[الاثـر] بـهـرة الـشـيـذبـان

بارتـ 26...

ليش من گُتلك
بِساتين البروحي تِريد فيّك عانِدتني
وليش من گُتلك
وطن بيك الگة روحي غَربتني
______________________________

بعد مرور سنة.....
عام 2012/7/5...

يوم الخميس قبل يوم من شهر رمضان!

جنت نايمه وفاتحة رجلية وادية!
والتعب يقرة الف
كد ما اشتغلنه بلبيت من السطح لأحد باب الشارع
هلكنه اني وهل دعاء.

جو الغرفة والسبلت مشتغل
اني ووصخي نمت من التعب!

شوية وانفتحت لباب
راسي شوية وصحت

_دعاء صخمااااان ابنج تعاي اخذي
كل شوية فاتح لباب
اريد انطمر شوية

اجتي شالتة وحجت
_عبورة ونبي اني هم تعبانه أنوب
احس نفسي راح اكع من طولي وظهري يوجعني
موتني من الوجع

خلي يمج امانه لأن رعد اليوم ينزل
مجاز يومين ويصعد مره ثانية
وأريد اجهز نفسي سويها لله يولي

باوعت عليها بتك عين
_بعد مدي ايدج وكولي أرملة وعندي خمس جهال
جيبي جيبي وهوا يوم مبين بدايتة ما يبشر بخير
جيبي خل انومه وروحي شوفي شغلج

اجتي ولضحكه مالية وجهه
_ولج انتي لو منج ثنين جان خرب العراق
والله نومي زين وغطي
يله

_هاي فوكاها

_نجبي لج ومسوية فضل يعني
لمهم عمر شوكت ينزل

_ما خابرته اليوم كال بلتدريب
وعدهم شغل ومدري شنو فعفته ع راحتة
بس اكعد اخابرة

_خوش اني اروح

راحت وخليت ابنها بحضني
جان مدلل وشبهه مخبل
وحيل وكع وعنودي..

بس محبوب ولسانه يمه منه
بس من عمر يخاف.
لأن ما ينطي وجهه ويسكت يمي
لأن كل شوية أكله عمر راح يجي

لحد ما نام واني هم من التعب غفيت!
.

كعدت على صوت أيهم ابن دعاء
يضحك..

فتحت عيوني ع كيف لأن نعسانه
وبس اريد اعرف منو ديضحكه..

فتحت عيوني لكيته حاطة ويلعب بي
حجيت

_عمورتي شوكت أجيت

صد وجهه علية
وابتسم

_روح عمورتج أجيت قبل شوية اني ورعد
سبحت واكلت وأشكال سويت وانتي نايمه
شهل نوم هذا؟

_اني اغفي واحجي كوه

_مو عمتي اليوم سوت النه
حملة من ساعة 7الصبح
ماخلينه ما غسلنه
شوية ونطلع لبيت الجيران نغسل البيت الهم
يبووو متت والله

حتى ما سبحت كبل نمت اني ووصخي

ضحك وعاف أيهم وحضني
وكال

_هوا كل وصخ هيج ريحته تخبل لو بس انتي؟

_لا بس اني

ضحك وابتعد عني
_اني راح هذا الساقط وانزل جوا كملي نومتج
من تكعدين نتفاهم