ﻣﻨﻘﻮﻟﺔ
ﺍﻟﺤﻠﻘﻪ 10
# ﻟﺮﺑﻤﺎ
~~~~~~~~~ ~~~~~~~~
ﺩﺭﺕ ﻣﻜﻴﺎﺝ ﺧﻔﻴﻒ ﻭﻟﺒﺴﺖ ﻭﺷﺎﺣﻲ ﻭﻃﻠﻌﺖ ﻭﺍﻟﻘﻴﺖ ﻣﺤﻤﺪ ﻳﻔﺘﺶ ﻓﻲ ﺷﻨﻄﺘﻪ
ﺍﻧﺎ : ﻣﺤﻤﺪ ﺍﻟﺴﺎﻋﻪ 2:00 ﻫﻴﺎ
ﻣﺤﻤﺪ : ﺍﻫﺎ ﻫﻴﺎ ﺑﺲ ﺩﻗﻴﻘﻪ ﺍﻣﺴﻜﻲ ﺯﻭﺍﺟﻚ
ﺍﻧﺎ : ﻓﻲ ﺣﺎﺟﻪ
ﻣﺤﻤﺪ : ﺍﻫﻮﺍﺍﺍ ﻭﻭﻭ ﻧﺤﺴﺎﺑﻪ ﻣﺶ ﻗﺎﻋﺪ ﺍﻓﻒ ﺍﺧﺨﺨﺨﺦ
ﺍﻧﺎ : ﻫﻬﻬﻪ ﻗﻠﺒﺖ ﺷﻨﻄﺘﻚ
ﻣﺤﻤﺪ : ﻫﻴﺎ
ﻣﺸﻴﻨﺎ ﻟﻠﻤﻄﺎﺭ ﻭﺭﻛﺒﻨﺎ ﻟﻠﻄﻴﺎﺭﻩ ﻭﺍﻭﻝ ﻣﺎ ﻗﺎﻟﻮ ﺗﺒﻲ ﺗﻘﻠﻊ ﺧﻀﻨﺖ ﻳﺪ ﻣﺤﻤﺪ ﺯﻳﻦ ﻟﻌﻨﺪ ﺗﻤﺖ ﺣﻤﺮﺍ
ﻣﺤﻤﺪ : ﻛﻨﻚ ﺷﻦ ﺟﺎﻙ
ﺍﻧﺎ : ﺍﻧﺨﺎﻑ ﺗﺨﻴﻞ ﺍﻟﻄﻴﺢ ﻳﻤﻴﻲ ﻧﺒﻲ ﻧﻨﺰﻝ
ﻣﺤﻤﺪ ؛ﺑﺸﻮﻳﻪ ﺍﻋﺼﺎﺑﻚ ﺍﻫﺪﻱ ﻳﺪﻱ ﻭﺟﻌﺘﻨﻲ ﺍﻳﻲ
ﺍﻧﺎ : ﻣﺤﻤﺪ ﻧﺒﻲ ﻧﻨﺰﻝ ( ﻭﻋﻴﻮﻧﻲ ﺗﻌﺒﻦ ﺩﻣﻮﻉ )
ﻣﺤﻤﺪ : ﺍﺷﺶ ﻳﺎﻟﻬﺒﻠﻪ ﻣﺎﺗﺨﺎﻓﻴﺶ
ﻭﺭﻓﻊ ﻳﺪﻩ ﻭﺣﻄﻬﺎ ﻭﺭﺍ ﻇﻬﺮﻱ ﻭﻗﻌﺪﺕ ﻋﻠﻲ ﺻﺪﺭﻩ ﺍﻧﺎ ﺟﺘﻨﻲ ﺭﺍﺣﻪ ﻭﺭﺧﻴﺖ ﺭﻭﺣﻲ .
