻃﺎﻗﺘﻲ ﺟﺎ ﻭﻗﻌﻤﺰ ﻉ ﺍﻟﺼﺎﻟﻮﻥ ﺍﻟﻠﻲ ﻭﺭﺍﻱ
ﻋﻨﺪ ﻣﺤﻤﺪ -:
ﻧﻀﺖ ﻭﻧﺴﻤﻊ ﻓﻲ ﺻﻮﺗﻬﺎ ﻓﻲ ﺍﻟﻤﻄﺒﺦ ﺍﻟﺪﻳﺮ ﻓﻲ ﻓﻄﻮﺭ ﺍﻟﺬﻛﺮﺕ ﻟﻤﺎ ﻛﺎﻧﺖ ﺗﻠﻌﺐ ﺑﺸﻌﺮﻱ ﻟﻴﻦ ﺍﻟﻨﻮﺽ ﻭﺗﻘﻌﺪ ﺍﻟﺪﻏﺪﻍ ﻓﻴﺎ ﺑﺼﻮﺍﺑﻌﻬﺎ ﻋﻠﻲ ﺻﺪﺭﻱ ﺍﺧﺨﺨﺨﺨﺦ ﺍﻧﺎ ﻳﻮﻡ ﻭﺭﺍﻳﻔﺖ ﺍﻓﻔﻔﻔﻒ ﻧﻀﺖ ﻭﺧﺸﻴﺖ ﻟﻠﺤﻤﺎﻡ ﻭﻃﻠﻌﺖ ﺍﻟﻘﻴﺘﻬﺎ ﺗﻠﻢ ﻓﻲ ﻣﻜﺎﻧﻲ ﻗﻌﻤﺰﺕ ﻉ ﺍﻟﻜﻨﺒﻪ ﺍﻟﻠﻲ ﻭﺭﺍﻫﺎ ﻭﻋﻴﻮﻧﻲ ﻭﺣﻮﺍﺳﻲ ﻛﻠﻬﻦ ﻣﻌﺎﻫﺎ ﻛﺎﻥ ﺧﺎﻃﺮﻱ ﻧﻀﺒﻄﻬﺎ ﻭﻧﺒﻮﺳﻬﺎ ﺣﺴﻴﺖ ﻓﻲ ﻋﻴﻮﻧﻬﺎ ﺣﺰﻥ ﻭﺿﻴﻖ """
ﻣﺤﻤﺪ : ﻧﺒﻲ ﻗﻬﻮﻩ
ﺍﻧﺎ : ﺟﻬﺰﺕ ﺍﻟﻔﻄﻮﺭ ﺗﻌﺎﻝ ﺑﺲ ﻧﺪﻳﺮ ﺍﻟﻘﻬﻮﻩ
ﺻﺒﺎ ﻭﻣﺸﺎ ﻟﻠﻤﻄﺒﺦ ﻭﺩﺭﺕ ﻗﻬﻮﻩ ﻭﻋﻄﻴﺘﻪ ﻳﺸﺮﺏ ﻭﺍﻧﺎ ﻗﻌﻤﺰﺕ ﺟﻨﺒﻪ ﻭﺩﺭﺕ ﺗﻮﺳﺖ ﻭﻧﺎﻛﻞ
ﻣﺤﻤﺪ : ﺍﻟﻴﻮﻡ ﺣﺘﻨﺰﻟﻲ
ﺍﻧﺎ : ﺍﻫﺎﺍ ﺣﻨﻨﺰﻝ ﺗﻮﺍ ﻋﺸﺎﻥ ﺍﻧﺪﻳﺮ ﻣﻌﺎﻫﻦ ﺍﻟﻐﺪﺍﺀ
ﻣﺤﻤﺪ : ﻣﺎﻓﻴﺶ ﺩﺍﻋﻲ ﺍﻧﺘﻲ ﻣﺰﻟﺘﻲ ﻣﺮﻳﻀﻪ ﺍﻗﻌﺪﻱ ﻭﻟﻤﺎ ﺍﻳﻄﻴﺐ ﺑﻨﺨﻠﻴﻬﻦ ﻳﺪﺯﻧﻠﻚ
ﺍﻧﺎ : ﺗﺆﺗﺆ ﺍﻧﺎ ﺗﻤﺎﻡ ﻣﺎﻓﻴﺎ ﺷﻲ
ﻣﺤﻤﺪ : ﺍﻟﺪﻛﺘﻮﺭ ﻗﺎﻟﻚ ﺑﺎﻋﺪﻱ ﻋﻠﻴﻪ ﺍﻻﺳﺒﻮﻉ ﻫﻀﺎ ﻟﻌﻨﺪ ﻣﺎﻳﺨﻒ ﺍﻟﺠﺮﺡ ﻣﺎﺗﺨﺎﻓﻴﺶ ﻣﺶ ﺣﺘﺤﻤﻠﻲ ﻻﻧﻲ ﻣﺶ ﺣﻨﺠﻲ ﺷﻮﺭﻙ
