ﻣﻨﻘﻮﻟﺔ
ﺍﻟﺤﻠﻘﻪ 16
# ﻟﺮﺑﻤﺎ
~~~~~~~~~ ~~~~~~~~
ﻫﺪﺭﺯﻧﺎ ﻭﻛﺎﻥ ﺟﻮ ﻳﺠﻨﻦ ﻭﻓﻲ ﺍﻟﻠﻴﻞ ﻣﻊ ﺍﻟﺴﺎﻋﻪ 1 ﺟﻮ ﺍﻟﺸﺒﺎﺏ ﻭﺍﻧﺎ ﻋﺎﺟﺒﻨﻲ ﺟﻮﻫﻢ ﺩﻣﻬﻢ ﺧﻔﻴﻒ ﻛﻠﻬﻢ ﻭﻳﻨﻜﺘﻮ ﻭﺿﺤﻚ ﻭﺍﻧﺎ ﺍﻧﻄﻠﻘﺖ ﻣﻌﺎﻫﻢ ﻭﻏﻴﺮﺕ ﺟﻮﻱ ﻟﻴﻦ ﺟﺖ ﺍﻣﻪ ﻭﻣﺮﻭﻩ ﻭﺧﺎﻟﺘﻪ ( ﺍﻡ ﻣﺮﻭﻩ ) ﺗﻤﻦ ﻳﻌﺰﻗﻨﻠﻲ ﻓﻲ ﻛﻼﻡ ﻭﺍﻧﺎ ﺍﻧﺪﻳﺮ ﻓﻲ ﺍﻟﺤﻮﻟﻪ ﺳﻬﺮﻧﺎ ﻟﻌﻨﺪ ﺍﻟﺴﺎﻋﻪ 3:30 ﺍﻟﻼ ﺧﻮﺗﻪ ﺍﻻﺛﻨﻴﻦ ﺍﻟﻤﺘﺰﻭﺟﻴﻦ ﻭﺧﻮﺍﻟﻪ ﻭﻋﻤﺎﻣﻪ ﺭﻭﺣﻮ ﻻﻥ ﺣﻮﺍﺷﻴﻨﻬﻢ ﺑﺮﺍ ﻭﺍﻟﺒﻨﺎﺕ ﻭﺍﻟﺸﺒﺎﺏ ﺑﺎﺗﻮ ﺍﻣﺎ ﺑﺎﻗﻲ ﺧﻮﺗﻪ ﻛﻞ ﻭﺍﺣﺪ ﻭﺍﺧﺾ ﺟﻨﺎﺡ
ﻣﺤﻤﺪ ﻣﻘﻌﻤﺰ ﺟﻨﺐ ﺍﻟﺒﺎﺏ ﻭﺍﻧﺎ ﻣﺼﺎﺩﺭﺗﻪ ﺑﺲ ﺑﻌﻴﺪﻩ ﻋﻨﻪ ﺷﻮﻳﻪ
ﻣﺤﻤﺪ : ﻫﻴﺎ ﺣﺒﻴﺒﻲ ﻧﺎ ﺭﺍﺳﻲ ﺑﻴﻄﺮﺑﻖ
ﺍﻧﺎ : ﻫﻴﺎ ﻫﻲ
ﺍﺳﺎﻣﻪ : ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺍﺭﻋﻮ ﺷﻌﻮﺭﻧﺎ ﻋﺰﺍﺑﻴﻪ ﺭﺍﻧﺎ
ﻧﺎﺻﺮ ( ﻭﻟﺪ ﻋﻤﻪ ) : ﻛﺒﺪ ﻭﻳﻔﺸﻚ ﻋﻠﻴﻨﺎ
