العريس الهارب

الثالث عشر

في صباح يوم جديد استيقظ حمزة من نومه مليئ بالحيوية والنشاط بسبب تحسن علاقته بي يارا الي حد ما وقد قرر أن يستغل هذا ويتقرب منهااكتر استعد حمزة للخروج من المنزل وتوجه بسيارته الي منزل عمه لاكنه انتظر في سيارتة قبل المنزل ووقف بسيارته عند أحد المنازل الذي تسبق منزل عمه بي منزلين فقد عرف من يارا أنها ليديها اختبار ميد ترم اليوم في الجامعه لذا من المهم والضروري الذهاب اليوم الي الجامعه كما أنها أخبرته بمعاد ذهابها للكلية ليقف ينتظرها قبل معاد نزولها بي ربع ساعه تحسبا بأن تكون قد انتهت ونزلت مبكرا ليمر الوقت وتنزل يارا في معاها ليقود حمزة سيارته ويتجه الي يارا بأنه قد تقابلا صدفه ولا بأنه كان ينتظرها ليقترب حمزة بسيارتة من يارا
حمزة : صباح الخير يا يارا
يارا : صباح النور
حمزة : اي راحه الكلية
يارا : علي اعتبار اني مش قايلالك امبارح
حمزة : اي دا بجد انتي قولتيلي
يارا : لا يا شيخ انت لحقت تنسي
حمزة : انتي عارفة بقي الدنيا بتلهي هفتكر اي ولا اي
يارا : لا كان الله في العون
حمزة : طب تعالي اما اوصلك في طريقي اهو لقيتي توصيله بالصدفه
يارا : صدفه بردوا دانت تحت بيتي وتقولي صدفه طب احبكها شوية وقابلني في آخر الشارع
حمزة : مانا قولت اخدك من اول الطريق متحبيكيهاش بقي واركبي
يارا: ماشي
لتركب يارا السيارة بصحبة حمزة
حمزة : خلصتوا فرش ولا لسا
يارا : لا دا احنا لسا فاضل كتير
حمزة : مش هتفرشوا النهاردة
يارا : لا النهاردة لا
ليستمر حمزة في فتح حوار بينها ليصلا اخيرا الي الجامعه لتنظر يارا الي ساعه يدها
حمزة: اتأخرتي
يارا : لا دانا حتي وصلت قبل المعاد
حمزة : طب كويس عشان متقوليش اني اخرتك
يارا : لا مش هقول
حمزة : طيب بما انك وصلتي بدري تعالي انا اعزمك علي الفطار بدل ماتقعدي حتي جوا لوحدك واهي فرصة لن تعوض وهجيبلك بسيسي كمان
يارا: ياه علي الكرم
حمزة : مانا حتي مسميني حمزة ابو ايد فرطة
يارا : ماشي يا لو ايد فرطة خليها مرة تانية عشان متأخرش
حمزة : انتي مش قولتي لسا بدري يلا هو الواحد بيلاقي كل يوم حد يعزمة علي الفطار
يارا : علي رأيك هتفطرني اي
حمزة: الي انتي عيزاه
يارا : ماشي انا هفطر فارم وعيزا معاه تومية
حمزة : وهجيبلك بيبسي من الكبير كمان
يارا بحماس: طب يلا بسرعه عشان متأخرش
ليذهب كلاهما الي أحد المطاعم لتناول طعام الفطور
في المطعم
احضر العامل الطعام سندوتشات الفارم السوري والتومية بالاضافه الي الكاتشب
ليبدء كلاهما في تناول الطعام
حمزة : بذمتك مش دا احلي فطار فطرتيه
يارا : لا عادي فطرت احلي من كدا كتير
حمزة : يخرابي علي الدبش طب جامليني وقولي اه عشان بتفطري معايا
يارا : لا مليش في جو الرومانسية دا 
حمزة : واضح
يارا : بقولك اي لو مش هتاكل الكاتشب بتاعك هاتوا لاني شيفاك مبتكلش منوا وانا الصراحة بحبوا اوي
حمزة وهو يعطيها الكاتشب: لا مباكلهوش ولو باكلوا مايغلاش عليكي
