ﻣﻨﻘﻮﻟﺔ
ﺍﻟﺤﻠﻘﻪ 18
# ﻟﺮﺑﻤﺎ
~~~~~~~~~~ ~~~~~~~~
ﺭﻛﺒﻨﺎ ﻭﺑﺪﻟﺖ ﻭﻟﺒﺴﺖ ﺭﻭﺏ ﻗﺼﻴﺮ ﻭﺟﻴﺘﻪ ﺍﻟﻘﻴﺘﻪ ﻣﺘﻜﻲ ﻭﺭﺍﻗﺪ ﻋﻠﻲ ﺑﻄﻨﻪ ﺟﻴﺖ ﺭﻗﺪﺕ ﺟﻨﺒﻪ ﻭﻫﻮﺍ ﺑﺎﺳﻨﻲ
ﺍﻧﺎ : ﺷﻜﺮﺍ ﺣﺒﻴﺒﻲ ﻉ ﺍﻟﺴﻨﺴﻠﻪ ﻭﺍﻻﺳﻮﺍﺭﻩ ﻳﺠﻨﻨﻮ
ﻣﺤﻤﺪ : ﺍﻓﻔﻒ ﻧﺰﻋﻞ ﻧﺎ ﺗﻮﺍ
ﺍﻧﺎ : ﻟﻴﺶ
ﻣﺤﻤﺪ : ﻣﻌﺶ ﺗﺸﻜﺮﻳﻨﻲ ﺍﻧﺎ ﺭﺍﺟﻠﻚ ﻣﺶ ﻏﺮﻳﺐ
ﺍﻧﺎ : ﺑﺎﻫﻲ ﺣﺒﻴﺒﻲ ﺷﻦ ﺍﻧﻘﻮﻝ
ﻣﺤﻤﺪ : ﻗﻮﻟﻲ ﺍﻧﺤﺒﻚ ﻭﺗﻌﺎﻟﻲ ﻓﻲ ﺣﻀﻨﻲ ﻭﺍﻗﻌﺪﻱ ﺑﻮﺳﻲ ﻓﻴﺎ ﻟﻴﻦ ﻧﺮﻗﺪ
ﺍﻧﺎ : ﻭﺍﻟﻠﻪ
ﻣﺤﻤﺪ : ﻫﻴﺎ ﻭﺑﻼ ﺍﻋﺘﺮﺍﺽ
ﺗﻤﻴﺖ ﺍﻧﺒﻮﺱ ﻓﻴﻪ ﻟﻌﻨﺪ ﻣﺎﻏﻤﺾ ﻭﺑﻌﺪ ﺷﻮﻳﻪ ﺭﻗﺪ ﺑﺴﺘﻪ ﻓﻲ ﻓﻤﻪ ﻭﺭﻗﺪﺕ ﻧﻀﺖ ﻉ ﺍﻟﻌﺼﺮ ﻭﻋﻴﺖ ﻣﺤﻤﺪ ﻭﻃﺒﻌﺎ ﻣﺎﺷﻴﻪ ﻟﺤﻮﺵ ﻫﻠﻲ ﻣﻌﻨﺎﻫﺎ ﻋﺒﺎﻳﻪ ﻟﺒﺴﺖ ﻋﺒﺎﻳﻪ ﺧﻠﻴﺠﻴﻪ ( ﺍﻟﺼﻮﺭﻩ ) ﻭﻣﻜﻴﺎﺝ ﻻ ﻛﺮﻳﻤﻪ ﻭﺑﺲ ﺣﺘﻰ ﺭﻭﺝ ﻻ ﻭﺟﻴﺖ ﻃﺎﻟﻌﻪ
ﻣﺤﻤﺪ : ﻛﻨﻪ ﻭﺟﻚ ﺷﺎﺣﺐ ﻣﺶ ﺣﺎﻃﻪ ﺷﻲ ﻋﻠﻲ ﻭﺟﻚ
ﺍﻧﺎ : ﻟﻴﺶ ﺣﺒﻴﺒﻲ ﺣﺎﺏ ﺗﺼﻠﻮ ﻋﻠﻴﺎ ﺍﻟﻤﻐﺮﺏ
ﻣﺤﻤﺪ : ﻫﻬﻬﻬﻬﻪ ﺣﺒﻴﺒﻲ ﺍﻧﺘﻲ ﺗﺰﻭﺟﺘﻲ ﺧﻼﺹ