ﻛﻠﻬﻦ : ﻫﻬﻬﻬﻬﻬﻬﻪ
ﺍﻧﺎ ﺍﻧﺤﺮﺟﺖ ﻣﻬﻤﺎ ﺍﻧﻜﺎﻥ ﺑﺲ ﻣﺎﻳﻘﻮﻟﻴﺶ ﺣﺒﻴﺒﺘﻲ ﻗﺪﺍﻣﻬﻢ
ﻣﺤﻤﺪ ﻓﻄﻨﻠﻲ ﻭﻗﺎﻝ : ﺣﻼﺍﻝ ﺻﻘﻊ ﻋﻠﻴﻜﻢ ﺗﻲ ﻫﺎ ( ﻭﺑﺎﺳﻨﻲ ﻋﻠﻲ ﺧﺪﻱ ) ﺍﻧﺎ ﻭﺟﻲ ﻃﻤﺎﻃﻢ ﺧﻼﺹ
ﺍﺳﺎﻣﻪ : ﺣﺮﺍﻡ ﻋﻠﻴﻚ ﺍﻟﺒﻨﺖ ﻭﺟﻬﺎ ﺣﻤﺮﺭ ﻭﻭﻭﻭﻩ
ﻧﺎﺻﺮ : ﻋﺎﺩﻱ ﻋﺎﺩﻱ ﻳﺎﻧﻮﺭﺍﻥ ﺗﻌﻮﺩﻱ ﻣﺤﻤﺪ ﺻﺎﻳﻊ
ﺍﻣﺎ ﺍﻟﺒﻨﺎﺕ ﺫﺍﻳﺒﺎﺕ ﺿﺤﻚ ﺑﻬﺴﺘﻴﺮﻳﺎ
ﻣﺤﻤﺪ : ﺍﺿﺤﻜﻦ ﺍﺿﺤﻜﻦ ﻫﻴﺎ ﻛﺒﻴﺪﺗﻲ
ﺍﻧﺎ ﺿﺮﺑﺘﻪ ﻋﻠﻲ ﺻﺪﺭﻩ ﻭﻓﻨﺼﺖ ﻓﻴﻪ
ﻣﺤﻤﺪ : ﺷﺒﺎﺏ ﻓﺮﺷﻮﻟﻲ ﻣﻌﺎﻛﻢ ﺍﺣﺘﻤﺎﻝ ﻧﻨﻠﺰ ﺍﻟﻠﻴﻠﻪ
ﺍﻧﺎ : ﺍﺻﻼ ﻳﺎﺣﻠﻮ ﺍﻧﺎ ﻣﺎﻧﻠﺰﻛﺶ ﻣﻦ ﺍﻟﺠﻨﺎﺡ ﻋﺸﺎﻥ ﺗﻨﺰﻝ ﻭﺗﺴﻬﺮ ﻭﺟﻮﻙ ﺣﻠﻮ ﺗﺆﺗﺆ ﺍﻧﺎ ﺍﻧﺤﻄﻚ ﻭﺍﻧﻘﻌﻤﺰ ﻗﺪﺍﻣﻚ ﻭﻧﻘﻌﺪ ﻧﺒﻜﻲ ﻭﻧﻜﺪ ﻋﻠﻴﻚ
ﻋﻠﻲ ( ﺧﻮﻩ ) : ﻫﻀﺎ ﺍﻟﺼﺢ
ﺍﻧﺎ : ﺍﻫﺎ ﻣﺶ ﻫﻮﺍ ﻳﻘﻌﺪ ﺯﺍﻳﻂ ﻭﻳﻀﺤﻚ ﻭﻳﻠﻌﺐ ﻭﺍﻧﺎ ﺍﻧﻜﺪ ﻋﻠﻲ ﺭﻭﺣﻲ ﻭﻧﺒﻜﻲ ﻓﻮﻕ
ﻣﺤﻤﺪ : ﺍﺧﺨﺨﺦ ﺍﻟﻠﻪ ﻳﺴﺘﺮ ﻫﻴﺎ ﻫﻴﺎ
ﺍﻧﺎ : ﻫﻴﺎ
