ﻣﻨﻘﻮﻟﺔ
ﺍﻟﺤﻠﻘﻪ 32
# ﻟﺮﺑﻤﺎ
~~~~~~~~~^____^~~~~~~~~~~
ﺑﻌﺪ ﻧﺺ ﺳﺎﻋﻪ ﺟﺎ ﻣﺤﻤﺪ ﻭﺍﻧﺎ ﻣﺰﻟﺖ ﺭﺍﻗﺪﻩ ﻓﻮﻕ ﺗﺮﻳﺤﺖ ﺷﻮﻳﻪ ﻣﻦ ﺑﻄﻨﻲ ﻭﻣﺶ ﻓﺎﻃﻨﻪ ﻟﺮﻭﺣﻲ ﺭﻗﺪﺕ ﻉ ﺍﻟﺼﺎﻟﻮﻥ ﻭﺻﻞ ﻣﺤﻤﺪ ﻭﺧﺶ ﻟﻠﺼﺎﻟﻪ ﻟﻮﻃﺎ
ﻋﻤﺘﻲ ﺑﺼﻮﺕ ﻋﺎﻟﻲ : ﻳﻨﻌﻠﻴﺎ ﻳﺎﻣﺮﻳﻮﻩ ﺍﻛﻴﺪ ﺗﻌﺒﺘﻲ ﻋﻄﻴﻨﻲ ﻧﺎ ﻧﺪﻳﺮ ﻋﻠﻴﻚ ﺍﻟﻠﻪ ﻏﺎﻟﺐ ﻛﻨﺎﻳﻨﻲ ﺍﻟﻠﻲ ﺑﻌﺬﺭﻫﺎ ﻭﺍﻟﻠﻲ ﺑﺎﻳﺮ ﻣﺤﻤﺪ : ﺧﻴﺮ ﻳﺎﻡ
ﻋﻤﺘﻲ : ﺧﻴﺮﺍﺕ ﻳﺎﻭﻟﻴﺪﻱ ﺍﺭﻛﺐ ﺷﻮﻑ ﻣﺮﺍﺗﻚ ﺣﻴﻪ ﻭﺍﻟﻠﻪ ﻣﻴﺘﻪ ﻣﺎﻧﺰﻟﺖ ﺑﻜﻞ ﺭﺍﻩ ﻣﺎﻗﺎﻟﺘﺶ ﻧﺸﻮﻑ ﻋﻤﺘﻲ ﺑﻠﻜﻲ ﺗﺒﻲ ﺣﺎﺟﻪ ﻣﻐﻴﺮ ﺯﻱ ﺍﻟﺒﻘﺮﻩ ﺗﻨﺰﻝ ﺗﺎﻛﻞ ﻭﺗﺮﻗﺪ
ﻣﺤﻤﺪ : ﺍﻣﻲ ﻧﻮﺭﺍﻥ ﺣﺎﻣﻞ ﻭﺗﻌﺒﺎﻧﻪ ﻭﺍﻧﺎ ﻗﺎﻓﻞ ﻋﻠﻴﻬﺎ ﻋﺸﺎﻥ ﻣﺎﺗﻨﺰﻟﺶ ﺍﻣﺒﺪﺭﻱ ﻭﻫﻴﺎ ﺍﻟﺘﺤﻮﺣﺰ ﻉ ﺍﻟﻨﺰﻟﻪ
ﻋﻤﺘﻲ : ﺍﻧﺖ ﻗﺎﻓﻞ ﻭﺍﻟﻠﻪ ﻫﻴﺎ ﺍﻟﻠﻲ ﻗﺎﻟﺘﻠﻚ ﺍﻗﻔﻞ
ﻣﺤﻤﺪ : ﺍﺳﺘﻐﻔﺮ ﺍﻟﻠﻪ ﺍﻣﻲ ﻣﻦ ﺍﻻﺧﻴﺮ ﺷﻦ ﺗﺒﻲ
ﻋﻤﺘﻲ : ﺑﻜﺮﺍ ﺍﻟﻐﺪﺍ ﺍﻟﺪﻳﺮﻩ ﻣﺮﺍﺗﻚ ﺍﻭﻙ ﻭﻟﻮ ﻣﺎﺩﺍﺭﺍﺗﻪ ﺣﻨﺪﻳﺮﻟﻬﺎ ﻓﻀﻴﺤﻪ
ﻣﺤﻤﺪ : ﺍﻣﻲ ﻣﺮﺍﺗﻲ ﺣﺎﺍﻣﻞ ﻣﺮﺍﺗﻲ ﺣﺎﻣﻞ ﻣﺮﺍﺗﻲ ﻣﺮﻳﻀﻪ ﺍﻓﻬﻤﻲ