ﺍﻧﺎ : ﺗﻲ ﺑﺎﺑﺎ ﺿﺮﺏ ﻓﺎﻃﻤﻪ ﻋﺸﺎﻥ ﺣﺎﻃﻪ ﺭﻭﺝ
ﻣﺤﻤﺪ : ﺍﻫﺎ ﻳﻘﺪﺭ ﻳﺠﻴﺒﻚ ﻟﻴﺎ ﻣﻀﺮﻭﺑﻪ
ﺍﻧﺎ : ﻫﻬﻬﻬﻪ ﺷﻦ ﺑﺪﻳﺮ ﻓﻲ ﺍﻻﺧﻴﺮ ﺑﺎﺗﻲ
ﻣﺤﻤﺪ : ﺑﻌﺪﻫﺎ ﻣﻌﺶ ﺗﻌﺘﺒﻲ ﺣﻮﺷﻬﻢ ﻧﻬﺎﺋﻴﺎ
ﺍﻧﺎ : ﻭﺍﻟﻠﻪ ﺣﻮﺵ ﻫﻠﻲ ﺿﺮﻭﺭﻱ ﻧﻤﺸﻲ
ﻣﺤﻤﺪ : ﻻﺍﺍﺍ
ﺍﻧﺎ ؛ﻫﻴﺎ ﻣﺶ ﻭﻗﺖ ﻋﺮﻛﻪ
ﻣﺤﻤﺪ : ﻳﺐ ﻣﺶ ﻭﻗﺖ ﻋﺮﻛﻪ ﻫﻴﺎ
ﻭﻃﻠﻌﻨﺎ ﻟﻠﺴﻴﺎﺭﻩ
ﻣﺤﻤﺪ : ﺣﺒﻴﺒﻲ ﻧﺠﻴﺒﻮ ﺳﻘﻴﻄﻪ ﻭﺧﻀﺮﺍ ﻭﺣﻠﻮ ﻭﻏﺎﺯﻱ ﺑﺲ ﺻﺎﺡ
ﺍﻧﺎ : ﻣﺶ ﻭﺍﺟﺪ ﻧﺎ ﻧﺸﻮﻑ ﺳﻘﻴﻄﻪ ﻭﻋﺼﻴﺮ ﻭﺧﻼﺹ
ﻣﺤﻤﺪ : ﻻ ﻋﻴﺐ ﺿﺮﻭﺭﻱ ﺟﺒﺘﻲ ﺍﻟﻬﺪﺍﻳﺎ
ﺍﻧﺎ : ﺍﻫﺎ
ﻭﻧﺰﻝ ﻭﺟﺎﺏ ﺍﻟﺴﻘﻴﻄﻪ ﻭﻣﺸﺎ ﻟﻠﺤﻠﻮﺍﻧﻲ
ﻣﺤﻤﺪ : ﺣﺒﻴﺒﻲ ﺷﻦ ﺗﺒﻲ ﺣﻠﻮ
ﺍﻧﺎ : ﺍﻣﻤﻤﻢ ﺍﻱ ﺣﺎﺟﻪ
ﻣﺤﻤﺪ : ﺍﻧﺠﻴﺐ ﺑﻜﻼﻭﻩ ﻭﻗﺎﺗﻮ
ﺍﻧﺎ : ﺑﺮﺍﺣﺘﻚ ﺣﺒﻴﺒﻲ ﺍﻧﺖ ﺣﺘﻨﺰﻝ ﺻﺢ
ﻣﺤﻤﺪ : ﺍﻫﺎ ﻧﻨﺰﻝ ﻭﻛﺎﻥ ﺍﻟﻘﻴﺖ ﺑﺎﺗﻚ ﻧﻘﻌﺪ ﻛﺎﻥ ﻣﺎﻟﻘﻴﺘﺎﺵ ﻣﺶ ﺣﻨﻘﻌﺪ
ﺍﻧﺎ : ﺍﻭﮒ ﺑﺮﺍﺣﺘﻚ
ﻣﺤﻤﺪ : ﺣﺒﻴﺒﻲ ﺍﻣﺘﻰ ﺍﻧﺮﻭﺣﻮ
ﺍﻧﺎ : ﺍﻣﺘﻰ ﻣﺎﺍﻧﺖ ﺍﺗﻘﻮﻝ ﻫﻴﺎ
