Under The Twilight Sky (KOV #3)

Tale Of Little Red Riding Hood

**************************

Aviery Louisse Cortez

Imbis na matutulog na sana ako kaagad pag baba ko sa sasakyan ni Mino ay kinausap pa ako nina mama atsaka papa, balak daw kase akong isama ni tita Tosia papunta sa San Nicolas. Hindi ko alam kung anong gagawin namin doon dahil hindi naman ako nakinig sa usapan nilang matatanda, tango lang naman ako ng tango kapag nag tatanong sila saakin. Inaantok na at wala pa akong pahinga, bonus na yung brokenhearted tapos kakausapin nila ako? Sa tingin ba nila makaka kuha sila ng matinong sagot mula saakin? Huwag na silang umasa, gusto ko ng matulog sa kama ko!!

Ngayon din kami mismo aalis, huwag na daw akong matulog at sa halip ay mag palit na lamang ng damit ngunit huwag ko daw munang alisin ang kolorete sa mukha ko. Hindi ako kumportable pero wala naman akong magagawa dahil utos iyon ni tita Tosia saakin, sa sasakyan nalang siguro ako babawi ng pahinga kapag dumating na ang susundo saamin. Nag suot na lamang ako ng pula na sweat pants atsaka crop top na hoodie, terno ito at kapwa parehas ang kulay na mayroong tig tatlong puting linya sa bawat gilid.

Naka ilang baso na ako ng kape pero inaantok pa rin talaga ako, buti pa si Mino natutulog na samantalang ako eto pa rin. Para na akong panda na naka make up dahil sa itsura ko ngayon, pwede naman kaseng mamayang umaga o tanghali na lamang umalis pero ayaw ni tita Tosia. Sa hotel room niya na lang daw ako mag pahinga, dalawang araw lang naman daw ako doon kasama niya. Ibabalik na rin ako sa linggo ng gabi bago siya bumalik ng ibang bansa, as usual wala akong magawa kaya hinayaan ko na lamang siya sa gusto niyang mang yari.

Kasalukuyan pa kaming nag hihintay ng limousine niya kaya kumain muna ako ulit matapos kong mag palit ng damit ko, hindi talaga ako kumportable kapag naka suot ng stilettos atsaka ball gowns. Tanggap ko na talagang hindi yon para saakin pero at least hindi ito nasayang, naka sayaw ko naman si Rylan tapos hinatid ako ni Mino pauwi kaya panalo pa rin ang gabi ko.

Wala na akong ibang magawa kung hindi ang mag scroll up and down sa social media account ko, pinost na nila ang mga picture na galing sa dance night event at naibuga ko ang kapeng mainit dahil sa nakita ko. May pahabol na hunting event ang ibang mga estudyante at hinahanap nila ako, naka post doon ang litrato habang nag sasayaw kami ni Rylan. Nakuha doon ang malaki kong peklat sa kanang balikat, buti nalang naka uniporme ako palagi kaya hindi na nila malalaman na ako ang babae sa likod ng pulang maskara.

Well tapos na ang dance night kaya ano pang sense na mahanap nila kung sino yon? Liligawan nila? Hindi ako interesado no, sayang lang ang oras ko kung ibang lalaki yon. Hindi bali sana kung si Mino pero malabo din naman yon kaya never mind, iilang tao lang naman ang nakaka alam ng tungkol sa malaki kong peklat kaya ligtas ako sa kaguluhan at katangahan ng mga kapwa ko estudyante ng ASM.

"Aviery hija? Let's go now, nandiyan yung sundo natin". Masayang anunsyo ni tita Tosia. Inubos ko na lamang ang natitira kong kape sa tasa atsaka tumayo ako sa kinauupuan ko, nag paalam muna ako sa mga kapatid ko pati na sa mga magulang ko bago ako tuluyang lumabas ng pintuan namin.

Isang magarang limousine ang naka parada sa harapan ng bahay namin, buti na lamang at tulog pa ang mga kapit bahay dahil kung hindi ay siguradong chismis nanaman ang aabutin ng buong pamilya namin. Alam nilang nasa ibang bansa si Tita Tosia pero hindi nila alam na pag mamay ari na nito ang eskwelahang pinapasukan ng mga anak nilang tarantado at kulang sa mga aruga, marahil magugulat din silang lahat na walang ideya dahil ganon din ang naging reaksyon ko nung ipinaliwanag at ipinaalam saakin ni tita Tosia ang tungkol doon.