ﻋﻤﺘﻲ : ﺑﺎﻫﻲ ﻭﻫﻴﺎ ﺍﺧﺮ ﻭﺣﺪﻩ ﻭﺍﻟﻠﻪ ﺍﻭﻝ ﻭﺣﺪﻩ ﺗﺤﻤﻞ ﻛﻠﻨﺎ ﺣﻤﻠﻨﺎ ﻭﺍﻫﻮ ﻧﺪﻳﺮﻭ ﻭﻋﺎﺩﻱ
ﻣﺤﻤﺪ ﺗﻌﻘﺪ ﻭﺭﻛﺐ ﻭﻓﺘﺢ ﺍﻟﺒﺎﺏ ﻟﻘﺎﻧﻲ ﺭﺍﻗﺪﻩ ﻉ ﺍﻟﺼﺎﻟﻮﻥ
ﻣﺤﻤﺪ : ﺍﺳﺘﻐﻔﺮ ﺍﻟﻠﻪ ﻫﺬﻱ ﺷﻦ ﺍﻧﺪﻳﺮﻟﻬﺎ . ﻧﻮﺭﺍﻥ ﻧﻮﺭﺍﻥ
ﺍﻧﺎ : ﻫﻤﻤﻤﻤﻢ ﻣﺤﻤﺪ ﺣﻮﻝ ﻣﺎﺻﺪﻗﺖ ﺗﺮﻳﺤﺖ ﻓﻲ ﻧﻮﻣﺘﻲ ﺷﻦ ﺗﺒﻲ
ﻣﺤﻤﺪ : ﺻﺒﻲ ﺍﺭﻗﺪﻱ ﻉ ﺍﻟﺴﺮﻳﺮ ﻫﻀﺎ ﻛﻴﻒ ﺗﺮﻗﺪﻱ ﻋﻠﻴﻪ ﺣﻴﻄﻪ ﻳﺎﺑﺲ
ﺍﻧﺎ : ﺍﻑ ﺗﻮﺍ ﺍﻧﺘﺤﺮﻙ ﺑﻄﻨﻲ ﺗﺮﺩ ﺍﺧﺮﻯ
ﻣﺤﻤﺪ : ﻟﻴﺶ ﻛﻨﻬﺎ ﺷﻦ ﺗﺤﺴﻲ
ﺍﻧﺎ : ﺷﻲ ﺑﺲ ﻭﻟﺪﻙ ﻳﺪﻓﺲ ﻣﺶ ﻣﻌﻘﺐ ﺟﻬﺪ
ﻣﺤﻤﺪ ؛ﻫﻬﻬﻪ ﻧﻮﺿﻲ ﺑﺎﻫﻲ ﻳﺪﻓﺲ ﻻﻧﻚ ﻣﺎﺭﻗﺪﺗﻴﺶ ﺟﻨﺐ ﺑﻮﻩ ﺍﻣﺲ
ﺍﻧﺎ : ﺑﻮﻩ ﻫﻮﺍ ﺍﻟﻠﻲ ﻟﺰﻧﻲ
ﻣﺤﻤﺪ : ﺑﺼﺮﺍﺣﻪ ﻣﺘﻮﻗﻌﺘﻜﺶ ﻫﺒﻠﻪ ﻫﻜﻲ ﺍﻟﻤﻔﺮﻭﺽ ﺟﻴﺘﻲ ﺭﻗﺪﺗﻲ ﺗﻮﻗﻌﺘﻚ ﺗﺨﻠﻴﻨﻲ ﻟﻴﻦ ﻧﺮﻗﺪ ﻭﺍﺗﺠﻲ
ﺍﻧﺎ : ﻓﻜﺮﺕ ﻓﻴﻬﺎ ﺑﺲ ﺧﻔﺘﻚ ﺗﻌﺼﺐ ﻋﻠﻴﺎ
ﻣﺤﻤﺪ : ﺍﺳﻒ ﺣﺒﻴﺒﺘﻲ ﻭﺍﻟﻠﻪ ﺍﺳﻒ ﻣﺶ ﻗﺼﺪﻱ ﺑﺲ ﻏﺮﺕ ﻭﺍﻧﺘﻲ ﺗﻌﺮﻓﻴﻨﻲ . ﺍﻧﻲ ﺍﻧﻐﺎﺭ ﻋﻠﻴﻚ ﻭﻗﺎﻋﺪﻩ ﺗﻀﺤﻜﻲ ﻭﺗﻠﻌﺒﻲ ﻣﻊ ﺍﺳﺎﻣﻪ ﻭﻧﺎﺻﺮ ﻋﺎﺩﻱ
