ﻣﻨﻘﻮﻟﺔ
ﻟﺮﺑـﻤﺎ
ﺍﻟﺤﻠﻘﻪ 1
# ﻟﺮﺑﻤﺎ
~~~~~~~~~~ ~~~~~~~~
ﻧﻀﺖ ﺍﻟﺼﺒﺢ ﻋﻠﻲ ﺻﻮﺕ ﻧﺒﻊ ﺍﻟﺤﻨﺎﻥ
ﻣﺎﻣﺎ : ﻫﻴﺎ ﻳﺎﻧﻮﺭﺍﻥ ﺣﻲ ﻋﻠﻴﻚ ﺑﺎﺗﻚ ﺟﺎ
ﺻﺒﻴﺖ ﻧﺠﺮﻱ ﺩﺭﺕ ﺭﻭﺣﻲ ﻧﻀﻢ ﻓﻲ ﺍﻟﻤﻜﺘﺒﻪ
ﺧﺶ ﺑﺎﺗﻲ : ﺷﻨﻮ ﺍﻟﻐﺪﺍ
ﺍﻣﻲ : ﺭﺯ ﺑﺎﻟﺘﻘﻠﻴﻪ
ﺑﺎﺗﻲ : ﻋﺒﺪ ﺍﻟﻠﻪ ﺟﺎ
ﺍﻣﻲ : ﺍﻫﺎ ﺟﺎ ﻭﺩﻭﺵ ﻭﺗﻐﺪﺍ ﻭﺧﺶ ﻗﺎﻝ ﻳﺒﻲ ﻳﺮﻗﺪ
ﺍﻧﺎ : ﻣﺎﻣﺎ ﻧﻤﺸﻲ ﺍﻧﺪﻭﺵ ﻭﻧﺮﻛﺐ ﻧﻐﺴﻞ ﺍﻟﻔﺮﺷﻪ ﺑﺎﻫﻲ
ﻣﺎﻣﺎ : ﺑﺎﻫﻲ ﻋﺪﻱ ﻳﺎﺑﻨﺘﻲ
ﺍﻧﺎ ﻣﺸﻴﺖ ﺩﻭﺷﺖ ﻭﻣﺸﻴﺖ ﻏﺴﻠﺖ ﺍﻟﻔﺮﺷﻪ ﻭﻧﺸﺮﺕ ﺍﻟﺪﺑﺶ ﻭﻋﺪﺍ ﺍﻟﻴﻮﻡ ﻟﻌﻨﺪ ﺍﻟﻠﻴﻞ
ﺍﻧﺎ : ﺍﻣﻴﺮﻩ ﺻﺒﻲ ﺩﻳﺮﻳﻠﻨﺎ ﺣﺎﺟﻪ ﺣﻠﻮﻩ
ﺍﻣﻴﺮﻩ : ﻣﻦ ﻋﻴﻮﻧﻲ ﻳﺎﺣﻠﻮﻩ
ﺻﺒﺖ ﺩﺍﺭﺗﻠﻨﺎ ﻛﻴﻜﻪ ﻭﻗﻬﻮﻩ ﻗﻌﻤﺰﻧﺎ ﺍﻧﺎ ﻭﺍﻣﻴﺮﻩ ﻭﺭﺟﺎﺀ ﻭﻋﺎﺋﺸﻪ ﺷﺮﺑﻨﺎ
ﻭﺭﻗﺪﻧﺎ ﺛﺎﻧﻲ ﻳﻮﻡ ﻧﻀﺖ ﺍﻟﻘﻴﺖ ﺍﻟﺒﻨﺎﺕ ﺍﻳﺮﻓﻌﻦ ﻓﻲ ﺍﻟﺤﻮﺵ
ﺍﻧﺎ : ﺻﺒﺎﺡ ﺍﻟﺨﻴﺮ
ﻛﻠﻬﻦ : ﺻﺒﺎﺡ ﺍﻟﻨﻮﺭ
ﺭﺟﺎﺀ : ﺍﺳﻤﻌﻦ ﺍﻧﻘﺴﻤﻮ ﺍﻟﺤﺠﺎﺕ
ﻋﺎﺋﺸﻪ ﻭﺍﻣﻴﺮﻩ ﻳﻐﺴﻠﻦ ﺍﻟﻔﺮﺵ ﻭﻧﻮﺭﺍﻥ ﻧﺸﺮﻱ ﺍﻟﺪﺑﺶ ﻭﺍﻧﺎ ﺗﻮﺍ ﻧﻤﺴﻚ ﺍﻟﻜﻮﺟﻴﻨﻪ ﺍﻧﺪﻳﺮ ﻏﺪﺍﺀ
