العريس الهارب

الخامس

في اليوم التالي عادت يارا من الجامعة لتجد حمزة بانتظارها بصحبة والدتة في منزلها من أجل اصطحابهم لشراء الدهب الخاص بها لتلقي يارا عليهم السلام وتذهب الي زوجة عمها لإلقاء التحية عليها

يارا وهي تحتضنها: ازي حضرتك يا مرات عمي اخبارك اي

فوزية: انا بخير يا حبيبتي بس بلاش مرات عمي انتي بقيتي مرات ابني يعني ذي تسنيم بنتي بالظبط قوليلي يا ماما ذي نرمين اختك

يارا بتردد: حاضر يا ماما

حمزة: ازيك يا يارا عاملة اي

يارا: انا بخير

لتضيف : انا هروح اشوف ماما عن اذنكوا

لتتجه يارا الي غرفة والدتها

فوزية بعد مغادرة يارا: شوفت بتسلم علينا ازاي دا بترد الكلمة بالكلمة

حمزة: خلاص يا ماما ملوش لزوم الكلام دا دلوقتي

فوزية بامتعاض :ماشي اما نشوف اخرتها معاكوا اي انت والست هانم الي اتجوزتها

حمزة: خلاص بقا مرات عمي جاية

ليغادروا جميعهم المنزل من أجل الذهب الي الصاغة
في الأسفل أمام عربية حمزة

فوزية: تعالي يا يارا اركبي هنا جمب جوزك انتي خلاص بقيتي مراتوا

يارا: العفو يا طنط خليكي حضرتك قدام وانا هركب جمب ماما ورا

نجاة: ودي تيجي بردوا يا ام حمزة دا مكانك ويارا هتقعد جمبي اتفضلي يا حبيبتي اركبي

لتصعد فوزية بجانب ابنها في كانت تعلم بأن يارا سوف ترفض

ليتجه حمزة الي وجتهم

************************
في محل الصاغة

كانت يارا تختار
دبلة الخاصة بها ليعرض لها صاحب المحل مجموعة من العروض الرائعة

نجاة: اي يا يارا اختارتي حاجة

يارا: لا شوفي انتي مش فارقة معايا

نجاة بهمس ليارا: هو انا العروسة ولا انتي بقولك اي اتعدلي وافردي وشك ونقي حاجة

لتضيف بهدوء:بعدين يا هو انتي كل يوم هتبقي عروسة وتختاري شبكة وعفش اختاري الي عيزاة واستمتعي واركني حزنك علي جمب فرحي قلب امك بيكي يا يارا ماشي يا حبيتي يلا اختاري دبلن وشوفي الشبكة الي تعجبك بدل ما حماتك هي الي تختار

يارا: حاضر

ليعرض عليها البائع مجموعة من الدبل ولاكن لا يعجبها شيء

ليلفت نظر حمزة دبلة اعجبته كانت يارا قد رأيتها من قبل واعجبت بها ولاكن استشعرت ثقل حجمها وبالتالي ستصبح غالية الثمن

حمزة وهو يعطيها الدبلة التي اعجبته: اي رأيك فيها

يارا: حلوة

حمزة: يعني عجباكي