ﺍﻣﺎ ﻓﻲ ﺧﺎﻃﺮ ﻣﺤﻤﺪ :
ﺍﻫﺨﺦ ﺍﻧﺸﺎﺀ ﺍﻟﻠﻪ ﺩﻳﻤﺎ ﻣﺴﺎﻓﺮﻳﻦ ﻛﺎﻥ ﻛﻞ ﺳﻔﺮﻩ ﺑﺘﻘﻌﺪﻱ ﻓﻲ ﺣﻀﻨﻲ ﻫﻜﻲ
ﻗﻌﺪﻧﺎ ﻋﻠﻲ ﺍﻟﻮﺿﻌﻴﻪ ﻫﺬﻱ ﻟﻴﻦ ﻏﻔﻴﺖ ﻭﻭﻋﻴﺖ ﻋﻠﻲ ﺻﻮﺕ ﺍﻟﻤﻈﻴﻔﻪ
ﺍﻟﻤﻈﻴﻔﻪ : ﺷﻦ ﺗﺤﺒﻮ ﺗﺸﻮﺑﻮ
ﻣﺤﻤﺪ : ﺍﻧﺎ ﻧﺒﻲ ﻋﻨﺐ ﻭﺍﻧﺘﻲ ﻧﻮﺭﺍﻥ
ﺍﻧﺎ : ﺍﻣﻴﻪ ﺑﺲ
ﻣﻈﻴﻔﻪ : ﻭﺍﻟﻮﺟﺒﻪ
ﺍﻧﺎ : ﻧﺒﻴﺶ ﻋﻨﺪﻳﺶ ﻧﻴﻪ
ﻣﺤﻤﺪ : ﺣﺘﻰ ﺍﻧﺎ ﻣﺨﺎﻃﺮﻳﺶ
ﺍﻟﻤﻈﻴﻔﻪ : ﺣﺘﻰ ﻛﻴﻚ
ﻣﺤﻤﺪ : ﺷﻜﺮﺍ
ﺍﻟﻤﻈﻴﻔﻪ ﻏﻤﺰﺕ ﻟﻤﺤﻤﺪ
ﻣﺤﻤﺪ ﺑﺤﺖ ﻓﻴﺎ ﻭﻗﺎﻟﻲ : ﺣﺒﻴﺒﻲ ﺗﺎﺧﺬﻱ ﻛﻴﻚ ﺑﺸﻮﻛﻮﻻﻃﻪ ﺗﺤﺒﻴﻪ ﺍﻧﺘﻲ
ﺍﻧﺎ ﻓﻬﻤﺖ ﻋﻠﻴﻪ ﺍﻧﻪ ﻳﻘﻬﺮ ﻓﻲ ﺍﻟﻤﻈﻴﻔﻪ : ﺍﻧﺎ ﺍﻭﻙ ﺣﺒﻴﺒﻲ ﺑﺲ ﺣﺘﻰ ﺍﻧﺖ ﺗﺎﻛﻞ ﻣﻌﺎﻳﺎ
ﻣﺤﻤﺪ : ﻣﻊ ﺍﻥ ﻣﻌﻨﺪﻳﺶ ﻧﻴﻪ ﺑﺲ ﺍﻭﻙ ﻋﻄﻴﻨﻲ ﺍﺛﻨﻴﻦ ﻟﻴﺎ ﻭﻟﻬﺎ
ﻭﺍﻟﻤﻈﻴﻔﻪ ﺑﺘﻤﻮﺕ ﻗﻬﺮ ﻭﺣﺮﻕ ﺩﻡ
ﻭﺍﻭﻝ ﻣﺎ ﻣﺪﺗﻠﻪ ﺍﻟﻜﻴﻜﻪ ﻭﺑﺮﻣﺖ ﺗﺒﻲ ﺍﺗﺠﻴﺐ ﻻﺧﺮﺍ ﻟﻴﺎ ﻫﻮﺍ ﻓﺘﺢ ﻛﻴﻜﺘﻪ ﺑﺴﺮﻋﻪ ﻭﻗﺎﻟﻲ
ﻣﺤﻤﺪ : ﺧﻮﺫﻱ ﻣﻦ ﻛﻴﻜﺘﻲ ﺍﻻﻭﻝ ﻋﺸﺎﻥ ﺍﺗﺠﻴﻨﻲ ﻧﻴﻪ ﻧﺎﻛﻠﻬﺎ