ﺍﻧﺎ : ﻣﺤﻤﺪ ﺍﻧﺖ ﻋﺎﺭﻑ ﺷﻦ ﺍﻏﻠﻰ ﺷﺊ ﻋﻨﺪﻱ ﺻﺢ
ﻣﺤﻤﺪ : ﻫﻪ ﺍﺻﻼ ﺍﻧﺎ ﻏﺒﻲ ﺍﺗﻘﻮﻟﻴﻠﻲ ﺍﻧﺎ ﻧﺒﻲ ﻣﻨﻚ ﺑﻴﺒﻲ ﻟﻮ ﺑﻨﺖ ﺑﻨﺪﻟﻌﻬﺎ ﻭﺍﻧﺘﻲ ﺗﺎﺧﻀﻲ ﻓﻲ ﺣﺒﻮﺏ ﻫﻬﻬﻪ ﺍﻧﺎ ﺣﻤﺎﺭ ﺍﻟﻠﻲ ﺻﺪﻗﺘﻚ
ﺍﻧﺎ : ﻣﺤﻤﺪ ﻓﻬﻤﻨﻲ
ﺟﺎﻳﺒﻲ ﻳﻄﻠﻊ ﻋﺪﻳﺖ ﻧﺠﺮﻱ ﻭﻗﻔﻠﺖ ﺍﻟﺒﺎﺏ
ﻣﺤﻤﺪ : ﺣﻮﻟﻲ ﻳﺎﻧﻮﺭﺍﻥ
ﺍﻧﺎ : ﻻ ﻣﻨﻴﺶ ﻣﺤﻮﻟﻪ
ﻣﺤﻤﺪ : ﺍﺧﺮ ﻣﺮﻩ ﺍﻧﻘﻮﻟﻚ ﺣﻮﻟﻲ
ﺍﻧﺎ : ﻻ ﺍﻫﻮ ﺍﻧﺎ ﻭﺍﻧﺖ ﻛﺴﺮ ﺍﺿﺮﺏ ﺍﻗﺘﻞ ﺑﺲ ﻣﺎﺗﺘﻬﺮﺑﺶ ﻓﻬﻤﻨﻲ ﻳﺎﺳﻴﺪﻱ ﺗﺨﻴﻞ ﺍﻥ ﺻﺎﺭﻟﻲ ﺯﻫﺎﻳﻤﺮ ﺍﺣﻜﻲ ﺷﻦ ﻗﺎﻝ ﺍﻟﺪﻛﺘﻮﺭ ﻭﺗﻮﺍ
ﻣﺤﻤﺪ : ﺑﻨﻘﻮﻝ ﺑﺲ ﺑﻌﺪﻫﺎ ﺑﻄﻴﺮﻱ ﻣﻦ ﻗﺪﺍﻣﻲ
ﺍﻧﺎ : ﺍﻫﺎ ﺍﺣﻜﻲ
ﻣﺤﻤﺪ : ﺍﻟﺪﻛﺘﻮﺭ ﻗﺎﻝ ……………………
ﺍﻧﺎ : ﻙ ﻛﺬﺏ ﻭﺍﻟﻠﻪ ﻛﺬﺏ ﻧﺎ ﻣﺎﻧﺎﺧﻀﺶ ﺣﺎﺟﻪ ﻭﺭﺍﺳﻚ ﻛﺬﺏ ﺣﻤﺎﺩﻱ ﺣﺒﻴﺒﻲ ﺍﻧﺖ ﻣﺼﺪﻗﻪ ﻭﺍﻟﻠﻪ ﺍﻧﺎ ﺍﻧﺎ ( ﻭﺩﺧﺖ )
ﻣﺤﻤﺪ : ﻧﺎﻧﻲ ﻧﻮﺭﺍﻥ ﻧﻮﺿﻲ
ﻭﺟﺎﺏ ﺑﺮﻓﺎﻥ ﻭﺑﺨﻪ ﻟﻴﺎ
ﺍﻧﺎ : ﺣﻤﺎﺩﻱ ﺡ ﺣﻤﺎﺩﻱ
ﻣﺤﻤﺪ : ﻧﻮﺭﺍﻥ ﻧﻮﺿﻲ ﻧﻮﺭﺍﻥ ﺗﺴﻤﻌﻲ ﻓﻴﺎ
