ﺍﻟﺤﻠﻘﻪ 30
# ﻟﺮﺑﻤﺎ
~~~~~~~~~ ~~~~~~~~
ﺗﻠﻴﻔﻮﻧﻲ ﺭﻥ
ﺍﻧﺎ : ﻋﺒﺪﺍﻟﻠﻪ
ﻣﺤﻤﺪ : ﺷﻮﻓﻴﻪ ﻛﻨﻪ
ﺭﺩﻳﺖ
ﺍﻧﺎ : ﺍﻟﻮﻭ
ﺍﻣﻴﺮﻩ : ﺍﻧﺎ ﺍﻣﻴﺮﻩ
ﺍﻧﺎ : ﺍﻳﻮﻩ ﺍﻣﻴﺮﻩ
ﺍﻣﻴﺮﻩ : ﺷﺠﻮﻙ
ﺍﻣﺎ : ﺗﻤﺎﻡ
ﻭﻧﺰﻟﺖ ﺗﻤﻴﺖ ﻧﺴﺨﻦ ﻓﻲ ﺍﻟﺴﺤﻮﺭ ﻭﻭﻟﻌﺖ ﺍﺳﺒﻜﺮ
ﺍﻣﻴﺮﻩ : ﺷﻨﺠﻮ ﺍﻟﻜﺘﻜﻮﺗﻲ
ﺍﻧﺎ : ﺍﻟﻴﻮﻡ ﻋﺎﻳﻨﺖ ﻗﺎﻟﻮﻟﻲ ﺍﻟﺸﻬﺮ ﺍﻟﺴﺎﺩﺱ ﻭﻭﻟﺪ
ﺍﻣﻴﺮﻩ : ﺻﺎﺍﺡ ﺑﺎﻫﻲ ﺍﺑﺪﻱ ﺍﺷﺮﻱ ﺍﻟﺒﺶ ﻣﻦ ﺗﻮﺍ ﻋﺸﺎﻥ ﺑﻌﺪﻳﻦ ﻣﺎﺗﻨﺰﺭﻳﺶ
ﺍﻧﺎ : ﻋﺎﺭﻓﻪ ﻭﺧﺎﻃﺮﻱ ﻧﺒﺪﺍ ﻭﻣﺤﻤﺪ ﺩﺍﻳﺮ ﺩﺍﺭ ﻛﺎﻣﻠﻪ ﻟﻠﺒﻴﺒﻲ
ﺍﻣﻴﺮﻩ : ﺑﺎﻫﻲ ﺍﺑﺪﻱ ﻓﻴﻬﺎ ﻓﺮﺷﻪ ﻭﺳﺮﻳﺮ ﺍﺑﺪﻱ ﻣﻦ ﺗﻮﺍ
ﻭﻣﺤﻤﺪ ﻗﻌﺪ ﻓﻲ ﺍﻟﺼﺎﻟﻪ ﻉ ﺍﻟﻨﻘﺎﻝ ﻭﺍﻧﺎ ﻣﺶ ﻓﺎﻃﻨﻪ ﻭﻧﺤﻜﻲ ﻉ ﺍﺳﺎﺱ ﻫﻮﺍ ﻓﻮﻕ ﻭﻛﺎﻥ ﺻﻮﺗﻨﺎ ﻭﺍﺻﻞ ﻟﻠﺼﺎﻟﻪ
ﺍﻧﺎ : ﻋﺎﺭﻓﻪ ﺧﺎﻃﺮﻱ ﻓﻲ ﺩﺍﺭ ﺍﻟﺒﻴﺒﻲ ﺗﻜﻮﻥ ﺯﻱ ﺩﺍﺭ ﺍﻻﺟﺎﻧﺐ ﺳﺮﻳﺮ ﺣﻠﻮ ﻭﺭﺍﻗﻲ ﺍﻟﺪﻭﻻﺏ ﻓﺨﻢ ﻓﺮﺷﻪ ﺣﻠﻮﻩ ﻭﺭﺍﻗﻴﻪ ﺣﺘﻰ ﺩﺑﺸﻪ ﻧﺒﻴﻪ ﻛﻠﻪ ﺭﺍﻗﻲ
ﺍﻣﻴﺮﻩ : ﺑﺎﻫﻲ ﺍﻧﺘﻲ ﺭﺍﺟﻠﻚ ﺣﺎﻟﺘﻪ ﺍﻟﻤﺎﺩﻳﻪ ﻛﻮﻳﺴﻪ ﺗﻘﺪﺭﻱ ﺗﺸﺮﻱ ﺣﺠﺎﺕ ﻓﺨﻤﺎﺕ ﻭﻏﺎﻟﻴﺎﺕ
ﺍﻧﺎ : ﺍﻣﻮﺭﻩ ﻧﺎ ﺧﺎﻳﻔﺘﻪ ﻳﻘﻮﻝ ﻋﻠﻴﺎ ﻃﻤﺎﻋﻪ ﺷﻮﻓﻲ ﺗﻮﺍ ﺍﻧﺎ ﻧﺤﺲ ﻓﻲ ﺭﻭﺣﻲ ﻛﺜﺮﺕ ﻋﻠﻴﻪ ﺑﻜﻞ ﺍﻓﻔﻔﻒ ﻃﻠﺒﺎﺗﻲ ﻭﺍﺟﺪﺍﺕ ﻧﺎ ﻣﺎﻧﺒﻴﺶ ﻳﺤﺴﺎﺏ ﺍﻧﻲ ﻣﺰﻭﺟﺘﻪ ﻋﺸﺎﻥ ﻓﻠﻮﺳﻪ ﻓﺎﻫﻤﺘﻨﻲ