ﻭﺭﻛﺒﻨﺎ ﻓﻮﻕ ﺧﺸﻴﺖ ﺩﻭﺷﺖ ﻭﻃﻠﻌﺖ ﺍﻟﻘﻴﺘﻪ ﺭﺍﻗﺪ ﻋﻠﻲ ﺿﻬﺮﻩ ﻭﻻﺑﺲ ﺳﺮﻭﺍﻝ ﺍﺩﻳﺪﺱ ﺭﺻﺎﺻﻲ ﻭﻣﺶ ﻻﺑﺲ ﺗﻴﺸﺮﺕ ﻭﻳﺒﺤﺖ ﻓﻮﻕ ﻭﻳﻔﻜﺮ
ﺟﻴﺘﻪ ﻭﺭﻗﺪﺕ ﻓﻮﻗﻪ ﻭﺣﻄﻴﺖ ﻓﻤﻲ ﻋﻠﻲ ﻭﺫﻧﻪ
ﺍﻧﺎ ﺑﻬﻤﺲ : ﺑﻴﺒﻲ ﺷﻦ ﺗﻔﻜﺮ
ﻣﺤﻤﺪ : ﺗﻌﺒﺎﺍﻥ ﻭﺭﺍﺳﻲ ﺻﺪﺍﻉ
ﺍﻧﺎ : ﺍﻭﻙ ﺍﺭﻗﺪ
ﻣﺤﻤﺪ : ﻧﺮﺍﺟﻲ ﻓﻴﻚ ﻋﺎﺭﻓﺘﻨﻲ ﻣﻦ ﻳﻮﻡ ﻣﺎ ﺗﺰﻭﺟﻨﺎ ﻭﺍﻧﺎ ﻣﺎﻧﻌﺮﻓﺶ ﻧﺮﻗﺪ ﺍﻟﻼ ﻭﺍﻧﺎ ﺣﺎﺿﻨﻚ
ﺍﻧﺎ : ﺍﺧﺨﺨﺨﺨﺦ ﻋﺎﺭﻑ ﺣﺘﻰ ﺍﻧﺎ ﻣﺠﺮﺩ ﻣﺎﻧﺸﻢ ﺑﻨﺖ ﺑﺮﻓﺎﻧﻚ ﻣﻊ ﺩﺧﺎﻥ ﻧﺪﻭﺥ ﻭﻣﻌﺶ ﻧﻔﻄﻦ ﻟﺸﻦ ﺍﻧﻘﻮﻝ
ﻣﺤﻤﺪ : ﻫﻬﻬﻬﻪ ﻧﺎﻧﻲ ﺗﺤﺒﻴﻨﻲ
ﺍﻧﺎ : ﻧﻼ
ﻣﺤﻤﺪ :
ﺍﻧﺎ : ﺍﻧﺖ ﻭﺗﻴﻨﻲ
ﻣﺤﻤﺪ : ﻃﻠﻌﺘﻲ ﺗﻔﻬﻤﻲ ﺍﻛﺜﺮ ﻣﻨﻲ
ﺍﻧﺎ : ﺍﻧﺖ ﻣﻌﻠﻢ ﻭﻧﺤﻨﺎ ﻣﻨﻚ ﻧﺘﻌﻠﻢ
ﻭﺭﻗﺪﻧﺎ
~~~~~~~~~~~~~~~~
ﻓﻲ ﺻﺒﺎﺡ ﻳﻮﻡ ﺍﻟﺠﻤﻌﻪ -:
ﻧﻀﺖ ﺍﻟﺴﺎﻋﻪ 11:00 ﺩﻭﺷﺖ ﻭﻟﺒﺴﺖ ( ﺍﻟﺼﻮﺭﻩ ) ﻭﻣﺸﻴﺖ ﻧﻮﺿﺖ ﻣﺤﻤﺪ
ﺍﻧﺎ : ﺣﻤﺎﺩﻱ ﻫﻴﺎ ﺑﻴﺒﻲ ﻧﻮﺽ