ﺍﻧﺎ : ﻫﻬﻬﻪ ﺷﻜﺮﺍ ﺣﺒﻴﺒﻲ
ﻋﺰﻗﺘﻠﻲ ﺍﻟﻜﻴﻜﻪ ﻋﺰﻕ
ﺍﻧﺎ ﻭﻣﺤﻤﺪ ﺍﻃﺮﺑﻘﻨﺎ ﺿﺤﻚ
ﻭﻭﺻﻠﻨﺎ ﻟﻤﻄﺎﺭ ﺍﻟﻤﻐﺮﺏ ﺍﻧﺎ ﺍﻭﻝ ﻣﺮﻩ ﻧﻤﺸﻲ ﻟﻤﻜﺎﻥ ﺑﺮﺍ ﺍﻟﺒﻴﻀﺎﺀ ﻃﺒﻌﺎ ﻣﺎﺳﻜﻪ ﻓﻲ ﻳﺪ ﻣﺤﻤﺪ ﻭﻻﺻﻘﻪ ﻓﻴﻪ ﻭﻛﺎﻧﻲ ﺧﺎﻳﻔﻪ ﻣﻦ ﺍﻟﻨﺎﺱ
ﻣﺤﻤﺪ : ﻧﻮﺭﺍﻥ ﺍﻫﺪﻱ ﻧﺎ ﺟﺎﻳﺒﻚ ﺍﻧﺪﻫﻮﺭ ﻓﻴﻚ ﻣﺶ ﺧﺎﻃﻔﻚ ﻣﺎﺗﺨﺎﻓﻴﺶ
ﺍﻧﺎ : ﻣﺤﻤﺪ ﻫﻴﺎ ﻧﻤﺸﻮ ﻟﻼﻭﺗﻴﻞ ﺑﺴﺮﻋﻪ ﺍﻟﻤﻜﺎﻥ ﻣﻠﻴﺎﻥ ﻧﺎﺱ ﻣﺤﻤﺪ : ﻳﺎ ﻧﻮﺭﺍﻥ ﺍﻫﺪﻱ ﻋﺎﺩﻱ ﺧﻠﻴﻚ ﻫﺎﺩﻳﻪ
ﺍﻧﺎ : ﺍﻭﻙ ﺑﺲ ﻣﺎﺗﻄﻠﻘﻨﻴﺶ ﻭﺍﻟﻠﻪ ﺍﻧﺮﻳﺢ ﻣﻌﺶ ﺗﻠﻘﺎﻧﻲ
ﻣﺤﻤﺪ : ﻣﺶ ﺣﻨﻄﻠﻘﻚ ﺑﺲ ﺗﻌﺎﻟﻲ
ﻭﻣﺸﻴﻨﺎ ﺧﺘﻤﻨﺎ ﺍﻟﺠﻮﺍﺯﺍﺕ ﻭﺧﻀﻴﻨﺎ ﺗﺎﻛﺴﻲ ﻭﻧﺰﻟﻨﺎ ﻉ ﺍﻻﻭﺗﻴﻞ ﻭﺟﺎ ﻃﻠﺐ ﺍﻻﺻﺎﻧﺼﻴﺮ ﻭﺭﻛﺒﻨﺎ
ﺍﻧﺎ : ﻣﺤﻤﺪ ﻣﺘﺎﻛﺪ ﺍﻥ ﻣﺎﻳﻮﻗﻔﺶ
ﻣﺤﻤﺪ : ﺣﺘﻰ ﻟﻮ ﻭﻗﻒ ﺯﺭﻱ ﺍﻻﻧﻈﺎﺭ ﻳﺠﻮ ﻳﻨﺰﻟﻮﻩ ﻳﺪﻭﻱ
ﺍﻧﺎ : ﻋﻨﺪﻱ ﻣﻨﻪ ﻓﻮﺑﻴﺎ
ﻣﺤﻤﺪ ﻭﺑﻬﻤﺲ ﻫﺎﺩﻱ ﻭﺣﻨﻮﻥ : ﻧﻮﺭﺍﻥ ﻋﻤﺮﻙ ﻣﺎﺗﺨﺎﻓﻲ ﻣﻦ ﺷﻲ ﻭﺍﻧﺘﻲ ﻣﻌﺎﻳﺎ ﺍﻭﻙ