ﺍﻧﺎ : ﻣﺶ ﻗﺼﺪﻱ ﻣﺎﻛﻨﺘﺶ ﻧﺤﺴﺎﺑﻚ ﺗﻐﺎﺭ ﺑﺲ ﺧﻼﺹ ﻭﻋﺪ ﻣﻌﺶ ﻧﺨﺘﻠﻂ ﺑﻴﻬﻢ ﺑﻜﻞ
ﻣﺤﻤﺪ : ﻭﺗﻮﺍ ﺻﺒﻲ ﺍﺭﻗﺪﻱ
ﺍﻧﺎ : ﻫﻴﺎ
ﻣﺤﻤﺪ : ﻻﻻ ﺍﺳﻤﻌﻲ ﻧﻨﺰﻟﻮ ﻧﺘﻐﺪﻭ ﻭﻧﺮﻛﺒﻮ ﻧﺮﻗﺪﻭ
ﺍﻧﺎ : ﻭﺍﻟﻠﻪ ﺗﺒﻴﻨﻲ ﺑﻜﻞ ﺻﺤﻪ ﻭﺟﻪ ﻧﻨﺰﻝ ﻭﻧﺎﻛﻞ ﻭﻧﺮﻛﺐ ﻋﺎﺩﻱ ﻫﻜﻲ
ﻣﺤﻤﺪ : ﺷﻦ ﻓﻴﻬﺎ ﻋﺎﺩﻱ
ﺍﻧﺎ : ﻻﻻ ﺍﻟﻤﻔﺮﻭﺽ ﻧﺰﻟﺖ ﻣﻦ ﺍﻻﻭﻝ ﻭﺩﺭﺕ ﻣﻌﺎﻫﻢ
ﻣﺤﻤﺪ : ﻭﺍﻟﻠﻪ ﺍﻧﺘﻲ ﻣﺮﻳﻀﻪ ﻋﺎﺩﻱ ﻫﻴﺎ ﻭﻣﺴﻚ ﻳﺪﻱ ﻭﻳﺼﺒﻲ ﻓﻴﺎ
ﺍﻧﺎ : ﺗﺆﺗﺆﺗﺆ ﺍﻧﺖ ﺍﻧﺰﻝ ﻛﻮﻝ ﺑﺲ ﺍﻧﺎ ﻋﻨﺪﻳﺶ ﻧﻴﻪ
ﻣﺤﻤﺪ : ﻭﺍﻟﻠﻪ ﻭﻛﻴﻒ ﺗﻨﺰﻝ ﻭﺍﻧﺘﻲ ﻣﺶ ﺟﻨﺒﻲ
ﺍﻧﺎ : ﻛﻴﻒ ﻣﺎﻛﺎﻧﺖ ﺗﻨﺰﻝ ﻗﺒﻞ ﻣﺎﺗﺎﺧﻀﻨﻲ
ﻣﺤﻤﺪ : ﻫﻴﺎ ﺣﻴﺎﺗﻲ ﻋﺸﺎﻧﻲ
ﺍﻧﺎ : ﺗﺆﺗﺆﺗﺆﺗﺆ
ﻣﺤﻤﺪ : ﺑﺎﻫﻲ ﺧﻼﺹ ﻋﻨﺪﻱ ﺣﻞ
ﺍﻧﺎ : ﺷﻨﻮ
ﻣﺤﻤﺪ : ﻧﻤﺸﻲ ﻧﺠﻴﺐ ﻣﻦ ﻣﻄﻌﻢ ﺳﻼﻡ
ﻭﻃﻠﻊ ﻣﻦ ﺩﻭﻥ ﻣﺎﻳﺴﻤﻊ ﺭﺩﻱ ﻭﻃﻠﻊ ﺟﺎﺏ ﺑﻴﺘﺰﺍ ﻭﻫﻤﺒﺮﻗﺮ ﻭﺑﻴﺒﺴﻲ ﻭﺟﺎ ﻭﻫﻮﺍ ﺭﺍﺩ ﻟﻘﺎﻫﻢ ﻳﺘﻐﺪﻭ
ﻋﻤﺘﻲ : ﻭﻳﻦ ﻛﻨﺖ ﺍﻧﺖ
ﻣﺤﻤﺪ : ﻣﺸﻴﺖ ﻣﺸﻮﺍﺭ
ﻋﻤﺘﻲ : ﺍﻫﺎﺍ ﻗﻮﻝ ﺍﻟﻌﻘﺮﺑﻪ ﻗﺎﻳﻠﺘﻠﻚ ﻣﺎﻧﺒﻴﺶ ﻧﺎﻛﻞ ﻭﻛﺎﻟﻬﻢ