ﻣﺤﻤﺪ : ﻫﺎ ﻧﻀﺖ ﺍﻓﻔﻒ ﻣﺎﻳﺨﻠﻮﺵ ﺍﻟﻮﺍﺣﺪ ﻳﺘﺮﻳﺢ
ﺍﻧﺎ : ﻫﻬﻬﻬﻬﻪ ﺣﺒﻴﺒﻲ ﺍﻟﺼﻼﺓ ﻫﻴﺎ
ﻣﺤﻤﺪ : ﺑﺎﻫﻲ
( ﻭﻗﻌﻤﺰ ﻭﺣﻚ ﻋﻴﻮﻧﻪ ﻭﺗﻠﻔﺘﻠﻲ )
ﻣﺤﻤﺪ ﺑﺼﻮﺕ ﺯﻋﻼﻥ : ﺑﻴﺒﻲ ﺷﻦ ﺣﻜﻴﻨﺎ ﺍﻣﺲ
ﺍﻧﺎ : ﺷﻦ
ﻣﺤﻤﺪ : ﺍﻟﺴﺮﺍﻭﻳﻞ ﻫﻀﺎ ﺿﺎﺑﻂ ﻭﺍﺟﺪ
ﺍﻧﺎ : ﺑﺲ ﺣﺒﻴﺒﻲ ﺷﻮﻑ ﺍﻟﻤﺎﻟﻴﻪ ﻃﻮﻳﻠﻪ ﻭﻭﺍﺳﻌﻪ
ﻣﺤﻤﺪ : ﻋﻠﻲ ﻛﻴﻔﻚ ﺑﺲ ﺭﺍﻩ ﺍﻧﺎ ﻣﺶ ﻋﺎﺟﺒﻨﻲ
ﺍﻧﺎ : ﻫﻴﺎ ﺣﺒﻴﺒﻲ ﻋﺸﺎﻥ ﺧﺎﻃﺮﻱ ﺍﺻﻼ ﺍﻟﺪﺑﺶ ﻫﻀﺎ ﻋﻨﺪ ﻫﻠﻚ ﺑﺲ ﻋﻨﺪ ﻫﻠﻲ ﻧﻠﺒﺲ ﻋﺒﺎﻳﺎﺕ ﻭﺍﺳﻌﺎﺕ ﻋﺸﺎﻧﻲ ﺣﺒﻴﺒﻲ
ﻣﺤﻤﺪ : ﺍﻧﺎ ﻣﺎﻗﺘﻠﻜﺶ ﺣﻮﻟﻴﻪ ﺑﺲ ﻣﺶ ﻋﺎﺟﺒﻨﻲ
ﺍﻧﺎ : ﺍﻓﻔﻔﻒ ﻳﻌﻨﻲ ﺍﻧﻐﻴﺮ
ﻣﺤﻤﺪ : ﺗﻌﺎﻟﻲ ﺍﻧﻮﺭﻳﻚ ﻛﻴﻒ ﺍﻟﺪﻳﺮﻳﻪ
ﺍﻧﺎ ﺯﻱ ﺍﻟﻌﺒﻴﻄﻪ ﺟﻴﺘﻪ ﻣﺴﻚ ﻳﺪﻱ ﻭﺩﻓﻨﻲ ﻋﻠﻴﻪ ﺑﺎﻟﻘﻮﻩ
ﺍﻧﺎ : ﺍﻫﺎﺍﺍﺍ ﺣﺒﻴﺒﻲ
ﻣﺤﻤﺪ : ﻋﺎﺭﻓﻪ ﻓﻲ ﺣﺎﺟﻪ ﻋﺎﺟﺒﺘﻨﻲ ﻭﺍﺟﺪ
ﺍﻧﺎ : ﺷﻦ ﺣﺒﻴﺒﻲ ﺻﺒﻲ ﺍﻟﺼﻼﻩ
ﻣﺤﻤﺪ : ﻣﺰﺍﻝ ﺍﻟﻤﻬﻢ ﺗﻮﺍ ﻋﺎﺭﻓﻪ ﺷﻦ ﻋﺎﺟﺒﻨﻲ
ﺍﻧﺎ : ﺷﻨﻮﻭﻭ