ﺍﻧﺎ : ﺍﻫﺎ ﻭﻗﻌﻤﺰﺕ
ﻣﺤﻤﺪ : ﺗﻌﺎﻟﻲ ﺍﻧﺸﻴﻠﻚ ﻟﻠﺴﺮﻳﺮ
ﺍﻧﺎ : ﻻﻻ ﺗﻮﺍ ﺍﻧﺘﻜﺴﻞ ﻭﻧﺮﻗﺪ ﺧﻠﻴﻨﻲ ﺗﻮﺍ ﻧﺼﺒﻲ ﻭﻧﺒﺪﻝ ﻭﻧﻨﺰﻝ
ﻣﺤﻤﺪ : ﺍﻗﻌﺪﻱ ﺗﺮﻳﺤﻲ ﺍﻟﻴﻮﻡ
ﺍﻧﺎ : ﻻﻻ
ﻭﻣﺸﻴﺖ ﻟﺒﺴﺖ ﺳﺮﻭﺍﻝ ﺍﺳﻮﺩ ﻭﺗﻴﺸﺮﺕ ﺍﺑﻴﺾ ﻟﻔﻮﻕ ﺍﻟﺮﻛﺒﻪ ﺑﺸﻮﻳﻪ ﻭﺟﺎﻛﻪ ﺟﻠﺪ ﺑﻴﺞ ﻭﻛﻮﻳﺶ ﺭﺻﺎﺻﻲ ﻭﻣﻜﻴﺠﺖ ﺑﺴﻴﻂ ﺳﻨﺒﻞ ﻭﻃﻠﻌﺖ
ﺍﻧﺎ : ﻣﺤﻤﺪ ﻧﺎﺯﻟﻪ ﺗﺒﻲ ﺣﺎﺟﻪ
ﻣﺤﻤﺪ : ﻻﻻ ﻣﺎﻧﺒﻴﺶ ﺣﺘﻰ ﻧﺎ ﻧﻐﻴﺮ ﻭﻧﻨﺰﻝ
ﺍﻧﺎ : ﺑﺎﻫﻲ ( ﻭﺟﻴﺖ ﻣﻦ ﺟﻨﺒﻪ ﻭﻫﻮﺍ ﻻﻫﻲ ﻓﻲ ﻧﻘﺎﻟﻪ ﻃﺒﺴﺖ ﺑﺴﺘﻪ ﻋﻠﻲ ﺧﺪﻩ ﻭﻣﺸﻴﺖ ﻃﻠﻌﺖ ﻭﺳﻜﺮﺕ ﺍﻟﺒﺎﺏ ﻗﺒﻞ ﻣﺎﻧﺸﻮﻑ ﺭﺩﻩ ﻓﻌﻠﻪ ) ﺍﻣﺔ ﻣﺤﻤﺪ ﺣﻂ ﻳﺪﻩ ﻋﻠﻲ ﺧﺪﻩ ﻭﺍﺑﺘﺴﻢ ﻭﺻﺒﺎ ﻟﺒﺲ ﺗﻴﺸﺮﺕ ﺍﺣﻤﺮ ﺿﺎﺑﻂ ﻣﺒﻴﻦ ﻋﻀﻼﺗﻪ ﻭﺳﺮﻭﺍﻝ ﺍﺯﺭﻕ ﻭﻫﻮﺍ ﻧﺎﺯﻝ ﻻﻗﺎﺗﻪ ﻣﺮﻭﻩ ﻣﻌﺎﻫﻢ ﻓﻲ ﺍﻟﺼﺎﻟﻪ
ﻣﺤﻤﺪ ﺑﺼﻮﺕ ﻋﺎﻟﻲ ﻭﻣﺘﻌﻘﺪ : ﻣﺮﻭﻩ ﺗﻌﺎﻟﻲ ﻧﺒﻴﻚ
ﻣﺮﻭﻩ ﺑﺪﻟﻊ : ﺣﺎﺿﺮ
~~~~~~~~~~~~~~~~
ﺍﻟﺘﻔﺎﻋﻞ ﺑﻨﺎﺍﺍﺕ
ﻭﺗﻮﻗﻌﺎﺗﻜﻢ ﺗﻬﻤﻨﻲ ﻭﺍﺟﺪ ﻛﻞ ﻭﺣﺪﻩ ﺗﻜﺘﺐ ﺗﻮﻗﻌﻬﺎ ﻣﺤﻤﺪ ﺷﻦ ﻳﺒﻲ ﻓﻲ ﻣﺮﻭﻩ؟ !
#