ﻣﺤﻤﺪ : ﺍﻧﻤﻮﺕ ﻭﻧﻌﺮﻑ ﻟﻴﺶ ﺣﺎﻃﻪ ﺭﺍﺳﻚ ﻣﻦ ﺭﺍﺳﻬﺎ
ﻋﻤﺘﻲ : ﻫﻚ ﻣﺶ ﻋﺎﺟﺒﺘﻨﻲ ﻓﻲ ﺍﻟﻨﻬﺎﻳﻪ ﻫﺎﻟﺠﺎﻫﻠﻪ ﺗﺠﻲ ﺗﺨﺶ ﻟﻠﻘﺼﻮﺭ ﻫﻪ ﻫﻀﺎ ﻣﺎ ﻧﺎﻗﺺ ﻧﺎ ﻣﺎﻧﺒﻴﻬﺶ ﺗﻨﻔﺘﺢ ﻋﻴﻮﻧﻬﺎ ﻭﺗﺘﺎﻣﻞ ﺣﺠﺎﺕ ﺍﻛﺒﺮ
ﻣﺤﻤﺪ : ﻻ ﺍﻧﺎ ﻓﺎﻫﻢ ﺷﻦ ﺍﻧﺪﻳﺮ ﻭﺍﻧﺎ ﻫﻜﻲ ﻣﺘﺮﻳﺢ ﻉ ﺍﻻﺧﺮ
ﻋﻤﺘﻲ : ﺑﺎﻫﻲ ﻳﺎﻣﺤﻤﺪ ﺑﺎﻫﻲ ﺑﺲ ﺍﻋﺮﻑ ﻧﻬﺎﻳﺘﻚ ﺟﺎﻱ ﻟﻤﺮﻭﻩ ﻫﻴﺎ ﺍﻟﻠﻲ ﺗﺴﺘﺎﻫﻠﻚ
ﻣﺤﻤﺪ ﻓﺎﺗﻬﺎ ﻭﺭﻛﺒﻠﻲ ﻭﺍﻭﻝ ﻣﺎﺧﺶ ﻟﻘﺎ ﺍﻟﻀﻮﺍﻳﻪ ﻃﺎﻓﻴﺎﺕ ﻭﺍﻟﺤﻮﺵ ﻛﻠﻪ ﺷﻤﻮﻉ ﻭﻭﺭﺩ ﻭﺍﻟﻄﺎﻭﻟﻪ ﺍﻟﻠﻲ ﻓﻲ ﺍﻟﺼﺎﻟﻪ ﻋﻠﻴﻬﺎ ﻋﺼﻴﺮ ﻭﻭﺭﺩ ﻣﺠﻔﻒ
ﻣﺤﻤﺪ ﺍﺑﺘﺴﻢ ﻭﺧﺶ ﻳﺪﻭﺭ ﻓﻴﺎ ﻓﻲ ﺩﺍﺭ ﺍﻟﻨﻮﻡ ﻭﺍﻧﺎ ﻛﻨﺖ ﻭﺭﺍ ﺍﻟﺒﺎﺏ ﺧﺶ ﻟﻠﺪﺍﺭ ﺟﻴﺖ ﻣﻦ ﻭﺭﺍ
ﺍﻧﺎ : ﻧﺤﺒﻚ
ﻣﺤﻤﺪ : ﻧﻤﻮﻭﺕ ﻓﻴﮓ ( ﻭﺑﺮﻡ ﻋﻠﻴﺎ )
ﺍﻧﺎ : ﺣﻴﺎﺗﻲ ﻫﻴﺎ ﺗﻌﺎﻝ ﺟﻌﺎﻧﻪ ﻣﻦ ﺍﻣﺲ ﻣﺶ ﻭﺍﻛﻠﻪ ﺷﻲ
ﻣﺤﻤﺪ : ﺗﻌﺎﻟﻲ ﻭﻧﻮﻛﻠﻚ ﺍﻧﺎ ﺑﻴﺪﻳﺎ ﺗﻌﺎﻟﻲ ﻫﻴﺎ ﻭﺭﻓﻌﻨﻲ
ﺍﻧﺎ : ﻫﻬﻬﻬﻪ ﺑﻨﻘﻄﻌﻠﻚ ﻗﻠﺒﻚ
ﻣﺤﻤﺪ : ﺍﻫﺎﺍ ﺭﺍﻳﺤﻪ ﺛﻘﻴﻠﻪ ﺑﺲ ﻧﻘﺪﺭ ﻋﻠﻴﻚ
ﺍﻧﺎ : ﻣﺶ ﻣﻨﻲ ﻣﻦ ﻭﻟﺪﻙ