ﺣﻂ ﻳﺪﻩ ﻋﻠﻲ ﻓﻤﻲ ﻭﻳﻤﺸﻲ ﻳﻤﻴﻦ ﻭﻳﺴﺎﺭﻩ
ﻣﺤﻤﺪ : ﻧﺒﻲ ﺍﻧﺬﻭﻗﻪ
ﺍﻧﺎ : ﻻﻻﻻﻻ ﺍﺗﺨﺮﺑﻠﻲ ﻣﻜﻴﺎﺟﻲ
ﻣﺤﻤﺪ : ﻋﺸﺎﻥ ﺍﻧﺨﻠﻴﻚ ﺗﻠﺒﺴﻲ ﺍﻟﺴﺮﻭﺍﻝ
ﺍﻧﺎ : ﺍﻓﻒ ﻣﻨﻚ
ﻣﺤﻤﺪ ﻗﺮﺏ ﻓﻤﻪ ﻭﻗﺮﻳﺐ ﻭﻳﻄﻖ ﻓﻴﺎ ﻃﻖ ﺍﻟﺒﺎﺏ
ﻣﺤﻤﺪ : ﻭﺍﻟﻠﻪ ﻣﺎﻧﻲ ﻃﺎﻟﻘﻚ ﻟﻴﻦ ﻧﺎﺧﻀﻬﺎ
ﻭﻗﺮﺏ ﻭﺑﺎﺳﻨﻲ ﺯﻳﻴﻦ ﻟﻌﻨﺪ ﺍﻗﺮﻳﺐ ﻭﻃﺎﺭ ﻓﻤﻲ ﻣﻌﺎﻩ ﻭﺗﻤﺎ ﺍﺣﻤﺮ
ﺍﻧﺎ : ﺍﻫﺎﺍﺍﺍ ﺣﺒﻴﺒﻲ
ﻣﺤﻤﺪ : ﻫﻬﻪ ﺻﺒﻲ ﺍﻧﺸﻮﻑ ﻣﻦ ﻉ ﺍﻟﺒﺎﺏ
ﺍﻧﺎ : ﺍﺻﺒﺮ ﻋﺪﻳﺖ ﻧﺠﺮﻱ ﺍﻧﺠﻴﺐ ﻓﻲ ﻣﻨﺪﻳﻞ ﻭﺍﻟﺒﺎﺏ ﻳﺨﺒﻂ ﺯﻳﻦ ﺑﺼﻮﺕ ﻋﺎﻟﻲ ﻣﺴﺢ ﻓﻤﻪ
ﻣﺤﻤﺪ : ﺍﻧﺸﺎﺀ ﺍﻟﻠﻪ ﺧﻴﺮ
ﻭﻃﻠﻊ ﻭﻫﻮﺍﻣﺶ ﻻﺑﺲ ﺗﻴﺸﺮﺕ ﺳﺮﻭﺍﻝ ﺑﺲ ﻟﻒ ﻣﻨﺸﻒ ﻉ ﺭﻗﺒﺘﻪ ﻭﻃﻠﻊ
ﻣﺤﻤﺪ : ﺧﻴﺮ ﻳﺎﻡ
ﺟﻤﻴﻠﻪ ( ﺍﻣﻪ ) : ﻭﻳﻨﻚﻡ ﺍﻧﺘﻮ ﻟﻴﺎ ﺳﺎﻋﻪ ﺍﻧﺪﻕ ﻟﻴﻦ ﻗﻠﺒﻲ ﻃﺎﺡ
ﻣﺤﻤﺪ : ﺍﻧﺎ ﻛﻨﺖ ﺭﺍﻗﺪ ﻭﻧﻮﺭﺍﻥ ﻓﻲ ﺍﻟﺤﻤﺎﻡ ﻟﻴﺶ
ﺧﺸﺖ ﺟﻤﻴﻠﻪ ﻭﺧﺸﺖ ﻣﺪﺍﻫﻤﺎﺕ ﻟﺪﺍﺭﻧﺎ
ﺟﻤﻴﻠﻪ : ﻭﻳﻨﻚ ﻛﻨﻚ ﻣﺎﻧﺰﻟﺘﻲ ﻣﻦ ﺍﻟﺼﺒﺢ
