أردف إلياس بمكر : معرفش يا جدي .. بس أكيد بتحب واحد طالما رفضاني
رد كاظم بتهكم جلي : أنا اللي رافضك .. مش آمنه
رفع كل من هارون وإلياس نظرهم الي كاظم الواقف بجوار طاولتهم ليتابع بنبرة حدة : لو آمنة جاتلي وقالتلي أنا موافقة وعاوزة اتجوز إلياس انا اللي هرفض
جز إلياس علي أسنانه بغضب وهمس بجدية : اللي تشوفوا يا ابن عمي
جلس كاظم علي المقعد الثالث ثم هدئه جده : أهدي يا كاظم الكلام اخد وعطا
رمق كاظم ابن عمه بتهكم : عاوز جدي في كلمتين لوحدنا
زاد احتقان وجه إلياس ونهض من الطاولة بغضب لينظر هارون لحفيده بفضول : سامعك يا كاظم
زفر إلياس ثم نطق بهدوء : ايه سبب مشاكلك مع عيلة خباب
أغمض هارون كلتا عينيه ثم تابع بنفاذ صبر : مافيش مشاكل بينا
غير كاظم السؤال بجدية تامة : طب ليه سامحتهم لما بشير ساعد آمنة
لم يجد هارون اي أجوبة مقنعة ليستطرد بتعلثم : آآ .. عادي يعني
ثبت كاظم نظره الي جده بأصرار ليقول بجدية : لا مش عادي .. أنت ديما بتكره عيلة خباب .. قبل كده أبويا قالي إنك كنت صاحب معمر وحصلت مشكلة بينكم بعدت المسافة .. ايه هي بقا المشكلة
أطرق هارون رأسه أرضا ثم قال بملل : ماسألتش صاحبك ليه .. يمكن يكون جده قاله عليها
مط كاظم شفتيه بغيظ : ما هو قاله بس معمر رفض يقولي عشان وصية جده ليه
رفع هارون رأسه بدهشة : ليه ؟!! .. وايه هي وصية معمر الكبير ؟!
رد عليه بضيق وهو يمسح علي وجهه : قاله زي ما انا قولتلك سبب المشكلة .. جده هارون هو اللي بنفسه يقولها .. ها يا جدي .. ايه سبب كرهك لعيلة خباب
تنهد هارون بتعب ليعيد تذكره بسبب الشجار ، نظر لحفيده ثم قال بنبرة هادئة ممزوجة بألم حنين : أنا ومعمر كنا أصحاب من وأحنا صغيرين .. زيك انت ومعمر حفيده بالظبط .. فضلنا أصحاب لبعد ما اتجوزنا وخلفنا .. في يوم معمر صارحني إنه عاوز يعمل مشروع عسل النحل بس مش لاقي مكان .. فكان هيشتري أرض ..وأختارها واتفق هو والراجل علي سعر .. لما جمع المبلغ للراجل كانت الأرض في حد أشتراها
قاطعه كاظم بإنتباه : طب وانت دخلك ايه .. وفين سبب المشاكل بينك وبينه
