العريس الهارب

الثلاثين

السلام عليكم

عايزة اوضح كام حاجة اولا بالنسبة لموضوع النشر واني بتأخر انا كان عندي امتحانات ولما خلصت رجعت كتبت تاني

+احنا بشر يعني ممكن اكون تعبانة ممكن يكون ورايا حاجات بخلصها

حاجة كمان في نقد كتير جالي علي الرواية ودا قلل من شغفي تجاة إستكمال الرواية لاكن لو واحد بس معجب بالرواية انا هكمل عشانة

وحاجة كمان بالنسبة لأحداث هي ماشية بترتيب معين ومينفعش اسرع او اكروت فيها ولو زهقتوا من الرواية هي اكيد هتخلص ذي ما كل حاجة بتخلص

**************
بالرغم من اعتذارة لها إلا أن العلاقة بيهم لم تعد تكن كما كانت من قبل

بدءت امتحانات نصف العام ليصطحب حمزة يارا الي الجامعه من أجل الامتحان

حمزة : هتخلصي امتي عشان اروحك

يارا: انا هروح مع نورين بعدين هنروح نشتري شوية حاجات تبع الجهاز لما نخلص

حمزة وهو يخرج مبلغ من محفظتة : خالي دول معاكي عشان لو حبيتي تشتري حاجة

يارا: مالوش لزوم انا معايا

حمزة : زيادة الخير خيرين خاليهم معاكي

لتمد يارا يدها لاخذهم وهي تقول : حاضر

حمزة : خالي بالك من نفسك ولو في حاجة كلمني

يارا : إن شاء الله

لتخرج من العربية وتتوجه الي داخل الجامعه لتجد صديقاتها يجلسون أسفل أحد التندات لتتوجه اليهم موجهة إليهم السلام

نورين: كويس انك جيتي لأننا كنا مستنينك

يارا : مستنيني ليه

رانيا: عشان جعانين ومستنينك عشان نفطر سوا

يارا : انتو ليكوا نفس تفطرا الي يشفكوا يقول هتجيبوا المادة ف شوال

ياسمين : اهم حاجة الصحة انجزوا جعانة ولو ما كلتش مش هعرف احل برضيكوا كدا

يارا : بغض النظر انك حتي لو كالتي مش هتحلي بس مش مشكلة

ياسمين : شكرا علي ثقتكوا بعدين دا امتحان مقالي يعني هنهبد

يارا :هو احنا بيهمنا ولو امتحان اختيار من متعدد هنحل بالحادي بادي

نورين : هي دي يارا يلا انا عايزة واحد فول واتنين طعمية واحد بطاطس وخالية يزود كاتشب

يارا: مالك كدا ي نورين نفسك مسدودة

نورين: امتحانات بقي وكدا

يارا : طب يالا نجيب عشان نلحق قبل الامتحان

نورين : لسا ساعه علي الامتحان ناكل ونحلي ولو عايزين نحبس بكباية شاي كمان

يارا : يخربيت برود اعصابك الله يكون في عونك يا فارس يا خويا