ﻣﺤﻤﺪ : ﻧﻌﻠﻴﺎ ( ﻭﺑﺎﺳﻨﻲ ﻋﻠﻲ ﺧﺪﻱ ) ﻭﻭﺻﻠﻨﺎ ﻭﺍﻟﻘﻴﺖ ﺭﻳﻨﺎﺱ ﻗﺪﺍﻡ ﺍﻟﺒﺎﺏ ﻣﺤﻤﺪ ﻓﻄﻨﻠﻬﺎ ﺑﺲ ﺍﻧﺎ ﻻ
ﺍﻭﻝ ﻣﺎﻧﺰﻟﻨﺎ ﺍﻧﺎ ﻣﺸﻴﺖ ﺧﻀﻴﺖ ﺍﻟﻐﺎﺯﻱ ﻧﺒﻲ ﺍﻧﺸﻴﻠﻪ
ﻣﺤﻤﺪ ﺑﺼﻮﺕ ﻋﺎﻟﻲ ﺷﻮﻳﻪ ﺑﺤﻴﺚ ﺍﻥ ﻫﻴﺎ ﺗﺴﻤﻌﻪ : ﺣﺒﻴﺒﻲ ﺧﻠﻴﻪ ﺛﻘﻴﻞ ﻋﻠﻴﻚ ﺗﻮﺍ ﺍﻧﺎ ﺍﻧﺸﻴﻠﻪ
ﺍﻧﺎ : ﻫﻬﻬﻪ ﻧﺠﻚ
ﻭﺧﺸﻴﻨﺎ ﻣﺤﻤﺪ ﻋﻄﺎﻫﺎ ﻧﻈﺮﻩ ﻭﻃﻘﻴﺖ ﻋﻠﻲ ﺍﻟﺒﺎﺏ ﻓﺘﺤﺘﻠﻲ ﺍﻣﻴﺮﻩ : ﻧﻌﻠﻴﺎ ﺭﺍﻳﻔﻨﺎ ﻋﻠﻴﻚ ( ﻭﺗﻤﺖ ﺗﺒﻜﻲ ) ﻭﺣﺘﻰ ﺍﻧﺎ ﻧﺒﻜﻲ
ﻭﺟﻦ ﺧﻮﺍﺗﻲ ﻭﻳﺴﻠﻤﻦ ﻭﻳﺒﻜﻦ
ﻭﻣﺤﻤﺪ ﺣﻂ ﺍﻟﺤﺠﺎﺕ ﻓﻲ ﺍﻟﺠﻨﺎﻥ ﻭﻣﺮﺑﻊ ﻳﺪﻳﻪ ﻭﻳﺒﺤﺖ ﻓﻴﻨﺎ ﻣﺤﻤﺪ : ﻫﺎ ﺗﺮﻳﺤﺘﻦ ﺑﻜﻴﺘﻨﻬﺎ ﻟﻴﺎ ﺍﻓﻔﻒ ﺗﻌﺎﻟﻲ ﻧﻨﻮﺵ ﺗﻌﺎﻟﻲ ( ﻭﺍﺿﺒﻄﻨﻲ ﻭﺗﻤﺎ ﻳﻤﺴﺢ ﻋﻠﻲ ﺭﺍﺳﻲ ) ﻭﺍﻟﺒﻨﺎﺕ ﻓﺘﺤﺎﺕ ﻓﻤﻬﻦ
ﺭﺟﺎﺀ : ﻣﺤﻤﺪ ﺣﺘﻰ ﺍﻧﺎ ﻧﺒﻜﻲ ﺭﺍﻩ
ﻛﻠﻨﺎ : ﻫﻬﻬﻬﻬﻬﻬﻬﻬﻬﻪ
ﺍﻳﻪ : ﻗﺼﺪﻙ ﻛﻠﻤﺎ ﺗﺒﻜﻲ ﺍﻟﺪﻳﺮﻭ ﺟﻮ ﺭﻭﻣﺎﻧﺴﻲ ﻫﻀﺎ ﺗﻲ ﺍﻃﻠﻘﻬﺎ ﺧﻠﻴﻬﺎ ﺗﺒﻜﻲ ﺗﻔﻀﻔﺾ
ﻣﺤﻤﺪ ﻃﻠﻘﻨﻲ : ﺑﻮﻛﻦ ﻗﺎﻋﺪ
