في صباح يوم جديد يمر علي ابطالنا في شرم
«في غرفه الشباب»
عمر: والله نومه عسل
ادهم: إتنيل أنا مش عارف ادم سمحلنا إزاي ننام معه
ليخرج ادم من الحمام الملحق بالغرفه : متفرحوش كتير أول مره وآخر مره
عمر : سيبكو من كل دا إيه رأيكو نعمل دايڤينج النهارده مع البنات
ادهم: أنا موافق اغطس مع حبيبتي
ادم يضحك: والله العظيم بكره تندمو
عمر بأستغراب: ليه
ادهم: قصده بوجع الدماغ إلي بعد الجواز ومش واخد باله إن هو في نفس الدايره
ادم: بالظبط كدا بس للأسف القلب ومايريد
عمر بمزاح: خش جوا قلبي خش
في نفس التوقيت
لتفتح دنيا النافذه : قومي يابت منك ليها بقينا بعد الضهر ولسه نايمين
حنين حمزه: يووه سبيني نايمه بقي إحنا نايمين الصبح
حنين محمد: اسيب أمي في البيت أجي لست دنيا هنا
دنيا بضحك: إحنا جاين رحله ولا جايين ننام
حنين محمد: الإتنين ياحبيبيتي
لتمسك دنيا بكوب الماء الموضوع بجانبها وتفرغه فوق صديقاتها
حنين حمزه: ااااه أنا بغرق ولا إيه
حنين محمد : يابنتي محنا كنا قايمين نستحمي الوقتي ليه تعبه نفسك وجايبه الحمام لحد هنا
دنيا يضحك: إنتي لسه نايمه وبتخرفي بالكلام قومي
لتقفز حنين حنين من علي السرير وهما بيحدفو دنيا بالمخدات
دنيا: يخربيتكو مكنش دا كله عشان بصحيكو
حنين محمد: أنا داخله اخد شاور اياكي تخبطي علي الباب زي مابتعملي
حنين حمزه بنعاس: وأنا هكمل نوم عما تخلصي
دنيا : تحبو اطلعلكو الفطار هنا بلمره
حنين حمزه: ياريت
دنيا: دا أنتو معندكوش دم...
لتقطع كلامتها لسمعها طرقات علي الباب
دنيا: أيوه مين
عمر: أنا يادودو
دنيا بفرحه لدرجه انها مش قادره تخبيها لتفتح الباب بأبتسامه جميله: اتفضل يا عمر
عمر: إيه الجمال دا كله
لتنظر دنيا خلفها بخجل: احمممم شكرًا
عمر: بس كدا
حنين حمزه: سمعت عالفكره
دنيا بإبتسامة : كنت عاوز حاجه ياعمر