ﺍﻣﻴﺮﻩ : ﻓﺎﻫﻤﺘﻚ ﺑﺲ ﺭﺍﻩ ﺭﺍﺟﻠﻚ ﻭﺍﻟﻠﻲ ﺑﻴﺠﻴﺒﻠﻪ ﻭﻟﺪﻩ ﻳﻌﻨﻲ ﻧﺎ ﻧﺸﻮﻑ ﻓﻴﻌﺎ ﻋﺎﺩﻱ
ﺍﻧﺎ : ﺗﻮﺍ ﻛﻨﺖ ﻧﺒﻲ ﺍﻧﻘﻮﻟﻪ ﺑﺲ ﺣﺴﻴﺖ ﺭﻭﺣﻲ ﻛﺜﺮﺕ ﻃﻠﺒﺎﺕ
ﺍﻣﻴﺮﻩ : ﻭﺑﻌﺪﻳﻦ ﺍﻧﺘﻲ ﺭﺍﺟﻠﻚ ﺗﻔﻜﻴﺮﻩ ﺭﺍﻗﻲ ﻳﻌﻨﻲ ﺣﻴﺘﻔﻬﻤﻚ ﺍﺣﻜﻲ ﻣﻌﺎﻩ ﻭﺩﻳﺮﻱ ﺍﻟﻠﻲ ﺗﺒﻴﻪ ﻋﻴﺸﻲ ﺣﻴﺎﺗﻚ ﻭﺩﻟﻌﻲ ﻭﻟﺪﻙ ﺍﻭﻝ ﻋﻴﺎﻟﻚ ﺍﻭﻝ ﻭﻟﺪ ﺑﻴﻘﻮﻟﻚ ﻳﺎﻣﺎﻣﺎ ﻭﺍﻭﻝ ﻭﻟﺪ ﺑﻴﺠﻨﻨﻚ ﺩﻟﻌﻴﻪ ﻗﺒﻞ ﻣﺎﻳﺠﻲ ﺍﺥ ﻳﺎﺧﺾ ﻣﻜﺎﻧﻪ
ﺍﻧﺎ : ﻳﺼﻴﺮ ﺧﻴﺮ ﺗﻮﺍ ﻧﻘﻮﻟﻪ
ﺍﻣﻴﺮﻩ : ﺑﺎﻫﻲ ﺷﻦ ﺟﻮﻛﻢ ﺗﻮﺍ ﻳﻌﻨﻲ ﺗﺮﺍﺿﻴﺘﻮ ﺗﺮﺍﺿﻴﺘﻮ ﻭﺍﻟﻠﻪ ﻛﻼﻡ ﺭﺳﻤﻲ
ﺍﻧﺎ : ﺗﺆﺗﺆ ﺭﺍﺿﺎﻧﻲ ﻭﺟﺎﺑﻠﻲ ﺳﻨﺴﻠﻪ ﺗﺠﻨﻦ ﺧﻴﺎﻝ ﻭﺑﻜﺮﻩ ﻣﺴﺎﻓﺮﻩ
ﺍﻣﻴﺮﻩ : ﻫﻴﻴﻴﻴﻴﻲ ﻳﺎﺧﺎﻳﻨﻪ ﻭﻛﻨﻚ ﻣﺎﻗﻠﺘﻲ ﻭﻭﻳﻦ ﻣﺴﺎﻓﺮﻩ
ﺍﻧﺎ : ﺍﺳﻄﻨﺒﻮﻝ
ﺍﻣﻴﺮﻩ : ﺑﺎﻫﻲ ﻋﺪﻱ ﻟﺮﺍﺟﻠﻚ ﺍﻛﻴﺪ ﻣﺮﺍﻳﻒ ﻋﻠﻴﻚ
ﺍﻧﺎ : ﻫﻬﻬﻬﻪ ﺳﻼﻡ
ﺍﻣﻴﺮﻩ : ﺳﻼﻣﺎﺕ
( ﻭﻃﺒﻌﺎﻫﻀﺎ ﻛﻠﻪ ﻭﻣﺤﻤﺪ ﻳﺴﻤﻊ ﻭﻭﺟﻌﻪ ﻻﻥ ﻣﺎﺣﻜﻴﺘﻠﺶ ﻭﺗﺤﺸﻤﺖ ﻣﻨﺎ )
ﻭﺻﻜﺮﺕ ﻭﺩﺭﺕ ﺳﺤﻮﺭ ﻭﺣﻄﻴﺖ ﻭﺗﺴﺤﺮﻧﺎ ﻭﻫﻮﺍ ﺭﻛﺐ ﻭﺍﻧﺎ ﻛﻤﻠﺖ ﺍﻟﻤﻄﺒﺦ ﻭﻟﺤﻘﺘﻪ ﺍﻟﻘﻴﺘﻪ ﻉ ﺍﻟﻔﻮﻥ
ﺍﻧﺎ : ﺣﺒﻴﺒﻲ ﻧﺒﻴﻚ ﻓﻲ ﻣﻮﺿﻮﻉ
ﻣﺤﻤﺪ ﻗﻌﻤﺰ : ﺷﻦ ﺣﺒﻴﺒﻲ
ﺍﻧﺎ : ﺍﻣﻤﻤﻤﻢ ﺍﺳﻤﻊ ﻧﺒﻲ ﻧﺒﺪﺍ ﻓﻲ ﺩﺍﺭ ﺍﻟﺒﻴﺒﻲ ﻋﺸﺎﻥ ﺑﻌﺪﻳﻦ ﻣﺎﻧﺘﻌﺒﺶ ﻓﻲ ﺍﻟﺤﺠﺎﺕ ﻳﻌﻨﻲ ﺍﻧﺖ ﺗﺒﻴﻨﻲ ﻧﻄﻠﻊ ﻫﻨﺎ ﻭﺍﻟﻠﻪ ﻋﻨﺪ ﻫﻠﻲ