يارا : طب كويس والله مصلحة عشان لما نخرج تاني ابقي اكل الكاتشب كلوا لوحدي
حمزة : بالهنا والشفا
لينتهوا من تناول الطعام ليعود بها حمزة مرة اخري الي الجامعه في الطريق كان حمزة يريد أن يعرف معاد ذهابها
حمزة : وانتي بقي عندك الامتحان دا بس ولا عندك امتحان كمان
يارا : لا هو امتحان واحد وكمان محاضرة علي الساعه واحدة كدا
حمزة : وهتحضريها
يارا : اه بما اني في الكلية أحضرها وخلاص
حمزة : بس اوعي تكون هتخلص متأخر
يارا : لا متقلقش هتخلص علي الساعه ٣ وهروح علطول حتي مش هقعد مع نورين
حمزة بهمس : كويس اوي و النهاردة حتي هخلص شغل بدري
يارا : بتقول اي
حمزة : بقول خلاص قربنا نوصل
لتمر دقائق يصل فيها حمزة يارا الي بوابة الجامعه
حمزة : خالي بالك من نفسك
يارا : حاضر
لتهبط يارا من السيارة وتدلف الي الجامعه ويغادر حمزة بسيارته
***************************
ددلفت يارا الي الجامعه لتقابلها نورين
نورين: مش عربية اخوكي دي
يارا : يا لهوي منك مفيش حاجة تعدي من تحت ايدك لازم تعرفي كل حاجة
نورين: عيب عليكي دا انا نورين يعني الأخبار بتجيلي لحد عندي يلا اعترفي وقولي كل حاجة بالتفصيل
يارا : - عادي يعني هو قابلني صدفه وخدني معاه في طريقه
نورين: صدفه اه عارفة انا الصدف دي
يارا : بقولك اي بطلي رغي ويلا نراجع اي حاجة
نورين : نراجع اي دا علي اساس اننا ذاكرنا بقولك اي انا مش همتحن غير لما افطر يالا نروح نجيب فطار
يارا : لا انا مش هجيب فطار
نورين : اه تبقي بتمهدي نفسك بقي انك تبقي ست بيت وكدا وجايبة معاكي سندوتشات
يارا : لا
نورين : ما تحاوليش تقنعيني انك متوترة من الإمتحان ومالكيش نفس
يارا : لا طبعا مين دي انا بس فطرت
نورين : خيانه هفطر لوحدي
يارا : معلش
نورين : انا هشوف باقي الشله كدا ونفطر سوا
يارا: اوكاي كلميهم يالا
لتهاتف نورين صديقتها رانيا
نورين: ايوا يا رانيا انتي فين
رانيا : احنا في الكافتريا بنجيب فطار
نورين : طب كويس اني لحقتكوا هاتولي معاكوا فطار
رانيا : ماشي هتطفحي اي
نورين : الملافظ سعد
رانيا: انا اتكلم براحتي يا تعالي هاتي لنفسك
نورين : رانيا يا قلبي متخديش علي كلامي
رانيا : ايوا كدا اتعدلي قولي عايزة اي
نورين : هفطر اي يعني هاتيلي واحد فول واتنين طعميه وخاليه يزود مخلل
رانيا : خلاص ماشي يالا سلام
نورين : سلام
لتغلق معها  الهاتف و تبقي نورين  بصحبه يارا
نورين : تعالي نشوف مكان نقعد فيه علي ما يجوا
يارا : ماشي واهو نراجع شوية
لتتوجه كلاهما الي اقرب تاندة فارغه من أجل الجلوس عليها في انتظار عودة صديقاتها
*****************
في منزل كريم
أعدت نهي طعام الافطار ليجلس كلاهما لتتاول الطعام
نهي : بقولك اي انا هروح اشوف ماما عوزاك توصلني في طريقك
كريم : ماشي
نهي : ابقي نزل البنات يقعدوا مع طنط علي ما رجع لاني عيزا اروح السوق اشتري شوية حاجات ومش هعرف الف بيهم