ﺍﻧﺎ : ﺍﻣﺲ ﻏﺴﻠﺖ ﻓﺮﺷﻪ ﺍﻟﻤﺮﺑﻮﻋﻪ
ﺭﺟﺎﺀ : ﻋﺎﺭﻓﻪ ﺗﻮﺍ ﻧﻄﺮﺣﻮﻫﺎ ﺍﻛﻴﺪ ﻗﺒﺖ
ﻛﻞ ﻭﺣﺪﻩ ﻋﺪﺕ ﻟﻌﻤﻠﻬﺎ ﻭﺟﺎ ﺑﺎﺑﺎ ﻭﺣﻄﻴﻨﺎ ﺍﻟﻐﺪﺍﺀ ﻭﻧﺤﻨﺎ ﺍﻧﺘﻐﺪﻭ
ﺑﺎﺑﺎ : ﻓﺘﺤﻴﻪ ﻓﻲ ﻭﺍﺣﺪ ﻣﺘﻘﺪﻡ ﻟﻨﻮﺭﺍﻥ
ﻓﺘﺤﻴﻪ : ﺑﺎﻫﻲ ﺍﻟﻠﻪ ﻳﻘﺪﻡ ﺍﻟﻠﻲ ﻓﻴﻪ ﺍﻟﺨﻴﺮ
ﺍﻧﺎ : ﻧﺴﻤﻊ
ﺑﺎﺑﺎ : ﺍﺳﻤﻪ ﻣﺤﻤﺪ ﺩﻛﺘﻮﺭ ﺟﺮﺍﺣﻪ ﻭﻟﺪ ﻋﻴﺖ ﺍﻝ ………
ﻣﻄﻠﻖ ﻣﺮﺍﺗﻪ ﻭﻳﺒﻲ ﻭﺣﺪﻩ ﻣﺎﺗﺸﺘﻐﻠﺶ ﻳﻌﻨﻲ ﺗﻘﻌﺪ ﻓﻲ ﺍﻟﺤﻮﺵ ﻭﺍﺗﻠﻤﻪ ﻭﺗﻬﺘﻢ ﺑﻴﻪ ﻭﺑﻌﺪ ﺑﻜﺮﻩ ﺟﺎﻱ ﻳﺸﻮﻓﻬﺎ
ﺍﻧﺎ ﻧﺴﻤﻊ ﻭﻣﻨﺼﺪﻣﻪ
ﺑﺎﺑﺎ : ﻧﻮﺭﺍﻥ ﺑﻜﺮﺍ ﺍﻧﺸﻴﻠﻚ ﺗﺸﺮﻱ ﺣﺎﺟﻪ ﻣﺤﺘﺮﻣﻪ ﺗﻠﺒﺴﻴﻬﺎ ﻗﺪﺍﻡ ﺍﻟﺮﺍﺟﻞ ﻭﺗﻤﻜﻴﺠﻲ ﻣﺎﻧﺒﻴﺶ ﻭﺟﻚ ﻫﻀﺎ
ﺍﻧﺎ : ﺣﺎﺿﺮ ﻭﺧﺸﻴﺖ ﻟﻠﺪﺍﺭﻱ ﻧﺠﺮﻱ ﻭﻗﻔﻠﺘﻬﺎ ﻋﻠﻲ ﺭﻭﺣﻲ ﻗﻠﺖ ﻫﻮﺍ ﻃﻠﻖ ﻣﻌﻨﺎﻫﺎ ﻃﺒﻌﻪ ﻭﺍﻋﺮ ﺑﺎﻫﻲ ﻛﻴﻒ ﻳﻌﻨﻲ ﺧﺪﺍﻣﻪ ﺍﻧﺎ ﻭﻧﺒﻜﻲ ﻣﻦ ﺟﺪﻳﻤﺸﺎ ﻳﻮﻣﻲ ﻛﻠﻪ ﺑﻜﻲ ﻟﻴﻦ ﺭﻗﺪﺕ ﻭﺧﻮﺍﺗﻲ ﺑﺎﺗﻲ ﻃﻠﻌﻠﻬﻦ ﻣﻔﺘﺎﺡ ﺍﺣﺘﻴﺎﻁ ﻭﺧﺸﻦ ﻟﻘﻨﻲ ﺭﺍﻗﺪﻩ ﺛﺎﻧﻲ ﻳﻮﻡ ﻭﻋﺘﻨﻲ ﺭﺟﺎﺀ
ﺭﺟﺎﺀ : ﻧﻮﺭﺍﻥ ﻧﻮﺿﻲ ﺣﺒﻴﺒﺘﻲ ﺗﻐﺪﻱ