( ﺑﻨﺎﺕ ﺍﻧﺘﻦ ﻋﻴﻄﻦ ﻭﺍﻧﺪﺑﻦ ﻟﻴﻦ ﻳﺴﺪﻛﻦ ﺍﻧﺎ ﺟﺎﻧﻲ ﺗﻮﺣﺪ ﺧﻼﺹ ﺍﺣﺘﻤﺎﻝ ﻳﺠﻴﻨﻲ ﺷﻠﻞ ﺍﺧﺮﻯ )
ﺍﻧﺎ ﺑﻌﺪ ﻛﻠﻤﺘﻪ ﻫﺬﻱ ﺣﺴﻴﺖ ﺑﺮﺍﺣﻪ : ﺍﻭﻙ . ﻭﻭﻗﻒ ﻉ ﺍﻟﺪﻭﺭ ﺍﻟﺴﺎﺩﺱ ﻭﺭﻛﺒﺖ ﻣﻌﺎﻧﺎ ﺑﻨﺖ ﻭﻧﺤﻨﺎ ﻓﻲ ﺍﻟﺪﻭﺭ ﺍﻟﻌﺎﺷﺮ
ﺍﻟﻤﻬﻢ ﺍﻟﺒﻨﺖ ﻻﺑﺴﻪ ﻛﻌﺐ ﻭﺳﺮﻭﺍﻝ ﺿﺎﺑﻂ ﻟﻴﻦ ﺑﻴﻨﻔﻠﻖ ﻭﺟﺎﻛﻪ ﺟﻠﺪ ﻗﺼﻴﺮﻩ ﻟﺪﺭﺟﻪ ﺍﻥ ﻟﻮ ﺗﺮﻓﻊ ﻳﺪﻳﻬﺎ ﻳﺒﺎﻥ ﺧﺼﺮﻫﺎ ﻭﺑﺪﻱ ﺿﺎﺑﻂ ﺍﺑﻴﺾ ﻭﻣﺤﺮﻣﻪ ﻭﺗﺸﺨﻠﻊ ﻟﻤﺤﻤﺪ
ﻭﺍﻧﺎ ﺑﺤﺘﺖ ﻓﻴﻬﺎ ﻭﺑﺤﺘﺖ ﻓﻲ ﻣﺤﻤﺪ ﺍﻟﻘﻴﺘﻪ ﻻ ﻫﻲ ﻓﻲ ﻓﻮﻧﻪ ﻣﺴﻜﺖ ﻳﺪﻩ ﺑﺤﺖ ﻓﻴﺎ ﻭﻓﻬﻢ
ﺍﻟﺒﻨﺖ : ﺍﻧﺖ ﻟﻴﺒﻲ
ﻣﺤﻤﺪ : ﺍﻫﺎ
ﺍﻟﺒﻨﺖ : ﻓﻲ ﻧﻔﺲ ﺍﻟﻔﻨﺪﻕ ﻫﻬﻪ
ﻣﺤﻤﺪ : ﺍﻫﺎ
ﺍﻟﺒﻨﺖ : ﻧﺘﻌﺮﻓﻮ ﻋﻠﻴﻜﻢ
ﻣﺤﻤﺪ : ﺗﻌﺮﻓﻲ ﻉ ﻣﺮﺍﺗﻲ ﻣﺶ ﻋﻠﻴﺎ
ﺍﻟﺒﻨﺖ : ﻫﻬﻬﻪ ﻣﺮﺍﺗﻚ ﻛﻨﻬﺎ ﺧﺎﺷﻪ ﻓﻲ ﺑﻌﻀﻬﺎ ﻫﻜﻲ ﻣﺎ ﺗﺨﺎﻓﻴﺶ ﻣﺶ ﺣﻨﺎﻛﻠﻚ
ﻣﺤﻤﺪ ﻋﻄﺎﻫﺎ ﻧﻈﺮﻩ ﻭﺑﺤﺖ ﻓﻴﺎ : ﺣﺒﻴﺒﻲ ﻫﻴﺎ
ﻭﻣﺸﻴﻨﺎ ﻟﻠﻐﺮﻓﻪ
ﺍﻧﺎ : ﺷﻔﺖ ﻣﻨﻈﺮﻫﺎ ﺍﻉ ﻣﻘﺮﻑ
ﻣﺤﻤﺪ : ﻭﺗﺘﻠﺴﻮﻥ