ﻣﺤﻤﺪ : ﻻﻻ ﺑﻴﺎﺕ ﺑﺮﻩ ﻧﻮ ﻫﻨﺎ ﺗﻄﻠﻌﻴﻠﻲ ﻭﻛﺎﻥ ﺑﺘﻘﻌﺪ ﻭﺣﺪﻩ ﻣﻦ ﺧﻮﺍﺗﻚ ﺗﺴﺎﻋﺪﻙ ﻋﺎﺩﻱ
ﺍﻧﺎ : ﻫﻤﻢ ﺍﻭﻙ ﻣﻌﻨﺎﻫﺎ ﻧﺒﺪﻭ ﻓﻲ ﺍﻟﺪﺍﺭ ﻣﻦ ﺗﻮﺍ ﻛﻞ ﻣﺮﻩ ﺍﻧﺠﻴﺒﻮ ﺣﺎﺟﻪ ﻻﻥ ﺣﺒﻴﺒﻲ ﺍﻭﻝ ﻣﺎ ﻧﺠﻴﺐ ﺣﻴﺠﻮ ﺍﻗﺎﺭﺑﻨﺎ ﻛﻠﻬﻢ ﻭﺣﻨﺪﻳﺮﻭ ﻋﺸﺎ ﻫﻀﺎ ﺧﺎﻃﻲ ﻋﺸﺎﺀ ﺍﻻﺳﺒﻮﻉ ﻭﺧﺎﻃﻲ ﺍﻟﺤﻠﻮﻳﺎﺕ ﻭﺍﻟﻤﻮﺍﻟﺢ ﻭﺧﺎﻃﻲ ﺍﻥ ﻛﻞ ﻣﺮﻩ ﺟﺎﻳﻪ ﻭﺣﺪﻩ ﻳﻌﻨﻲ ﻫﻀﺎ ﻛﻠﻪ ﺑﻨﺠﻴﺒﻮﻩ ﻑ ﻧﺒﺪﻭ ﻣﻦ ﺗﻮﺍ ﺍﻟﻠﻲ ﻧﻔﺘﻜﻮ ﻣﻨﻬﺎ ﻧﻔﺘﻜﻮ
ﻣﺤﻤﺪ : ﻳﺪﻟﻞ ﻏﺰﺍﻝ ﺑﻮﻩ ﺍﻭﻝ ﻃﺮﻑ ﻋﺎﺩ
ﺍﺗﺎ : ﻫﻬﻬﻬﻬﻪ ﺍﻛﻴﺪ ﺑﺲ ﻳﺎﺧﻮﻓﻲ ﻟﻤﺎ ﻧﺠﻴﺐ ﺗﻔﻮﺗﻨﻲ
ﻣﺤﻤﺪ : ﺍﻧﺎ ﻧﻔﻮﺗﻚ
ﺍﻧﺎ : ﺍﻫﺎ ﺗﻘﻌﺪ ﺍﻟﺪﻟﻊ ﻓﻴﻪ ﻭﺗﺤﺒﻪ ﺍﻛﺜﺮ ﻣﻨﻲ
ﻣﺤﻤﺪ : ﻣﺎﻋﺎﺵ ﺍﻟﻠﻲ ﻳﺎﺧﺾ ﻏﻼﻙ
ﺍﻧﺎ : ﻧﺤﺒﻚ
ﻣﺤﻤﺪ : ﻧﻌﺸﻘﻚ
ﻭﺭﻗﺪﻧﺎ ﻭﻧﻀﻨﺎ ﺛﺎﻧﻲ ﻳﻮﻡ ﻉ ﺍﻟﺴﺎﻋﻪ 5 ﺍﻟﻘﺎﻳﻠﻪ ﻭﻣﺤﻤﺪ ﻭﻋﺎ ﻭﺟﺎﺏ ﻓﻄﻮﺭ ﺷﺮﺑﻪ ﻭﺧﻄﻢ ﻋﻠﻲ ﻣﺤﻞ ﻣﻮﺍﻟﺢ ﺟﺎﺏ ﻣﻨﻪ ﻓﺨﺬﻩ ﺍﻟﻬﺎﻧﻢ ﻭﻛﻔﺘﻪ ﻣﺸﻮﻳﻪ ﻭﺟﺎ ﺍﻣﺎ ﺍﻧﺎ ﻟﻤﻴﺖ ﺍﻟﺤﻮﺵ ﻭﻭﺗﻴﺖ ﺍﻟﺼﺎﻛﻮ ﻭﺭﺍﺟﻴﺘﻪ ﺟﺎ ﻭﺟﺎﺏ ﺍﻟﺤﺎﺟﺎﺕ ﻭﺍﺫﻥ ﺍﻟﻤﻐﺮﺏ ﻭﺻﺨﻨﺖ ﺍﻟﺤﺠﺎﺕ ﻭﻓﻄﺮﻧﺎ ﻭﻟﻤﻴﺖ ﺍﻟﺪﻧﻴﺎ ﻭﺍﻟﻰ ﺍﻟﻤﻄﺎﺭ ﻭﻧﺎﺩﻭ ﻋﻠﻴﻨﺎ ﻭﺭﻛﺒﻨﺎ ﺍﻟﻄﻴﺎﺭﻩ ﻭﺍﻭﻝ ﻣﺎﻗﺎﻟﻮ ﺗﺒﻲ ﺗﻘﻠﻊ
ﺍﻧﺎﻣﺴﻜﺖ ﻓﻴﻪ ﺯﻳﻦ
ﻣﺤﻤﺪ : ﻫﻬﻬﻬﻬﻪ ﺍﻟﻤﻔﺮﻭﺽ ﻣﺘﻌﻮﺩﻩ
ﺍﻧﺎ : ﺭﻛﺒﺘﻠﻬﺎ ﻣﺮﻩ ﻭﺣﺪﻩ ﺑﺲ