ﺭﺟﺎﺀ : ﻧﻮ ﻻﺑﺎﺑﺎ ﻭﻻ ﻣﺎﻣﺎ ﻭﻻ ﻋﺒﺪﺍﻟﻠﻪ ﻗﺎﻋﺪﺍﺕ ﺑﺮﻭﺍﺣﻨﺎ
ﻣﺤﻤﺪ ﺑﺤﺖ ﻓﻴﺎ : ﻫﻬﻬﻬﻬﻪ ﺗﺬﻛﺮﻱ ﺍﻟﺘﻌﺸﺎﻳﻪ ﺍﻟﻠﻲ ﺑﺮﻭﺍﺣﻨﺎ ﺍﻧﺎ : ﻫﻬﻬﻬﻬﻊ ﺍﺷﺸﺶ
ﺭﺟﺎﺀ : ﺍﺳﻤﻌﻮ ﺍﺣﻜﻮﻟﻨﺎ ﻭﺍﻟﻠﻪ ﻭﺍﻟﻠﻪ ﺍﻧﻘﻮﻝ ﻟﺒﺎﺑﺎ
ﻣﺤﻤﺪ : ﺗﻌﺎﻟﻦ ﻧﺤﻜﻴﻠﻜﻦ
ﻗﻌﻤﺰﻧﺎ ﻋﻠﻲ ﻛﺮﺍﺳﻲ ﺍﻟﺠﻨﺎﻥ
ﺍﻳﻪ : ﻏﺮﺩ
ﻣﺤﻤﺪ : ﻳﻮﻡ ﺍﻟﻠﻲ ﻣﺸﻴﺘﻮ ……………
ﺭﺟﺎﺀ : ﻫﺒﻴﻴﻴﻴﻴﻲ
ﺍﻳﻪ : ﻋﺎﺭﻓﻪ ﻳﺴﻤﻌﻬﺎ ﺑﺎﺗﻲ ﻳﺬﺑﺤﻚ ﺑﺎﻟﻤﻮﺱ
ﻓﺎﻃﻤﻪ : ﻳﻨﻌﻼﺍﺍﻱ ﺑﺎﻫﻲ ﺑﻌﺪﻫﺎ
ﻣﺤﻤﺪ ؛ﺧﻼﺹ ﺟﺒﺖ ﻋﺸﺎ ﻭﺗﻌﺸﻴﻨﺎ
ﺭﺟﺎﺀ : ﺷﻔﺘﻦ ﺍﻣﻲ ﻗﺎﻋﺪﻩ ﻏﺎﺩﻱ ﺗﻘﻮﻝ ﻧﻮﺭﺍﻥ ﻣﺤﺪ ﺷﺎﻟﻠﻬﺎ ﺗﺘﻌﺸﺎ ﺣﺮﺍﻡ ﺗﺎﻛﻞ ﺧﻔﻴﻒ ﻭﻫﻴﺎ ﻣﻊ ﺣﺒﻴﺐ ﺍﻟﻘﻠﺐ ﻭﻳﺘﻌﺸﻮ ﻣﻦ ﻣﻄﺎﻋﻢ ﺍﺧﺮﻯ
ﻣﺤﻤﺪ : ﻛﻨﺖ ﻧﺒﻲ ﻧﺸﻴﻠﻬﺎ ﻟﻤﻄﻌﻢ ﺑﺲ ﻫﻴﺎ ﺗﺒﻴﺶ
ﻓﺎﻃﻤﻪ : ﺧﺰﻱ ﺣﻘﺮﺍ ﺳﻢ ﺍﻧﺸﺎﺀ ﺍﻟﻠﻪ
ﺍﻧﺎ : ﻓﻲ ﺑﻄﻨﻚ . ﺧﺰﻱ ﻭﻓﻲ ﺍﻻﺧﻴﺮ ﻋﺒﺪ ﺍﻟﻠﻪ ﻣﺎﺟﺎﺵ ﻗﻌﺪﻧﺎ ﻧﺎ ﻭﻣﺤﻤﺪ ﻟﺴﺎﻋﻪ 1
ﻓﺎﻃﻤﻪ : ﻃﻴﻊ ﺳﻌﻜﻢ ﺷﻦ ﺩﺭﺗﻮ
ﺍﻳﻪ : ﺣﻴﺤﻲ ﻗﺼﺪﻙ ﻟﻌﻨﺪ ﺗﻮﺍ ﻣﺰﻟﺘﻲ ﻣﺎ ﺣﻤﻠﺘﻲ