ﺍﻧﺎ : ﺑﻜﻞ ﻭﺍﻧﺖ ﻣﺎﺻﺪﻗﺖ
ﻣﺤﻤﺪ : ﻭﺍﻟﻠﻪ ﺍﻧﺎ
ﺍﻧﺎ : ﺍﻫﺎ ﺍﻧﺖ ﺑﻨﺨﺶ ﻧﺪﻭﺵ ﻭﺍﻧﺒﺪﻝ
ﻣﺤﻤﺪ : ﻻﻻ ﺍﻧﺎ ﺍﻧﺨﺶ ﻭﺑﻌﺪﻳﻦ ﻧﻤﺸﻲ ﺍﻧﺠﻴﺐ ﻋﺸﺎ ﻭﺍﻧﺘﻲ ﺧﺸﻲ
ﺍﻧﺎ : ﻗﺼﺪﻙ ﺑﺘﺴﻴﺒﻨﻲ ﻫﻨﺎ ﺑﺮﻭﺣﻲ
ﻣﺤﻤﺪ : ﻧﻘﻔﻞ ﻋﻠﻴﻚ
ﺍﻧﺎ : ﻣﺤﻤﺪ ﺍﻧﺨﺎﻑ
ﻣﺤﻤﺪ : ﻣﻌﻨﺎﻫﺎ ﻧﻤﺸﻮ ﺍﻧﺘﻌﺸﻮ ﻟﻮﻃﺎ
ﺍﻧﺎ : ﺍﻭﻙ
ﻣﺤﻤﺪ : ﻋﺪﻱ ﺩﻭﺷﻲ ﻭﻏﻴﺮﻱ ﺩﺑﺸﻚ ﻣﻌﻨﺎﻫﺎ
ﺍﻧﺎ : ﺣﺎﺿﺮ
ﺧﺸﻴﺖ ﺩﻭﺷﺖ ( ﻭﻟﺒﺴﺖ ﺯﻱ ﺍﻟﺼﻮﺭﻩ ) ﻭﺧﺶ ﻫﻮﺍ ﺩﻭﺵ ﻭﻃﻠﻊ ﺩﺍﺭ ﺑﺮﻓﺎﻥ ﻭﻳﺴﻘﻢ ﻓﻲ ﺷﻌﺮﻩ ﻭﺍﻧﺎ ﺟﻨﺒﻪ ﺍﻧﺪﻳﺮ ﻓﻲ ﻣﻴﻚ ﺍﺏ
ﻣﺤﻤﺪ : ﻣﺎﺗﻜﺜﺮﻳﺶ
ﺍﻧﺎ : ﻭﺍﻟﻠﻪ ﻣﺎﻧﻜﺜﺮ ﺍﻟﻮﺍﻥ ﺑﺎﻫﺘﻪ
ﻣﺤﻤﺪ ؛ﺑﺎﻫﻲ
ﻭﺑﺮﻡ ﻭﺗﻤﺎ ﻳﺒﺤﺖ ﻓﻴﺎ ﺑﻨﻈﺮﺍﺕ ﻣﺎﻓﻬﻤﺘﻬﻨﺶ ﺷﻨﻮ ﻛﺎﻧﻪ ﺳﺮﺡ ﻭﺍﻧﺎ ﻣﻌﺶ ﻋﺮﻓﺖ ﺷﻦ ﺍﻧﺪﻳﺮ ﻭﺗﻮﺗﺮﺕ
ﺍﻧﺎ : ﻣﺤﻤﺪ
ﻣﺤﻤﺪ : ﺍﻩ ﻫﺎﺍ
ﺍﻧﺎ : ﻭﻳﻦ ﻃﺮﺕ
ﻣﺤﻤﺪ : ﻣﻜﺎﻥ ﻳﺠﻨﻦ
ﺍﻧﺎ : ﺷﻴﻠﻨﻲ ﺍﻧﺸﻮﻓﻪ
ﻣﺤﻤﺪ : ﺍﻧﺸﺎﺀ ﺍﻟﻠﻪ . ﻫﻴﺎ
ﺍﻧﺎ : ﻫﻴﺎ