ﻣﺤﻤﺪ : ﻭﺍﻧﺎ ﻣﻌﺎﻙ ﻣﺎﺗﺨﺎﻓﻴﺶ
ﺍﻧﺎ : ﻧﺤﺒﻚ
ﻣﺤﻤﺪ : ﻭﺍﻧﺎ ﻧﻤﻮﺕ ﻓﻴﻚ ﻫﻴﺎ ﺷﻮﻓﻲ ﺍﻟﺴﺤﺎﺏ ﻳﺠﻨﻦ
ﻭﺗﻤﻴﺖ ﻧﺘﻔﺮﺝ ﻭﻧﺴﻴﺖ ﺍﻟﺨﻮﻑ ﻭﻋﻠﻘﺖ ﺳﻤﺎﻋﺎﺕ ﺍﻧﺎ ﻭﻣﺤﻤﺪ ﻭﻧﺴﻤﻌﻮ ﻓﻲ ﺍﻏﺎﻧﻲ ﻭﺍﻧﺎ ﻏﻔﻴﺖ
ﻣﺤﻤﺪ : ﺣﺒﻴﺒﺘﻲ ﺣﺒﻴﺒﺘﻲ
ﺍﻧﺎ : ﻫﻢ
ﻣﺤﻤﺪ : ﻧﻮﺿﻲ ﻳﺎﺭﻭﺣﻲ ﻫﻴﺎ ﺑﺘﻬﺒﻂ
ﺍﻧﺎ : ﺍﻭﻙ ﻭﻣﺴﻜﺖ ﻳﺪﻩ ﻭﻧﺰﻟﺖ ﺍﻟﻄﻴﺎﺭﻩ ﻭﻧﺰﻟﻨﺎ ﻭﺧﺘﻤﻨﺎ ﺍﻟﺠﻮﺍﺯﺍﺕ ﻭﺣﺘﻰ ﺍﻟﻤﺮﻩ ﻫﺬﻱ ﺻﺎﺭﺗﻠﻲ ﺯﻱ ﺍﻟﻤﺮﻩ ﺍﻟﻠﻲ ﻓﺎﺗﺖ ﻭﺍﻧﺒﺤﺖ ﻓﻲ ﺍﻟﺒﻨﺎﺕ ﻛﻴﻒ ﻻﺑﺴﺎﺕ ﺻﺎﺡ ﻗﺼﻴﺮ ﻭﻛﺖ ﻭﻳﺘﺠﻌﻮﻧﻦ ﺑﺲ ﺍﻧﺤﺲ ﻓﻴﻬﻦ ﺣﺎﺟﻪ ﻏﻴﺮ ﻭﻧﻘﻌﺪ ﻧﺒﺤﺖ ﻓﻲ ﻣﺤﻤﺪ ﻭﻣﺎﺳﻜﻪ ﻳﺪﻩ ﻭﻫﻮﺍ ﺣﺴﻴﺘﻪ ﺗﻀﺎﻳﻖ ﻣﻨﻬﻦ ﻻﻥ ﻛﺎﻧﺖ ﺳﺎﺣﻪ ﻛﺒﻴﺮﻩ ﻭﻣﻠﻴﺎﻧﻪ ﻧﺎﺱ ﻧﺒﻮ ﻧﻤﺸﻮ ﻟﻠﻄﺮﻳﻖ ﻋﺸﺎﻥ ﻧﺎﺧﻀﻮ ﺗﺎﻛﺴﻲ ﻭﻛﺎﻥ ﺟﻨﺒﻨﺎ ﻭﺍﺣﺪ ﺷﺎﻳﻞ ﺍﻟﺸﻨﻄﻪ ﻭﻛﻞ ﻣﺎﺗﺨﻄﻢ ﻭﺣﺪﻩ ﻣﺤﻤﺪ ﻳﻄﺒﺲ ﺭﺍﺳﻪ ﺍﻧﺎ ﻋﺠﺒﺘﻨﻲ ﺣﺮﻛﺘﻪ ﺍﻥ ﻋﻴﻨﻪ ﻣﺶ ﻓﺎﺭﻏﻪ ﻳﻌﻨﻲ ﻣﺎﻳﺒﺤﺘﺶ ﻭﻛﻨﺖ ﻧﺒﺤﺖ ﻓﻲ ﺑﻨﺖ ﻭﺳﺮﺣﺎﻧﻪ ﻛﺎﻧﺖ ﻻﺑﺴﻪ ﺑﺪﻱ ﻗﺼﻴﺮ ﻛﺖ ﻭﺷﺮﺕ ﺍﻣﺮﻳﻜﻲ ﺿﺎﺑﻂ ﺍﻧﺎ ﻧﺒﺤﺖ ﻓﻴﻬﺎ ﻣﺤﻤﺪ ﻓﻄﻨﻠﻲ
ﻣﺤﻤﺪ : ﺣﺒﻴﺒﻲ ﺷﻦ ﺍﺗﺒﺤﺘﻲ
ﺍﻧﺎ : ﻫﺎ ﺷﻨﻮ
ﻣﺤﻤﺪ : ﻛﻨﻚ ﺗﺒﺤﺘﻲ ﻓﻲ ﺍﻟﺒﻨﺖ ﻫﻜﻲ
ﺍﻧﺎ : ﻣﺎﻛﻨﻴﺶ
ﻣﺤﻤﺪ : ﻣﺎﺗﺒﺤﺘﻴﺶ ﻓﻴﻬﻦ
ﺍﻧﺎ : ﺑﺎﻫﻲ