ﻭﺣﻄﻨﻲ ﻉ ﺍﻟﻜﻨﺒﻪ ﻭﻣﺸﺎ ﺧﺶ ﻟﻠﺪﺍﺭ ﻭﺍﻧﺎ ﻭﺗﻴﺖ ﺍﻟﺴﻔﺮﻩ ﻭﻃﻠﻊ ﻟﻘﺎﻧﻲ ﻣﻮﺗﻴﻪ ﻛﻞ ﺣﺎﺟﻪ ﻓﺘﺢ ﻃﺒﻖ ﺍﻟﺒﻴﺘﺰﺍ ﻭﺟﻴﺖ ﻧﺒﻲ ﻧﺎﺧﺾ ﻭﺣﺪﻩ ﺿﺮﺑﻨﻲ ﻋﻠﻲ ﻳﺪﻱ
ﺍﻧﺎ : ﺍﻳﻴﻴﻲ ﺟﻌﺎﻧﻪ
ﻣﺤﻤﺪ : ﻻﻻﻻﻻ ﻧﺎ ﻧﻮﻛﻠﻚ
ﺍﻧﺎ : ﻭﺍﻟﻠﻪ ﺍﻧﺖ ﻛﻮﻝ ﺍﻧﺎ ﺗﻮﺍ ﻧﺎﻛﻞ ﺑﺮﻭﺣﻲ
ﻣﺤﻤﺪ : ﺗﺆﺗﺆﺗﺆ ( ﻭﺧﻀﺎ ﻃﺮﻑ ﺑﻴﺘﺰﺍ ) ﻫﻴﺎ ﺍﻓﺘﺤﻲ ﻓﻤﻚ
ﻓﺘﺤﺖ ﻓﻤﻲ ﻭﻭﻛﻠﻨﻲ ﻭﺗﻤﻴﻨﺎ ﻫﻜﻲ ﻣﺶ ﻣﺨﻠﻴﻨﻲ ﻧﺎﻛﻞ ﺷﻲ ﺍﻟﻼ ﺍﻟﺒﻄﺎﻃﻪ ﺍﻣﺎ ﺍﻟﺒﻴﺘﺰﺍ ﻫﻮﺍ ﻳﻮﻛﻞ ﻓﻴﺎ ﻭﻛﻤﻠﻨﺎ ﻭﺭﻓﻌﺖ ﻭﺍﻟﻘﻴﺘﻪ ﻣﺘﻜﻲ ﻓﻲ ﺍﻟﺪﺍﺭ ﻭﻳﺒﺤﺖ ﻓﻲ ﺍﻟﺴﻘﻒ
ﺍﻧﺎ ﺟﻴﺘﻪ ﻭﺗﻤﻴﺖ ﻧﻤﺸﻲ ﻓﻲ ﻳﺪﻱ ﻉ ﺷﻌﺮﻩ
ﺍﻧﺎ : ﺑﻴﺒﻲ ﺷﻦ ﺗﻔﻜﺮ
ﻣﺤﻤﺪ : ﺍﺳﻤﻌﻲ ﺍﻧﺎ ﻋﻨﺪﻱ ﻣﺸﺮﻭﻉ ﺧﺎﻃﺮﻱ ﺍﻧﺪﻳﺮﻩ
ﺍﻧﺎ : ﺷﻨﻮ
ﻣﺤﻤﺪ : ﺑﻨﺪﻳﺮ ﻣﺤﻞ ﺩﺑﺶ ﺑﺲ ﻧﺒﻴﻪ ﺭﺍﻗﻲ ﻭﻣﻤﻴﺰ
ﺍﻧﺎ : ﻛﻴﻒ
ﻣﺤﻤﺪ : ﻳﻌﻨﻲ ﻣﺶ ﺍﻱ ﺩﺑﺶ ﻧﺒﻲ ﺩﺑﺶ ﻓﺨﻢ ﻛﻴﻒ ﺍﻻﺟﺎﻧﺐ ﺗﻮﺍ ﺍﻧﺘﻌﺎﻣﻞ ﻣﻊ ﻣﺤﻼﺕ ﺑﺮﺍ ﻓﻲ ﻓﺮﻧﺴﺎ ﻭﺍﺑﺮﻳﻄﺎﻧﻴﺎ ﻭﻟﻨﺪﻥ ﻧﺒﻲ ﺩﺑﺸﻬﻢ ﻭﻣﺎﻧﺒﻴﺶ ﻭﺍﺟﺪ ﻛﻞ ﻗﻄﻌﻪ ﻟﻮﻧﻴﻦ ﺑﺲ ﻋﺸﺎﻥ ﻳﻨﺘﺸﺮ ﺍﻛﺜﺮ ﺍﻟﻤﺤﻞ
ﺍﻧﺎ : ﺣﻠﻮﻩ ﺍﻟﻔﻜﺮﻩ .