كريم: ماشي هنزلهم بس يارب بس يطمر فيكي
نهي : هو انت لازم كل شوية كدا تقعد تبكت فيه بالكلام
كريم: ماهو دا من تصرفاتك
نهي : وهو انا بعمل اي مانا بقيت في حالي ومليش دعوة بيهم
كريم: ياريت تفضلي كدا
نهي : بقولك اي ماتحسسنيش اني ام اربعه واربعين بتاعه البيت
كريم : لا طبعا لا سمح الله
نهي: طب يالا خالص اكلك خاليت نمشي
كريم : يعني ما فطرش
نهي : لا كل
ليكمل كلاهما طعامهم حتي انتهوا ليحمل كل منهم صغيرة ويتجه بهم كريم لأسفل حيث منزل والده حيث وجد والدته تجلس في صاله المنزل
كريم : صباح الخير يا ماما
نجاه : صباح الخير يا حبيبي
كريم : بابا راح الشغل
نجاه : اه هو وفارس ويارا راحت جامعتها
كريم: طب يا ماما عليا وليالي هيقعدوا معاكي علي مانهي ترجع
نجاه : وهي الهانم راحه فين
كريم : راحه عند امها شوية وبعد كدا هتنزل السوق تشتري شوية حاجات
نجاه : ماشي يابني
كريم : انا هامشي بقي عشان متأخرش
نجاه : ماشي يابني مع السلامة
ليغادر كريم بصحبه زوجته ليصطحبها معه بسيارته الي منزل والدتها
اوصل كريم زوجته الي منزل والدتها
نهي : انا هنزل انا علي اول الشارع واكملها مشي بدل ما تتدخل الشارع وتعطل نفسك
كريم : خلاص ماشي
غادرت نهي سيارة زوجها لتكمل طريقها الي منزل والدتها لتقترب من المنزل لتجد شقيقها محمود يقف مع أحد الرجال أمام مدخل البناية لتناول منه كيس صغير ويعطيه مبلغ من المال
نهي : هو مين الي محمود واقف معاه دا وايه الي خدوا دا
لتجد الرجل يغادر ويدلف شقيقها الي البناية لتقرر الذهاب إليه
ولكنها قبل أن تدخل وجدت شقيقا يقوم يتفرع الكيس الصغير الذي يحتوي علي مسحوق ابيض اللون ويضعه في علبه خاصه بأحد الأدوية بعد أن أفرغ محتويات العلبة ووضع فيها المسحوق الخاص به ليصعد الي شقته ولاكن اوقفه صوت شقيقته
نهي : محمود ايه الي في ايدك دا
محمود : انتي شايفه اي ولا مبتشوفيش علاج
نهي : ودا علاج لايه بقي ان شاء الله ما انت ذي القرد اهو مش عيان
محمود : وانتي مالك خاليكي في حالك
لتخطف نهي منه زجاجه الدواء الخاص به
محمود وهو يحاول انتزاعها من يدها : هاتي العلبة
نهي : مش هتخدها غير لما اعرف دوا اي دا
محمود : دا دوا عشان جمبي بيوجعني وشكلها زايدة هاتي بقي
نهي : مش مصدقاك لازم اتأكد بنفسي
لتحاول فتح العبوة من أجل معرفه هوية هذا الدواء ولكنها فشلت
محمود : هو انتي دكتورة وانا معرفش مش شوفتيها ومعرفتيش اي دي هاتي بقي
نهي : لا هتأكد بنفسي
لتدفعه بعيدا عنها وتتركه وتصعد سريعا الي منزل والدتها
ليلحق بها سريعا ليحاول الإمساك بها لأخذ زجاجة الدواء لاكنها كانت الأسرع منه لتصعد الي شقه والدتها ليصعد وراءها ليبدء محمود في نوبه من الهياج العصبي وعدم الوعي وفقدان السيطرة علي الأعصاب بسبب تخلفه عن تناول جرعته المخدرة في معادها
محمود بعصبية : نهي هاتي ام الزفت الي ختية بدل ماخلي نهارك اسود
