Unicode
(အလယ်နားရောက်ရင် Asher Manoreရဲ့ Warm winter nightလေးနားထောင်ပြီး ဖတ်ဖို့အကြံပေးပရစေ။)
ဘယ်ကိုသွားမယ်ဆိုတာကို သေချာပြောခဲ့တာတောင် လာမခေါ်သေးသောယောက်ျားဖြစ်သူကြောင့် ဂျောင်ဆူးနှုတ်ခမ်းဆူချင်လေပြီ။
နာရီတကြည့်ကြည့်နဲ့ ဧည့်ခန်းထဲခေါက်တုံခေါက်ပြန်လျှောက်နေသောသူ့ကို မိဘအိမ်ကိုအရံဟင်းလာယူသောချန်ယောလ်အမကကြည့်ပြီးပြုံးစိစိ။
ချန်ယောလ်ကိုစိတ်ဆိုးတယ်ပြောပြီး တမျှော်မျှော်လုပ်နေသော ဂျောင်းဆူးလေးကိုစချင်လာသည်။
"ဂျောင်ဆူးရယ် အရင်တည်းကအမပြောသားပဲ အိမ်ထောင်ပြုမယ်ဆိုလူသေချာရွေးပါဆို။ ခုတော့လူရွေးမှားလို့ တစ်လျောက်လုံးဒုက္ခရောက်တော့မယ် ဂျောင်လေးကတော့။"
သူ့ကိုထိုင်ခုံမှာထိုင်ခိုင်းပြီး အမကဆုံးမနေတာကြောင့် ဂျောင်ဆူးမှာလည်းခေါင်းတငြိမ့်ငြိမ့်။
"ဒီနေ့တော့ဒီမှာပဲအိပ်လိုက်ပေါ့ဂျောင်လေးရယ်။ အဲ့ကောင်စုတ်လေးကိုမှတ်လောက်အောင်ပြစ်ထားလိုက်စမ်းပါ။"
"ကျွန်တော်လည်းဒီညဒီမှာအိပ်မှာအစ်မ။ သူဒူးထောက်တောင်းပန်ရင်တောင် လုံးဝလုံး၀ပြန်မလိုက်ဘူး။။"
လာခေါ်ချိန်တန်နေတာတောင်လာမခေါ်၍ ဂျောင်ဆူးဒေါသတို့နှစ်ဆတက်တော့သည်။
"ကောင်းတယ်။ အဲ့ဒါမှနောက်အဲ့လိုမလုပ်ရဲမှာ။ ဒါနဲ့ချန်ဆူးလေးကရော ဂျောင်လေးမရှိတော့အဆင်ပြေပါ့မလား။"
"အမလေးအမရယ် အဲ့သားအဖနှစ်ယောက်ကတစ်ပုံစံတည်း။ အဲ့အကောင်ပေါက်လေးက ကျွန်တော့်ထက်သူ့Daddyမှသူ့Daddy။"
ချန်ယောလ်အမေကပါ သူတို့စကားပြောတဲ့နားကိုလျှောက်လာသည်။
"မား ပြောသားပဲသားငယ်ရယ်။ ချန်ယောလ်ကိုအစတည်းကနိုင်အောင်ကိုင်ထားပါဆို။"
စိတ်ဆိုးနေတဲ့ သူယောက်ျားလေးကိုပြန်လာခေါ်ရင်း ဧည့်ခန်းထဲကသူ့အမနဲ့သူ့အမေဆီက ဂျောင်ဆူးကိုဆုံးမနေသံကြားရသည်။ အော်...မားမား....သားအမိချင်းသစ္စာဖောက်နေတယ်တဲ့လား။