ﻣﺤﻤﺪ : ﻳﻌﻨﻲ ﻧﺒﺪﺍ ﻓﻴﻬﺎ
ﺍﻧﺎ : ﺍﻫﺎ ﺑﺲ ﺩﻭﺭ ﻣﻜﺎﻥ ﻓﻲ ﻭﺳﻂ ﺍﻟﺒﻼﺩ ﻳﻌﻨﻲ ﻭﺍﺿﺢ ﻣﺶ ﻣﺘﺮﻛﻦ
ﻣﺤﻤﺪ : ﺍﻟﻘﻴﺖ ﻣﻜﺎﻥ ﺳﻤﺢ ﻓﻲ ﻭﺳﻂ ﻣﺤﻼﺕ ﻣﻼﺑﺲ
ﺍﻧﺎ : ﺍﻫﺎ ﺣﺒﻲ ﺗﻮﺍ ﺍﻧﺪﻳﺮﻭ ﺻﻔﺤﻪ ﻧﺴﻤﻮﻫﺎ ﺑﺎﺳﻢ ﺍﻟﻤﺤﻞ ﻭﻛﺮﺕ ﻓﻴﻪ ﺍﺳﻢ ﺍﻟﺼﻔﺤﻪ ﺍﻟﻠﻲ ﺗﺸﺮﻱ ﺣﺎﺟﻪ ﺗﺤﻄﻪ ﻟﻬﺎ
ﻣﺤﻤﺪ : ﺍﻫﺎ ﺗﻮﺍ ﻧﻄﺒﻌﻬﻦ
ﺍﻧﺎ : ﻭﺩﻭﺭ ﻋﺎﻣﻠﻴﻦ ﻣﻦ ﺗﻮﺍ
ﻣﺤﻤﺪ : ﺗﺆﺗﺆ ﻓﻲ ﻭﺍﺣﺪ ﻧﺒﻴﻪ ﻳﺸﺘﻐﻞ ﻓﻴﻪ
ﺍﻧﺎ : ﻣﻦ
ﻣﺤﻤﺪ : ﻭﺍﺣﺪ ﻣﺘﻌﺮﻓﻴﺶ ﺗﻮﺍ ﺑﻨﺼﺒﻲ ﻧﺼﻠﻲ ﻭﻧﻤﺸﻴﻠﻪ
ﺍﻧﺎ : ﺍﻭﻙ ﺣﻴﺎﺗﻲ
ﺻﺒﺎ ﺻﻠﻰ ﻭﻏﻴﺮ ﺩﺑﺸﻪ ﻭﻃﻠﻊ ﻭﺭﻥ ﻋﻠﻲ ﺭﺍﻣﻲ
ﻣﺤﻤﺪ : ﺍﻟﺴﻼﻡ ﻋﻠﻴﻜﻢ
ﺭﺍﻣﻲ : ﻭﻋﻠﻴﻜﻢ ﺍﻟﺴﻼﻡ
ﻣﺤﻤﺪ : ﺷﻦ ﺍﺧﺒﺎﺭﻙ
ﺭﺍﻣﻲ : ﺗﻤﺎﻡ ﻋﻔﻮﺍ ﻣﻨﻮ ﻣﻌﺎﻱ
ﻣﺤﻤﺪ : ﺍﻧﺎ ﻣﺤﻤﺪ ﻋﺮﻓﺘﻨﻲ
ﺭﺍﻣﻲ : ﺍﺳﻒ ﺧﻮﻱ ﻣﻤﻜﻦ ﺗﺬﻛﺮﻧﻲ
ﻣﺤﻤﺪ : ﻧﺘﻼﻗﻮ ﻭﺗﻮﺍ ﺗﻌﺮﻓﻨﻲ
ﺭﺍﻣﻲ : ﺍﻭﻙ ﻭﻳﻦ ﺗﺒﻲ
ﻣﺤﻤﺪ : ﺗﻮﺍ ﻧﺘﻼﻗﻮ ﻓﻲ ﻣﻘﻬﻰ ……………
ﺭﺍﻣﻲ : ﺍﻧﺸﺎﺀ ﺍﻟﻠﻪ ﺑﺲ ﻋﻄﻴﻨﻲ ﻧﺺ ﺳﺎﻋﻪ ﻭﻧﺠﻴﻚ
ﻣﺤﻤﺪ : ﺗﻤﺎﻡ ﺍﻭﻙ
ﺑﻌﺪ ﻧﺺ ﺳﺎﻋﻪ ﺧﺶ ﺭﺍﻣﻲ ﻟﻠﻤﻘﻬﻰ ﻭﻣﺤﻤﺪ ﺷﻴﺮﻟﻪ ﺑﻴﺪﻩ ﻭﺟﺎﻩ
ﺭﺍﻣﻲ : ﻫﻀﺎ ﺍﻧﺖ ﺍﺳﻒ ﺑﺲ ﻭﺍﻟﻠﻪ ﻣﺎﻣﻴﺰﺗﺶ ﺳﺎﻣﺤﻨﻲ