ﻭﻣﺸﻴﻨﺎ ﻧﺰﻟﻨﺎ ﻭﻛﺎﻥ ﻣﻐﺮﺏ ﺍﻟﺠﻮ ﻣﺴﻘﻊ ﺷﻮﻳﻪ ﻭﻗﻌﻤﺰﻧﺎ ﻉ ﺍﻟﻄﺎﻭﻻﺕ ﺍﻟﻠﻲ ﻳﺎﻻ ﺍﻟﻘﺰﺍﺯ ﻭﺟﺎ ﺍﻟﻘﺮﺳﻮﻥ ﻭﻋﻄﺎﻧﺎ ﺍﻟﻤﻴﻨﻴﻮﻡ
ﻣﺤﻤﺪ : ﺷﻦ ﺗﺒﻲ
ﺍﻧﺎ : ﺍﻱ ﺣﺎﺟﻪ
ﻣﺤﻤﺪ : ﺍﻧﺎ ﻧﺒﻲ ﻣﻜﺮﻭﻧﻪ ﺑﺘﺎﻋﺘﻬﻢ ﺗﺠﻨﻦ ﺑﺎﻟﺼﻠﺼﻪ
ﺍﻧﺎ : ﺍﻭﻙ ﺣﺘﻰ ﺍﻧﺎ
ﻭﻃﻠﺒﻨﺎ ﻭﻛﻠﻴﻨﺎ ﻭﺩﻓﻊ ﺣﻘﻪ
ﻣﺤﻤﺪ : ﻣﺎﻋﻨﺪﻳﺶ ﻧﻮﻡ ﻭﻻ ﺑﻄﻼﻥ ﺷﻦ ﺭﺍﻳﻚ ﻧﺒﺮﻣﻮ ﻫﻨﺎ ﻓﻲ ﺍﻟﻤﻨﻄﻘﻪ
ﺍﻧﺎ : ﺍﻣﻤﻢ ﻭﻻ ﺍﻧﺎ ﺑﻄﻼﻧﻪ ﻋﺎﺩﻱ ﻫﻴﺎ
ﻣﺤﻤﺪ : ﻫﻴﺎ
ﻭﻃﻠﻌﻨﺎ ﻭﻧﺘﻔﺮﺟﻮ ﻭﻋﺠﺒﺘﻨﻲ ﺳﺎﻋﻪ ﺫﻫﺐ ﺑﺲ ﺗﺤﺸﻤﺖ ﺍﻧﻘﻮﻟﻬﺎ ﻟﻤﺤﻤﺪ ﺑﺲ ﻫﻮﺍ ﻗﺎﻟﻲ
ﻣﺤﻤﺪ : ﻛﺎﻥ ﻋﺠﺒﺎﺗﻚ ﺣﺎﺟﻪ ﺧﻮﺿﻴﻬﺎ
ﺍﻧﺎ ﺍﺑﺘﺴﻤﺖ : ﺷﻜﺮﺍ
ﻋﻨﺪ ﻣﺤﻤﺪ -:
ﻛﻨﺎ ﻧﺘﻤﺸﻮ ﻭﺍﻟﺠﻮ ﺳﻤﺢ ﻭﻫﻴﺎ ﻣﺎﺳﻜﻪ ﻓﻲ ﻳﺪﻱ ﻓﺠﺎﻩ ﺑﺤﺘﺖ ﻓﻴﻬﺎ ﺍﻟﻘﻴﺘﻬﺎ ﺗﺒﺤﺖ ﻓﻲ ﺳﺎﻋﻪ ﻓﻲ ﻣﺤﻞ ﺫﻫﺐ ﻭﻣﺒﺘﺴﻤﻪ ﻧﺤﺴﺎﺑﻬﺎ ﺑﺘﻘﻮﻟﻲ ﺍﺷﺮﻳﻬﺎﻟﻴﺎ ﺑﺲ ﻣﺸﺖ ﻋﺎﺩﻱ ﻭﺑﺎﻳﻦ ﺍﻥ ﺍﻟﺴﺎﻋﻪ ﻋﺠﺒﺘﻬﺎ ﻓﻘﺘﻠﻬﺎ ﺍﻟﻠﻲ ﺗﺒﻴﻬﺎ ﺧﻮﺫﻳﻬﺎ ﺑﺲ ﻣﺎﻗﺎﻟﺘﺶ ﺗﺒﻲ ﺣﺎﺟﻪ
ﻣﺤﻤﺪ : ﻫﻴﺎ ﺍﻧﺮﺩﻭ
ﺍﻧﺎ : ﻫﻴﺎ