ﺍﻧﺎ : ﺻﺒﺎﺡ ﺍﻟﺨﻴﺮ ﻳﺎﻋﻤﺘﻲ ﺍﻧﺎ ﺩﻭﺑﻨﻲ ﻧﻀﺖ ﻭﺷﻮﻓﺖ ﻋﻴﻨﻚ ﻛﻨﺖ ﻧﻠﺒﺲ ﺑﻨﻨﺰﻝ ﻛﺎﻥ ﺻﺒﺮﺗﻲ ﺑﺲ
ﺟﻤﻴﻠﻪ : ﻃﺒﻌﺎ ﻃﺎﻳﺤﻴﻦ ﻟﻨﺎ ﺳﻬﺮ ﻭﺍﻟﻨﻬﺎﺭ ﺍﺗﺮﻗﺪﻭ ﻭﺍﺗﻨﻮﺿﻮ ﻉ ﺍﻟﻈﻬﺮ ﻣﻦ ﻳﻮﻡ ﻭﻏﺎﺩﻱ ﺑﺘﻨﺰﻟﻲ ﻣﻦ ﺍﻟﺼﺒﺢ ﺍﻟﺪﻳﺮﻱ ﺍﻟﻐﺪﺍ ﻓﻬﻤﺘﻲ
ﺍﻧﺎ : ﺡ ﺣﺎﺿﺮ
ﻣﺤﻤﺪ : ﺍﻣﻲ ﻣﻦ ﺍﻻﺧﻴﺮ ﻗﻮﻟﻲ ﺷﻦ ﻓﻲ ﻣﻦ ﻻﻋﺐ ﺑﺮﺍﺳﻚ
ﺟﻤﻴﻠﻪ : ﻭﺍﺟﻌﺘﻨﻲ ﻣﺮﻭﻩ ﺗﻨﻮﺽ ﻣﻦ ﺻﺒﺎﺣﺎﺕ ﺭﺑﻲ ﺍﻟﺪﻳﺮ ﺍﻟﻐﺪﺍ ﻭﻣﺮﺍﺗﻚ ﻣﻨﺨﻤﺪﻩ ﻫﻨﺎ ( ﺍﻫﺎ ﺍﻧﺴﻴﺖ ﻣﺎﻗﻠﺘﻠﻜﻤﺶ ﻣﺮﻭﻩ ﺩﺍﻳﺮﻳﻨﻠﻬﺎ ﺩﺍﺭ ﻳﻌﻨﻲ ﺳﺎﻛﻨﻪ ﻓﻲ ﻧﻔﺲ ﺍﻟﺤﻮﺵ )
ﺍﻧﺎ ﺧﻨﻘﺘﻨﻲ ﺍﻟﻌﺒﺮﻩ
ﻣﺤﻤﺪ : ﻣﺮﺍﺗﻲ ﻧﺎﺿﺖ ﻟﺒﺴﺖ ﻭﻛﺎﻧﺖ ﺑﺘﻨﺰﻝ ﺑﺲ ﻛﺎﻥ ﺻﺒﺮﺗﻲ ﺭﺍﻙ ﺣﺠﻴﺘﻲ
ﺟﻤﻴﻠﻪ : ﻳﻨﻌﻠﻲ ﻧﺎ ﻭﻟﺪﻱ ﺍﻧﻘﻠﺐ ﺿﺪﻱ ﻣﻦ ﺗﻮﺍ ﻳﻨﻌﻠﻲ ﺳﺎﺣﺮﺗﻚ ﺍﻡ ﻋﻘﺎﺭﺏ
ﺍﻧﺎ ﺳﺎﻛﺘﻪ ﻣﺎ ﺣﻜﻴﺘﺶ ﻭﻻ ﻛﻠﻤﻪ ﻭﻃﺎﺣﺖ ﻣﻨﻲ ﺩﻣﻌﻪ
ﻣﺤﻤﺪ : ﻳﺎﻡ ﺳﺎﺣﺮﺗﻨﻲ ﺧﻼﺹ ﻣﺘﺮﻳﺤﻪ ﺗﻮﺍ ﺗﺘﻔﻀﻠﻲ ﺑﻨﻐﻴﺮﻭ ﻭﻧﻨﺰﻟﻮ