ﻣﺤﻤﺪ : ﺗﺆ ﻋﺎﺩﻱ ﺭﺍﻣﻲ ﻧﺒﻴﻚ ﻓﻲ ﻣﻮﺿﻮﻉ
ﺭﺍﻣﻲ : ﺷﻦ ﺗﻔﻀﻞ
ﻣﺤﻤﺪ : ﺷﻮﻑ ﺍﻧﺎ ﻣﺎﻧﺒﻴﻜﺶ ﺗﻔﻬﻤﻨﻲ ﻏﻠﻂ ﺍﻧﺎ ﺑﻨﻔﺘﺢ ﻣﺤﻞ ﻭﻧﺒﻲ ﻭﺍﺣﺪ ﻣﺤﺘﺮﻡ ﻭﻧﻘﻌﺪ ﻭﺍﺛﻖ ﻓﻴﻪ ﻭﺭﺍﺟﻞ ﻧﺴﻠﻤﻪ ﻟﻪ
ﺭﺍﻣﻲ : ﻳﻌﻨﻲ ﺗﺒﻴﻨﻲ ﻧﺼﺒﻲ ﻓﻴﻪ
ﻣﺤﻤﺪ : ﺍﻫﺎ ﺍﻧﺖ ﻣﻌﻨﺪﻛﺶ ﺷﻐﻠﻪ ﺛﺎﺑﺘﻪ ﻓﺎﻫﻮ ﺟﺎﺗﻚ ﻭﺍﻧﺎ ﻣﺶ ﻣﺤﺘﺎﺝ ﻳﻌﻨﻲ ﻣﺶ ﺣﻨﺸﺪ ﻋﻠﻴﻚ ﺑﺲ ﺍﻟﺮﺍﺗﺐ ﺗﺤﺖ ﺍﻝ 500 ﻣﺎﻳﻘﻠﺶ ﻋﻠﻲ ﺣﺴﺐ ﺍﻟﻌﻤﻞ ﻧﻌﻄﻴﻚ ﻋﺎﺩﻱ ﺟﺪﺍ ﺷﻬﺮ ﻧﻌﻄﻴﻚ 3000 ﺷﻬﺮ ﻧﻌﻄﻴﻚ 1000 ﺍﻟﻤﻬﻢ ﻧﺒﻲ ﺣﺪ ﺭﺍﺟﻞ ﻭﺑﺼﺮﺍﺣﻪ ﺍﻧﺖ ﺍﺛﺒﺘﻠﻲ ﺍﻧﻚ ﺭﺍﺟﻞ ﻣﻦ ﺍﻟﻤﻮﻗﻒ ﺍﻟﻲ ﺻﺎﺭ ﻭﻧﺒﻴﻚ ﺗﻌﺎﻣﻠﻨﻲ ﻛﺎﻧﻲ ﺻﺎﺣﺒﻚ ﻣﺶ ﻣﺪﻳﺮﻙ
ﺭﺍﻣﻲ ﻃﺒﺲ ﺭﺍﺳﻪ : ﺍﻭﻙ ﻣﻮﺍﻓﻖ
ﻣﺤﻤﺪ ﺣﺲ ﺍﻧﻪ ﻣﻀﺎﻳﻖ : ﺻﺒﻲ ﻧﻤﺸﻮ ﻟﻠﺒﺤﺮ ﺻﺒﻲ
ﺭﺍﻣﻲ : ﻫﻬﻬﻪ ﺷﻦ ﺧﻄﺮ ﻋﻠﻴﻚ
ﻣﺤﻤﺪ : ﻓﻲ ﻋﻴﻮﻧﻚ ﻛﻼﻡ ﺗﻌﺎﻝ ﻫﻴﺎ
ﻭﻣﺸﻮ ﻉ ﺍﻟﺒﺤﺮ
ﻣﺤﻤﺪ : ﺍﺣﻜﻲ
ﺭﺍﻣﻲ : ﺷﻦ ﻧﺤﻜﻲ ( ﻭﻛﺎﻥ ﻳﺒﻴﻦ ﻓﻲ ﺭﻭﺣﻪ ﻋﺎﺩﻱ )
ﻣﺤﻤﺪ : ﺍﺣﻜﻲ ﻗﻮﻝ ﺷﻦ ﻓﻲ ﻣﺎﻟﺪﺳﺶ ﻋﻠﻴﺎ ﺍﻧﺖ ﻋﺎﺭﻑ ﺍﻟﻠﻲ ﻫﻨﺎﻙ ﺍﺣﻜﻲ
ﺭﺍﻣﻲ ﺣﺲ ﺍﻧﻪ ﺿﺮﻭﺭﻱ ﻳﺤﻜﻲ : ﺍﺧﺘﻲ ﻓﻘﺪﺕ ﺷﺮﻓﻬﺎ
