[الاثـر] بـهـرة الـشـيـذبـان

بارتـ 38

كُنت أداوي خَدش إصبعهُ وكلتا يديّ مجروحتان.
_____________________________________

شدن.....؟

صديت وجهي بمجرد سمعت صوته
اتقرب ولزمني من أيدي

وكال
_انتو كملوا طريقكم اني راح ارجع شدن للبيت!

حجه عمر-
_خويه بهداي بعدها صغيرة

ابتسم وجر ايدي ومشه.
وحجه بصوت ناصي!

_اني اعلمج

شفتهم يمشون وجنت بس اريد اروح وياهم؟

عبير_
وصلنه ودخلنه البيت جان مرتب
وحلو كلش عمر ما دخل ضل واكف برا
واحنى كعدنه!

جنت متصوره مثل مااشوف بلأفلام
طاسه جبيره ومي وبخار
لأن اول مرة اشوف هيج..

طلعت مره جبيرة بالعمر
عادية وعدها أطفال وبنات كبار
وولد وعادي مو مثل مجان أبالي..
هيج.

سلمت ع نور وعلينه
اني كبل كعدت. ما ماتحملت!

وكبل حجت نور!

_شوفي حجيه البنيه هاي
جانت حامل. وكل ما تحبل تسقط
وهسه هيا حامل

بس ياحجيه وجع ومايعرفون سببه
وما تكدر تتحرك

وهسه جبناها الج نريد نعرف علتها
لأن الدكاترة تكول مابيهَا شي!

حجت وهيا مبتسمه.
_أن شاء الله خير ومابيها شي
هسه اقرة الها آيات قرأنية
وبأذن واحد أحد نوكع ع العلة

اجتي كومتني
من مكاني وكعدنه بنفس الغرفة بس بعيد عنهم

باوعت عليه وكالت
_ماما لا تخافين ما بيج شي وذا بيج فكلشي يم الله خوش هسه راح اقرة الج آيات ونشوف؟

هزيت راسي الها وهيا خلت ايدها ع راسي
وبدت صوتها ناعم كلش وحلو بتلاوة القرءان.

ضلت تقرة بس حسيت بشي غريب
حسيت بطني شي يتحرك بيها

لزمتها بقوة واني ادعي بكلبي
انه ما يوكع مثل كل مره ودموعي نزلت

ضلت تقرة واني ع نفس حالتي
حسيت الحركه زاادت بس ما بتعدت
عنها وكل دعائي جان

_يارب ما يوكع مثل كل مره يارب!

كملت وسحبت ايدها وحجت!

_البنيه عدها تابعة وقويه حيل
وهوا لسبب بـ سقوط
لهذا لازم تتعالج

حجيت ودموعي ع خدي
_زين شلون راح أضل ع هل حاله؟

_اي حبيبة لحد ما تروح هل تابعه
بلعلاج بس صبر وخلي ايمانج بالله جبير

_زين خاله وطفلي هم راح يوكع؟

_بأذن واحد أحد راح يجي ويملي حضنج
مدام وكعنه ع العله أن شاء الله سهله