لتستيقظ بطلتنا دنيا علي صوت رنين هاتفها
دنيا بنعاس: من الغلس إلي بيرن الصبح كدا لتمسك الهاتف لتجده عمر لتنهض سريعًا لتحاول تهدئه انفاسها وتجيب: الو
عمر: صباح الورد والجمال إنتي لسه نايمه ولا إيه
دنيا: صباح النور اه بس كدا كدا كنت هقوم اذاكر الإمتحانات الأسبوع الجاي
عمر: ربنا يوفقك يا قلبي .....وحشتيني
دنيا بضحك: أنا لسه كنت معاك انمبارح
عمر: آه بس أنا عاوزك كل دقيقه جمبي واصحي الصبح وإنتي في حضني
دنيا بخجل: احممم آه أن شاء الله قريب.. سلام بقي يا عمر ورايا حاجات كتير
عمر: طيب براحه متزقيش قوليلي "بحبك"وأنا هقفل
دنيا بتحذير : عمررر
عمر: خلاص بلا عمر بلا بطيخ سلام
دنيا بضحك: سلام
لتدلف دنيا إلي الحمام وتقوم بتغير ملابس النوم إلي بيجامه رقيقه زادت جمالها واحضرت بعض الكتب لبدأ المذاكره من أجل الامتحان
•••♡•••♡•••♡•••
ادهم فجأه: مسكتك ...بتعمل إيه
عمر بخضه: بسم الله الرحمن الرحيم أنت بتطلع منين يا بني
ادهم بضحك: اتخضيتي يابيضه
عمر: بطل هزار أنا مش ناقصك
ادهم: في إيه مالك احكيلي
عمر: دنيا ياسيدي....... وبدأ قص عليه كل شيء
ادهم بضحك شديد: هو دا إلي مضايقك يابني البنت عندها امتحانات يعني متذاكرش وتسقط مثلًا
عمر: أنا بحكيلك عشان تتريق
ادهم: يعني بالعقل تعد تكلمك ولما تدخل الإمتحان هتحلهولها أنت ماتعقل كلامك ياباشا
وبعدين إن معذرتهاش أنت وفهمتها مين هيفهما
عمر بتناحه: أنت بقيت تتكلم كدا ليه معرفتكش
ادهم بضحك: بطل تناحه وخليك تقيل يابني وهي الي هتجيلك بنفسها
عمر: ماشي أما نشوف اخرتها
ادهم وهو يربط علي كتف عمر: آه من الحق البنات واخدين اجازه لحد مايخلصو امتحانات
عمر: تمام بس ادم ميعرفش هنقوله إيه
ادهم: سيبه عليا و يلا قدامي علي الشركه
حنين محمد وهي تتحدث في الفون: يابنتي الماده دي عاوزه فهم وأنا الحمدلله محضرتش فيها غير محاضره واحده
حنين حمزه: ما أنا ودنيا زيك المهم هنعمل إيه
دنيا: كدا كدا هنمتحنها آخر يوم فنذاكر المواد التانيه ويومها نبقي نتلم مع بعض ونذاكرها سوا