ﻣﺤﻤﺪ : ﻫﻴﺎ ﺍﻟﻠﻲ ﻛﺎﻧﺖ ﻣﺨﻄﻮﻓﻪ
ﺭﺍﻣﻲ : ﺍﻫﺎ ﻣﻦ ﺍﻭﻝ ﻣﺎﺟﺖ ﻭﻫﻴﺎ ﻣﺶ ﻋﻠﻲ ﺑﻌﻀﻬﺎ ﻭﻛﺎﻧﺖ ﺧﺎﻳﻔﻪ ﻭﺣﺘﻰ ﻧﺎ ﺧﻮﻫﺎ ﻣﺎﺗﺒﻴﻨﻴﺶ ﻧﻘﺮﺏ ﻣﻨﻬﺎ ﻧﺤﻜﻲ ﻣﻌﺎﻫﺎ ﻣﻦ ﺑﻌﻴﺪ ﻟﺒﻌﻴﺪ ﺍﻣﺲ ﺍﻟﻘﻴﺖ ﺣﺒﻮﺏ ﻣﻨﻊ ﺣﻤﻞ ﻟﻤﺎ ﻫﺰﺑﺘﻬﺎ ﺣﻜﺘﻠﻲ
ﻣﺤﻤﺪ : ﺍﻓﻔﻔﻔﻒ ﺗﻮﺍ ﺷﻦ ﺑﺪﻳﺮ
ﺭﺍﻣﻲ : ﺷﻦ ﺷﻦ ﺍﻧﺪﻳﺮ ﻧﺎ ﻣﻌﺮﻓﺘﺶ ﺍﻧﺤﺎﻓﻆ ﻋﻠﻴﻬﻦ ﻣﻦ ﺍﻻﻭﻝ
ﻣﺤﻤﺪ : ﺍﻫﺪﺍ ﻣﺶ ﻫﻜﻲ ﺗﻨﺤﻞ ﺗﻮﺍ ﺗﺒﻲ ﺗﻌﺮﻑ ﻣﻨﻮ ﺍﻟﻠﻲ ﺩﺍﺭ ﻫﻜﻲ ﻧﺎ ﻧﺠﻴﺒﻪ ﻟﻚ
ﺭﺍﻣﻲ : ﺑﺎﻫﻲ ﺟﺒﺘﻪ ﻟﻴﺎ ﻭﺿﺮﺑﺘﻪ ﻭﻓﺸﻴﺖ ﻏﻠﻲ ﻭﻗﺘﻠﺘﻪ ﺑﻌﺪﻫﺎ ﺷﻦ ﻳﺒﻲ ﻳﺼﻴﺮ ﺑﻴﺠﻮﺯﻫﺎ ﻣﺜﻼ ﻫﻪ
ﻣﺤﻤﺪ : ﺍﻫﺪﺍ ﺑﺲ ﺗﻮﺍ ﻫﻴﺎ ﺷﻦ ﺣﺎﻟﻬﺎ
ﺭﺍﻣﻲ : ﺣﺎﺑﺴﻪ ﺭﻭﺣﻬﺎ ﻓﻲ ﺍﻟﺪﺍﺭ ﻭﻟﻤﺎ ﻧﺎ ﻧﻘﻌﺪ ﻓﻲ ﺍﻟﺤﻮﺵ ﺗﻘﻔﻞ ﻋﻠﻲ ﺭﻭﺣﻬﺎ ﺍﻟﺒﺎﺏ ﻭﺍﻧﺎ ﺧﻮﻫﺎ ﻧﺒﻲ ﻣﻨﻬﺎ ﺣﺎﺟﻪ ﺍﻧﺪﺯﻟﻬﺎ ﺍﺧﺘﻲ ﺍﻟﺼﻐﻴﺮﻩ ﻭﻧﺨﺶ ﻟﻠﺪﺍﺭ ﻋﻠﻲ ﻣﺎﺟﻬﺰﺗﻬﺎ ﻟﻴﺎ
ﻣﺤﻤﺪ : ﺑﺎﻫﻲ ﺷﻮﻓﻠﻬﺎ ﺩﻛﺘﻮﺭﻩ ﻧﻔﺴﻴﻪ
ﺭﺍﻣﻲ : ﺗﻮﺍ ﺍﻧﺸﻮﻑ ﺗﻮﺍ ﺑﻨﺮﻭﺡ ﻭﺑﻴﻨﺎﺗﻨﺎ ﺗﻠﻴﻔﻮﻥ
ﻣﺤﻤﺪ : ﺍﻧﺸﺎﺀ ﺍﻟﻠﻪ
ﻭﺭﻭﺡ ﺭﺍﻣﻲ ﻭﺭﻭﺡ ﻣﺤﻤﺪ
~~~~~~~~~''''''''~~~~~~~~~~
ﺗﻮﻗﻌﺎﺗﮕﻢ