ﻭﻣﺸﻴﻨﺎ ﺧﻀﻴﻨﺎ ﺗﺎﻛﺴﻲ ﻭﻭﺻﻠﻨﺎ ﻟﻠﻔﻨﺪﻕ ﺍﻟﻘﻴﻨﺎ ﺍﻟﺴﺎﻋﻪ 3 ﻧﺰﻝ ﺑﺴﺮﻋﻪ ﺟﺎﺏ ﺑﻴﺘﺰﺍ ﻭﺗﺴﺤﺮﻧﺎ ﻭﺍﻧﺎ ﻧﻠﻢ ﻓﻲ ﺍﻟﺤﻮﺳﻪ ﺳﻤﻌﻨﺎ ﺍﻟﻔﺠﺮ ﺍﻧﺎ ﺧﺸﻴﺖ ﺩﻭﺷﺖ ﻭﻟﺒﺴﻪ ﺭﻭﺏ ﺍﺣﻤﺮ ﻟﻔﻮﻕ ﺍﻟﺮﻛﺒﻪ ﻭﺍﺳﻊ ﻭﻃﻠﻘﺖ ﺷﻌﺮﻱ ﻭﻛﺎﻥ ﺍﻃﻮﻝ ﻣﻦ ﺍﻟﺮﻭﺏ ﻭﺍﻧﺎ ﻟﺒﺴﺖ ﻫﻜﻲ ﻻﻥ ﻣﺎﻧﺒﻴﺶ ﺳﺮﻭﺍﻝ ﺍﻥ ﻣﻀﺎﻳﻔﻨﻲ ﻓﻠﺒﺴﺘﻪ ﻭﺧﺶ ﻣﺤﻤﺪ
ﻣﺤﻤﺪ : ﺍﺣﻢ ﺍﺣﻢ ﺍﺳﺘﻐﻔﺮ ﺍﻟﻠﻠﻪ ﺍﻟﻠﻬﻢ ﺍﻧﻲ ﺻﺎﺋﻢ ﺣﻮﻟﻲ ﻣﻦ ﻗﺪﺍﻣﻲ
ﺍﻧﺎ : ﻫﻬﻬﻬﻌﻬﻬﻬﻪ ﻧﺴﻴﺘﻚ ﺑﻜﻞ ﺑﺲ ﺗﻮﺍ ﻧﺨﺶ ﻟﻠﺴﺮﻳﺮ ﻣﺎﻧﻴﺶ ﻣﻐﻴﺮﻩ
ﻭﺧﺸﻴﺖ ﻟﻠﺴﺮﻳﺮ
ﻣﺤﻤﺪ : ﻫﻜﻲ ﻣﻌﻨﺎﻫﺎ ﻓﻴﻬﺎ ﻛﻼﻡ ﺍﺧﺮﻯ
ﺍﻧﺎ : ﺍﻟﻠﻬﻢ ﺍﻧﻚ ﺻﺎﺋﻢ
ﻭﺭﻗﺪﻧﺎ ﻣﻦ ﺍﻟﺘﻌﺐ ﺛﺎﻧﻲ ﻳﻮﻡ ﻧﻀﻨﺎ ﻉ ﺍﻟﻌﺼﺮ ﺩﻭﺷﺖ ﻭﻟﺒﺴﻨﺎ ﺍﻧﺎ ﻭﻣﺤﻤﺪ ﻭﻃﻠﻌﻨﺎ ﺍﺩﻫﻮﺭﻧﺎ ﺷﻮﻳﻪ ﻟﻌﻨﺪ ﺍﻟﻤﻐﺮﺏ ﺗﻜﻴﻨﺎ ﻋﻠﻲ ﻣﻄﻌﻢ ﻭﻓﻄﺮﻧﺎ ﻭﻣﺸﻦ ﺍﺳﺒﻮﻋﻴﻦ ﻋﻠﻴﻨﺎ ﺍﺣﻠﻰ ﺍﺳﺒﻮﻋﻴﻦ ﻧﻄﻠﻌﻮ ﻧﺪﻫﻮﺭﻭ ﻭﻧﻔﻄﺮﻭ ﻭﻧﺘﺴﺤﺮﻭ ﻭﺍﻧﺮﻭﺣﻲ ﻓﻲ ﺍﻟﻠﻴﻞ ﻭﺷﺮﻳﺖ ﻓﺴﺘﺎﻥ ﻟﻔﺮﺡ ﺭﺍﻧﻴﺎ ﻻﻥ ﺧﻼﺹ ﻳﺒﻮ ﻳﺤﺪﺩﻭ ﺍﻟﻔﺮﺡ ﺑﻌﺪ ﺷﻬﺮ ﻳﻌﻨﻲ ﺑﻌﺪ ﺗﺮﻭﻳﺤﺘﻨﺎ ﺑﺴﺒﻮﻉ ﻧﺒﺪﻭ ﻓﻲ ﺍﻟﺘﻐﻠﻴﻒ ﻭﻧﻤﺸﻮ ﻧﻔﺮﺷﻮ ﺍﻟﺸﻘﻪ ﻭﺍﻟﺠﻮ ﻫﻀﺎ ﺷﺮﻳﺖ ﻋﺮﻡ ﺩﺑﺶ ﻭﺟﺎ ﻳﻮﻡ ﺗﺮﻭﻳﺤﺘﻨﺎ ﻭﺭﻭﺣﻨﺎ ﻋﻠﻲ ﺣﻮﺷﻨﺎ ﺣﺘﻰ ﻋﻴﺖ ﻋﻤﻲ ﻣﺎﻣﺸﻴﻨﺎﻟﻬﻢ ﻭﺗﺴﺤﺮﻧﺎ ﻭﺭﻛﺒﻨﺎ ﻓﻮﻕ ﺧﺸﻴﺖ ﺩﻭﺷﺖ ﻭﻃﻠﻌﺖ ﺍﻟﻘﻴﺖ ﻣﺤﻤﺪ ﻣﺘﻜﻲ ﻉ ﺍﻟﺴﺮﻳﺮﻭﻳﻠﻌﺐ ﺑﺎﻟﻔﻮﻥ ﺧﺸﻴﺖ ﻣﻜﺎﻧﻲ ﻭﺗﻐﻄﻴﺖ ﻭﻧﻤﺸﻲ ﻓﻲ ﻳﺪﻱ ﻋﻠﻲ ﻟﺤﻴﺘﻪ ﻭﻫﻮﺍ ﻣﻨﺴﺠﻢ ﻭﻳﻠﻌﺐ ﺑﺎﻟﻔﻮﻥ