نهي : مش هتاخد حاجة انا لازم اعرف اي دا
محمود ؛ وانتي مالك كنتي شريكتي ولا بتدفعيلي حاجة من جيبك
لتخرج والدتها صباح علي صوتهم العالي من المطبخ
صباح : في اي صوتكوا عالي اي
محمود : خالي بنتك تقصر الشر وتديني حاجتي
صباح : في اي يا نهي انتي غاوية مشاكل علي الفاضي ما تديلوا حاجتوا
نهي : استني انتي يا ماما انتي مش فاهمه حاجة
صباح : طب ماتفهموني
محمود وهي يكسر اي شيئ تكمله يده : نهي هاتي الحاجة احسن
نهي : لا
وكأن بكلمها هذا أشعلت فتيل غضبة أكثر ليستمر في تكسير كل ما تطالة يدة مع استمرار صياحه وارتفاع صوته اكتر لتهبط زوجتة علي أثر صوته العالي وسماعها لأصوات أشياء تكسر
نيرة بخوف : في اي وايه الي كسر الحاجات دي
محمود : مالكيش دعوة واطلعي انتي فوق
بدء غصب محمود يزيد ليدخل في نوبه من المنتجات ليسقط علي الارض وهو يصرخ من الألم الي يفتك براسه لترتعب نيرة من رؤية زوجها بهذة الطريقه وكذلك نهي ووالدتها
صباح : محمود مالك يابني
محمود بضعف: هاتي الدوا عايز الدوا
صباح لبكاء: فين يابني وانا اجيب هولك بس قوم ومتحرقش قلبي عليك
ويشير بيدة لنهي الذي اضطرت في النهاية الي اعطاءه لها رأفه بحال شقيقها الذي ينهار أمامها فكان يجلس علي الارض يلتوي من الألم بالإضافة صوت صراخة لتعطيه له ليتاناوله من يدها بلهة ليأخذة بسرعه ليبدء جيدة بالتراخي رويدا رويدا ليظل مكانه علي الارضيه
نيرة : هو في اي ايه الي حصلوا لتتجه ناحيته ونسأله لاكنه لم يجيبها ليحاول الوقوف وتركهم ويصعد لشقتهم
نيرة: محمود استني وقولي اية الي حصل
ليتركها ويرحل كان يسير اشبه بإنسان الي متحرك لا يعي ولا يفهم ما يدور حوله
نيرة : هو في اي
نهي بعصبية: اي عندوا الزايدة والتعب فاض بيه وهو مش عايز يعمل العملية وبياخد مسكن اي عمرك ماشوفتي حد عندوا الزايدة بقولك اي اطلعي ورا جوزك انا من نقصاكي
لتنظر لها نيرة بغضب وتتركها وترحل
ليمسكها والدتها من زراعها
صباح : بقولك اي كلام الزايدة والكدب الي قولتيهولها دا لو هي هبله وبتصدق فأنا لا الدوا دا اي وليه مكنتيش عيزا تديهولوا دا مش شكل واحد عندو الزايدة
نهي : عندك حق عشان دا شكل واحد شمام ابنك شمام ومدمن ارتحتي انا كنت شاكة في الدوا دا والطريق الي كان بيخبيه بيها وشكل الراجل الي ادهولهوا والي حصل دا اكد لي شكوكي
صباح وهي تجلس بضعف علي اقرب اريكه بعدما استمعت الي هذا الكلمات القاتله : يلهوي يا كسبتي وتعمل اي وهنتصرف ازاي
نهي: مراتوا مش لازم تعرف
صباح  : احنا لازم نكلم اخوكي هاني لازم نعرفه عشان يرجع ويبقي معانا
نهي : هو النزول من برا سهل كدا ولا هو هيرضي يسيب شغلوا
صباح : ما يولع الشغل مش لازم يبقي جمب اخوه وكمان احنا مينفعش نكون لوحدنا في المصيبة دي انتي تكلمي وتعرفية وتحليل يرجع في اقرب وقت ومتقولش حاجة لكريم
نهي : وهي دي حاجة تتقال
***************
**********************
في الجامعه كانت يارا تجلس هي ونورين لينضم إليهم اصدقاءهم 
