[الاثـر] بـهـرة الـشـيـذبـان

بـارتـ ___14___

تمد ضلك عليه وخل أمن بيك
واجبر خاطري ال من ساعته مصدع

عطا السعيدي

______________________________
رفعت وجهه بأيدي

جانت ملامحها طفولية.
حيل

رأساً دفعت ايدي وكامت.

ماجانت نيتي غير شي
بس َماعرف شصار.

ابتعدت واني هم لزمت التلفون وضليت اكلب بي.
لحد مااتصلت دعاء.
عرفت العشه كمل..

باوعت عليها جانت مندمجه ويا التلفزيون.

حجيت
_يلا ننزل نتعشه.

_شلون انزل وبهاي الدشداشه.؟

_وليش معاجبتج؟

_شدخل هاي بهاي وخطاركم وامك شلون؟

_كومي لفي شالج.
وضلي بلدشداشه ويله

_اني ماالبس شال؟

_منه وهيج تلبسين!

_اي الله كريم انزل وحدك ماريد اكل اني.

_متأكده؟

_اي

_يلا بكيفج اني نازل

_عبير_

راح فتح لباب ردت اطلع وره ميته جوع..
ماتحملت لبست دشداشه صح ضيكه بس مو كلش..

خليت كحل وحمره خفيفه من الجابتهن.
دعاء.
ولفيت الشال ونزلت.

لكيتهم بالصالة..
كاعدين ع طاولت طعام مو بلكاع

وعمر مترأس الطاولة..
من شافني حسيته حيل ضايج

وضل يفرك برأسه.
ابتسمت وسلمت

ردت دعاء وواحد من الولد
والباقين ع الوضع الصامت

ومحد حجه
جريت كرسي وكعدت بصف عمر

جان مقدم ظهرهه وأيده ع راسه
رجع وحجه بصوت ناصي

_انتي مو كلتي ماريد ليش نزلتي.
وشنو هل دشداشه والمكياج بس نصعد اني اعلمج
شلون يصير العناد

ابتسمت وهزيت راسي
وبديت اكل..

واكو واحد بيهم ضل ياكل وصافن
عليه وعمر عينه عليه حتى ما اكل

ضل واحد يباوع ع الثاني واني مندمجه
بلأكل ودعاء تحط كدامي وتضحك

كملت وردت اكوم اغسل وعمر حجه
بصوت ناصي

_رجعي كعدي بمكانج احسلج

رديت بدلع
_شبيييك حبيبي غير ايدي وصخه وداريد اغسل

هذا الي جان يباوع ابتسم وحجه بمكر
_شبيك حبيبها خل البنيه تغسل؟

عاط بوجهه
_عاااار انته لتدخل لا اخلي النعال بحلَََكَك عرض وطول ساقط
وباوع عليه وصاح..