ﺭﺩﻳﻨﺎ ﻟﻼﻭﺗﻴﻞ ﻭﻭﺻﻠﻨﺎ ﻋﻨﺪ ﺍﻻﺻﺎﻧﺼﻴﺮ ﺑﻌﺪﻳﻦ
ﻣﺤﻤﺪ : ﻧﻮﺭﺍﻥ ﺭﺍﺟﻴﻨﻲ ﻉ ﺍﻟﻜﺮﺍﺳﻲ ﺍﻟﻠﻲ ﻓﻲ ﺍﻻﺳﺘﻌﻼﻡ
ﺍﻧﺎ : ﻟﻴﺶ
ﻣﺤﻤﺪ : ﻃﺎﻳﺤﺎﺕ ﻣﻨﻲ ﻓﻠﻮﺱ ﻧﺸﻮﻓﻬﻦ ﻭﺍﻧﺠﻲ ﺭﺍﺟﻴﻨﻲ ﻣﺶ ﻣﻄﻮﻝ
ﺍﻧﺎ : ﺑﺎﻫﻲ ﺑﺲ ﻣﺎ ﺗﺘﺎﺧﺮﺵ
ﻣﺤﻤﺪ : ﺣﺎﺿﺮ ﺑﺲ ﻣﺎﺗﺘﺤﺮﻛﻴﺶ ﻣﻦ ﻫﻨﺎ ﻻ ﻳﻤﻴﻦ ﻭﻻ ﻳﺴﺎﺭ
ﺍﻧﺎ : ﺣﺎﺿﺮ
ﺭﺩﻳﺖ ﻧﺠﺮﻱ ﻟﻠﻤﺤﻞ ﻭﺷﺮﻳﺘﻠﻬﺎ ﺍﻟﺴﺎﻋﻪ ﻭﺭﺩﻳﺖ ﻣﻦ ﺍﻟﻤﺤﻞ ﻭﻗﻠﺖ ﻟﻠﺴﻜﻴﻮﺭﺗﻲ ﻳﺠﻴﺒﻬﺎﻟﻲ ﻓﻲ ﺍﻟﺪﺍﺭ ﺭﻗﻢ 503 ﺍﻟﻘﻴﺘﻬﺎ ﻓﻲ ﻧﻔﺲ ﺍﻟﻤﻜﺎﻥ
ﻣﺤﻤﺪ : ﻫﻴﺎ
ﺍﻧﺎ : ﺍﻟﻘﻴﺖ ﺍﻟﻔﻠﻮﺱ
ﻣﺤﻤﺪ : ﺍﻫﺎ ﺍﻟﻘﻴﺘﻬﻦ
ﺍﻧﺎ : ﻫﻴﺎ
ﻭﺭﻛﺒﻨﺎ ﻭﺭﻛﺒﺖ ﻣﻌﺎﻧﺎ ﻧﻔﺲ ﺍﻟﺒﻨﺖ ﺍﻟﻠﻲ ﻣﺒﺪﺭﻱ ﻧﺰﻟﺖ ﻣﻌﺎﻧﺎ
ﻣﺤﻤﺪ : ﻋﻠﻴﻚ ﻗﺼﻪ ﻫﻴﺎ
ﺍﻧﺎ : ﻭﺧﺮ ﻣﺎﺗﻠﺼﻘﺶ ﻓﻴﻬﺎ
ﻣﺤﻤﺪ ﺍﺑﺘﺴﻢ ﻋﺎﻟﺠﻨﺐ : ﺣﺎﺿﺮ
ﺍﻧﺎ ﺗﻤﻴﺖ ﻣﺎﺳﻜﻪ ﻳﺪ ﻣﺤﻤﺪ
~~~~~~~~~~~~~~~~
ﺍﻟﺘﻔﺎﻋﻞ
ﺗﻮﻗﻌﺎﺗﻜﻢ ﻣﻨﻮ ﺗﻜﻮﻥ ﺍﻟﺒﻨﺖ ﻭﻳﺎﺗﺮﻯ ﺑﺪﻳﺮ ﺧﻴﺮ ﻣﻊ ﻧﻮﺭﺍﻥ ﻭﺍﻟﻠﻪ ﻻ ؟
# soso