ﺍﻧﺎ : ﺣﻤﺎﺩﻱ
ﻣﺤﻤﺪ : ﻧﻌﻢ
ﺍﻧﺎ : ﻋﺎﺩﻱ ﺑﻜﺮﺍ ﺗﺸﻴﻠﻨﻲ ﻟﻬﻠﻲ ﻭﺑﻌﺪ ﺑﻜﺮﺍ ﻟﻬﻠﻚ ﺍﻧﺖ
ﻣﺤﻤﺪ : ﻟﻴﺶ
ﺍﻧﺎ : ﻣﺮﺍﻳﻔﻪ ﻋﻠﻴﻬﻢ
ﻣﺤﻤﺪ : ﺣﺎﺿﺮ ﻧﻤﺸﻮ ﺑﻜﺮﺍ ﻟﻬﻠﻚ ﻭﺑﻌﺪ ﺑﻜﺮﺍ ﻟﻬﻠﻲ
ﺍﻧﺎ : ﻧﺠﻚ ﻟﻴﺎ
ﻣﺤﻤﺪ : ﻛﻢ ﻧﺎﻧﻲ ﻋﻨﺪﻱ ﺍﻧﺎ
ﺍﻧﺎ : ﻭﺣﺪﻩ
ﻣﺤﻤﺪ : ﻻ ﻣﻨﻮ ﻗﺎﻟﻬﺎ
ﺍﻧﺎ : ﻫﺎ ﻛﻢ ﻭﺣﺪﻩ
ﻣﺤﻤﺪ ﺣﻂ ﺍﻟﻨﻘﺎﻝ ﻭﺟﺎ ﻓﻮﻕ : ﺍﻣﻤﻢ ﻭﺣﺪﻩ ﻓﻲ ﻗﻠﺒﻲ ﻭﺣﺪﻩ ﻛﺒﻴﺪﺗﻲ ﻭﻭﺣﺪﻩ ﻭﺍﺧﻀﻪ ﻋﻘﻠﻲ ﻭﺗﻔﻜﻴﺮﻱ
ﺍﻧﺎ : ﺑﺲ ﻣﻦ ﺍﻻﺻﻠﻴﻪ
ﻣﺤﻤﺪ : ﺍﻟﻠﻲ ﻓﻲ ﻗﻠﺒﻲ
ﺍﻧﺎ : ﻫﻬﻬﻪ ﻣﺠﻨﻮﻥ
ﻣﺤﻤﺪ : ﺑﺤﺒﻚ ﺍﺭﻗﺪﻱ ﺍﺭﻗﺪﻱ ﺑﻜﺮﺍ ﺍﻧﺸﻴﻠﻚ ﻟﻬﻠﻚ
ﺍﻧﺎ : ﺍﻭﻙ ﺑﻴﺒﻲ ﻭﺑﺴﺘﻪ ﻉ ﺧﺪﻩ
ﻣﺤﻤﺪ : ﻧﺤﺒﻚ ﻭﺍﺿﺒﻄﻨﻲ ﻭﺭﻗﺪﺕ ﻋﻠﻲ ﺻﺪﺭﻩ
ﺛﺎﻧﻲ ﻳﻮﻡ ﻧﻀﻨﺎ ﻉ ﺍﻟﻈﻬﺮ ﻟﺒﺴﻨﺎ ﻭﻣﺸﻴﻨﺎ ﻟﻬﻠﻲ ﻭﻛﺴﺪﺕ ﻋﻨﺪﻫﻢ ﻭﺭﻭﺣﻨﺎ ﻭﺗﺴﺤﺮﻧﺎ ﻭﺭﻗﺪﻧﺎ ﻭﺛﺎﻟﺚ ﻳﻮﻡ ﻧﻀﺖ ﺍﻟﺴﺎﻋﻪ 12:30 ﺍﻟﻘﻴﺖ ﻣﺤﻤﺪ ﺭﺍﻗﺪ ﺍﺑﺘﺴﻤﺖ ﻭﺑﺴﺘﻪ ﻉ ﺧﺪﻩ ﻭﺩﻭﺷﺖ ﻭﻟﺒﺴﺖ
ﻭﻧﺰﻟﺖ ﻟﻮﻃﺎ ﺩﺭﺕ ﻛﻨﺎﻓﻪ ﺑﺎﻟﻨﻮﺗﻴﻠﻪ ﻭﺍﻟﻤﻮﺯ ﻭﺍﻟﻔﺮﺍﻭﻟﻪ ﺟﺖ ﺗﺠﻨﻦ ﻣﻨﻈﺮﻫﺎ ﻳﺴﻬﻒ ﻭﺩﺭﺕ ﻓﺨﺬﻩ ﺍﻟﻬﺎﻧﻢ
ﻭﺑﻌﺪ ﺍﻟﻈﻬﺮ ﻧﺰﻝ ﻣﺤﻤﺪ
ﻣﺤﻤﺪ : ﺑﺲ ﺑﺲ ﺻﺒﺎﺣﻮﻭﻭ
ﺍﻧﺎ : ﺻﺒﺎﺣﻮ ﺣﺒﻴﺒﻲ
ﻣﺤﻤﺪ : ﺭﺍﻧﺎ ﻣﺶ ﻓﺎﻃﺮﻳﻦ ﻫﻨﺎ