ليبدء كلاهما في تناول طعام الافطار لتلاحظ يارا شرود رانيا صديقتها
يارا : مالك يا رانيا في اي
رانيا: انا كويسة مفيش حاجة
نورين: كويسة اي قولي الكلام دا لحد تاني بقي رانيا الي مبتبطلش كلام قاعده كدا ساكتة وبتاكل في صمت احكي يالا بسرعه ومتقوليش مفيش دي
رانيا بتنهيدة : هيكون في اي يعني غير الأستاذ أسامة
نورين : انا قولت كدا ماهو مفيش حد بيعكنن عليكي غيروا
يارا : هو اي الي حصل
رانيا : مامتوا كانت عندنا النهاردة وكالعادة بتحكي عن مشاكلوا وكدا
نورين : ما انتي الي هبله بتحبي واحد جاركوا في صمت وهو ولا حاسس بيكي ولا معبرك وكل يوم بيكلم واحدة شكل انتي مسلفه كرامتك لحد مش عارفه بتحبي فيه اي
يارا: بالراحة يا نورين الكلام مش كدا هي مامتوا قالت اي
رانيا : بيسهر لحد الصبح وبيكلم بنات 
يارا : طب ما انتي عارفه كل دا
رانيا : عارفه الزعل لما اسمعوا نفسي يبطل كل دا ويحبني ويبقي انسان كويس
نورين : عايزا بحبك انتي اصلا ازاي تفكري في واحد ذي دا صلاة مبيصليش صوم مبيصومش في السهر والشرب أستاذ ورئيس قسم ازاي عيزا ترتبطي  بواحد علاقتوا بربنا كدا ما بالك علاقتوا بيكي هتبقي عاملة ازاي
يارا : نورين بتكلم صح انتي مش كدا عشان تعلقي نفسك بواحد كدا لازم قلبك لما يدق يدق للي شبهبوا وعشان كدا عيزا اقولك انك مش بتحبيه
رانيا : لا طبعا بحبوا
نورين: لا يا رانيا القلب بيميل للي شبهوا للي يحس بيه ويطبطب عليه انما دا ممكن تسمية اعجاب بشكلوا عربيتوا وظيفتوا كمحاسب اعجاب وهمك انك بتحبيه كلامي تعلقي قلبك بيه بس صدقيني لو قلبك لقي ا الي يهتم بيه يقف جمبوا الي تحسي بالامان معاه صدقني هيدق عشانوا
رانيا : بس انا بفرح لما بشوفوا حتي بالصدفه
يارا : هو الحب بيحصل ازاي لما يكون الشخص مهتم بيكي محسسك انك رقم واحد في حياتوا وبيهتم بكل حاجة تخصك اه ممكن لما تشوفي حد كذا مرة بتبدءي تميلي ليه بس بيحصل حب بالاهتمام لاكن دا مش شايفك اصلا
نورين : صدقيني اصعب حاجة انك ترهني قلبك لحد مش حاسس بيكي ممكن تكوني بتحبيه بس نصيحه انتي تستاهلي حد احسن من كدا حد يكون محافظ علي قلبوا ليكي ذي ما انتي محافظة علي نفسك وقلبك حد تكوني انتي اول حد في حياتوا حد يبقي مش شايف غيرك انما دا حتي لو اتجوزك هيفضل ذي ماهو بالعكس انتي كمان مش هتبقي واثقة فيه وتتبقي حاسه انو بيخونك
يارا :  الطيبون للطيبات والخبيثون للخبيثات يعني كل واحد قلبوا بيكسل للي شبهبوا واكيد قلبك الابيض هيحب قلب ابيض شبهوا بذمتك بقي اسامه دا قلب ابيض
رانيا : لا
يارا : طب قلب خبيث
رانيا : اه
يارا : وانتي قلب خبيث
رانيا : لا الحمد لله
يارا : يبقي مبتحبيهوش لأنك مش شبهوا او ممكن تكوني حبيتيه بس حب لسا ف الأول تقدري تنسيه لما متفكريش فيه وتبعدي عن اي حاجة تشغلك بيه انتي تستاهلي حد احسن من كدا حد يراعيكي حد ميكونش غلط وكما تدين تدان ترضي انو افعالوا تترضلك في بناتك
