العريس الهارب

الثاني عشر

حل الظلام وانتهي الجميع من فرش معظم الشقه علي ان يعودوا مرة اخري لتكمله فرش ما تبقي من اثاث الشقه

نورين : هتفرشوا حاجة تانية يا طنط

نجاه : لا يا حبيبيتي احنا خلصنا كدا النهاردة

نورين : طب انا هروح عشان الدنيا بقيت ليل وقبل ما الوقت يتأخر اكتر

نجاه : لا يا حبيبتي انا هخلي فارس يوصلك مينفعش تروحي لوحدك باليل كدا

نورين مسرعة : لا يا طنط شكرا مافيش داعي

نجاه : والله ما يحصل يا بنتي هو قاعد تحت رني علية يا يارا خاليه يطلع

يارا بضحك : حاضر يا ماما لتوجه كلامها لنورين :

هكلملك فارس عشان يوصلك

نورين : بس يا يارا متتصليش

يارا: هتصل مش دا فارس الي كنتي عيزاني اجوزهولك

نورين  : كان يوم أسود لما قولت كدا كان مخي فين

يارا : بس عشان بتصل

نورين: يارب فونوا يكون فاصل شحن

يارا : بيرن بيرن

نورين : انتي هتلحنيها هلاقيها منك ولا من اخوكي

يارا : معلش لتقاطعها عندما رد شقيقها علي مكالمتها

يارا : ايوا يا فارس اطلع فوق ماما عيزاك

فارس : ليه في حاجة

يارا : لا متقلقش بس ماما عيزاك

فارس : خلاص ماشي انا طالع اهو

لتغلق يارا الهاتف وتحدث نورين : فارس طالع

نورين : يارب يوقع علي السلم

يارا : يخربيتك بتدعي علي اخويا قدامي

نورين: اه عادي بعدين دي دعوه بريئه

يارا : لا يا شيخة لو كدا ماشي

ليقطع كلامهم صوت فارس وهو يقف علي باب الشقه يستأذن قبل أن يدلف

نورين : اهو بوز الاخص وصل

يارا : لمي نفسك يا نورين

نورين : اه عشان اخوكي هتقفي في صفوا ماهو بيقول عليا بومه

يارا : اقسم بالله انتوا لايقين علي بعض

ليقطع حديثهم صوت فارس وهو يقول : اتفضلي يا انسة نورين عشان اوصلك

نورين لي يارا : من امتي الاحترام دا

لتقول بصوت عالي : انا والله مش عيزا اتعب حضرتك ملوش لزوم يا طنط انا هاخد تاكسي

فارس بهمس : حضرتك و طنط امال راح فين عبدة موته الي جواها

نجاه : وتركبي مع حد غريب متعرفيهوش بليل كدا ليه ومش عارفين شارب اي ولا عامل اي

نورين : انا مش عيزا اتعبكوا