ﺍﻧﺎ : ﻋﺎﺭﻓﻪ ﺑﺲ ﻫﺬﻳﻦ ﺍﻧﺸﻴﻠﻬﻦ ﻣﻌﺎﻳﺎ
ﻣﺤﻤﺪ : ﻭﻟﻴﺶ
ﺍﻧﺎ : ﻋﺸﺎﻥ ﻳﻘﻮﻟﻮ ﻣﺮﺍﺕ ﻣﺤﻤﺪ ﺣﺮﻩ ﻣﺶ ﺑﺎﻳﺮ ﻭﺍﻣﻚ ﻣﺘﻔﻜﺮﺵ ﺗﺰﻭﺟﻚ
ﻣﺤﻤﺪ : ﻭﻟﻮ ﻓﻜﺮﺕ ﺗﺰﻭﺟﻨﻲ ﺑﻨﺮﺿﻰ ﻣﺜﻼ
ﺍﻧﺎ : ﺗﺆﺗﺆ ﻣﺶ ﺣﺘﺮﺿﻰ ﺑﺲ ﻋﺸﺎﻥ ﻣﺎﺗﺨﻄﺮﺵ ﺍﻟﻔﻜﺮﻩ ﻓﻲ ﺑﺎﻟﻬﺎ
ﻣﺤﻤﺪ : ﺑﺲ ﺣﺒﻴﺒﻲ ﺍﻧﺘﻲ ﺗﻌﺒﺎﻧﻪ ﻭﻣﺎﺗﻨﺴﻴﺶ ﺑﻄﻨﻚ ﻗﺪﺍﻣﻚ ﺑﻜﺮﺍ ﻧﻤﺸﻮ ﺍﻧﺮﺍﺟﻌﻮ ﺍﻭﻙ ﻭﻧﻄﻤﻦ ﻋﻠﻲ ﺣﺒﻴﺐ ﺑﺎﺑﻲ
ﺍﻧﺎ : ﻧﻌﻠﻴﺎ ﻳﻌﻨﻲ ﺗﻄﻤﻦ ﻋﻠﻲ ﺣﺒﻴﺐ ﺑﺎﺑﻲ ﺑﺎﻫﻲ ﻭﺍﻡ ﺣﺒﻴﺐ ﺑﺎﺑﻲ
ﻣﺤﻤﺪ : ﻧﺠﻬﺎ ﻟﻴﺎ ﺍﻣﻪ ﺍﺣﻤﻤﻤﻢ ﺍﻟﻠﻬﻢ ﺍﻧﻲ ﺻﺎﺋﻢ
ﺍﻧﺎ : ﻫﻬﻬﻬﻬﻬﻬﻬﻪ
ﻣﺤﻤﺪ : ﺷﻦ ﺩﺍﻳﺮﻩ
ﺍﻧﺎ : ﺍﻣﻤﻤﻢ ﺩﺭﺕ ﻛﻨﺎﻓﻪ ﺑﺎﻟﻨﻮﺗﻴﻠﻪ ﻭﺍﻟﻤﻮﺯ ﻭﺍﻟﻔﺮﺍﻭﻟﻪ
ﻣﺤﻤﺪ : ﻳﻤﻤﻤﻤﻤﻢ ﺟﻮﻋﺘﻴﻨﻲ
ﺍﻧﺎ : ﻭﻓﺨﺬﻩ ﺍﻟﻬﺎﻧﻢ ﻭﻗﻠﺖ ﺍﻧﺸﻴﻠﻮ ﻓﻮﺍﻛﻪ ﻭﻏﺎﺯﻱ
ﻣﺤﻤﺪ : ﻣﻔﺮﻭﺽ ﺩﺭﺗﻲ ﺣﻠﻮ ﻭﻓﻮﺍﻛﻪ ﻭﻏﺎﺯﻱ ﻋﻠﻴﺶ ﺍﻟﺪﻳﺮﻱ ﻓﻲ ﻓﺨﺬﻩ ﺍﻟﻬﺎﻧﻢ
ﺍﻧﺎ : ﻛﺴﺪﺕ ﺩﺭﺗﻬﺎ ﻫﻴﺎ ﻏﻴﺮ ﺩﺑﺸﻚ ﻭﺣﺘﻰ ﺍﻧﺎ ﻧﺪﻭﺵ ﺍﺧﺮﻯ ﻋﺸﺎﻥ ﺑﻨﺘﻲ ﻗﻠﻲ
ﻣﺤﻤﺪ : ﻧﺠﻚ ﻫﻴﺎ ﺗﻌﺎﻟﻲ ( ﻭﺭﻓﻌﻨﻲ )
ﺍﻧﺎ : ﺣﺒﻴﺒﻲ ﻧﺰﻟﻨﻲ ﺣﺒﻴﺒﻲ ﺭﺍﻙ ﺻﺎﻳﻢ
ﻣﺤﻤﺪ : ﻓﺎﻃﻦ ﻟﺮﻭﺣﻲ ﻭﻋﺎﺭﻑ ﺍﻧﻲ ﺻﺎﻳﻢ ﻧﺒﻲ ﻧﺮﻛﺒﻚ ﺑﺲ ﻉ ﺍﻟﺪﺭﻭﺝ ﻭﺍﻋﺮﺍﺕ ﻋﻠﻴﻚ ﺭﺍﻗﻴﻪ ﻧﺎﺯﻟﻪ
ﺍﻧﺎ : ﻫﻬﻬﻪ ﺑﺎﻫﻲ
ﻭﺭﻛﺒﻨﻲ ﻓﻮﻕ ﻭﺩﻭﺷﺖ ﻭﻏﻴﺮ ﺩﺑﺸﻲ ﻭﻟﺒﺴﺖ ( ﺯﻱ ﺍﻟﺼﻮﺭﻩ )
