استيقظت يارا من نومها علي هزات لتفتح عينها لتجدها صديقتها نورين
يارا بنعاس: اي عايزة اي وايه الي جايبك علي الصبح كدا
نورين : قومي يا هانم النهاردة حنتك دا مش وقت نوم
يارا : ايوا يعني اعمل اي
نورين :- قومي بس كدا وانا هقولك
يارا : اديني ربع ساعه كدا او ساعتين تلاته انام وبعدين اصحي
نورين : ولا ثانية يا اما هتلاقي شفشق الميه دا بيصبح علي وشك
يارا : خلاص قومت يخربيت رخامتك يا شيخة
نورين: ناس متجيش غير بالعين الحمرة
لتتركها نورين وتخرج للخارج لتجد نجاه والدة يارا تعد الفطور لتذهب لمساعدتها
نورين ؛ اعمل مع حضرتك حاجة
نجاه : لا يا حبيتي روحي ارتاحي انتي معايا عليكي يارا وتعبك معاها ووقفتك جمبها
نورين بصدق : ولا تعب ولا حاجة ربنا عالم انا بعتبر يارا ذي نغم وندي اخواتي
نجاه ؛ ربنا يخليهملك يا حبيتي
نورين : اعمل مع حضرتك اي ما هو مش هسيبك تعملي لوحدك
نجاة : هو مفضلش غير دور البطاطس الأخير دا
حمرية وخلاص وخالي بالك من الزيت
نورين: حاضر
لتأخذ كمية من البطاطس وتقوم بوضعها في إناء مليء بالزيت الساخن لتضعه فيه برفق
لتخرج يارا من غرفتها وتتوجه لهم في المطبخ
يارا : صباح الخير يا مامتي
نجاه: صباح الخير علي احلي عروسة
يارا : بتعملي اي يا نورين مش عايزين مصايب في المطبخ علي الصبح
نورين: انتي شايفه اي بحمر بطاطس
يارا: طب حمريها كويس واعملي جبنه بطماطم عشان بحبها
نجاه : بس يا يارا دا بدل ما تعملي بدالها
يارا : يا ماما هي نورين غريبة دي صحبه بيت انا هروح احط العيش
نورين: كتر خيرك والله
لتخرج يارا الصاله لتجد شقيقها فارس قد استيقظ
فارس : اما انتي هنا مين الي مع امك في المطبخ
يارا : دي نورين
فارس : بتقولي مين
يارا : ايه انت أطرش بقولك نورين
فارس: لمي لسانك لقطعهولك وتبقي اول عروسة من غير لسان هي بتعمل اي في المطبخ
يارا : معرفش
فارس وهو يمسكها من ثيابها : انتي هتقولي ولا لأ
يارا وهي تبعد يدة: هقول دا حمزة هيرحمني منك
أنت تقرأ
العريس الهارب
Narrativa generaleأوهمها بحبة الافلاطوني لها ووعدها بالزواج ليأتي هذا اليوم وتنتظرة كثيرا وتتفاجأ بأنة قد تركها وهرب