ﺍﻧﺎ : ﻋﻨﺪﻳﺶ ﻧﻴﻪ
ﺭﺟﺎﺀ : ﺑﺎﻫﻲ ﺻﺒﻲ
ﺍﻧﺎ : ﻧﺒﻴﺶ ﺭﺟﺎﺀ ﺧﻄﻴﻨﻲ
ﻗﻌﺪﺕ ﻧﺒﻜﻲ ﻟﻌﻨﺪ ﺍﻟﻌﺼﺮ ﺟﺘﻨﻲ ﻣﺎﻣﺎ
ﻣﺎﻣﺎ : ﻫﻴﺎ ﺻﺒﻲ ﻗﺎﻟﻚ ﺑﺎﺗﻚ ﻫﻴﺎ
ﺍﻧﺎ : ﻫﻴﺎ
ﺻﺒﻴﺖ ﻏﺴﻠﺖ ﻭﺟﻲ ﻭﻟﺒﺴﺖ ﻋﺒﺎﻳﻪ ﺣﻨﻲ ﺍﻟﻮﺍﺳﻌﻪ
ﻭﻃﻠﻌﺖ ﻣﺸﻴﺖ ﻟﻠﻤﺤﻞ ﻭﻧﺰﻟﺖ ﻭﺍﺧﺘﺮﺕ ﻓﺴﺘﺎﻥ ﻣﺶ ﻋﺎﺭﻓﻪ ﻛﻴﻒ ﺍﺧﺘﺮﺗﻪ ﻻ ﻟﻮﻥ ﻭﻻ ﻣﻨﻈﺮ
ﻭﺭﻭﺣﻨﺎ ﺧﺸﻴﺖ ﺳﺮﻳﺮﻱ ﻧﺒﻜﻲ ﻟﻌﻨﺪ ﺛﺎﻧﻲ ﻳﻮﻡ ﻧﻀﺖ ﻏﺴﻠﺖ ﺗﺠﻲ ﻭﺟﻦ ﺭﻗﻴﻪ ﻭﻓﺎﻃﻤﻪ ﻭﺗﻐﺪﻳﻨﺎ ﻣﻊ ﺑﻌﻀﻨﺎ ﻭﺧﺸﻴﺖ ﻟﺒﺴﺖ ﺍﻟﻔﺴﺘﺎﻥ ﻭﺍﻟﺒﻨﺎﺕ ﻳﺪﻳﺮﻧﻠﻲ ﻓﻲ ﻣﻜﻴﺎﺝ ﻭﺍﻧﺎ ﺳﺎﺭﺣﻪ ﺯﻋﻤﺎ ﻛﻢ ﻋﻤﺮﻩ ﺑﺎﻫﻲ ﻛﻴﻒ ﺷﻜﻠﻪ ﺑﺎﻫﻲ ﻋﺼﺒﻲ ﺯﻋﻤﺎ ﺣﻨﻮﻥ ﺑﺎﻫﻲ ﻛﻴﻒ ﻳﻌﺎﻣﻠﻨﻲ ﻛﺎﻧﻲ ﺯﻭﺟﺘﻪ ﻭﺍﻟﻠﻪ ﺧﺪﺍﻣﻪ ﺑﺎﻫﻲ ﻟﻴﺶ ﻃﻠﻖ ﻣﺮﺍﺗﻪ ﺍﻟﻠﻪ ﻳﺴﺘﺮ ﺷﻮﻳﻪ ﻭﺑﺎﺑﺎ ﻋﻴﻄﻠﻲ
ﺍﻧﺎ : ﻧﻌﻢ
ﺑﺎﺑﺎ : ﺍﻟﺮﺍﺟﻞ ﻓﻲ ﺍﻟﺠﻨﺎﻥ ﺍﻃﻠﻌﻲ ﺷﻮﻓﻴﻪ ﺍﻧﺎ ﻭﺑﻮﻩ ﻗﺎﻋﺪﻳﻦ ﻓﻲ ﺍﻟﻤﺮﺑﻮﻋﻪ
ﺍﻧﺎ : ﺣﺎﺿﺮ
ﺧﺸﻴﺖ ﻭﺍﻟﻘﻴﺘﻪ ………… ……
~~~~~~~~~~~~~~~
ﺍﻟﺘﻔﺎﻋﻞ ﻳﺎﺑﻨﺎﺕ
ﻭﺗﻮﻗﻌﺎﺗﻜﻢ ﻟﻠﺤﻠﻘﺎﺕ ﺍﻟﺠﺎﻳﻪ
