[الاثـر] بـهـرة الـشـيـذبـان

بارتٓـ 18.

" بيه صفنة،
تروح يم عِتبة گلبهم
هسه حنوا؟
لا بعدهُم
يمكن يهزهم حَنين!
وأرجع بفشلة ظِنوني
والصَدى بخطواتي أحسه
يغنّي بيه تايبين! "
___________________________
(نرجع للماضي بسنة 2011❤️)

_خابرني رعد يصيح وبس كال اامي.
راح تموت مااعرف شلون كمت
بدون حجي فتحت لباب وركض

شغلت السيارة وبدون وعي صرت اتصل واسئل ع اسم المستشفى

سديت التلفون ومشيت بكل سرعتي
بس اريد اصل لأمي.

وصلت حتى ما قفلت الباب
نزلت لكيت منذر وعلي اخو ورعد

والوجوهه ما تتفسر
محد حجه بس اني استمريت بلسؤال عنها

رد منذر
_خالتي ضربتها جلطة وحالتها هسه احسن
طب شوفها احنى شفناها

باوعت ع رعد جان وجهه اصفر واطرافة ترجف
وبس صافن..

عفتهم وطبيت جانت دعاء يمها
باوعت عليه ابتسمت وطلعت

واني اتقدمت عليها
جانت نايمة جسمي كام يرجف وخفت الزمها
وللحظه رجعت كل ذكرياتي وياها وشلون عشنه
وشلون كدرت ترجعنه ع حيلنه

واني طلعت وعفتها وحدها
كعدت ولزمت ايدها
بستها

وسمعت صوتها تكول

_العمر حبيبي وليدي

كمت وبست رأسها
وحجيت.

_نور عيون العمر لتعبين نفسج وتحجين؟
اني يمج

باوعت عليه وحجت
_العمر تعوفني علمودها تعرف امك!

_لا وحق الحق واني العمر إذا عفتج مره ثانية

_طلكها ولا تجيبها لبيتي ماريدها!

_هسه كومي لا تدللين علينه كومي
نروح للبيت وهناك نحجي بكيفنه

صحت دعاء تلبسها عبايتها
وطلعت وكفت يمهم

حجه رعد بأرتباك
_اكلك شلونها اني خفت وما طبيت

ابتسمت إله وكتله
_زينة يخوي تدري بأمي تحب تدلل

طلعت وعافني ومثل الطفل حضنها
وكال

_كله من ورة العار عمر..

حجيت

_هاااااااا واكف ترااا واااكف

_نجب واكف مواكف اكسر راسك هم.

ردت دعاء وحجت بدلع
_رعوووودي اوي لتتعصب اخاف عليك عمري

عض شفته الها وهيا عود استحت

منذر_ياابه نضل واكفين يلا

جنت ناسي من حجه اتذكرت الصار

_انته شعندك هنا هاااا امشي من كدامي ترا اكمل عليك مال بارحة وانعل والديك

جرتني امي ومشينه واني عيوني عليه.
ورعد ودعاء ورانه