ﻛﻠﻨﺎ :
ﻣﺤﻤﺪ : ﺧﺰﻱ ﺗﻔﻜﻴﺮ ﻣﺴﻮﺱ ﺗﻲ ﺣﺘﻰ ﺍﻟﺤﻮﺵ ﻣﺎﺧﺸﻴﺖ ﺍﻧﺎ ﻭﻳﺎﻫﺎ ﻫﻨﺎ
ﺭﺟﺎﺀ : ﻛﺎﻥ ﺧﺸﻴﺖ ﺑﻌﺪ ﺍﻟﻤﻤﺮ ﺩﺍﺭ ﺑﺎﺑﺎ ﻭﻣﺎﻣﺎ ﺳﺮﻳﺮ ﺯﻭﺟﻲ ﻳﺠﻨﻦ
ﺍﻧﺎ : ﺧﺰﻱ ﺣﻴﻮﺍﻧﺎﺕ
ﻣﺤﻤﺪ ﺑﺎﺱ ﺧﺪﻱ ﺑﺠﺮﺍﺋﻪ : ﺣﺒﻴﺒﻲ ﻣﺎﺷﻲ ﻧﺎ
ﺍﻧﺎ : ﺍﻭﻙ
ﻣﺤﻤﺪ : ﺩﻳﺮﻱ ﺑﺎﻟﻚ ﻉ ﺭﻭﺣﻚ ﻭﻛﺎﻥ ﺟﺎ ﺑﺎﺗﻚ ﺭﻧﻲ ﻋﻠﻴﺎ
ﺍﻧﺎ : ﺍﻭﻙ ﺣﺒﻴﺒﻲ
ﻣﺤﻤﺪ : ﻣﺎﺗﺒﻲ ﺷﻲ
ﺍﻧﺎ : ﺳﻼﻣﺘﻚ ﻳﺎﻋﻤﺮﻱ
ﻭﻋﺪﺍ ﺍﻧﺎ ﻭﺍﻟﺒﻨﺎﺕ ﻗﻌﺪﻧﺎ ﺍﻧﻬﺪﺭﺯﻭ ﻭﺩﺭﻧﺎ ﻗﻬﻮﻩ
ﺍﻣﻴﺮﻩ : ﺑﺎﻳﻦ ﺍﻧﻜﻢ ﻣﻨﺴﺠﻤﻴﻦ
ﺍﻧﺎ : ﺑﻜﻞ ﺣﺒﻴﺘﻪ ﺍﻭ ﺑﺎﻻﺣﺮﻯ ﻋﺸﻘﺘﻪ
ﺭﺟﺎﺀ : ﺍﻫﺨﺨﺦ ﻧﺠﻚ ﻭﺍﻟﻠﻪ ﺗﺴﺘﺎﻫﻠﻲ ﺻﺒﺮﺗﻲ ﻭﻧﻠﺘﻲ
ﺍﻧﺎ : ﻫﻬﻬﻬﻬﻪ ﻧﺠﻚ ﺍﻧﺸﺎﺀ ﺍﻟﻠﻪ ﺍﻳﺠﻴﻚ ﻭﺍﺣﺪ ﺯﻳﻪ ﻭﺍﺣﺴﻦ
ﺭﺟﺎﺀ : ﺍﻣﻴﻦ ﺍﻧﺸﺎﺀ ﺍﻟﻠﻪ ﻛﻠﻨﺎ
ﻛﻠﻬﻦ : ﺍﻣﻴﻦ
ﺍﻳﻪ : ﺑﺎﻫﻲ ﺍﻟﻠﺒﺲ ﺣﺘﻰ ﻫﻮﺍ ﺯﻱ ﺑﺎﺑﺎ
ﺍﻧﺎ : ﻻﻻ ﻋﺎﺩﻱ ﺳﺮﺍﻭﻳﻞ ﺑﺲ ﺍﻟﻤﻬﻢ ﻭﺍﺳﻊ ﻭﻃﻮﻳﻞ ﺷﻮﻓﻦ ﺍﻫﻮ ﺍﻟﻠﻲ ﻧﻠﺒﺴﻬﺎ ﺍﻧﺼﻮﺭﻭ ﺍﻧﺎ ﻭﻳﺎﻩ
( ﻭﻗﻌﺪﻥ ﻳﺘﻔﺮﺟﻦ ﻋﻠﻲ ﺻﻮﺭﻧﺎ )