ﺟﻤﻴﻠﻪ : ﺗﻄﺮﺩﻧﻲ ﻳﻨﻌﻼﻱ ﺗﻮﺍ ﺍﻧﻮﺭﻳﻚ ﻋﻨﺪ ﺟﺪﻙ ﻭﺍﻟﻠﻪ ﺍﻧﻮﺭﻳﻚ ﺍﻟﻠﻪ ﻭﻧﺰﻟﺖ
ﺍﻧﺎ ﺗﻤﻴﺖ ﻧﺒﻜﻲ
ﻣﺤﻤﺪ ﻃﻠﻊ ﻭﺭﺍﻫﺎ ﺻﻜﺮ ﺍﻟﺒﺎﺏ ﻭﺟﺎ ﺣﻈﻨﻲ ﻭﻳﺤﻜﻴﻠﻲ ﺑﻬﻤﺲ
ﻣﺤﻤﺪ : ﺧﻼﺹ ﺑﻴﺒﻲ ﺍﻣﺴﺤﻴﻬﺎ ﻓﻲ ﻭﺟﻲ ﺑﺲ ﺗﺤﻤﻠﻲ ﺍﻣﻲ
ﺍﻧﺎ : ﻣﺘﺤﻤﻠﺘﻬﺎ ﻭﺣﻨﺘﺤﻤﻠﻬﺎ ﺑﺲ ﻋﺸﺎﻧﻚ ﻭﺍﻟﻠﻪ ﻋﺸﺎﻧﻚ ﺍﻟﻠﻪ
ﻣﺤﻤﺪ : ﺑﺎﻫﻲ ﻣﻤﻜﻦ ﺗﻮﻗﻔﻲ ﺩﻣﻮﻉ ﻻﻥ ﺩﻣﻌﻪ ﻣﻨﻚ ﻧﺎﺭ ﻓﻲ ﻗﻠﺒﻲ
ﺍﻧﺎ ﻧﻤﺴﺢ ﻓﻲ ﺩﻣﻮﻋﻲ ﻋﺪﺍ ﺟﺎﺑﻠﻲ ﻣﻨﺪﻳﻞ ﻭﻳﻤﺴﺤﻠﻲ ﺑﺸﻮﻳﻪ ﻓﻲ ﺩﻣﻮﻋﻲ ﻭﺍﻧﺎ ﺳﺮﺣﺎﻧﻪ ﻓﻲ ﻋﻴﻮﻧﻪ ﺧﺎﻃﺮﻱ ﻧﻘﻌﺪ ﻧﺒﻜﻲ ﺍﻛﺜﺮ ﻭﻫﻮﺍ ﻳﻤﺴﺢ ﺑﺤﻨﺎﻥ ﻭﺑﻌﺪ ﻣﺎ ﻛﻤﻞ ﺑﺎﺳﻨﻲ ﻉ ﺧﺪﻱ ﻭﺣﻨﺎﻥ ﻭﻫﺪﻭﺀ
ﻣﺤﻤﺪ : ﻣﻌﺶ ﺗﺒﻜﻲ ﻭﻫﻴﺎ ﺻﺒﻲ ﺳﻘﻤﻲ ﻣﻜﻴﺎﺟﻚ ﻭﺍﻧﺰﻟﻲ ﻭﻣﺘﺨﺮﺑﻴﺶ ﺟﻮﻙ ﺍﻧﺰﻟﻲ ﻭﺍﺿﺤﻜﻲ ﻭﺍﻟﻌﺒﻲ ﻋﺎﺩﻱ ﺍﻭﻙ ﺑﻴﺒﻲ ﻣﺎﺗﺨﻠﻴﺶ ﻣﺮﻭﻩ ﺗﻮﺻﻞ ﻟﻠﻲ ﺗﺒﻴﻪ
ﺍﻧﺎ : ﺣﺎﺿﺮ
~~~~~~~~~~~~~~~~~
ﺗﻮﻗﻌﺎﺗﻜﻢ ﺑﻨﺎﺕ
#