رانيا : لا طبعا
يارا : يبقي تدعي ربنا يرزقك الحب الحلال الي يريح قلبك مش تبقي عايشة معاه ويجي يخرج تبقي شاكة هو خارج مع مين لا حد ياخد بإيدك لأحسن
احست رانيا بالراحة بعد كلامهم وقررت أن تستخير الله في هذا الأمر وان تبعد ذهنها عن كل مايخصه ولا تفكر فيه ثانية
نورين : يالا نطلع المدرج نشوف حد امتحن نعرف منوا الأسئله
يارا : يالا
ليغادورا الي المدرج الخاص بهم
****************************
عادت نهي الي منزلها وقررت محادثة اخيها قبل عودة زوجها ليقرر العودة سريعا لتبدء في تحضير طعام الغداء لحين عودة زوجها
لتنتهي من إعداد الطعام لتجد كريم قد عاد
نهي : انا جيت بدري يعني
كريم : مكنش فيه شغل كتير قولت اجي
نهي: طب انا خلصت اجبلك الغدا
كريم : ماشي روحتي لمامتك
نهي : اه
كريم : امال فين الحاجات الي انتي اشترتيها
لا تذكر نهي بأنها قد نست الذهاب السوق بسبب رغبتها في التحدث مع أخيها قبل عودة زوجها
نهي : لا انا مروحتش هبقي اروح بكرا
كريم : مش مشكلة
نهي : انا هقوم افرغ علي ما تغير هدومك
*********************
في الشركة التي يعمل بها حمزة
أراد حمزة ان ينتهي من عمله سريعا حتي يلحق موعد خروج يارا من الجامعه
حمزة : بقولك اي يا ياسر انا هروح النهاردة بدري
ياسر: ليه
حمزة : خارج مع يارا
ياسر: هو انت حددت معاد الفرح
حمزة : اه كمان يومين
ياسر : المفروض كنت تعرفها اكتر انت اتسرقت في حكاية الجواز
حمزة : حكاية اية الي اتسرعت فيه دي بنت عمي وانا الي مربيها مش محتاج اعرفها
ياسر وهو لا يريد أن يشعر حمزة بأنه قد علم بالصدفه من قريبته صديقه يارا بالجامعة عندما كان يجلس معها وأخبرها عن صديقه حمزة وان خطيبته تدرس معها في نفس الكلية لتخبرها عن قصتها مع محمد وأنهم كانت بينهم قصة حب لسا قال : قصدي يعني انك في شهر خطبت وهتجوز فكان قصدي تخدوا راحتكوا في الخطوبة
حمزة وهو يغادر: لا متقلقش
************************
انتهت يارا من يومها الجامعي لتعود الي منزلها ولاكن في الطريق وجدت سيارة حمزة تقف أمامها
حمزة : اي دا انتي خلصتي
يارا : اه مانا قيلالك هخلص ٣
حمزة : اي دا بجد انتي قولتي
يارا : اه
حمزة : اكيد انا ناسي انا خلصت وكنت بتشرب حاجات وكنت قريب كويس اني قابلتك
يارا : وفين الحاجات الي انت اشترتها
حمزة : هاه
يارا : بقولك فين الحاجة عيزا اتفرج
حمزة : بتقولي جعانه وانا كمان يالا نروح نتغدي في اي مطعم
يارا : لا والله شكلك لسا قابض وناوي تخلص المرتب كلوا ع الخروجات
حمزة : ياستي بكرا نتجوز ولا هيبقي في خروج ولا مطاعم ف استغلي الفرصه
يارا : يعني دول الخروجتين بتوع الخطوبة
حمزة : شاطرة
يارا : لا لو كدا ف يالا بينا
حمزة : يلا
ليغادر كلاهما الي أحد المطاعم من أجل تناول الغداء
*************************
يتبع ... العريس الهارب
بقلمي / خلود الديب