ﺭﺟﺎﺀ : ﺷﻮﻓﻲ ﺷﻮﻓﻲ ﻫﺬﻱ ﻳﻨﻌﻼﻱ ﺭﻭﻣﻨﺴﻲ
ﻓﺎﻃﻤﻪ : ﻃﺎﺡ ﺳﻌﺪﻙ ﺷﻦ ﻫﻀﺎ ( ﻭﻛﺎﻧﺖ ﺻﻮﺭﻩ ﻭﻫﻮﺍ ﺣﺎﻁ ﻓﻤﻪ ﻉ ﻓﻤﻲ ﻳﻌﻨﻲ ﻳﺒﻮﺱ ﻓﻴﺎ )
ﺍﻧﺎ : ﻫﻀﺎ ﻫﻮﺍ ﺍﻟﻠﻲ ﻳﺼﻮﺭﻫﻬﻬﻬﻬﻬﻬﻪ
ﺭﺟﺎﺀ : ﻗﺼﺪﻙ ﻣﻊ ﺑﻌﻀﻜﻢ ﻫﻜﻲ ﺗﺒﻮﺳﻮ ﻓﻲ ﺑﻌﺾ ﺍﻟﻠﻪ ﻛﻴﻒ ﺍﻟﻤﺴﻠﺴﻼﺕ ﺍﻟﺘﺮﻛﻴﻪ
ﺍﻧﺎ : ﻫﻬﻬﻬﻬﻪ
ﻭﻫﺪﺭﺯﻧﺎ ﻭﺿﺤﻜﻨﺎ ﻭﺟﺎ ﺑﺎﺑﺎ ﻭﻣﺎﻣﺎ ﻭﻋﺒﺪﺍﻟﻠﻪ ﻭﺍﻟﺘﻤﻴﻨﺎ ﻓﻲ ﺍﻟﺠﻨﺎﻥ
ﺑﺎﺑﺎ : ﻭﻳﻦ ﺭﺍﺟﻠﻚ
ﺍﻧﺎ : ﺟﺎﺑﻨﻲ ﻭﻗﻌﺪ ﺷﻮﻳﻪ ﻭﻟﻤﺎ ﻣﺎ ﺟﻴﺘﺶ ﻗﺎﻟﻲ ﻧﻤﺸﻲ ﻣﺸﻮﺍﺭ ﻭﺍﻧﺠﻲ
ﺑﺎﺑﺎ : ﺍﻫﺎﺍﺍ ﺑﺎﻫﻲ ﻛﻠﻤﻴﻪ ﻗﻮﻟﻴﻠﻪ ﺍﻧﻲ ﺟﻴﺖ
ﺍﻧﺎ : ﺣﺎﺿﺮ
ﻭﻣﺸﻴﺖ ﺑﻌﺪﺕ ﻋﻨﻬﻢ ﻭﺭﻧﻴﺖ ﻋﻠﻴﻪ -:
ﺍﻧﺎ : ﺍﻟﻮ ﺣﺒﻴﺒﻲ
ﻣﺤﻤﺪ : ﺍﺣﻠﻰ ﺍﻟﻮ ﺳﻤﻌﺘﻬﺎ ﻓﻲ ﺣﻴﺎﺗﻲ ﻳﺎﺣﻴﺎﺗﻲ
ﺍﻧﺎ : ﻫﻬﻬﻬﻪ ﻣﺠﻨﻮﻥ
ﻣﺤﻤﺪ : ﻣﺠﻨﻮﻥ ﺑﺤﺒﻚ ﻳﺎﻟﺤﺐ
ﺍﻧﺎ : ﺑﺎﺑﺎ ﺟﺎ ﻛﺎﻥ ﺗﺒﻲ ﺍﺗﺠﻲ
ﻣﺤﻤﺪ : ﺻﺎﺡ ﺑﺎﻫﻲ ﺍﻧﻲ ﻭﺻﻠﺖ ﺷﺎﺭﻋﻜﻢ
ﺍﻧﺎ : ﺍﻭﻙ ﻧﺮﺍﺟﻲ ﻓﻴﻚ
ﻣﺤﻤﺪ : good Bay
