العريس الهارب

الفصل الثامن

عادت نيرة الي منزلها بعد عناء البحث علي عمل ولاكنها لم تجد لاكن لم يتمكن منها اليأس وقررت البحث مرة اخ ي من أجل الحصول علي عمل

والدتها:عملتي اي يا نيرة لقيتي شغل

نيرة وهي تجلس علي المقعد بتعب: لأ

والدتها:طب وهتعملي اي في مصاريفك وابنك الي اللبن بتاعوا ميعملش غير رضعتين وانتي الفلوس الي معاكي خلصت

نيرة:معرفش يا ماما بس اكيد ربنا مش هيسبنا وهيحلها من عندوا

والدتها: ونعمه بالله يا بنتي

ليقطع حديثهم طرقات علي باب منزلهم

نيرة:انا هقوم اشوف مين

والدتها: خليكي انتي جاية تعبانه من اللف

لتقوم والدتها بفتح الباب لتجد حماه ابنتها هي من كانت تطرق الباب لترحب بها وتدعوها للدخول

والدة نيرة: أهلا يا ام محمود اتفضلي يا حبيبتي دا البيت نور بيكي

حماه نيرة؛ تسلمي يا حبيبتي البيت منور بصحابوا

والدة نيرة: اتفضلي ادخلي

لتصطحبها للداخل حيث تجلس نيرة لتتفاجأ نيرة من وجود حماتها فهي المرة الأولي التي تأتي فيها لمنزلهم أثناء غضبها من ابنها

نيرة وهي تصافحها: أهلا يا ماما منورة تعالي اتفضلي

حماتها: البيت منور بيكي بس عندنا مضلم

نيرة: منور بيكي وبي نهي لتضغط علي كلمتها الأخيرة عند نطقها

حماتها: وهينور اكتر لما ترجعي يا بنتي انا جيالك وعشمانا انك ترجعي انتي عارفه نهي طول عمرها عصبيه بس جوزك مالوش ذنب هو معملكيش حاجة ومقالكيش امشي

نيرة: لو كان موجود كان هيمشيني عادي

حماتها : يا بنتي ربنا يهديكي طالت ولاقصرت مسيرك هترجعي لبيتك وانا جيتلك ومش عيزاكي تكسفيني

والدة نيرة؛ معاش ولا كان الي يكسفك يا ست ام محمود ومجيتك علي راسنا ونيرة ذي بنتك وهي عارفه مصلحتها وهترجع تنور بيتها

لتنظر نيرة الي والدتها بغضب وكادت ان تتحدث

لتقاطعها والدتها : معلش يا ام محمود بس عيزا نيرة في كلمة كدا البيت بيتك يا حبيبتي

ام محمود : ولا يهمك يا حبيبتي خدي راحتك

لتذهب نيرة بصحبة والدتها الي احدي الغرف

نيرة بغضب: ايه الكلام الي انتي قولتية دا

والدتها: الي سمعتية

نيرة : بس انا مش هرجع

والدتها:لا هترجعي الست جات لحد عندك عيزا اي تاني