( ﺣﻨﻘﻌﺪ ﺍﻟﻨﺰﻝ ﺍﻟﺪﺑﺶ ﻓﻲ ﺍﻟﺼﻮﺭ ﺧﻴﺮ ﻣﻦ ﺍﻥ ﺗﻤﺸﻲ ﺍﻟﺮﻭﺍﻳﻪ ﻛﻠﻬﺎ ﻓﻲ ﻭﺻﻒ ﺍﻟﺪﺑﺶ ﻑ ﺍﻟﻨﺰﻝ ﺻﻮﺭﻩ ﺍﻟﻠﺒﺴﻪ ﺍﺳﻬﻞ ) ﺍﻟﻤﻬﻢ
ﻭﺧﻀﻴﺖ ﺍﻟﺤﺠﺎﺕ ﺍﻟﻠﻲ ﺩﺭﺗﻬﻦ ﻭﻣﺸﻴﻨﺎ ( ﻃﺒﻌﺎ ﻣﻔﻴﺶ ﺣﺪ ﻣﻦ ﻋﻴﺖ ﻋﻤﻲ ﻋﺎﺭﻑ ﺍﻧﻲ ﺣﺎﻣﻞ ﻛﻨﺖ ﻋﻨﺪ ﻫﻠﻲ ﻭﺭﻭﺣﺖ ﺛﺎﻧﻲ ﻳﻮﻡ ﺳﺎﻓﺮﺕ ﻣﺎﻣﺸﻴﺘﻠﻬﻤﺶ ﻭﻣﺤﻤﺪ ﻣﺎﻗﺎﻟﻬﻤﺶ )
ﻣﺤﻤﺪ : ﻣﻔﻴﺶ ﺣﺪ ﻋﺎﺭﻑ ﺍﻧﻚ ﺣﺎﻣﻞ ﺻﺢ
ﺍﻧﺎ : ﺍﻫﺎ
ﻣﺤﻤﺪ : ﻛﻨﻚ ﻣﺘﻮﺗﺮﻩ ﻭﺧﺎﻳﻔﻪ
ﺍﻧﺎ : ﺑﻴﻮﺍﻓﻘﻮ
ﻣﺤﻤﺪ : ﻋﻠﻲ ﺷﻨﻮ
ﺍﻧﺎ : ﻋﻠﻲ ﺣﻤﻠﻲ ﺑﺎﺗﻚ ﻭﺍﻣﻚ ﻭﺟﺪﻙ ﻛﻠﻬﻢ
ﻣﺤﻤﺪ : ﺍﻛﻴﺪ ﻳﺎﺭﻭﺣﻲ ﺭﺍﻙ ﻣﺮﺍﺗﻲ ﻣﻦ ﺍﻟﻄﺒﻴﻌﻲ ﺗﺤﻤﻠﻲ ﻣﻨﻲ
ﺍﻧﺎ : ﻣﺶ ﻋﺎﺭﻑ ﺍﻓﻔﻒ ﺟﺪﻙ ﻭﺑﺎﺗﻚ ﻋﺎﺩﻱ ﻻﻧﻬﻢ ﻣﻦ ﺍﻟﺒﺪﺍﻳﻪ ﻣﻌﺎﻣﻠﺘﻬﻢ ﻣﻌﺎﻱ ﻛﻮﻳﺴﻪ ﺑﺲ ﺍﻣﻚ
ﻣﺤﻤﺪ : ﺣﺒﺒﺒﻲ ﻣﺎﺗﺸﻴﻠﻴﺶ ﻫﻢ ﺍﻟﻤﻬﻢ ﻧﺤﻨﺎ ﻧﻌﺸﻘﻮ ﺑﻌﺾ ﻭﺑﺲ
ﺍﻧﺎ : ﻫﻬﻬﻪ ﺣﺒﻴﺒﻲ ﺧﺎﻃﺮﻱ ﻓﻲ ﺑﻜﻼﻭﻩ
ﻣﺤﻤﺪ : ﺗﻮﺍ ﻧﺨﻄﻢ ﻧﺎﺧﺬﻭ
ﺍﻧﺎ : ﻧﻌﻠﻴﺎ ﻧﺎ
ﻣﺤﻤﺪ : ﻭﻟﺪﻱ ﻳﺒﻲ ﻣﺶ ﺍﻧﺘﻲ
ﺍﻧﺎ : ﻫﻬﻬﻬﻪ ﻳﻌﻨﻲ ﺍﻧﺖ ﺗﺠﻴﺐ ﻟﻮﻟﺪﻙ ﻭﺍﻟﻠﻪ ﻟﻴﺎ
ﻣﺤﻤﺪ : ﺍﻻﺛﻨﻴﻦ
ﻭﻣﺸﻴﻨﺎ ﻟﻠﺤﻠﻮﺍﻧﻲ ﻭﺧﻀﻴﻨﺎ ﺑﻜﻼﻭﻩ ﻭﻣﺸﻴﻨﺎ ﻭﺍﻭﻝ ﻣﺎﻭﺻﻠﻨﺎ
~~~~~~~~~~ ~~~~~~~~
ﻳﺴﺪﻛﻢ ﻧﺒﻲ ﺗﻔﺎﻋﻞ ﻗﻴﻤﻨﻬﺎ
ﻭﺗﻮﻗﻌﺎﺗﻜﻢ ﺷﻦ ﺑﻴﻜﻮﻥ ﺭﺩﻩ ﻓﻌﻠﻬﻢ ﺑﺤﻤﻞ ﻧﺎﻧﻮﻭ
# soso