ﺍﻧﺎ Bay: ( ﻃﺒﻌﺎ ﺍﻧﺴﻴﺖ ﻣﺎﻗﻠﺘﻠﻜﻢ ﻣﺤﻤﺪ ﻛﺎﻥ ﻳﻘﺮﺍ ﺟﺎﻣﻌﻪ ﺑﺮﺍ ﻭﺗﺨﺼﺼﻪ ﻃﺐ ﻓﻜﺎﻥ ﻳﻘﺮﺍ ﺣﺘﻰ ﺍﻧﺠﻠﻴﺰﻱ ﻭﻛﺎﻥ ﻣﺮﻩ ﻣﺮﻩ ﻳﻌﻠﻢ ﻓﻴﺎ ﻭﻣﻊ ﺍﻟﺤﻠﻘﺎﺕ ﺗﻮﺍ ﻧﺬﻛﺮﻟﻜﻢ ﺍﻟﻜﻼﻡ ﻛﻨﺖ ﻣﺎﻧﻜﺘﺒﺶ ﻓﻴﻪ ﻧﻜﺘﺐ ﻓﻴﻪ ﺑﺎﻟﻌﺮﺑﻲ )
ﻭﺷﻮﻳﻪ ﻭﺟﺎ ﻣﺤﻤﺪ ﻭﻗﻌﻤﺰ ﻣﻌﺎﻧﺎ ﻓﻲ ﺍﻟﺠﻨﺎﻥ ﻭﻣﻨﺴﺠﻢ ﻫﻮﺍ ﻭﺑﺎﺑﺎ
ﻣﺤﻤﺪ ﺑﺤﺖ ﻓﻴﺎ ﻭﻳﺒﻲ ﻳﻘﻮﻟﻲ ﻫﻴﺎ ﻭﺍﻟﻠﻪ ﺗﺒﻲ ﺗﻘﻌﺪﻱ ﻭﺧﺎﻑ ﻣﻦ ﺍﻧﻲ ﺍﻧﺎ ﻧﺒﻲ ﻧﻘﻌﺪ ﺷﻮﻳﻪ ﻗﺎﻟﻲ
ﻣﺤﻤﺪ : I have to go ( ﻋﻠﻲ ﺍﻟﺬﻫﺎﺏ )
ﺍﻧﺎ : I'm going with you ( ﻭﺍﻧﺎ ﺫﺍﻫﺒﻪ ﻣﻌﻚ )
ﺍﻣﺎ ﺧﻮﺍﺗﻲ ﻭﺑﺎﺑﺎ ﻭﻣﺎﻣﺎ ﻳﺒﺤﺘﻮ ﻓﻴﻨﺎ ﻳﺒﻮ ﻳﻔﻬﻤﻮ ﻭﻋﺒﺪﺍﻟﻠﻪ ﻓﻬﻢ ﻫﻮﺍ ﺷﻦ ﻗﺎﻝ ﺑﺲ ﺍﻧﺎ ﻻ ﻣﻔﻬﻤﺶ ﻋﻠﻴﺎ
ﻣﺤﻤﺪ : Come Quickly ( ﻫﻴﺎ ﺑﺴﺮﻋﻪ )
ﺍﻧﺎ Accurate: ( ﺩﻕﻳﻘﻪ )
ﻭﺧﺸﻴﺖ ﻧﻠﺒﺲ ﻓﻲ ﻭﺷﺎﺣﻲ ﻭﻃﻠﻌﺖ ﻭﺩﻋﺘﻬﻢ ﻭﻣﺸﻴﻨﺎ
~~~~~~~~~~~~~~~~
ﺩﺭﺗﻬﺎ ﻃﻮﻳﻠﻪ ﺷﻦ ﺭﺍﻳﻜﻦ ﻓﻴﻬﺎ
ﻭﺗﻮﻗﻌﺎﺗﻜﻢ ﻳﺴﺎﻋﺪﻧﻲ ﻭﻣﺰﻟﺖ ﻣﺎ ﻗﻠﺘﺶ ﻣﺮﻭﻩ ﻋﻠﻲ ﺷﻦ ﺗﺨﻄﻂ ﻭﺭﺍﻩ ﺷﺊ ﻛﺒﻴﺮ
#
